L-Isla

Minn Wikipedija, l-enċiklopedija l-ħielsa
Aqbeż lejn: navigazzjoni, fittex
L-Isla
Emblema

Mottu: Civitas Invicta (Belt Qatt Mirbuħa)

Isem uffiċjali: L-Isla, Senglea
Stat: Flag of Malta.svg Malta
Isem tal-abitanti: Sengleani

Mappa

Latitudni: 35°53 '16" N
Lonġitudni: 14°31 '1" E
Erja: 0.2km²
Popolazzjoni:
 – Total:
 – Densità:

3,074
19,234
Konfini: Bormla
Qaddis patrun:
 – Ġurnata:
Marija Bambina; Kristu Redentur
8 ta' Settembru; it-Tielet Ħadd ta' Lulju
Sit elettroniku: islalocalcouncil.com

L-Isla (Senglea) tinsab fin-nofsinhar ta' Malta.

Din il-belt hija waħda mit-tlett ibliet (it-tnejn l-oħra huma l-Birgu u Bormla) li jiffurmaw iż-żona tal-Kottonera. L-Isla hija magħrufa wkoll bħala 'Città Invicta', minħabba l-fatt li din il-belt baqgħet mhux mirbuħa fl-Assedju l-Kbir ta' l-1565. L-isem ta' din il-belt huwa derivat mill-kelma Taljana Isola li tfisser gżira. Dan minħabba li l-art ta' l-Isla fil-fatt hi penisola.

Fi żmien il-Kavallieri ta' San Ġwann, l-Isla kienet tintuża wkoll bħala riserva għall-kaċċa, iżda maż-żmien il-Gran Mastru De La Sengle (li minnu ħadet l-isem bit-Taljan Senglea) iddeċieda li jibdilha f'belt abitata. Biss tajjeb insemmu illi għalkemm ħafna jaħsbu illi l-isem l-Isla huwa il-verżjoni bil-Malti ta Senglea, dan mhux minnu, fil-fatt dan kien l-isem li dan il-Gran Mastru ta lil din il-belt, li ried isemmi għalih innifsu. Għall iktar informazzjoni dwar din il-belt wieħed jista jżur is-sit tal-kunsill lokali li hija www.islalocalcouncil.com

Michelangelo Vella (7 ta’ Novembru, 1710 – 25 ta’ Diċembru 1792) kien kompożitur, organista u pedagogu Malti li twieled l-Isla.

Charles Clews (27 ta' Settembru 1919 – 29 ta' Jannar 2009), attur, twieled l-Isla.

L-artista grafiku Olandiż, Maurits Cornelis Escher, magħruf għall-inċiżjonijiet fl-injam, il-litografiji u l-mezzitinti tiegħu sikwit ispirati mill-matematika, għamel inċiżjoni fl-injam bi tliet kuluri ta' veduta tal-Isla.

Juan Bautista Azopardo (20 ta' Frar 1772 – 23 ta' Ottubru 1847),suldat, kursar, u kurunell, twieled l-Isla.