Mekka
 |
Dan l-artiklu dwar ir-reliġjon huwa nebbieta. Jekk trid, tista' tikkontribwixxi issa biex ittejjeb dan l-artiklu, dejjem skont il-konvenzjonijiet tal-Wikipedija. |
| Mekka | |
|---|---|
 Arabja Sawdija | |
 | |
| Amministrazzjoni | |
| Stat sovran | Arabja Sawdija |
| Province of Saudi Arabia | Provinċja ta' Mekka |
| Kap tal-Gvern |
Khalid bin Faisal (en)  |
| Isem uffiċjali | مكة المكرمة |
| Ismijiet oriġinali | مكة المكرمة |
| Ġeografija | |
| Koordinati | 21°25′21″N 39°49′34″E / 21.4225°N 39.8261°EKoordinati: 21°25′21″N 39°49′34″E / 21.4225°N 39.8261°E |
  Mekka Mekka (Saudi Arabia) | |
| Superfiċjenti | 760 kilometru kwadru |
| Għoli | 277 m |
| Demografija | |
| Popolazzjoni | 2,427,924 abitanti (2022) |
| Informazzjoni oħra | |
| Kodiċi tat-telefon |
1 |
| Żona tal-Ħin | UTC+3 |
| bliet ġemellati | Medina |
| hmm.gov.sa | |
Mekka l-Imkarrma, offiċjalment Makka l-Imkarrma jew Makkah Al-Mukarramah (bl-Għarbi: مكَّة المُكرَّمَة, Makkaẗ al-Mukarrama, "Mekka n-Nobbli"), fil-qosor Mekka jew Makka, kultant bl-artiklu, il-Mekka, hija l-aqdes belt fl-Iżlam.[1] Fiha l-Misġed il-Ħram u l-Kagħba, fejn il-qibla, jiġifieri d-direzzjoni li l-Misilmin iħarsu lejha meta jsallu s-salâ (att ta' qima tal-Misilmin). L-Għar Hira fuq il-Ġebel in-Nur, 'il barra l-belt, huwa fejn jemmnuhom il-Misilmin li l-Quran ġie żvelat, jew bit-terminu Iżlamiku, tniżżel għall-ewwel darba lil Muħammed.[2] Madwar 44.5% tal-popolazzjoni huma ċittadini Sawdi u madwar 55.5% huma barranin Misilmin minn pajjiżi oħra.[3] Il-pellegrini aktar itellet fl-għadd tal-popolazzjoni kull sena matul il-pellegrinaġġ il-Ħaġġ, osservat fit-tnax-il xahar Heġri ta’ Tal-Ħeġġa (mill-Għarbi Dūl-Ħiġġa).[4] B'aktar minn 10.8 miljun viżitatur internazzjonali fl-2023, Mekka kienet waħda mill-għaxar bliet l-aktar miżjura fid-dinja.[5]
Mekka tinsab fil-punent tar-Renju tal-Arabja Sawdija, madwar 400 kilometru lejn il-Lbiċ ta' Medina,[6] madwar 75 kilometru lejn il-punent ta' Tajjef,[6] u 72 kilometru minn Ġedda u l-kosta tal-Baħar l-Aħmar. L-eqreb port huwa l-Port Iżlamiku ta' Ġedda, u l-eqreb ajruport internazzjonali huwa l-Ajruport Internazzjonali tar-Re Abdul Aziz. Mekka tinsab fl-intersezzjoni tal-latitudnijiet 25/21 fit-tramuntana u l-lonġitudnijiet 49/39 fil-lvant.[7] Dan il-post huwa kkunsidrat bħala waħda mill-aktar formazzjonijiet ġeoloġiċi diffiċli, peress li ħafna mill-blat tagħha huma granit iebes ħafna. Il-belt ta' Mekka tkopri erja ta' madwar 850 km²,[7] li minnhom 88 km² huma abitati. Iż-żona ċentrali madwar il-Misġed il-Ħram tkopri madwar 6 km².[7] L-elevazzjoni ta' Mekka 'l fuq mil-livell tal-baħar hija ta' madwar 277 metru.[8]
Il-belt fil-bidu tagħha kienet raħal żgħir li jinsab f’wied niexef imdawwar bil-muntanji minn kull naħat.[9] Imbagħad in-nies bdew jinġabru lejh u joqogħdu hemm matul iż-żmien tal-Profeta Abraham u l-Profeta Ismael.[10] Dan kien wara li Abraham ħalla lil martu Ħagar u lil ibnu Ismael f’dan il-wied niexef tad-deżert, f’konformità mal-kmand t’Alla.[11] Huma baqgħu fil-wied sakemm faqa’ l-bir Żemżem. Matul dak il-perjodu, il-pedamenti tal-Kagħba bdew jinbnew mill-Abraham u ibnu Ismael. Il-ħakkiema Misilmin mir-reġjun u madwaru ilhom jippruvaw jieħdu l-belt u jżommuha taħt il-kontroll tagħhom, u għalhekk, bħal ħafna mir-reġjun tal-Ħeġaż, il-belt rat diversi bidliet fir-reġim. L-aħħar darba li ġiet ikkonkwistata l-belt kienet fil-konkwista Sawdija fuq il-Ħeġaż minn Iben Sgħud u l-alleati tiegħu fl-1925. Minn dakinhar 'l hawn, Mekka rat espansjoni kbira fid-daqs u l-infrastruttura, b'bini ġdid u modern bħat-Torrijiet tal-Arloġġ (bl-Għarbi: l-Ibraġ is-Siegħa), ir-raba' l-itwal bini fid-dinja u t-tielet l-akbar skont l-erja tal-art,[12] li jixirfu l-Misġed il-Ħram.
Referenzi
[immodifika | immodifika s-sors]- ^ Nasr, Seyyed (2005). Mecca, The Blessed, Medina, The Radiant: The Holiest Cities of Islam (bl-Ingliż). Aperture. ISBN 0-89381-752-X.
- ^ Khan, A. M. (2003). Historical Value Of The Qur An And The Hadith (bl-Ingliż). Global Vision Publishing Ho. p. 26. ISBN 978-81-87746-47-8.
- ^ "Makkah (Makkah al-Mukarramah, Mecca Region, Saudi Arabia) - Population Statistics, Charts, Map, Location, Weather and Web Information". City Population (bl-Ingliż). Miġbur 3 Frar 2024.
- ^ "Hajj The Holy Pilgrimage". Salamislam (bl-Ingliż). 3 Jannar 2021. Arkivjat minn l-oriġinal fl-31 Mejju 2022. Miġbur 31 Mejju 2022.
- ^ "Euromonitor International's report reveals world's Top 100…. Retrieved". Euromonitor (bl-Ingliż). 13 Diċembru 2023. Miġbur 29 Frar 2024.
- ^ a b "المسافات الكيلومترية بين مدن المملكة" [Distanzi Kilometriċi bejn l-Ibliet fir-Renju]. الهيئة العامه للإحصاء (Awtorità Ġenerali għall-Istatistika) (bl-Għarbi). Arkivjat minn l-oriġinal fl-2018-11-18.
- ^ a b ċ "إحصائيات عن مكة المكرمة" [Statistika dwar Makkah Al-Mukarramah]. أمانة العاصمة المقدسة (Muniċipalità tal-Kapitali Mqaddsa) (bl-Għarbi). Arkivjat minn l-oriġinal fl-5 Settembru 2019. Miġbur 3 Awwissu 2009.
- ^ The editors of Time-Life Books (1999). What life was like in the lands of the prophet: Islamic world, AD 570 – 1405 (bl-Ingliż). Time-Life Books. p. 13. ISBN 0-7835-5465-6.
- ^ ابن ظهيرة القريشي المخزومي (Iben Dhejra l-Qrajxi l-Maħzumi) (1921). "Dwar l-Oriġini ta' Mekka, il-Virtù tagħha, u d-Deċiżjoni dwar il-Ħajja Qribha". كتاب الجامع اللطيف في فضل مكة وأهلها وبناء البيت الشريف [Il-Ktieb Komprensiv dwar il-Virtù ta' Mekka, in-Nies tagħha, u l-Bini tal-Bejt ix-Xrif] (bl-Għarbi). Dar Ihya al-Kutub al-Arabiyya Press.
- ^ الإدارة العامة للتربية والتعليم (Amministrazzjoni Ġenerali tat-Trobbija u t-Tagħlim). "تاريخ مكة المكرمة" [Storja ta' Makkah Al-Mukarramah]. makkahedu (bl-Għarbi). Arkivjat minn l-oriġinal fl-28 Marzu 2018. Miġbur 2016-03-28.
- ^ "قصة هاجر وإبراهيم وإسماعيل موسوعة الأسرة المسلمة" [L-Istorja ta' Ħaġar, Abraham, u Ismagħel, Enċiklopedija tal-Familja Misilma] (bl-Għarbi). Arkivjat minn l-oriġinal fl-2018-02-28. Miġbur 2009-10-20.
- ^ Bayat, Ehsan (28 Jannar 2021). "Dr. Ehsan Bayat - 6 Facts You Need to Know about the Abraj Al-Bait Clock Tower". Dr. Ehsan Bayat (bl-Ingliż). Miġbur 19 Ġunju 2024.