Lista ta' Siti ta' Wirt Dinji fl-Istati Għarab

Iċ-ċisterna ta' El Jadida.

Din hija Lista ta' Siti ta' Wirt Dinji fl-Istati Għarab, fil-Punent tal-Asja u fit-Tramuntana tal-Afrika, li jokkupaw medda estiża mill-Oċean Atlantiku fil-Punent sal-Baħar tal-Arabja fil-Lvant, u mill-Baħar tal-Mediterran. Fost l-Istati Għarab insibu l-Alġerija, il-Bahrain, l-Eġittu, l-Iraq, il-Ġordan, il-Libanu, il-Libja, il-Mauritania, il-Marokk, l-Oman, il-Palestina, Ġerusalemm (il-Palestina/Iżrael), il-Qatar, l-Arabja Sawdija, is-Sudan, is-Sirja, it-Tuneżija, l-Emirati Għarab Magħquda u l-Jemen.

Is-Siti ta' Wirt Dinji tal-Organizzazzjoni tan-Nazzjonijiet Uniti għall-Edukazzjoni, ix-Xjenza u l-Kultura (UNESCO) huma postijiet b'importanza kulturali jew naturali, kif deskritt fil-Konvenzjoni tal-Wirt Dinji tal-UNESCO, li ġiet stabbilita fl-1972. Il-wirt kulturali jikkonsisti minn monumenti (bħal xogħlijiet arkitettoniċi, skulturi monumentali, jew inċiżjonijiet), gruppi ta' binjiet, u siti (fosthom siti arkeoloġiċi). Il-wirt naturali jinkludi karatteristiċi naturali (li jikkonsistu minn formazzjonijiet fiżiċi u bijoloġiċi), ġeoloġiċi u fiżjografiċi (inkluż il-ħabitats ta' speċijiet mhedda ta' annimali u pjanti), u siti naturali li huma importanti mill-puntdivista tax-xjenza, tal-konservazzjoni jew tas-sbuħija naturali.

Siti ta' Wirt Dinji

Is-Siti ta' Wirt Dinji tal-Organizzazzjoni tan-Nazzjonijiet Uniti għall-Edukazzjoni, ix-Xjenza u l-Kultura (UNESCO) huma postijiet b'importanza kulturali jew naturali, kif deskritt fil-Konvenzjoni tal-Wirt Dinji tal-UNESCO, li ġiet stabbilita fl-1972.

NB: * Siti transnazzjonali (bl-ikħal)

Sit	Stampa	Post	Kriterji tal-Għażla	Erja f'ettari (akri)	Sena tad-deżinjazzjoni	Deskrizzjoni
Al Qal'a ta' Beni Hammad		Provinċja ta' M'sila, l-Alġerija35°48′50″N 04°47′36″E	kulturali: (iii)	150 (370)	1980	F'pajsaġġ muntanjuż ta' sbuħija straordinarja, il-fdalijiet tal-ewwel belt kapitali tal-emiri Ħammadidi, stabbilita fl-1007 u mġarrfa fl-1152, jagħtu stampa awtentika ta' belt Musulmana ffortifikata. Il-moskea għandha sala tat-talb bi 13-il korsija u tmien niċeċ li hija waħda mill-ikbar fl-Alġerija. Il-Forti (Al Qal'a) ta' Beni Hammad tinsab qrib ir-raħal ta' Maadid (magħruf ukoll bħala Maadhid), li jinsab madwar 225 kilometru (140 mil) fix-Xlokk tal- Alġier.
Djémila		Provinċja ta' Sétif, l-Alġerija36°19′14″N 5°44′12″E	kulturali: (iii)(iv)	31 (77)	1982	Djémila (qabel magħruf bħala Cuicul) kien raħal Ruman f'pajsaġġ muntanjuż, li jinkludi forum, tempji, bażiliki, arkati trijonfali, binjiet reliġjużi u strutturi oħra, kollha kemm huma adattati għall-pożizzjoni ta' 900 metru (3,000 pied) 'il fuq mil-livell tal-baħar.
Kasbah tal-Alġier		il-Provinċja tal-Alġier, l-Alġerija36°47′00″N 3°03′37″E	kulturali: (ii)(v)	50 (120)	1982	Il-Kasbah tal-Alġier hija belt Iżlamika unika mal-kosta Mediterranja. Fiha l-fdalijiet ta' ċittadella, moskej Medjevali u palazzi Ottomani.
Wied ta' M'zab		Provinċja ta' Ghardaïa, l-Alġerija32°29′00″N 3°41′00″E	kulturali: (ii)(iii)(v)	4,000 (9,900)	1982	Il-ħabitat uman tradizzjonali intatt inbena madwar ħames ksour tal-Wied ta' M'zab fis-seklu 10 mill-Ibaditi.
Tassili n'Ajjer		Provinċji ta' Illizi u Tamanrasset, l-Alġerija25°30′00″N 9°00′00″E	imħallat: (i)(iii)(vii)(viii)	7,200,000 (18,000,000)	1982	Tassili n'Ajjer huwa promontorju vast fit-tarf tas-Saħara li fih iktar minn 15,000 inċizjoni fl-għerien li jirreġistraw it-tibdil fil-klima, il-migrazzjonijiet tal-annimali, u l-evoluzzjoni tal-ħajja umana, u li jmorru lura għas-6,000 Q.K. għall-ewwel sekli W.K. Is-sit huwa magħruf ukoll għall-formazzjonijiet tal-ġebel ramli msawra bl-erożjoni.
Timgad		Provinċja ta' Batna, l-Alġerija35°27′00″N 6°38′00″E	kulturali: (ii)(iii)(iv)	91 (220)	1982	Stabbilita mill-Imperatur Trajanu fil-100 W.K. bħala kolonja militari, Timgad hija kkaratterizzata minn toroq cardo u decumanus, li jikkostitwixxu eżempju tipiku tal-ippjanar tal-bliet Rumani.
Tipasa		Provinċja ta' Tipaza, l-Alġerija 36°32′00″N 2°22′00″E	kulturali: (iii)(iv)	52 (130)	1982	Tipasa, li qabel kienet ċentru kummerċjali Kartaġiniż, inħakmet mir-Rumani u ġiet ikkonvertita f'bażi militari. Is-sit joħroġ fid-dieher ukoll influwenzi Paleo-Kristjani u Biżantini.
Tumbati Funebri ta' Dilmun		Governorat tat-Tramuntana, il-Bahrain26°8′59″N 50°30′46″E	kulturali: (iii)(iv)	7006168450000000000♠168.45 (416.2)	2019	It-Tumbati Funebri ta' Dilmun jinsabu fin-naħa tal-Punent tal-Gżira ta' Bahrain u jmorru lura għal żmien Dilmun u l-kultura ta' Umm al-Nar. Inbnew bejn l-2050 u l-1750 Q.K. u jinkludu 21 sit arkeoloġiku b'iktar minn 11,000 tumbata funebri u 17-il tumbata rjali mibnija bħala torrijiet funebri ta' żewġ sulari.
Qal'at al-Bahrain – Port Antik u Kapitali ta' Dilmun		Governorat tat-Tramuntana, il-Bahrain26°13′59″N 50°31′38″E	kulturali: (ii)(iii)(iv)	7005320000000000000♠32 (79)	2005	Qal'at al-Bahrain kienet il-belt kapitali taċ-ċivilizzazzjoni ta' Dilmun, u hija xhieda tal-okkupazzjoni umana kontinwa mill-ħabta tal-2300 Q.K. sal-preżent. Fil-quċċata tas-sit hemm forti Portugiż.
Ħsad tal-Perli fil-Bahrain, xhieda tal-ekonomija ta' gżira		il-Bahrain 26°14′28″N 50°36′49″E	kulturali: (iii)	7008350870000000000♠35,087 (86,700)	2012	Is-sit jikkonsisti minn binjiet f'Muharraq, meded tal-gajdri, segment tal-kosta u fortizza, u huwa xhieda tat-tradizzjoni tal-ħsad tal-gajdri li kien jiddomina fil-Golf tal-Arabja mis-seklu 2 sal-bidu tas-seklu 20, meta l-introduzzjoni tal-kultivazzjoni tal-perli mill-Ġappun irriżultat fil-qerda tal-ekonomija tal-ħsad tal-perli fil-Bahrain.
Abu Mena†		Governorat ta' Lixandra, l-Eġittu 30°51′00″N 29°40′00″E	kulturali: (iv)	7006183000000000000♠183 (450)	1979	Il-fdalijiet tal-eks belt Kristjana imqaddsa jinkludu knisja, battisterju, bażiliki, binjiet pubbliċi, toroq, monasteri, djar u studjos tax-xogħol. Dawn inbnew fuq il-qabar ta' Menas ta' Lixandra.
Tebe Antika bin-Nekropoli tagħha		Governorat ta' Luxor, l-Eġittu 25°44′00″N 32°36′00″E	kulturali: (i)(iii)(vi)	7007739000000000000♠7,390 (18,300)	1979	L-eks belt kapitali tal-Eġittu u l-belt ta' Amun, Tebe fiha t-tempji u l-palazzi ta' Karnak u ta' Luxor, kif ukoll in-nekropoli fil-Wied tar-Rejiet u fil-Wied tal-Irġejjen, li huma xhieda tal-quċċata taċ-ċivilizzazzjoni Eġizzjana.
Belt Storika tal-Kajr		Governorat tal-Kajr, l-Eġittu 30°03′00″N 31°15′40″E	kulturali: (i)(v)(vi)	7006524000000000000♠524 (1,290)	1979	Il-Kajr huwa waħda mill-eqdem bliet Iżlamiċi fid-dinja. Iċ-ċentru storiku jinsab fil-qalba tal-belt urbana moderna tal-Kajr u jmur lura għas-seklu 10 u laħaq il-quċċata tiegħu fis-seklu 14. Fih moskej, madrasas, ħamams u funtani.
Memphis and its Necropolis – the Pyramid Fields from Giza to Dahshur		Governorat ta' Giza, l-Eġittu 30°03′00″N 31°15′40″E	kulturali: (i)(v)(vi)	7008163585200000000♠16,358.52 (40,422.8)	1979	Il-belt kapitali tar-Renju Antik tal-Eġittu għandha monumenti funebri straordinarji, inkluż oqbra tal-blat, mastaba mżejna, tempji u piramidi. Fi żmien il-qedem, il-Piramidi tal-Eġittu kienu jitqiesu bħala wieħed mis-Seba' Għeġubijiet tad-Dinja Antika.
Monumenti Nubjani minn Abu Simbel sa Philae		Governorat ta' Aswan, l-Eġittu 22°20′11″N 31°37′34″E	kulturali: (i)(iii)(vi)	7006374000000000000♠374 (920)	1979	Il-komponenti ta' dan is-sit jinsabu tul ix-xmara Nil, u jinkludu monumenti bħat-Tempju ta' Ramesses II f'Abu Simbel u s-Santwarju ta' Isis f'Philae, li ġew salvati mill-għargħar tax-xmara Nasser, frott il-kostruzzjoni tad-Diga ta' Aswan.
Żona ta' Santa Katarina		Governorat tan-Nofsinhar tas-Sinaj, l-Eġittu 28°33′22″N 33°58′32″E	kulturali: (i)(iii)(iv)(vi)	7008601000000000000♠60,100 (149,000)	2002	Il-monasteru Ortodoss ta' Santa Katarina huwa fost l-eqdem monasteri Kristjani li għadu attiv. Imur lura għas-seklu 6 u jinsab qrib l-Għolja ta' Horeb, fejn skont it-Testment il-Qadim, Mosè ngħata t-Tavli tal-Kmandamenti. Ir-reġjun huwa sagru għall-Kristjani, għall-Musulmani u għal-Lhud.
Wadi Al-Hitan (Wied tal-Balieni)		Governorat ta' Faiyum, l-Eġittu 29°20′00″N 30°11′00″E	naturali: (viii)	7008200150000000000♠20,015 (49,460)	2005	Wadi Al-Hitan jinsab fil-Punent tal-Eġittu u fih il-fdalijiet ta' fossili tal-Archaeoceti li issa huma estinti. Is-sit jippermetti l-immappjar tal-evoluzzjoni tal-balieni minn mammiferu tal-art għal mammiferu akkwatiku.
Ahwar tan-Nofsinhar tal-Iraq: Rifuġju ta' Bijodiversità u l-Pajsaġġ Relitt tal-Bliet tal-Mesopotamja		Governorat ta' Dhi Qar, l-Iraq 31°33′44″N 47°39′28″E	imħallat: (iii)(v)(ix)(x)	211,544 (522,740)	2016	Is-sit jinsab fin-Nofsinhar tal-Iraq u jinkludi tliet bliet ta' oriġini Sumera, fosthom Uruk, Ur u Eridu, flimkien ma' erba' artijiet mistagħdra fl-imraġ tal-Mesopotamja.
Babilonja		Governorat tal-Babilonja, l-Iraq 32°32′31.09″N 44°25′15″E	kulturali: (iii)(vi)	1,054.3 (2,605)	2019	Is-sit jinsab 85 kilometru fin-Nofsinhar ta' Bagdad u jinkludi l-fdalijiet tal-belt li bejn is-626 u l-539 Q.K., kienet il-belt kapitali tal-Imperu Neo-Babiloniż. Jinkludi villaġġi u żoni agrikoli madwar il-belt antika.
Ċittadella ta' Erbil		Governorat ta' Erbil, l-Iraq 36°11′28″N 44°00′33″E	kulturali: (iv)	16 (40)	2014	Iċ-ċittadella ta' Erbil tinsab fil-quċċata ta' għolja fuq il-belt ta' Erbil u tikkorrispondi għall-belt antika ta' Arbela, li kienet ċentru politiku u reliġjuż Assirjan li jmur lura għal żmien l-Assirjani.
Hatra		Governorat ta' Nineveh, l-Iraq 35°35′17″N 42°43′06″E	kulturali: (ii)(iii)(iv)(vi)	324 (800)	1985	Il-belt iffortifikata Partika ta' Hatra irreżistiet attakki ripetuti mill-Imperu Ruman fis-seklu 2 W.K. L-arkitettura tagħha tirrifletti kemm influwenzi Ellenistiċi kif ukoll influwenzi Rumani.
Assur (Qal'at Sherqat)		Governorat ta' Saladin, l-Iraq 35°27′32″N 43°15′35″E	kulturali: (iii)(iv)	70 (170)	2003	Assur tinsab max-xmara Tigris u tmur lura għat-tielet millenju Q.K. Assur kienet l-ewwel kapitali tal-Imperu Assirjan u ċentru reliġjuż tal-Assirjani. Wara l-qerda tagħha mill-Babiloniżi, il-belt reġgħet ħadet il-ħajja għal żmien qasir matul il-perjodu tal-Partiċi.
Belt Arkeoloġika ta' Samarra		Governorat ta' Saladin, l-Iraq 34°20′28″N 43°49′25″E	kulturali: (ii)(iii)(iv)	15,058 (37,210)	2007	Il-belt Iżlamika ta' Samarra tinsab max-xmara Tigris u kienet il-kapitali tal-Kaliffat Abbasid. Fiha tnejn mill-ikbar moskej u bosta mill-ikbar palazzi fid-dinja Iżlamika. Barra minn hekk, hija l-ifjen eżempju ta' ppjanar tal-bliet ta' żmien l-Abbasidi.
As-Salt – Post it-Tolleranza u l-Ospitalità Urbana		Governorat ta' Balqa, il-Ġordan 32°02′21″N 35°43′33″E	kulturali: (ii)(iii)	24.68 (61.0)	2021	Stabbilit fuq tliet għoljiet spazjati qrib xulxin fir-reġjun ta' Balqa, As-Salt kien l-insedjament prinċipali max-Xatt tal-Lvant tax-xmara Ġordan li serva bħala ċentru kummerċjali, kulturali u finanzjarju. Il-prosperità tiegħu wasslet għal influss ta' nies mir-reġjun li marru jgħixu f'As-Salt, u ħolqu belt distinta mibnija bil-ġebla tal-ġir safra u bi stili Neo-Kolonjali u tal-Art Nouveau Ewropej flimkien ma' stili tradizzjonali lokali.
Sit tal-Magħmudija tal-"Betanija Lil Hinn mix-Xmara Ġordan" (Al-Maghtas)		Ix-xmara Ġordan. 31°50′14″N 35°33′10″E	kulturali: (iii)(vi)	294 (730)	2015	Al-Maghtas jinsab max-xmara Ġordan u jitqies bħala l-post fejn Ġesù ġie mgħammed minn Ġwanni l-Battista. Huwa sit ta' pellegrinaġġ Kristjan u fih il-fdalijiet ta' knejjes u kappelli Rumani u Biżantini, monasteru, għerien u vaski.
Petra		Governorat ta' Ma'an, il-Ġordan 30°19′50″N 35°26′36″E	kulturali: (i)(iii)(iv)	26,171 (64670)	1985	Il-belt tan-Nabatej ta' Petra kienet ċentru kummerċjali ewlieni bejn l-Arabja, l-Eġittu u s-Sirja/il-Feniċja, famuża għall-arkitettura mħaffra fil-blat kif ukoll għas-sistemi tal-estrazzjoni u tal-inġinerija tal-ilma.
Quseir Amra		Governorat ta' Zarqa, il-Ġordan 31°48′7″N 36°35′9″E	kulturali: (i)(iii)(iv)	0.0445 (0.101)	1985	Il-kastell tad-deżert ta' Quseir Amra nbena fil-bidu tas-seklu 8, u ntuża kemm bħala fortizza kif ukoll bħala palazz rjali tal-Umajjad. Is-sit huwa magħruf ukoll għall-affreski estensivi tiegħu, li jikkostitwixxu eżempju importanti u uniku ta' arti Iżlamika bikrija.
Um er-Rasas (Kastrom Mefa'a)		Governorat ta' Madaba, il-Ġordan 31°30′6″N 35°55′14″E	kulturali: (i)(iv)(vi)	24 (59)	2005	Stabbilit bħala kamp militari Ruman, Um er-Rasas kiber u sar insedjament sas-seklu 5, li ġie abitat suċċessivament minn komunitajiet Kristjani u Iżlamiċi. Fil-biċċa l-kbira tiegħu s-sit għadu ma ġiex skavat u fih fdalijiet ta' fortifikazzjonijiet Rumani, ta' knejjes b'artijiet tal-mużajk ippreservati sew, u żewġ torrijiet stiliti.
Żona Protetta ta' Wadi Rum		il-Ġordan 29°38′23″N 35°26′02″E	imħallat: (iii)(v)(vii)	74,180 (183,300)	2005	Iż-Żona Protetta ta' Wadi Rum tinsab fin-Nofsinhar tal-Ġordan u fiha varjetà kbira ta' formazzjonijiet tal-art fid-deżert, inkluż widien tal-ġebel ramli, ħnejjiet naturali, fniedaq, irdumijiet, ċedimenti tal-art u għerien. Is-sit fih ukoll panewijiet estensivi tal-arti fuq il-blat, inċiżjonijiet u fdalijiet arkeoloġiċi, li jixhdu iktar 12,000 sena ta' abitazzjoni umana kontinwa.
Anjar		Governorat ta' Beqaa, il-Libanu 33°43′33″N 35°55′47″E	kulturali: (iii)(iv)	—	1984	Stabbilita fil-bidu tas-seklu 8, il-belt ta' Anjar malajr ġiet abbandunata wara l-waqgħa tal-Kaliffat Umajjad, u tħallew fdalijiet ta' swar, torrijiet, palazzi, moskej u banjijiet, li jikkostitwixxu eżempju ta' ppjanar tal-bliet ta' żmien l-Umajjad.
Baalbek		Governorat ta' Baalbek-Hermel, il-Libanu 34°00′25″N 36°12′18″E	kulturali: (i)(iv)	—	1984	Magħrufa qabel bħala Heliopolis, il-belt tal-Feniċi ta' Baalbek fiha wħud mill-ikbar tempji Rumani u fost l-iktar ippreservati, inkluż it-Tempji ta' Ġove, ta' Venere u ta' Bacchus.
Byblos		Governorat tal-Għolja tal-Libanu, il-Libanu 34°07′09″N 35°38′51″E	kulturali: (iii)(iv)(vi)	—	1984	Abitata kontinwament min-Neolitiku, Byblos kienet waħda mill-eqdem bliet li oriġinat fi żmien il-Feniċi. Minn dak iż-żmien ġiet okkupata mill-Persjani, mir-Rumani, mill-ġellieda tal-Kruċjati u mill-Ottomani, li kollha kemm huma ħallew xi influwenza fuq l-arkitettura tagħha. Byblos kellha rwol sinifikanti fid-diffużjoni tal-alfabett tal-Feniċi.
Ouadi Qadisha (il-Wied Sagru) u l-Foresta taċ-Ċedri ta' Alla (Horsh Arz el-Rab)		Governorat tat-Tramuntana tal-Libanu, il-Libanu 34°14′36″N 36°02′56″E	kulturali: (iii)(iv)	—	1998	Il-Wied ta' Qadisha pprovda kenn għall-komunitajiet Kristjani mill-bidu tal-Kristjaneżmu, u ospita għadd kbir ta' monasteri u eremitaġġi. Il-Foresta taċ-Ċedri ta' Alla hija fost l-aħħar postijiet fejn għadhom jikbru s-siġar taċ-Cedrus libani, li minnhom storikament kienu jiġu prodotti wħud mill-iżjed materjali importanti għall-kostruzzjoni.
Fiera Internazzjonali ta' Rachid Karami f'Tripoli		Governorat tat-Tramuntana tal-Libanu, il-Libanu 34°26′21″N 35°49′27″E	kulturali: (ii)(iv)	—	2022	Il-Fiera Internazzjonali ta' Rachid Karameh f'Tripoli tinsab fit-Tramuntana tal-pajjiż u ġiet iddisinjata fl-1962 mill-arkitett Brażiljan Oscar Niemeyer fuq medda ta' 70 ettaru bejn iċ-ċentru storiku ta' Tripoli u l-port ta' Al Mina. Il-fiera kienet il-proġett ewlieni tal-politika tal-immodernizzar tal-Libanu fis-snin 60 tas-seklu 20.
Tyre		Governorat tan-Nofsinhar tal-Libanu, il-Libanu 33°16′19″N 35°11′40″E	kulturali: (iii)(vi)	154 (380)	1984	Il-belt antika tal-Feniċi ta' Tyre kienet waħda mill-ewwel setgħat marittimi fil-Lvant tal-Mediterran u l-post fejn jingħad li ġiet skoperta ż-żebgħa vjola. Il-fdalijiet arkeoloġiċi eżistenti fil-biċċa l-kbira jmorru lura għal żmien ir-Rumani, fosthom banjijiet, arena, triq bil-kolonni, arkata trijonfali, akkwedott u ippodromu.
Sit Arkeoloġiku ta' Cyrene		Jabal al Akhdar, il-Libja 32°49′30″N 21°51′30″E	kulturali: (ii)(iii)(vi)	—	1982	L-eks kolonja Griega ta' Cyrene ġiet Rumanizzata u ttrasformata f'belt kapitali, sa ma nqerdet mit-terremot ta' Kreta tat-365 W.K. Il-fdalijiet ta' elf sena ilu baqgħu rinomati mis-seklu 18.
Sit Arkeoloġiku ta' Leptis Magna		Homs, il-Libja 32°38′18″N 14°17′35″E	kulturali: (i)(ii)(iii)	—	1982	Il-belt Rumana ta' Leptis Magna tkabbret mill-Imperatur Septimius Severus, li twieled hemmhekk. Fis-sit arkeoloġiku għad hemm monumenti pubbliċi, port, suq, imħażen, ħwienet u djar.
Sit Arkeoloġiku ta' Sabratha		Distrett ta' Zawiya, il-Libja 32°48′19″N 12°29′06″E	kulturali: (iii)	—	1982	Stabbilita bħala ċentru kummerċjali mill-Feniċi, Sabratha ġiet immexxija għal żmien qasir minn Masinissa tan-Numidja qabel ma ġiet Rumanizzata u rikostruwita fis-sekli 2 u 3 W.K.
Raħal Antik ta' Ghadamès		Distrett ta' Nalut, il-Libja 30°08′00″N 9°30′00″E	kulturali: (v)	—	1986	Ghademes tinsab f'oażi u hija fost l-eqdem bliet pre-Saħarjani. Tirrappreżenta arkitettura tradizzjonali domestika b'diviżjoni vertikali tal-funzjonijiet.
Siti tal-arti fuq il-blat ta' Tadrart Acacus		Fezzan, il-Libja 24°50′00″N 10°20′00″E	kulturali: (iii)	—	1985	Il-katina muntanjuża ta' Tadrart Acacus fiha eluf ta' tpittir fl-għerien b'diversi stili, li jmorru lura għall-12,000 Q.K. sal-100 W.K., u li jirriflettu l-bidliet tal-flora u tal-fawna fir-reġjun, kif ukoll l-istili differenti ta' għajxien tal-popolazzjonijiet suċċessivi fis-Saħara.
Park Nazzjonali ta' Banc d'Arguin		bejn Nouakchott u Nouadhibou, il-Mauritania	naturali: (ix), (x)	—	1989	Fil-marġni tal-kosta Atlantika, il-park nazzjonali jinkludi l-għaram tar-ramel, l-artijiet bassasa kostali, il-gżejriet u l-ilmijiet baxxi tul il-kosta. Il-kuntrast bejn l-ambjent aħrax tad-deżert u l-bijodiversità taż-żona tal-baħar wassal għal pajsaġġ terrestri u tal-baħar ta' importanza naturali eċċezzjonali. Fix-xitwa, varjetà wiesgħa ta' għasafar ipassu u jieqfu jistrieħu fis-sit. Barra minn hekk, wieħed jista' jsib diversi speċijiet ta' fkieren tal-baħar u dniefel, li jintużaw mis-sajjieda biex jattiraw ġlejjeb ta' ħut.
Ksour Antiki ta' Ouadane, Chinguetti, Tichitt u Oualata		Ouadane, Chinguetti, Tichitt u Oualata, il-Mauritania	kulturali: (iii), (iv), (v)	—	1996	Stabbiliti fis-sekli 11 u 12 biex jaqdu lill-karovani li kien jaqsmu d-deżert tas-Saħara, dawn iċ-ċentri kummerċjali u reliġjużi saru punti ċentrali tal-kultura Iżlamika. Irnexxielhom jippreservaw in-nisġa urbana li evolviet bejn is-sekli 12 u 16. Tipikament, id-djar huma ffullati tul it-toroq dojoq madwar xi moskea b'minaret kwadru. Joħorġu fid-dieher stil ta' għajxien tradizzjonali ċċentrat fuq il-kultura nomadika tal-popolazzjonijiet t-Saħara tal-Punent.
Sit Arkeoloġiku ta' Volubilis		Fès-Meknès, il-Marokk 34°04′26″N 5°33′25″W	kulturali: (ii)(iii)(iv)(vi)	42 (100)	1997	Is-sit Ruman importanti ta' Volubilis ġie stabbilit fis-seklu 3 Q.K. bħala l-belt kapitali tal-Mawritanja, u iktar 'il quddiem saret il-belt kapitali tad-dinastija Idrisida. Kien fiha bosta binjiet, u l-fdalijiet estensivi tagħhom ġew ippreservati sal-lum.
Belt Storika ta' Meknes		Fès-Meknès, il-Marokk 33°53′00″N 5°33′30″W	kulturali: (iv)	—	1996	L-eks belt kapitali tad-dinastija Alawita ġiet stabbilita fis-seklu 11 mill-Almoravidi u saret belt b'influwenza Spanjola-Għarbija Iberika matul is-sekli 17 u 18.
Ksar ta' Ait Ben Haddou		Drâa-Tafilalet, il-Marokk 31°02′50″N 7°07′44″W	kulturali: (iv)(v)	3 (7.4)	1987	Il-Ksar ta' Ait Ben Haddou huwa eżempju ta' ħabitat tradizzjonali pre-Saħarjan fin-Nofsinhar tal-Marokk, imdawwar minn ħitan għoljin imsaħħa b'torrijiet fl-irkejjen.
Medina ta' Essaouira (li qabel kienet Mogador)		Marrakesh-Safi, il-Marokk 31°31′00″N 9°46′10″W	kulturali: (ii), (iv)	30 (74)	2001	Il-port marittimu ffortifikat ta' Essaouira nbena matul l-aħħar tas-seklu 18 u fih taħlita ta' arkitettura Ewropea u tat-Tramuntana tal-Afrika. Kien ċentru kummerċjali ewlieni bejn is-Saħara u l-Ewropa.
Medina ta' Fez		Fès-Meknès, il-Marokk 34°03′40″N 4°58′40″W	kulturali: (ii), (v)	280 (690)	1981	Fez ġiet stabbilita fis-seklu 9 u laħqet l-apoġew tagħha bħala l-belt kapitali tad-dinastija Marinidi fis-sekli 13 u 14. Il-monumenti ewlenin u n-nisġa urbana tagħha jmorru lura għal dak iż-żmien. Tospita wkoll l-eqdem università tad-dinja, l-Università ta' Al Quaraouiyine.
Medina ta' Marrakesh		Marrakesh-Safi, il-Marokk 31°37′53″N 7°59′12″W	kulturali: (i), (ii), (iv), (v)	1,107 (2,740)	1985	Marrakesh ġiet stabbilita fis-snin 70 tas-seklu 11 u baqgħet ċentru politiku, ekonomiku u kulturali għal żmien twil. Monumenti minn dak il-perjodu jinkludu l-Moskea ta' Koutoubia, il-kasbah, u l-fortifikazzjonijiet. Il-belt tħaddan fiha wkoll karatteristiċi iktar ġodda, inkluż palazzi u madrasas.
Medina ta' Tétouan (li qabel kienet magħrufa bħala Titawin)		Tanger-Tetouan-Al Hoceima, il-Marokk 35°34′15″N 5°22′00″W	kulturali: (ii), (iv),(v)	7 (17)	1997	L-iżjed medina kompluta tal-Marokk f'Tétouan intużat bħala l-punt ewlieni ta' kuntatt bejn il-Marokk u l-Andalusija matul is-seklu 8. Ir-raħal ġie rikostruwit minn refuġjati mill-Andalusija wara r-Reconquista. L-influwenza ta' din tal-aħħar hija evidenti fl-arti u fl-arkitettura.
Belt Portugiża ta' Mazagan (El Jadida)		Casablanca-Settat, il-Marokk 33°15′24″N 8°30′07″W	kulturali: (ii), (iv)	8 (20)	2004	Il-fortifikazzjoni Portugiża ta' Mazagan b'disinn militari Rinaxximentali mill-bidu tas-seklu 16 ittieħdet mill-Marokk fl-1769. Fost il-binjiet li għadhom eżistenti hemm ċisterna u knisja Gotika.
Rabat, Kapitali Moderna u Belt Storika: Wirt Kondiviż		Rabat-Salé-Kénitra, il-Marokk 34°01′27″N 6°49′22″W	kulturali: (ii), (iv)	349 (860)	2012	Rabat ġiet rikostruwita taħt it-tmexxija tal-Franċiżi mill-1912 sas-snin 30 tas-seklu 20, u fiha taħlita ta' karatteristiċi storiċi u moderni, pereżempju ġonna botaniċi, it-Torri ta' Hassan (mhux il-Moskea ta' Hassan II li nbniet fl-1993), u l-fdalijiet insedjamenti Rumani, Feniċi, Għarab Iberiċi u tal-Andalusija mis-seklu 12 sas-seklu 17.
Sistemi tal-Irrigazzjoni tal-Aflaj tal-Oman		Reġjuni ta' Dakhiliyah, Sharqiyah u Batinah, l-Oman 22°59′56″N 57°32′10″E	kulturali: (v)	7007145600000000000♠1,456 (3,600)	2006	Il-ħames komponenti tas-sistemi tal-Aflaj jirrappreżentaw metodu ta' irrigazzjoni li jmur lura għal mill-inqas il-500 W.K. Din is-sistema tqassam l-ilma b'mod effettiv permezz tal-gravità, sabiex l-ilma jissodisfa l-ħtiġijiet agrikoli u domestiċi.
Belt Antika ta' Qalhat		Governorat tan-Nofsinhar ta' Ash Sharqiyah, l-Oman 22°42′N 59°22′E	kulturali: (ii)(iii)	7005758199999999999♠75.82 (187.4)	2018	Qalhat hija marbuta mal-istorja tar-Renju/tal-Imperu ta' Hormuz kien jikkontrolla l-iStrett ta' Hormuz bejn is-seklu 10 u s-seklu 17. Qalhat ġiet żviluppata tul il-kosta tal-Oman bħala belt sekondarja biex ikunu jistgħu jiġu kkontrollati ż-żewġ naħat tad-daħla fil-Golf tal-Persja.
Siti Arkeoloġiċi ta' Bat, Al-Khutm u Al-Ayn		Reġjun ta' Ad Dhahirah, l-Oman 23°16′11″N 56°44′42″E	kulturali: (iii)(iv)	—	1988	Bat, Al-Khutm u Al-Ayn, li jinsabu fin-naħa ta' ġewwa tas-Sultanat, huma fost l-iżjed kumplessi ppreservati ta' insedjamenti u ta' nekropoli mit-tielet millenju Q.K. fil-Lvant tal-Arabja u fid-dinja. In-nekropoli ta' Bat, b'mod partikolari, tirrefletti l-prattiki funebri ta' Żmien il-Bronż Bikri fl-Oman.
Forti ta' Bahla		Reġjun ta' Ad Dakhiliyah, l-Oman 22°57′51″N 57°18′04″E	kulturali: (iv)	—	1987	Il-forti huwa parti minn Bahla, insedjament f'oażi u l-eks belt kapitali tad-dinastija Nabhani, li ddominat fl-Oman u stagħnat fil-Peniżola tal-Arabja matul il-Medju Evu Aħħari.
Art tal-Inċens		Governorat ta' Dhofar, l-Oman 18°15′12″N 53°38′51″E	kulturali: (iii)(iv)	7006850000000000000♠850 (2,100)	2000	Il-portijiet antiki ta' Khor Rori u ta' Al-Balid, l-oażi tal-karovani ta' Shisr u Wadi Dawkah fin-Nofsinhar tal-Arabja kienu kruċjali fil-produzzjoni u fid-distribuzzjoni tal-inċens, li kien wieħed mill-iżjed prodotti lussużi mfittex fi żmien il-qedem.
Belt Antika ta' Ġerusalemm u l-Ħitan tagħha		il-Lvant ta' Ġerusalemm, Iżrael/Palestina 31°46′00″N 35°13′00″E	kulturali: (ii)(iii)(vi)	—	1981	Ġerusalemm hija belt imqaddsa għat-tliet reliġjonijiet ewlenin fid-dinja, il-Kristjaneżmu, l-Iżlam u l-Ġudaiżmu, u fiha iktar minn 200 monument storiku, inkluż il-Koppla tal-Blata, il-Ħajt tan-Newwieħa u l-Knisja tas-Sepolkru Mqaddes.
Post tat-Twelid ta' Ġesù: il-Knisja tan-Natività u r-Rotta tal-Pellegrinaġġ, Betlem		Governorat ta' Betlem, il-Palestina 31°42′16″N 35°12′27″E	kulturali: (ii)(iii)	7004300000000000000♠3 (7.4)	2012	Is-sit tradizzjonalment jiġi identifikat bħala l-post tat-twelid ta' Ġesù. Il-Knisja tan-Natività, li nbniet fis-seklu 4 u ġiet rikostruwita fis-seklu 6, għandha importanza prominenti kemm għall-Kristjani kif ukoll għall-Musulmani.
Palestina: Art taż-Żebbuġ u tal-Vinji – Pajsaġġ Kulturali tan-Nofsinhar ta' Ġerusalemm, Battir		Governorat ta' Betlem, il-Palestina 31°43′11″N 35°07′50″E	kulturali: (iv)(v)	7006349000000000000♠349 (860)	2014	Il-pajsaġġ tal-għoljiet ta' Battir jinkludi raba' mtarraġ bil-ġebel għas-swieq u għall-ġonna tal-produzzjoni taż-żebbuġ u tal-vinji, li jissaqqa permezz ta' sistema tradizzjonali ta' tisqija.
Ċentru Storiku ta' Hebron/Al-Khalil		Governorat ta' Hebron, il-Palestina 31°31′30″N 35°06′30″E	kulturali: (ii)(iv)(vi)	7005206000000000000♠20.6 (51)	2017	Il-qalba taċ-ċentru storiku tar-raħal kien is-sit tal-Moskea ta' Al-Ibrahimi u l-qabar tal-Patriarki li nbnew f'kumpless fis-seklu 1 W.K. sabiex jiġu protetti l-oqbra tal-patriarka Abram u tal-familja tiegħu.
Sit Arkeoloġiku ta' Al Zubarah		Al Shamal, il-Qatar 25°58′41″N 51°01′47″E	kulturali: (iii)(iv)(v)	7006416000000000000♠416 (1,030)	2013	Ir-raħal kostali ta' Al Zubarah kien ċentru kummerċjali ewlieni tal-ħsad tal-perli fil-Golf Persjan fl-aħħar tas-seklu 18 u fil-bidu tas-seklu 19, qabel ma nqered fl-1811 u eventwalment ġie abbandunat fil-bidu tas-seklu 20. Il-fdalijiet tal-palazzi, tal-moskej, tal-port, tal-fortifikazzjonijiet u ta' strutturi oħra tiegħu ġew ippreservati bis-saħħa tar-ramel tad-deżert.
Oażi ta' Al-Ahsa, Pajsaġġ Kulturali li Jevolvi		Hofuf, Governorat ta' Al-Ahsa, l-Arabja Sawdija 25°25′46″N 49°37′19″E	kulturali: (iii)(iv)(v)	7007854400000000000♠8,544 (21,110)	2018	Permezz tat-2.5 miljun siġra tal-palm tat-tamal tagħha, Al-Ahsa hija l-ikbar oażi fid-dinja. Al-Ahsa fiha pajsaġġ ġeokulturali uniku u hija eżempju eċċezzjonali ta' interazzjoni mal-ambjent.
Sit Arkeoloġiku ta' Hegra (al-Hijr / Madā ͐ in Ṣāliḥ)		Provinċja ta' Al Madinah, l-Arabja Sawdija 26°47′01″N 37°57′18″E	kulturali: (ii)(iii)	7007162100000000000♠1,621 (4,010)	2008	Is-sit ta' Al-Hijr, li qabel kien magħruf bħala Hegra, jikkostitwixxi l-ikbar insedjament tar-Renju tan-Nabatej wara Petra. Fih sensiela ta' oqbra mħaffrin fil-blat u monumenti li huma ppreservati, li jmorru lura għas-seklu 1 Q.K.
Distrett ta' At-Turaif f'ad-Dir'iyah		Provinċja ta' Riyadh, l-Arabja Sawdija 24°44′03″N 46°34′21″E	kulturali: (ii)(iii)	7005290000000000000♠29 (72)	2008	Stabbilit fis-seklu 15, id-Distrett ta' Turaif f'ad-Dir'iyah kien l-ewwel belt kapitali tad-dinastija Sawdija. Ad-Dir'iyah esperjenzat it-tkabbir tal-importanza politika u reliġjuża tagħha, kif ukoll it-tifrix tal-Waħħabiżmu fis-seklu 18 u fil-bidu tas-seklu 19.
Żona Kulturali ta' Ḥimā		Provinċja ta' Najran, l-Arabja Sawdija 18°14′55″N 44°27′6″E	kulturali: (iii)	7006242170000000000♠242.17 (598.4)	2021	Iż-Żona Kulturali ta' Ḥimā fiha kollezzjoni ta' tinqix fuq il-blat b'xeni tal-kaċċa, tal-fawna, tal-flora u tal-istili ta' għajxien ta' 7,000 sena ilu.
Jeddah Storika, id-Daħla għall-Mekka		Reġjun tal-Mekka, l-Arabja Sawdija 21°29′02″N 39°11′15″E	kulturali: (ii)(iv)(vi)	7005180000000000000♠18 (44)	2014	Il-belt ta' Jeddah, li tinsab mal-kosta tal-Baħar Aħmar, kibret f'ċentru kummerċjali ewlieni fis-seklu 7 W.K., u ilha sservi bħala d-daħla prinċipali għall-pellegrini fi triqthom lejn il-Mekka.
Tinqix fuq il-Blat fir-Reġjun ta' Ha'il		Reġjun ta' Ha'il, l-Arabja Sawdija 28°00′38″N 40°54′47″E	kulturali: (i)(iii)	7007204400000000000♠2,044 (5,050)	2015	Is-siti ta' Jabel Umm Sinman, Jabal al-Manjor u Raat fihom għadd kbir ta' petroglifiċi u kitbiet imnaqqxa fuq il-blat, li jkopru 10,000 sena ta' storja umana.
Sit Arkeoloġiċi ta' Meroe		Stat tax-Xmara Nil, is-Sudan 16°56′00″N 33°43′00″E	kulturali: (ii)(iii)(iv)(v)	7007235700000000000♠2,357 (5,820)	2011	Meroe kien iċ-ċentru tar-Renju ta' Kux, qawwa ewlenija attiva mis-seklu 8 Q.K. sas-seklu 4 W.K. Is-sit jinkludi piramidi, tempji u binjiet domestiċi, fost fdalijiet oħra.
Gebel Barkal u s-Siti tar-Reġjun ta' Napatan		l-Istat tat-Tramuntana, is-Sudan 18°32′00″N 31°49′00″E	kulturali: (i)(ii)(iii)(iv)(vi)	7006183000000000000♠183 (450)	2003	Is-siti arkeoloġiċi ta' Gebel Barkal, Kurru, Nuri, Sanam u Zuma fil-Wied tan-Nil huma xhieda taċ-ċivilizzazzjoni ta' Napatan u ta' Meroe. Fihom sensiela ta' piramidi, oqbra, tempji, palazzi u tumbati u kompartimenti funebri.
Park Nazzjonali tal-Baħar ta' Sanganeb u l-Bajja ta' Dungonab – Park Nazzjonali tal-Baħar ta' Mukkawar		qrib Port Sudan, is-Sudan 19°44′10″N 37°26′35″E	naturali: (vii)(ix)(x)	7009199524000000000♠199,524 (493,030)	2016	Sanganeb, il-Bajja ta' Dungonab u l-Gżira ta' Mukkawar jinsabu fil-Baħar Aħmar u fihom diversità ta' sistemi tal-iskolli tal-qroll, mangrovji, meded tal-ħaxix tal-baħar, bajjiet u gżejriet, u jospitaw popolazzjonijiet sħaħ ta' għasafar tal-baħar, mammiferi tal-baħar, ħut, klieb il-baħar, fkieren tal-baħar, rajja ġganti u dugongi.
Belt Antika ta' Aleppo		Governorat ta' Aleppo, is-Sirja 36°14′00″N 37°10′00″E	kulturali: (iii)(iv)	7006350000000000000♠350 (860)	1986	Aleppo tinsab f'salib it-toroq ta' diversi rotot kummerċjali, u ġiet immexxijja suċċessivament, fost l-oħrajn, mir-Rumani, mill-Ajjubidi, mil-Mamluk u mill-Ottomani, li kollha kemm huma ħallew influwenza sinifikanti fin-nisġa arkitettonika tagħha. Dan irriżulta f'pajsaġġ urban diversifikat. Fost l-istrutturi ewlenin tal-belt hemm iċ-ċittadella, il-Moskea l-Kbira u l-Madrasa ta' Halawiye.
Belt Antika ta' Bosra		Governorat ta' Daraa, is-Sirja 32°31′05″N 36°28′54″E	kulturali: (i)(iii)(vi)	—	1980	Bosra li qabel kienet insedjament tan-Nabatej, il-belt ta' Bosra nħakmet mir-Rumani fis-seklu 2 W.K. u saret il-belt kapitali tal-Arabja. Sfat taħt it-tmexxija Iżlamika fis-seklu 7. Il-fdalijiet tal-belt antika jinkludu teatru, bażilika, katidral, moskea u madrasa, fost l-oħrajn.
Belt Antika ta' Damasku		Governorat ta' Damasku, is-Sirja 33°30′41″N 36°18′23″E	kulturali: (i)(ii)(iii)(iv)(vi)	7005860000000000000♠86 (210)	1979	Il-belt antika ta' Damasku, stabbilita fit-tielet millenju Q.K., titqies bħala waħda mill-eqdem bliet abitati kontinwament fid-dinja. Bħala l-belt kapitali tal-Umajjad, kienet ta' influwenza sinifikanti fid-dinja Għarbija. Il-Moskea l-Kbira hija fost l-ikbar fid-dinja u l-eqdem siti ta' talb kontinwu mill-bidu tal-Iżlam.
Villaġġi Antiki tat-Tramuntana tas-Sirja		it-Tramuntana tas-Sirja 36°20′03″N 36°50′39″E	kulturali: (iii)(iv)(v)	7008122900000000000♠12,290 (30,400)	2011	Is-sit huwa magħmul minn xi 40 villaġġ, li jmorru lura għas-sekli 1 sa 7 W.K. u li ġew abbandunati fis-sekli 8 u 10 W.K. Jagħtu ħjiel tal-ħajja rurali fl-Antikità Aħħarija u matul il-perjodu Biżantin.
Krak des Chevaliers u Qal'at Salah El-Din		Governorati ta' Homs u ta' Latakia, is-Sirja34°46′54″N 36°15′47″E	kulturali: (ii)(iv)	7004900000000000000♠9 (22)	2006	Krak des Chevaliers u Qal'at Salah El-Din jitqiesu bħala wħud mill-iżjed eżempji prominenti ta' kastelli ta' żmien il-Kruċjati, u juru l-evoluzzjoni tal-fortifikazzjonijiet u l-iskambju ta' influwenzi fit-teknoloġija tad-difiża.
Sit ta' Palmyra		Governorat ta' Homs, is-Sirja 34°33′15″N 38°16′00″E	kulturali: (i)(ii)(iv)	7003360000000000000♠0.36 (0.89)	1980	Palmyra sfat taħt it-tmexxija Rumana fis-seklu 1 W.K., u kibret biex saret wieħed mill-iżjed ċentri kulturali importanti ta' żmien il-qedem. Il-fdalijiet estensivi tagħha jinkludu t-Triq il-Kbira bil-Kolonni, it-Tempju ta' Bel, il-Kamp ta' Dijoklezjanu u t-Teatru Ruman.
Sit Arkeoloġiku ta' Kartaġni		Governorat ta' Tuneż, it-Tuneżija 36°51′10″N 10°19′24″E	kulturali: (ii)(iii)(vi)	616 (1,520)	1979	Stabbilita fis-seklu 9 Q.K., Kartaġni żviluppata f'imperu kummerċjali mal-Mediterran kollu. Il-belt inqerdet fil-146 Q.K. fil-Gwerer Puniċi min-naħa tar-Rumani, iżda iktar 'il quddiem ġiet stabbilita mill-ġdid.
Dougga / Thugga		Governorat ta' Béja, it-Tuneżija 36°25′25″N 9°13′13″E	kulturali: (ii)(iii)	70 (170)	1997	Is-sit jinkludi l-fdalijiet ta' Dougga, eks belt kapitali ta' stat Libjan-Puniku, li ffjorixxa taħt ir-Rumani u l-Biżantini, iżda li qabad it-triq tan-niżla fil-perjodu Iżlamiku.
Anfiteatru ta' El Jem		Governorat ta' Mahdia, it-Tuneżija	kulturali: (iv)(vi)	70 (170)	1979	L-Anfiteatru ta' El Jem inbena fis-seklu 3 W.K. u huwa l-ikbar anfiteatru tat-Tramuntana tal-Afrika, u l-ikbar wieħed li nbena 'l barra mill-Italja. B'kollox jesa' 35,000 spettatur, u jitqies fost l-aqwa eżempji ta' arkitettura Rumana ta' din ix-xorta.
Park Nazzjonali ta' Ichkeul		Governorat ta' Bizerte, it-Tuneżija	naturali: (x)	12,600 (31,000)	1980	Il-Lag ta' Ichkeul u l-artijiet mistagħdra tal-madwar huma destinazzjoni importanti għal eluf ta' għasafar tal-passa, inkluż papri, wiżż, ċikonji u fjammingi roża. Fl-imgħoddi kien parti minn katina muntanjuża li kienet estiża tul it-Tramuntana tal-Afrika.
Kairouan		Governorat ta' Kairouan, it-Tuneżija 35°40′54″N 10°06′14″E	kulturali: (i)(ii)(iii)(v)(vi)	7005680000000000000♠68 (170)	1988	Stabbilita fis-670, Kairouan kienet l-eks belt kapitali ta' Ifriqija u ffjorixxiet fis-seklu 9. Il-wirt tagħha jinkludi l-Moskea ta' Uqba u l-Moskea tat-Tliet Daħliet.
Medina ta' Sousse		Governorat ta' Sousse, it-Tuneżija 35°49′40″N 10°38′19″E	kulturali: (iii)(iv)(v)	7005320000000000000♠32 (79)	1988	Sousse hija eżempju prim ta' belt mill-perjodu Iżlamiku bikri. Il-belt kienet port kummerċjali u militari importanti matul is-seklu 9.
Medina ta' Tuneż		Governorat ta' Tuneż, it-Tuneżija 36°49′00″N 10°10′00″E	kulturali: (ii)(iii)(v)	7006296000000000000♠296 (730)	1979	Il-Medina ta' Tuneż tħaddan xi 700 monument, fosthom palazzi, moskej, mawżolej, madrasa u funtani, li huma xhieda tal-epoka tad-deheb ta' Tuneż mis-seklu 12 sas-seklu 16.
Raħal Puniku ta' Kerkuane u n-Nekropoli tiegħu		Governorat ta' Nabeul, it-Tuneżija 36°56′47″N 11°05′57″E	kulturali: (iii)	—	1985	Kerkuane ġiet abbandunata fil-250 Q.K. matul l-Ewwel Gwerra Punika u qatt ma ġiet rikostruwita. Il-belt hija l-unika eżempju eżistenti ta' insedjament Puniku-Feniċju.
Siti Kulturali ta' Al Ain (Hafit, Hili, Bidaa Bint Saud u ż-Żoni tal-Oażi)		Abu Dhabi, l-Emirati Għarab Magħquda 24°04′04″N 55°48′23″E	kulturali: (iii)(iv)(v)	7007494500000000000♠4,945 (12,220)	2011	Al Ain tinsab f'reġjun ta' deżert u ilha tiġi okkupata min-Neolitiku. Fiha oqbra tal-ġebel mit-tielet millenju Q.K., bjar, kostruzzjonijiet tal-brikks u t-tajn u wieħed mill-eqdem eżempji tas-sistema ta' irrigazzjoni msejħa aflaj f'Bidaa Bint Saud.
Raħal Storiku ta' Zabid		Governorat ta' Al Hudaydah, il-Jemen 14°11′53″N 43°19′48″E	kulturali: (iii)	—	1993	Ir-raħal ta' Zabid kien il-belt kapitali tal-Jemen mis-seklu 13 sas-seklu 15. L-università Iżlamika tar-raħal tat kontribut siewi għat-tifrix tal-għarfien Iżlamiku.
Belt Antika ta' Sana'a		Governorat ta' Sana'a, il-Jemen 15°21′20″N 44°12′29″E	kulturali: (iv)(v)(vi)	—	1986	Sana'a tinsab f'wied muntanjuż u ilha abitata għal iktar minn 2,500 sena. Saret ċentru għat-tifrix tal-Iżlam fis-sekli 7 u 8. Il-belt fiha djar-torrijiet uniċi bit-tajn ikkumpattjat, kif ukoll 103 moskea u 14-il ħammamli nbnew qabel is-seklu 11.
Belt Antika Ffortifikata ta' Shibam		Governorat ta' Hadhramaut, il-Jemen 15°55′37″N 48°37′36″E	kulturali: (iii)(iv)(v)	—	1982	Il-belt iffortifikata tas-seklu 16 ta' Shibam hija fost l-eqdem u l-aqwa eżempji ta' ppjanar urban vertikali, bi djar-torrijiet tal-brikks u t-tajn distinti tagħha li wasslu biex titlaqqam bħala "l-Manhattan tad-deżert".
Arċipelagu ta' Socotra		Governorat ta' Socotra, il-Jemen 12°30′00″N 53°50′00″E	naturali: (x)	7009410460000000000♠410,460 (1,014,300)	2008	Għalkemm jagħmel parti mill-massa tal-art tal-kontinent Afrikan, l-Arċipelagu ta' Socotra huwa amministrat mill-Jemen. Huwa magħruf għall-bijodiversità kbira u għall-flora u l-fawna distinti tiegħu, b'għadd kbir ta' speċijiet endemiċi li ma jeżistu mkien iktar fid-dinja. Barra minn hekk, isostni firxa wiesgħa ta' għasafar u ta' organiżmi tal-baħar.
Attrazzjonijiet Ewlenin tar-Renju Antik ta' Saba f'Marib		Marib, il-Jemen	kulturali: iii, iv	—	2023	Marib kienet iċ-ċentru tar-Renju ta' Saba, possibbilment ir-Renju ta' Sheba. Ir-renju kellu l-kontroll tal-biċċa l-kbira tal-kummerċ tal-inċens madwar il-Peniżola tal-Arabja u kellu rwol ewlieni fl-iskambju kulturali mal-Mediterran u mal-Lvant tal-Afrika. Il-monumenti ta' Marib imorru lura għall-ewwel millenju Q.K. sal-wasla tal-Iżlam għall-ħabta tas-630 W.K. Dawn jinkludu t-Tempju ta' Barran, it-Tempju ta' Awam (fl-istampa), il-belt antika ta' Marib, id-Diga Antika ta' Marib, u l-belt antika ta' Sirwah. Is-sit tniżżel minnufih bħala sit fil-periklu minħabba t-theddidiet tal-Gwerra Ċivili fil-Jemen.
'Uruq Bani Mu'arid		Najran, Riyadh, l-Arabja Sawdija 19°20′13″N 45°54′14″E	naturali: (vii), (ix)	—	2023
Ġeriko tal-Qedem: Tell es-Sultan		Governorat ta' Ġeriko, il-Palestina	kulturali: (iii), (iv)	—	2023
Djerba: Xhieda ta' Xejra ta' Insedjament fi Gżira		Governorat ta' Medenine 33°47′09″N 10°53′14″E	kulturali: (v)	7008514000000000000♠51,400 (127,000)	2023	Dan is-sit huwa xhieda ta' xejra ta' insedjament li żviluppat fil-gżira ta' Djerba għall-ħabta tas-seklu 9 W.K. f'ambjent semiaridu u bi skarsezza ta' ilma. Il-karatteristika ewlenija tas-sit kienet id-densità baxxa tagħha: kienet tinvolvi d-diviżjoni tal-gżira f'kwartieri, raggruppati flimkien, li kienu awtosostenibbli ekonomikament u kienu kkollegati ma' xulxin u mal-postijiet reliġjużi u kummerċjali tal-gżira, permezz ta' network kumpless ta' toroq. L-insedjament uman distintiv ta' Djerba rriżulta minn taħlita ta' fatturi ambjentali, soċjokulturali u ekonomiċi, u joħroġ fid-dieher il-mod kif in-nies lokali adattaw l-istil ta' għajxien tagħhom għall-kundizzjonijiet ta' skarsezza tal-ilma fl-ambjent tagħhom.