Tim nazzjonali tal-futbol tal-Albanija

Albanija

Laqam	Kuq e Zinjtë (Ħomor u Suwed)
Assoċjazzjoni	Federata Shqiptare e Futbollit
Konfederazzjoni	UEFA (Ewropa)
Kowċ	Josip Kuže
Kaptan	Altin Lala
L-aktar preżenzi	Foto Strakosha (73)
L-aktar gowls	Riza Lushta (35)
Stadju	Qemal Stafa
Kodiċi tal-FIFA	ALB
Klassifika tal-FIFA	79
Kuluri interni Kuluri esterni
Debutt internazzjonali
Albanija 2 – 3 Jugożlavja (Tirana, Albanija; 7 ta' Ottubru, 1946)
L-ikbar rebħa
Turkija 1 – 4 Albanija (Antalja, Turkija; 21 ta' Jannar, 1998)
L-ikbar telfa
Ungerija 12 – 0 Albanija (Budapest, Ungerija; 24 ta' Settembru, 1950)

It-tim nazzjonali tal-futbol tal-Albanija hu t-tim nazzjonali tad-dixxiplina sportiva tal-futbol tal-Albanija u hu mmexxi mill-Federazzjoni tal-futbol tal-Albanija. Minkejja li mhix ikkunsidrata bħala fost l-aqwa timijiet fl-Ewropa, l-Albaniżi huma ppassjonati fuq il-futbol tagħhom u okkażjonalment irnexxielhom jaqtgħu figura tajba kontra timijiet ta' ċertu kalibru.

Ġew fundati fis-6 ta' Ġunju 1930, però kellhom jistennew sittax-il sena sakemm jilgħabu l-ewwel partita internazzjonali, fejn iddebuttaw kontra l-Jugożlavja fl-1946. Fl-1932, l-Albanija kienet diġà ingħaqet mal-FIFA (matul il-kungress 12 ta' Ġunju – 16 ta' Ġunju) u fl-1954 hi kienet fost il-fundaturi tal-UEFA. L-Albanija kienet ġiet mistiedna sabiex tipparteċipa fit-Tazza tad-Dinja 1934, imma minħabba problemi organizzattivi kellhom jirtiraw il-parteċipazzjoni tagħhom.

Ħafna mill-partiti tat-tim nazzjonali tal-Albanija jintlagħbu ġewwa l-Qemal Stafa. L-istadju ġie mibni lejn is-snin tletin bħala stadju ta' użu multiplu. Illum il-ġurnata, hu l-aktar użat għall-partiti tal-futbol. L-Albanija wżat ukoll l-Istadju Loro-Boriçi f'Shkodër fejn hemmhekk irnexxielhom jiksbu fost l-iktar riżultati prestiġjużi, bħar-rebħa ta' 3–1 fuq ir-Russja fil-fażi ta' kwalifikazzjoni għall-Euro 2004.

Storja

Is-snin tal-bidu raw kampanja b'suċċess tat-Tazza tal-Balkani tal-1946. L-Albanija rebħu t-Tazza wara li għelbu lill-Jugożlavja bl-istess punti imma b'differenza ta' gowls aħjar. Il-partita finali kienet kontra r-Rumanija u ntrebħet 1–0. Erbat ijiem qabel, l-Albanija kienet diġà rebħet lill-Bulgarija 3–1. Hu interessanti l-fatt li l-Albanija ma kinitx mistenniha li tipparteċipa, imma l-irtirar tal-Greċja mit-turnew offra lill-Albanija iċ-ċans li tingħaqad fit-Tazza li ġiet ristabbilita wara l-gwerra.

Wara li ħadet sehem għall-ewwel darba fil-Kampjonati Ewropej tal-UEFA fl-1963, għall-edizzjoni tal-1964, fil-fażi ta' kwalifikazzjoni għall-Kampjonati Ewropej 1968, huma rnexxielhom jiksbu pari ta' mingħajr gowls kontra l-Ġermanja tal-Punent, li eventwalment wassal għall-eliminazzjoni ta' dan tal-aħħar. Matul dik l-era, l-Albanija kellha preżenti lil Panajot Pano, ikkunsidrat bħala l-aqwa plejer minn dan il-pajjiż.

Il-fażi ta' kwalifikazzjoni għat-Tazza tad-Dinja 1986 waslet aktar riżultati pożittivi bħall-pari ta' 2–2 barra minn darha kontra l-Polonja u rebħa ta' 2–0 kontra l-Belġu, li kienu spiċċaw semifinalisti tal-kompetizzjoni.

Il-kwalifikazzjoni għat-Tazza tad-Dinja 1994 rat lill-Albanija jilgħabu l-logħob ġewwa darhom fi stadji newtrali minħabba problemi politiċi ġewwa l-istess pajjiż. Madankollu, huma kisbu rebħa ta' 4–1 fuq it-Turkija f'logħba ta' ħbiberija fl-1998 — l-unika darba li l-Albanija skurjaw aktar minn 3 gowls f'logħba internazzjonali sħiħa (minkejja li lura fl-1946, kienu rebħu 5–0 lill-Montenegro, fejn dakinhar dan tal-aħħar kien parti mill-Jugożlavja).

Matul il-fażi ta' kwalifika għall-Kampjonati Ewropej 2004, ra lill-Albanija jagħmlu rebħa storika ta' 3–1 fuq ir-Russja fi Shkodër. Fil-kwalifikazzjoni għat-Tazza tad-Dinja 2006, ra progress fir-riżultati, fejn l-aktar riżultat sodisfaċenti kien dak ta' rebħa ta' 2–1 kontra l-Greċja, fejn dawn tal-aħħar kienu għadhom kemm ġew inkurunati ċampjins tal-Ewropa.

Fl-14 ta' Marzu 2008, il-FIFA ħabbret li ssospendiet lill-Albanija minn kwalunkwe attività tal-futbol internazjonali, kemm fuq livell ta' klabb u anki dak nazzjonali. Ir-raġuni wara din ir-raġuni kienet minħabba n-nuqqas ta' qbil li kien hemm bejn il-Ministeru tal-Isport u l-federazzjoni Albaniża, li għadha attwalment miftuħa, fuq il-kontrolli finanzjarji li l-awtoritajiet tal-gvern riedu jagħmlu fuq il-kontijiet tal-federazzjoni. L-irifjutar min-naħa tal-federazzjoni wassal għall-ksur tar-rapporti, u b'konsegwenza t'hekk waslet l-esklużjoni mill-kompetizzjonijiet.

Id-29 ta' April tal-istess sena, il-kumitat tal-emerġenza tal-istess FIFA, wara taħdidiet li kellha ma' xi diriġenti tal-UEFA, tal-Federazzjoni tal-futbol Albaniża u tal-gvern ta' Tirana, irrevokat lura l-esklużjoni.

Kuluri u simboli

L-Albanija tilgħab b'uniformi ħamra b'xorts u kalzetti suwed, xi drabi b'dekorazzjonijiet bojod jew suwed. Barra minn darhom, l-uniformi tkun ħafna drabi bajda b'dekorazzjonijiet suwed jew ħomor. L-ewwel uniformi hi sempliċiment rappreżentazzjoni tal-bandiera Albaniża, li hi fil-fatt ħamra b'ajkla sewda fin-nofs.

L-istemma li tuża' l-iskwadra mhix l-istess bħal dik tal-Federazzjoni, li turi disinn tond bl-ajkla fiċ-ċentru, li tissimbolizza l-bandiera Albaniża, fejn madwarha hemm ċirku abjad bl-isem bil-lingwa oriġinali tal-federazzjoni miktub b'karattri tad-deheb.

Skwadra kurrenti

Din hi l-iskwadra li ntagħżlet biex taffronta lill-Iżvezja fis-6 ta' Settembru 2008.

Nru. Poż. Plejer Data tat-twelid (età) Preż. Gowls Klabb 12 G Isli Hidi 15 ta' Ottubru 1980 (1980-10-15) 10 0 Kryvbas Kryvyi Rih 1 G Samir Ujkani 5 ta' Lulju 1988 (1988-07-05) 3 0 Novara D Armend Dallku 16 ta' Ottubru 1984 (1984-10-16) 31 2 Vorskla Poltava 6 D Debatik Curri 28 ta' Diċembru 1983 (1983-12-28) 21 1 Gençlerbirliği 3 D Kristi Vangjeli 5 ta' Settembru 1985 (1985-09-05) 16 0 Aris Thessaloniki D Andi Lila 12 ta' Frar 1986 (1986-02-12) 5 0 Tirana D Ditmar Bicaj 26 ta' Frar 1989 (1989-02-26) 0 0 Tirana D Endrit Vrapi 23 ta' Mejju 1982 (1982-05-23) 7 0 Besa M Altin Lala 18 ta' Novembru 1975 (1975-11-18) 69 3 Hannover 96 13 M Ervin Skela 17 ta' Novembru 1976 (1976-11-17) 59 12 TuS Koblenz 10 M Klodian Duro 21 ta' Diċembru 1977 (1977-12-21) 59 4 Apollon Limassol 5 M Lorik Cana 27 ta' Lulju 1983 (1983-07-27) 37 1 Sunderland 8 M Ervin Bulku 3 ta' Marzu 1981 (1981-03-03) 18 0 Kryvbas Kryvyi Rih 7 M Ansi Agolli 11 ta' Ottubru 1982 (1982-10-11) 9 2 Kryvbas Kryvyi Rih 11 M Jahmir Hyka 8 ta' Marzu 1988 (1988-03-08) 7 1 FSV Mainz M Gilman Lika 13 ta' Jannar 1987 (1987-01-13) 4 0 Boluspor M Emiljano Vila 12 ta' Marzu 1988 (1988-03-12) 1 1 Lokomotiva Zagreb M Gjergji Muzaka 26 ta' Settembru 1984 (1984-09-26) 2 0 Tirana M Emiliano Veliaj 9 ta' Frar 1985 (1985-02-09) 0 0 Laçi A Erjon Bogdani 14 ta' April 1977 (1977-04-14) 52 12 Chievo 9 A Edmond Kapllani 31 ta' Lulju 1982 (1982-07-31) 23 6 TuS Koblenz A Besart Berisha 29 ta' Lulju 1985 (1985-07-29) 17 1 Arminia Bielefeld A Hamdi Salihi 19 ta' Jannar 1984 (1984-01-19) 15 3 Rapid Wien A Elis Bakaj 25 ta' Ġunju 1987 (1987-06-25) 3 0 Dinamo Tirana A Ahmed Januzi 8 ta' Lulju 1988 (1988-07-08) 0 0 Vorskla Poltava A Bekim Balla 11 ta' Jannar 1991 (1991-01-11) 0 0 Vllaznia A Parid Xhihani 18 ta' Lulju 1983 (1983-07-18) 0 0 Zorya

Storja tal-kompetizzjonijiet

Tazza tad-Dinja

• mill-1930 għall-1962 –'Ma ħaditx sehem
• 1966 – Ma kkwalifikatx
• 1970 – Daħla mhux aċċettata mill-FIFA
• 1974 – Ma kkwalifikatx
• 1978 – Ma ħaditx sehem
• mill-1982 għall-2006 – Ma kkwalifikatx

Kampjonati Ewropej

• 1960 – Ma ħaditx sehem
• mill-1964 għall-1972 – Ma kkwalifikatx
• 1976 – Ma ħaditx sehem
• mill-1980 għall-2008 – Ma kkwalifikatx

Kwalifikazzjoni għat-Tazza tad-Dinja 2010

Biex tapprofondixxi, ara l-artiklu: Kwalifikazzjoni għat-Tazza tad-Dinja tal-Futbol 2010 (UEFA) - Grupp 1.

Tim L R P T GF GK DG Pti Danimarka 10 6 3 1 16 5 +11 21 Portugall 10 5 4 1 17 5 +12 19 Żvezja 10 5 3 2 13 5 +8 18 Ungerija 10 5 1 4 10 8 +2 16 Albanija 10 1 4 5 6 13 −7 7 Malta 10 0 1 9 0 26 −26 1

Albanija – 1 – 1 3 – 0 1 – 2 0 – 1 0 – 0 Danimarka 3 – 0 – 3 – 0 1 – 1 0 – 1 1 – 0 Malta 0 – 0 0 – 3 – 0 – 4 0 – 1 0 – 1 Portugall 0 – 0 2 – 3 4 – 0 – 3 – 0 0 – 0 Ungerija 2 – 0 0 – 0 3 – 0 0 – 1 – 1 – 2 Żvezja 4 – 1 0 – 1 4 – 0 0 – 0 2 – 1 –

Ħoloq esterni

• Arkivju tar-riżultati internazzjonali: 1946-2000/01
• Tifozat Kuq e Zi – il-grupp uffiċjali tal-benjamini tal-Albanija
• Albania-Sport