Tazza tad-Dinja VIVA
Minn Wikipedija, l-enċiklopedija l-ħielsa
| Tazza tad-Dinja VIVA | |
|---|---|
 Tazza tad-Dinja VIVA 2009 |
|
| Sport | Futbol |
| Fundazzjoni | 2006 |
| Konfederazzjoni | NF-Board |
| L-aħħar rebbieħ |  Padanja |
| L-aktar rebħiet |  Sapmi Padanja(titlu kull wieħed) |
| Sit elettroniku | vivaworldcup.info |
It-Tazza tad-Dinja VIVA hi kompetizzjoni internazzjonali tal-futbol kkontestata minn timijiet nazzjonali li mhumiex membri tal-FIFA. Dan il-kampjonat isir kull sentejn u hu mmexxi mill-NF-Board.
Werrej |
[editja] Ħarsa lejn il-kampjonat
[editja] Ftuħ tal-kampjonat
F'April 2005, l-NF-Board ħabbret li r-Repubblika Torka ta' Ċipru ta' Fuq kienet magħżula biex tospita l-edizzjoni inawgurali tat-Tazza tad-Dinja VIVA, wara li kienet ospitat b'suċċess kampjonat biex jiċċelebra l-50 sena anniversarju mill-fundazzjoni tal-federazzjoni tal-futbol. Il-federazzjoni xtaqet li sittax-il tim jieħdu sehem minn fost in-nazzjonijiet membri.
[editja] Kontroversja
Fir-rebbiegħa tal-2005, gvern ġdid ġie elett fir-Repubblika Torka ta' Ċipru ta' Fuq, li kien entużjast li jiżviluppa r-relazzjonijiet ma' nazzjonijiet oħra. L-NF-Board saħqet li l-gvern ta' Ferdi Sabit Soyer insista liema pajjiżi jistgħu jieħdu sehem u dawk li ma jistgħux biex jevita argumenti politiċi potenzjali. Il-KTFF, kif inhi magħrufa l-federazzjoni tal-futbol tal-pajjiż rispettiv, min-naħa tagħha saħqet li l-NF-Board għamlet domandi finanzjarji mhux raġunevoli.[1]
Ir-riżultat ta' dan kollu kien li l-NF-Board iddeċidiet li tagħti d-dritt biex tospita l-ewwel edizzjoni lill-Oksitanja. Bħala risposta, il-KTFF ħabbret li huma kienu se jospitaw kampjonat għalihom, l-ELF Cup, li kienet se tkun skedata fl-istess perjodu bħat-Tazza tad-Dinja VIVA. Xi membri tal-NF-Board aċċettaw l-invit biex jieħdu sehem f'din it-Tazza.
[editja] Oksitanja 2006
L-Oksitanja ħabbret li l-kampjonat se jkun xorta ospitat bejn id-19 u l-25 ta' Novembru 2006, bil-logħob jintlagħbu f'Hyères les Palmiers, qrib Tolon. In-numru ta' parteċipanti kien imnaqqas għal tmienja, bħala antiċipazzjoni għall-ELF Cup – li qablet li tħallas l-ispejjeż – li kienet se tieħu membri tal-NF-Board mit-Tazza tad-Dinja VIVA. Madankollu, minħabba n-nuqqas ta' kompetituri approprjati kien ifisser li l-kampjonat kien se jinkludi sitt timijiet: Monako, Romani, Sapmi, Kamerun t'Isfel, Papwa tal-Punent, u l-ospiti.
Madanakollu, minħabba li Papwa tal-Punent u l-Kamerun t'Isfel naqsu li jattendu għall-Assemblea Ġenerali tal-NF-Board f'Settembru 2006, u wkoll minħabba problemi loġistiċi,[2] tefgħu dawl ta' dubju fuq il-kampjonat li deher li kien se jkompli bi tliet timijiet biss. Fortunatament, il-Kamerun t'Isfel setgħu jaqblu biex jibagħtu t-tim tagħhom, u erba' timijiet – minn tnax-il tim li kienu maħsuba li jikkompetu – kienu se jipparteċipaw għar-rebħ tat-titlu.
Xorta kien għad problemi għall-organizzaturi meta l-Kamerun t'Isfel ma setgħux jipparteċipaw minħabba problemi tal-Visa, fejn irriżulta li l-partiti kollha tagħhom kienu rtirati.
Sa l-aħħar tal-ġimgħa, Sapmi kisbu l-ewwel titlu tal-ewwel edizzjoni, fejn skurjaw total ta' 42 gowl fit-tliet partiti tagħhom.
[editja] Sapmi 2008
It-tieni edizzjoni tal-Tazza tad-Dinja VIVA ntlagħabet fil-belt Żvediża ta' Gällivare f'Sapmi bejn is-7 u t-13 ta' Lulju, 2008. Tnax-il tim urew interess li jipparteċipaw fit-turnew tal-irġiel, waqt li tnejn fit-turnew tan-nisa. Madanakollu ħamsa biss ħadu sehem u t-tim li ħareġ rebbieħ kien il-Padanja fuq l-Aramej u l-ospiti tal-kompetizzjoni. Fil-kampjonat tan-nisa, b'żewġ timijiet, ir-rebbieħ kien l-ospitu, Sapmi.
[editja] Riżultati
| Sena | Ospitu | Finali | Tielet post | ||||
|---|---|---|---|---|---|---|---|
| Rebbieħ | Skor | Finalista tellief | Tielet post | Skor | Raba' post | ||
| 2006 Dettalji |
Mudell:Dati pajjiż Oskitanja |  Sapmi |
21–1 |  Monako |
.svg){kind=small} Oksitanja |
irtirata |  Kamerun t'Isfel |
| 2008 Dettalji |
Sapmi |
 Padanja |
2–0 |  Aramea |
Sapmi |
3–1 |  Kurdistan Iraqin |
[editja] Statistika
[editja] Rebbieħa
| Tim | Titli | Finalista telliefa | Tielet post | Raba' post |
|---|---|---|---|---|
| Sapmi |
1 (2006) | - | 1 (2008) | - |
| Padanja |
1 (2008) | - | - | - |
 Monako |
- | 1 (2006) | - | - |
 Aramea Aramea |
- | 2 (2008) | - | - |
 Oksitanja Oksitanja |
- | - | 1 (2006) | - |
 Kurdistan Iraqin Kurdistan |
- | - | 1 (2008) | - |
 Kamerun t'Isfel Kamerun t'Isfel |
- | - | - | 1 (2006) |
[editja] Prestazzjoni min-nazzjonijiet ospiti
| Sena | Nazzjon ospitu | Fażi |
|---|---|---|
| 2006 | Oksitanja |
Tielet post |
| 2008 | Sapmi |
Tielet post |
[editja] Trofew
It-Trofew Tazza tad-Dinja VIVA kien iddiżinjat mill-iskultur Franċiż Gérard Pigault, u hu msemmi t-Trofew Nelson Mandela, bħala unur għall-president veteran Sud-Afrikan.[3]
[editja] Ara wkoll
[editja] Referenzi
- ^ Steve Menary. Worlds apart (Ingliż), World Soccer Magazine, Ottubru 2006, pġ. 105.
- ^ The VIVA World Cup remains in question! (Oksitan). Sit uffiċjali tal-Associacion Occitana de Fotbòl. Aċċessata nhar il-30 ta' Ottubru, 2006.
- ^ NF-Board Opens Registrations for the 1st Viva World Cup in Northern Cyprus (Ingliż), 01-01-2005 (Aċċessata nhar il-17-08-2008).
[editja] Ħoloq esterni
|
|||||||||||||||||||||||||||||
|
|||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
|
|||||||||||||||||||||||||||||
