Wikipedija:Rebbiegħa CEE 2023

Il-logo ta' Rebbiegħa CEE

Rebbiegħa CEE 2023 ta' Wikimedia hija inizjattiva ta' Wikipedisti mill-Ewropa Ċentrali u l-Ewropa tal-Lvant bl-għan li jinħloqu paġni dwar nies, suġġetti jew oġġetti minn din il-parti tad-dinja. Malta qed tieħu sehem għar-raba' darba din is-sena permezz tal-għaqda volontarja Wikimedia Community Malta, li hija affiljata mal-Wikimedia Foundation. Dan jorbot mal-ħidma sistematika mibdija fl-2020 minn din l-għaqda biex jinħolqu paġni bil-Malti fuq il-Wikipedija dwar nies, suġġetti u oġġetti li m'għandhomx x'jaqsmu direttament ma' Malta. Dan qed isir f'kollaborazzjoni mal-Kummissjoni Ewropea, u Dipartiment tat-Traduzzjoni fl-Università ta' Malta.

Matul ix-xhur ta' Marzu, April u Mejju qed norganizzaw ukoll numru ta' workshops u edit-a-toni.  Id-dettalji hawn.

Sfond

F'dawn l-aħħar 100 sena, l-Ewropa Ċentrali u l-Ewropa tal-Lvant għaddew minn għadd ta' rebbigħat mhux daqstant sbieħ li ħolqu ħafna diżgwid, kunflitti u diżappunti. Fost dawn nistgħu nsemmu ir-Rebbiegħa ta' Praga fl-1968, il-kunflitt fin-Nagorno-Karabakh tal-1988, l-eskalazzjoni tal-kunflitt Transnistrijan fl-1992, jew il-gwerra li faqqgħet fl-Ukrajna fl-2014.

Għaldaqstant, ir-Rebbiegħa CEE ta' Wikimedia għandha l-għan li tappoġġja u tippromovi gruppi lokali fil-ħolqien ta' paġni fil-Wikipedija u proġetti oħra ta' Wikimedia biex jiżdied l-għarfien reċiproku ta' xulxin u jitkattar l-għerf ħieles f'dawn ir-reġjuni.

Lista ta' artikli mill-pajjiżi u reġjuni

Il-lista ta' paġni mill-pajjiżi u r-reġjuni isservi ta' punt tat-tluq u orjentazzjoni għal ħolqien u titjib tal-paġni - anke jekk il-paġni kollha dwar pajjiżi fl-Ewropa Ċentrali u tal-Lvant (inkluż il-Kawkasja) jgħoddu fil-konkors. Il-biċċa l-kbira tal-paġni jinstabu fil-Wikipedia bl-Ingliż u spiss huwa faċli ferm li jiġu tradotti minn hemm.

Paġni dwar suġġetti marbuta direttament ma' Malta ma jgħoddux fil-punti li tista' tirbaħ f'dan il-konkors jekk int utent Malti/ja.

Għajnuna

Gwida essenzjali: Tgħallem kif tikteb paġni u ttejjeb il-Wikipedija
Paġna Meta: meta: Wikimedia CEE Spring 2023
Dashboard għall-organizzaturi - mhux fejn jinżammu l-punti (ġej dalwaqt!)

Konkors

L-Għan

L-għan ta' dan il-konkors huwa li jinħolqu u jittejbu paġni dwar pajjiżi mill-Ewropa Ċentrali u tal-Lvant. Għalkemm kull kontribut relevanti jiġi ġġudikat bħala parti mill-konkors, peress li hemm ħafna xi jsir f'dan il-qasam fuq il-Wikipedija bil-Malti, xogħol fuq paġni fil-lista tal-100 proposti jingħata punteġġ akbar, kif spjegat aktar l-isfel.

Żmien

Il-konkors jibda f'nofsillejl tal-21 ta' Marzu u jkompli sa nofsillejl tal-20 ta' Ġunju.

Iż-żmien ikopri l-istaġun kollu tar-rebbiegħa.

Regolamenti

1. Kulħadd jista' jieħu sehem fil-konkors, ħlief għall-organizzaturi lokali u internazzjonali. L-organizzaturi jistgħu jipparteċipaw bla ma jikkompetu.

2. Biex tikkompeti trid tirreġistra formalment. Biex tirreġistra għall-konkors ikteb ismek hawn taħt kif indikat fit-taqsima tal-Parteċipanti.

3. Uża l-Mudell -- huwa essenzjali li tuża l-Mudell {{CEE Spring 2023 | utent = ismek | pajjiż = Malta}} fuq il-paġna tad-diskussjoni ta' kull pagna li taħdem fuqha biex il-kontribuzzjoni tiegħek tkun tgħodd fil-konkors. Dan huwa l-unika mod biex l-organizzaturi jkunu jafu li qed tieħu sehem fil-konkors. Ara/uża ukoll il-mudelli ta' lingwi oħra jekk tagħżel li tikteb bihom apparti l-Malti.

Punteġġi

Għal kull artikolu li toħloq tieħu żewġ punti
Għal kull artikolu li toħloq mil-lista uffiċjali tieħu tliet punti oħra (ħames punti b'kollox)
Għal kull artikolu li ttejjeb tieħu punt
Għal kull artikolu li ttejjeb mil-lista uffiċjali tieħu erba' punti oħra (ħames punti b'kollox)

Paġni dwar suġġetti marbuta direttament ma' Malta ma jgħoddux fil-punti li tista' tirbaħ f'dan il-konkors jekk int utent Malti/ja.

Kull mistoqsija għandha titpoġġa fuq il-paġna tad-diskussjoni.

Premjijiet

Il-premijiet huma pprovduti minn Wikimedia Community Malta permezz ta' għotja mill-Wikimedia Foundation:

L-ewwel post: €100 token għal xiri ta' kotba minn Amazon jew €200 token li jissarraf għand pubblikaturi Maltin*
It-tieni post: €60 token għal xiri ta' kotba minn Amazon jew €120 token li jissarraf għand pubblikaturi Maltin*
It-tielet post: €40 token għal xiri ta' kotba minn Amazon jew €80 token li jissarraf għand pubblikaturi Maltin*

Parteċipanti

Daħħal ismek fit-tabella t'hawn taħt. Daħħal l-isem tal-paġna jew paġni li tkun ħdimt fit-tieni kolonna. Fit-tielet kolonna tista ddaħħal paġni li għadek qed taħdem fuqhom. Tista' ddaħħal ukoll il-punti għax-xogħol li tkun għamilt fl-aħħar kolonna; dawn jiġu vverifikati mill-organizzaturi fi tmiem il-konkors u rranġati jekk ikun hemm bżonn.

Jekk issib xi diffikulta bit-tabella ikkuntattja lil Toni Sant jew Nevborg li huma l-organizzaturi u jidhru f'din it-tabella mingħajr punti għax mhux eliġibbli biex jikkompetu.

Utent	Paġna/pagni mibdija u/jew imtejba	Xogħol għaddej	Punti
Nevborg	Zlata Filipović, Goran Bregović, Sofija Jovanović, Selma Rıza, Staka Skenderova	Nikola Tesla	xejn
ToniSant	Rebbiegħa ta' Praga	Beer Barrell Polka	xejn
Trigcly	Mramorje, Vlkolínec, Hollókő, Park Nazzjonali ta' Hortobágy, Għar tas-Silġ ta' Dobšiná, Park Nazzjonali Storiku ta' Trakai, Reġjun tal-Inbid ta' Tokaj, Monasteru ta' Studenica, Gamzigrad, Monasteru ta' Hosios Loukas, Stari Ras, Lyubov Panchenko, Abbazija ta' Pannonhalma, Pécs, Krakovja, Banská Štiavnica, Yarmak, Sibila Petlevski, Dimitrana Ivanova, Palazz ta' Ishak Paşa, Mileva Filipović, Lista ta' Siti ta' Wirt Dinji fl-Ungerija, Lista ta' Siti ta' Wirt Dinji fis-Slovakkja, Għerien Karstiċi ta' Aggtelek u tas-Slovakkja, Žehra, Lista ta' Siti ta' Wirt Dinji fis-Serbja, Monasteru ta' Sopoćani, Kastell ta' Paphos, Ġibjun ta' Bovilla, Siġra tal-ballut ta' Tamme-Lauri, Alois Dryák, Ludmila tal-Boemja, Praga, Knarik Vardanyan, Leyla Mammadbeyova, Katsiaryna Barysevich, Magda Šaturová-Seppová, Iremel, Helena Kottler Vurnik, Sophie Liebknecht, Xtatol, Zlata Kolarić-Kišur, Lista ta' Siti ta' Wirt Dinji fl-Albanija, Torri tax-Xebba (Baku), Pajsaġġ Kulturali tat-Tinqix fuq il-Blat f'Gobustan, Sheki, Lista ta' Siti ta' Wirt Dinji fl-Ażerbajġan, Yana Zinkevych, Ludwik Lejzer Zamenhof, Jum Zamenhof, Peri-Khan Sofiyeva, Eleonora Jenko Groyer, Palazz tal-Khan, Söyembikä, Palazz Mariinskyi, Palazz tax-Shirvanshah, Sevil Shhaideh, Franz Kafka, Riżerva Naturali ta' Srebarna, Kavallier ta' Madara, Qabar Traċjan ta' Kazanlak, Qabar Traċjan ta' Sveshtari, Nessebar, Knejjes Imħaffrin fil-Blat ta' Ivanovo, Monasteru ta' Rila, Knisja ta' Boyana, Lista ta' Siti ta' Wirt Dinji fil-Bulgarija, Park Nazzjonali ta' Pirin, Monasteru ta' Horezu, Villaġġi bil-Knejjes Iffortifikati f'Transilvanja, Knejjes tal-Injam ta' Maramureș, Roșia Montană, Fortizzi ta' Dacia fil-Muntanji Orăștie, Lista ta' Siti ta' Wirt Dinji fir-Rumanija, Sighișoara, Delta tad-Danubju, Nino Ramishvili, Svetlana Antonovska, Nika Križnar	xejn	255
Mtanti	Liċenzja Creative Commons, Wikipedija Astratta, SPARQL	GNU Gettext, Semantic Web, Resource Description Framework, graph database	10
NoelMalta	Il-Bandiera Ukrena, Ir-Russi fl-Estonja, Ħobż ta’ Vjenna ,Il-Pont tal-Ġebel (Tartu), Stazzjon tal-ferrovija Haapsalu, Il-Piena kapitali fl-Estonja, Il-Ġarf ta' Kaali, Peeter Allik, Edward von Lõngus, Tiit Pääsuke, Park Nazzjonali Alutaguse, Il-Kappell Tiroljan	xejn	60
scutajar	Gjergj Pekmezi, Diana Çuli, Natasha Lako, Lajla Përnaska, Angeliki Hatzimichali, Garabet Tavitjan, Halima Nosirova, Mariya Androsova-Ionova, Abibilla Kudayberdiev, Saadet Özkan, Stasys Šalkauskis, Gintaras Beresnevičius, Aleksandras Vanagas, Ryhor Baradulin, Spiridon Sobol, Arne Laurin, Hendrik Adamson, Zöhrä Aqçurina, Marju Kõivupuu, Anne Vabarna, Hella Keem, Jakob Hurt, Contra (kittieb), Aapo Ilves, Juhan Jaik, Navitrolla, Peeter Laurits, Enn Kasak, Jaan Sarv, Evar Saar, Jovan Skerlić, Yakub Cemil, Yefimiya Krivosheyeva	xejn	165

Rebbieħa

L-ewwel post - Utent:Trigcly
It-tieni post - Utent:Scutajar
It-tielet post - Utent:NoelMalta

Premju ta' solidarjetà - €50 (jew €100 jekk imsarraf għand pubblikaturi Maltin): Utent:Mtanti

Il-premjijiet jistgħu jiġu rduppjati fl-ammont, kif indikat, jekk jitħaddmu ma' pubblikaturi tal-kotba Maltin (Kite Group, Midsea Books, u Merlin Publishers) skont l-għażla tar-rebbieħ/a.