Wikipedija:L-aħħar aħbarijiet

Abbrevjazzjoni
WP:AĦBAR

L-użu ta' din il-paġna hu għal

Avvenimenti importanti, tragwardi u statistika li hi marbuta mal-Wikipedija Maltija.
Kull aħbar li tikkonċerna lill-Fondazzjoni Wikimedia u li taffettwa lill-Wikipedija Maltija.

2023[immodifika s-sors]

Ħarifa

Wiki Loves Monuments huwa konkors annwali tal-fotografija miftuħ għal kulħadd, fejn int ukoll tista' żżid ritratti ta' bini storiku u monumenti oħra f'Malta u f'aktar minn 30 pajjiż ieħor madwar id-dinja. F'Malta din l-inzjattiva titmexxa minn Wikimedia Community Malta li jorganizzaw attivitajiet ta' taħriġ u informazzjoni għal min jixtieq jieħu sehem matul ix-xahar ta' Settembru, kif ukoll ċerimonja għar-rebbieħa aktar tard. Ir-rebbieħa tal-konkors tal-2023 se jitħabbru fil-21 ta' Ottubru waqt ċeremonja fil-Festival tal-Ktieb. Dawn jgħaddu biex jipparteċipaw fil-kompetizzjoni internazzjonali. Aktar tagħrif jidher hawn hekk kif jiżviluppaw l-affarijiet.

Sajf

It-tieni edizzjoni tal-konkors Wiki Loves Earth fuq il-Wikipedija bil-Malti saret bejn il-1 ta' Mejju u l-31 ta' Lulju 2023. Diversi utenti tal-Wikipedija jingħaqdu kull sena ma' komunitajiet oħra tal-Wikipedia madwar id-dinja għal konkors fotografiku dwar wirt naturali protett. F'Malta dan isir bil-kollaborazzjoni ta' Wikimedia Community Malta u bl-appoġġ ta' Friends of the Earth (Malta). Ir-rebbieħa jitħabbru dalwaqt.

Rebbiegħa

Ir-raba' edizzjoni tal-konkors Rebbiegħa CEE fuq il-Wikipedija bil-Malti saret bejn il-21 ta' Marzu u l-20 ta' Ġunju 2023. Diversi utenti tal-Wikipedija jingħaqdu kull sena ma' komunitajiet oħra tal-Wikipedia madwar id-dinja biex jittraduċi artikli dwar suġġetti li għandhom x'jaqsmu mal-Ewropa Ċentrali u tal-Lvant, bil-kollaborazzjoni ta' Wikimedia Community Malta.

Xitwa

Wiki Loves Folklore 2023 f'Malta kienet it-tieni edizzjoni ta' dan il-konkors annwali tal-fotografija miftuħ għal kulħadd, fejn int ukoll tista' żżid ritratti ta' aspetti mill-kultura folkoristika f'Malta u f'pajjiżi oħra madwar id-dinja. F'Malta din l-inzjattiva titmexxa minn Wikimedia Community Malta. Tagħrif dwar il-konkors deher ukoll fuq The Times.[1] Din is-sena kien sottomessi 159 ritratt f'din il-kategorija minn 17-il utent. Ara aktar hawn: Wiki Loves Folklore in Malta 2023

2022[immodifika s-sors]

Ħarifa

Wiki Loves Monuments huwa konkors annwali tal-fotografija miftuħ għal kulħadd, fejn int ukoll tista' żżid ritratti ta' bini storiku u monumenti oħra f'Malta u f'aktar minn 30 pajjiż ieħor madwar id-dinja. F'Malta din l-inzjattiva titmexxa minn Wikimedia Community Malta li jorganizzaw attivitajiet ta' taħriġ u informazzjoni għal min jixtieq jieħu sehem matul ix-xahar ta' Settembru, kif ukoll ċerimonja għar-rebbieħa f'Novembru. Ir-rebbieħa tal-konkors tal-2022 tħabbru fil-25 ta' Novembru waqt ċeremonja fil-Festival tal-Ktieb. Dawn għaddew biex jipparteċipaw fil-kompetizzjoni internazzjonali.

23 - 27 ta' Novembru 2022

Il-Wikimedia Community Malta ppreżentat il-Wikipedija Maltija waqt il-Festival Nazzjonali tal-Ktieb għall-ewwel darba. Ara d-dettalji.

14 ta' Novembru 2022

Il-Wikipedija Maltija tilħaq il-5000 artiklu permezz ta' Dar u Studjo ta' Luis Barragán.

Sajf

L-ewwel edizzjoni tal-konkors Wiki Loves Earth f'Malta saret matul ix-xhur ta' Ġunju u Lulju. Kull sena diversi utenti tal-Wikipedija jingħaqdu ma' komunitajiet oħra tal-Wikimedia madwar id-dinja għal konkors fotografiku dwar wirt naturali protett. F'Malta dan isir bil-kollaborazzjoni ta' Wikimedia Community Malta. Ir-rebbieħa minn Malta ta' dan il-konkors globali ssibhom f'din il-ħolqa.

Rebbiegħa

It-tielet edizzjoni tal-konkors Rebbiegħa CEE fuq il-Wikipedija bil-Malti sar bejn il-21 ta' Marzu u l-20 ta' Ġunju 2022. Diversi utenti tal-Wikipedija jingħaqdu kull sena ma' komunitajiet oħra tal-Wikipedia madwar id-dinja biex jittraduċi artikli dwar suġġetti li għandhom x'jaqsmu mal-Ewropa Ċentrali u tal-Lvant, bil-kollaborazzjoni ta' Wikimedia Community Malta. Ir-rebbieħa ta' dan il-konkors jitħabbru f'Ġunju.

Frar-Marzu

Wiki Loves Folklore huwa konkors annwali tal-fotografija miftuħ għal kulħadd, fejn int ukoll tista' żżid ritratti ta' aspetti mill-kultura folkoristika f'Malta u f'pajjiżi oħra madwar id-dinja. Din kienet l-ewwel sena li Malta kienet inkluża f'din l-attività globali. F'Malta din l-inzjattiva titmexxa minn Wikimedia Community Malta li organizzaw attivitajiet ta' taħriġ u informazzjoni online għal min jixtieq jieħu sehem kull nhar ta' Ħamis fis-6pm matul ix-xhur ta' Frar u Marzu. Ara aktar hawn: Wiki Loves Folklore in Malta 2022

Jannar

Ritratt ta' Bieb il-Bombi minn George Abdilla, magħruf ukoll bħala Gizwardu, ġie kklassifikat fl-14-il post fil-konkors internazzjonali ta' Wiki Loves Monuments 2021. Din kienet l-ewwel darba li ritratt minn Malta daħal fl-aqwa 15 ta' Wiki Loves Monuments fuq livell internazzjonali.

2021[immodifika s-sors]

Ħarifa

Wiki Loves Monuments huwa konkors annwali tal-fotografija miftuħ għal kulħadd, fejn int ukoll tista' żżid ritratti ta' bini storiku u monumenti oħra f'Malta u f'aktar minn 30 pajjiż ieħor madwar id-dinja. F'Malta din l-inzjattiva titmexxa minn Wikimedia Community Malta li jorganizzaw attivitajiet ta' taħriġ u informazzjoni għal min jixtieq jieħu sehem matul ix-xahar ta' Settembru, kif ukoll ċerimonja għar-rebbieħa f'Novembru. Ir-rebbieħa tal-konkors tal-2021 tħabbru fis-6 ta' Novembru u eventwalment ipparteċipaw fil-kompetizzjoni internazzjonali.
Sajf

WPWP hija kampanja annwali fejn edituri tal-Wikipedia madwar id-dinja iżidu ritratti ma' artikli nieqsa mir-ritratti. F'Malta din l-inzjattiva tħaddmet għall-ewwel darba din is-sena bil-kollaborazzjoni ta' Wikimedia Community Malta li organizzaw attivitajiet ta' taħriġ u informazzjoni matul Lulju u Awwissu.
Rebbiegħa

It-tieni edizzjoni tal-konkors Rebbiegħa CEE fuq il-Wikipedija bil-Malti saret bejn il-21 ta' Marzu u l-20 ta' Ġunju 2021. Diversi utenti ingħaqdu ma' komunitajiet oħra tal-Wikipedia madwar id-dinja biex jittraduċi artikli dwar suġġetti li għandhom x'jaqsmu mal-Ewropa Ċentrali u tal-Lvant, bil-kollaborazzjoni ta' Wikimedia Community Malta. Ir-rebbieħa ta' dan il-konkors tħabbru fl-24 ta' Ġunju.

3 ta' Ġunju 2021: F'dan il-jum tfaċċa l-4,000 artiklu fuq il-Wikipedija bil-Malti. Dan l-artiklu huwa dwar it-Times of Malta u nħoloq minn Utent:EnriqueTabone waqt sessjoni ta' kull nhar ta' Ħamis organizzata mill-Wikimedia Community Malta.

Marzu

Il-Wikipedija bil-Malti tingħaqad ma' komunitajiet oħra tal-Wikipedia madwar id-dinja biex tiċċelebra n-nisa fl-arti, f'edit-a-tona bil-kollaborazzjoni ta' Wikimedia Community Malta.

15 ta' Jannar: Wikipedia tiċċelebra l-20 anniversarju mit-twaqqf tagħha. Malta tissieħeb bil-kampanja msejħa Wikipedia 20

2013[immodifika s-sors]

1 ta' Settembru: L-artiklu Mikelanġlu jiġi promoss għal artiklu fil-vetrina

2012[immodifika s-sors]

27 ta' Novembru: L-utent Leli Forte jingħata d-drittijiet ta' amministratur

2011[immodifika s-sors]

1 ta' Mejju: L-artiklu Mata Hari jiġi promoss għal artiklu fil-vetrina

2010[immodifika s-sors]

14 ta' Awwissu: Titnieda l-paġna uffiċjali tal-Wikipedija Maltija fuq Facebook

13 ta' Mejju: Titlesa l-fażi finali ta' traduzzjoni tal-verżjoni Beta tal-Wikipedija

2009[immodifika s-sors]

6 ta' Diċembru: Il-Wikipedija Maltija tilħaq l-2500 artiklu

1 ta' Diċembru: L-artiklu Miguel de Cervantes jiġi promoss għal artiklu fil-vetrina

17 ta' Settembru: Titlesta t-traduzzjoni tal-kaxxa tal-għodda tal-verżjoni Beta tal-Wikipedija, fuq betawiki

1 ta' Settembru: L-artiklu Tazza tad-Dinja tal-Futbol 2006 jiġi promoss għal artiklu fil-vetrina

1 ta' Awwissu: L-artiklu Festival tal-Eurovision jiġi promoss għal artiklu fil-vetrina

1 ta' Lulju: L-artiklu Isaac Newton jiġi promoss għal artiklu fil-vetrina

1 ta' Ġunju: L-artiklu Ludwig van Beethoven jiġi promoss għal artiklu fil-vetrina

3 ta' Mejju: Il-paġna tal-Istampa tal-Ġurnata tal-Wikimedia Commons tiġi tradotta bil-Malti

3 ta' April: Jiġi elett l-ewwel artiklu fil-vetrina, b'dan ikun l-artiklu Charles Darwin

19 ta' Marzu: Il-paġna prinċipali ta' Wikimedia Commons tiġi tradotta bil-Malti

18 ta' Frar: Il-Wikipedija Maltija tissieħeb fil-proġett tal-Vetrina

2008[immodifika s-sors]

4 ta' Novembru: L-utent Chrisportelli jingħata d-drittijiet ta' amministratur

25 ta' Awwissu: L-elf utent joħloq kont fuq il-Wikipedija Maltija. Dan ikun Horv.petya li ħoloq l-kont tiegħu fit-20:05 tal-25 ta' Awwissu, 2008

19 ta' Lulju: Il-paġna prinċipali tal-Fondazzjoni Wikimedia tiġi tradotta bil-Malti

9 ta' Lulju: Jingħata bidu l-Portal tal-Kimika

4 ta' Mejju: Il-Wikipedija Maltija tilħaq l-2000 artiklu

5 ta' Jannar: Jingħata bidu l-Portal tal-Isport

2007[immodifika s-sors]

18 ta' Novembru: Jingħata bidu l-Portal tal-Matematika

2006[immodifika s-sors]

28 ta' Ottubru: L-utent Joelemaltais jingħata d-drittijiet ta' amministratur

6 ta' April: Il-Wikipedija Maltija tilħaq l-400 artiklu

2005[immodifika s-sors]

21 ta' Ottubru: Il-Wikipedija Maltija tilħaq it-300 artiklu

10 ta' Settembru: Il-Wikipedija Maltija tagħlaq l-ewwel sena tagħha. Il-festa t-tajba lill-Wikipedjani kollha!

8 ta' Settembru: Il-Wikipedija Maltija tissieħeb fil-proġett ta' koordinazzjoni multilingwi Babel

5 ta' Settembru: Il-Wikipedija Maltija tissieħeb fil-proġett ta' multilingwi Traduzzjoni tal-ġimgħa

31 ta' Awwissu: Il-Wikipedija Maltija tilħaq il-200 artiklu

4 ta' Ġunju: Il-Wikipedija Maltija tilħaq il-100 artiklu

13 ta' April: Saret l-ewwel laqgħa uffiċjali tal-Wikipedija li saret fi Pjazza Reġina, Valletta. Ta' min jgħid li l-Wikipedija Maltija għandha l-unur li għamlet l-iktar laqgħa organizzata kmieni wara l-fundazzjoni tal-Wiki

13 ta' April: L-utent Roderick Mallia jingħata d-drittijiet ta' amministratur

28 ta' Marzu: L-utent Srl jingħata d-drittijiet ta' amministratur

2004[immodifika s-sors]

10 ta' Settembru: Srl (li dak iż-żmien kien għad ma kellux kont) ipprova jidħol fuq http://mt.wikipedia.org u ra dal-messaġġ: This subdomain is reserved for the creation of a Wikipedia in the bil-Malti language. If you speak this language and think it would be cool to have your own Encyclopedia then you can make it. Go ahead. Translate this page and start working on your Encyclopedia. (Arkivju tal-paġna)