Kaká

Minn Wikipedija, l-enċiklopedija l-ħielsa
Aqbeż lejn: navigazzjoni, fittex
Kaká
Kaká1.JPG
Informazzjoni personali
Isem sħiħ Ricardo Izecson dos Santos Leite
Twelid 22 ta' April 1982 (1982-04-22) (31 sena)
Gama
Pajjiż Bandiera tal-Brażil Brażil
Tul 1.83 m
Rwol Midfilder offensiv
Informazzjoni fuq il-klabb
Klabb kurrenti Milan
Numru 22
Klabbs ġovanili
1990–2000 São Paulo
Klabbs professjonali*
Snin Klabb Preż Gwls
1999–2003 São Paulo 59 (23)
2003–2009 Milan 193 (70)
2009–2013 Real Madrid 85 (23)
2013– Milan 0 (0)
Tim nazzjonali
2002– Brażil 85 (29)
* Il-preżenzi u l-gowls fil-karriera professjonali huma validi biss għall-kampjonat domestiku.
Aġġornament: 16:21, 2 ta' Marzu 2013 (UTC)

Ricardo Izecson dos Santos Leite (Gama, 22 ta' April 1982), magħruf aħjar bħala Kaká jew Ricky Kaká, huwa plejer tal-futbol Brażiljan li jilgħab mat-tim Taljan ta' Milan[1] u mat-tim nazzjonali tal-Brażil. Fl-2007 hu rċieva l-unuri prestiġjużi tal-Ballun tad-Deheb u l-Plejer tas-Sena tal-FIFA, u fl-2008 ġie msemmi fost il-100 persuna l-aktar influwenti fid-dinja, fit-Time 100.[2] Sa Frar tal-2009, flimkien mal-plejer ta' Inter Zlatan Ibrahimović, Kaká huwa l-aktar plejer imħallas fid-dinja tal-futbol.[3]

L-ewwel snin[editja]

Kaká twieled minn Simone Cristina dos Santos Leite u Bosco Izecson Pereira Leite. Ħuh iż-żgħir, Rodrigo (magħruf aħjar bħala Digão), hu wkoll plejer professjonali. Fl-età ta' seba snin, il-familja ttrasferixxiet lejn São Paulo. L-iskola daħħlet lil Kaká fi klabb ġovanili lokali bl-isem ta' "Alphaville", li kkwalifika għall-finali tat-turnew lokali.[4] Hemmhekk hu kien ġie skopert minn São Paulo li offrielu kuntratt.[5]

Fl-età ta' tmintax-il sena, Kaká sofra inċident li seta' hedded bil-kbir il-karriera tiegħu u l-possibilità ta' paralisi għal ħajtu meta ħabat rasu mal-qiegħ ta' pixxina u kisser il-vertebra ta' għonqu, però irnexxielu jirkupra. Minn dakinhar 'il quddiem, kull darba li jiskorja xi gowl, hu jiftakar f'dan il-mument billi jerfgħa idu u għajnejh lejn is-sema bħala ringrazzjament lil Alla ta' dak li għamel miegħu.

Karriera[editja]

São Paulo[editja]

Kaká beda l-karriera tiegħu ma' São Paulo meta kellu tmien snin. Hu ffirma kuntratt meta kellu ħmistax-il sena, u mexxa lit-tim ġovanili għat-trijonf fil-Copa de Juvenil. Id-debutt ta' Kaká mat-tim tal-kbar wasal f'Jannar 2001 u skorja 12-il gowl f'27 apparenza, fejn mexxa wkoll lil São Paulo għall-ewwel u l-unika Torneio Rio-São Paulo. Huwa skorja 10 gowls fi 22 partita fl-istaġun segwenti, u grazzi għall-prestazzjonijiet tajbin tiegħu, hu kien qed jattira diversi klabbs mill-Ewropa. Kaká għamel total ta' 75 apparenza (fil-kompetizzjonijiet kollha) għall-klabb Brażiljan, fejn skorja 30 darba.

Milan[editja]

Kaká flimkien mal-President tal-Brażil Lula

AC Milan, li kienu għadhom friski mir-rebħ taċ-Champions League 2003, xtrawh għal somma ta' $8.5 miljun, somma li kienet ġiet deskritta mill-propjetarju tal-klabb, Silvio Berlusconi, bħala "waħda taċ-ċajt" għal talent bħal tiegħu. Madwar xahar wara, hu żblokka mal-ewwel tim, u d-debutt tiegħu fis-Serie A wasal fir-rebħa ta' 2–0 fuq Ancona, waqt li l-ewwel gowl tiegħu wasal fid-derby ta' Milan kontra Inter fejn issiġilla r-rebħa ta' 2–0 kontra l-arċirivali. Hu skorja għaxar gowls fi tletin apparenza dak l-istaġun, hekk kif Milan rebħu l-iscudetto u s-Supertazza Ewropea.

Fl-istaġun 2004–05, Kaká kien parti mill-ħames plejers ċentrali, waqt li ħafna drabi kien jilgħab taħt l-attakkant Andriy Shevchenko. Hu skorja seba' gowls f'36 partita domestika hekk kif Milan spiċċaw it-tieni post fil-kampjonat. Minkejja li l-klabb minn Milan tilef il-finali tal-UEFA Champions League 2004–05 kontra l-Liverpool wara l-għoti tal-penalties, hu xorta waħda kien ġie vvutat bħala l-aqwa midfilder tat-turnew.

L-istaġun 2005–06 ra lil Kaká jiskorja l-ewwel tripletta personali kemm fil-kompetizzjoni domestika kif ukoll fl-Ewropa. Fid-9 ta' April 2006, huwa skorja tripletta kontra Chievo Verona fejn kollha ġew fit-tieni taqsima. Seba' xhur wara, huwa skorja tripletta oħra din id-darba kontra RSC Anderlecht fir-rebħa ta' 4–1 tar-"Rossoneri". Id-dinja tal-futbol bdiet tagħraf aktar il-kobor ta' din l-istilla emerġenti.

Kaká ma' Milan

It-tluq ta' Shevhenko għal ma' Chelsea FC fil-bidu tal-istaġun 2006–07, tat lil Kaká biex isir il-punt fokali tal-offiża ta' Milan hekk kif hu alterna bejn il-pożizzjoni ta' nofs il-grawnd u ta' attakkant. Hu spiċċa bħala l-aqwa skorer tal-kampanja 2006–07 taċ-Champions League b'għaxar gowls. Wieħed minnhom għen lir-Rossoneri jegħlbu lil Celtic FC fil-kwarti tal-finali bi skor aggregat ta' 1–0, u tlieta oħra kienu fatali għal Manchester United fis-semifinali minkejja li t-tim Taljan tilef l-ewwel leg. Wara r-riżultat konvinċenti ta' 3–0 fit-tieni leg f'San Siro fit-2 ta' Mejju li elimina liċ-ċampjins Ingliżi, il-kowċ ta' Manchester United Sir Alex Ferguson iddikjara li Kaká kien wieħed mill-aqwa żewġ plejers fid-dinja, flimkien ma' Cristiano Ronaldo.

Kaká żied it-trijonf taċ-Champions League 2006–07 meta l-Milan rebħu lil-Liverpool 2–1 f'Ateni fit-23 ta' Mejju 2007. Minkejja li ma sabx ix-xibka, kien hu li rebaħ il-free-kick li minnu skorja Filippo Inzaghi, u pprovda wkoll il-passaġġ għat-tieni gowl, skurjat mill-istess Inzaghi. F'Ġunju tal-2007] il-pubblikazzjoni Ġermaniża "Kicker" semmietu bħala l-aqwa plejer fid-dinja, bi Cristiano Ronaldo u Ronaldinho jispiċċaw fit-tieni u fit-tielet post rispettivament. Fit-30 ta' Awwissu, Kaká ġie magħżul mill-UEFA bħala kemm l-aqwa attakant tal-istaġun 2006–07 taċ-Champions League kif ukoll bħala l-Plejer tas-Sena.[6]

Huwa lagħab il-200 logħba fil-karriera tiegħu mal-Milan fil-pari ta' 1–1 kontra Calcio Catania fit-30 ta' Settembru 2007, u fil-5 ta' Ottubru hu ġie msemmi bħala l-Aqwa Plejer tas-Sena mill-FIFPro. Fit-2 ta' Diċembru 2007, Kaká ġie mħabbar bħala l-Plejer Ewropew tas-Sena, fejn sar it-tmien Milanist fl-istorja li rebaħ dan l-unur. Huwa spiċċa fl-ewwel post b'vantaġġ kbir fuq it-tieni klassifikat, Cristiano Ronaldo.[7] Fid-29 ta' Frar 2008, hu aċċetta li jestendi l-kuntratt biex b'hekk hu se jibqa' mal-klabb sas-sena 2013.[8]

Minħabba l-kontribuzzjonijiet tiegħu kemm ġewwa u barra l-grawnd, il-magażin Time nhar it-2 ta' Mejju, semma lil Kaká fit-Time 100, li hi lista tal-100 persuna l-aktar influwenti minn madwar id-dinja.[9] Fl-14 ta' Ottubru 2008, qabel il-partita ta' kwalifikazzjoni għat-Tazza tad-Dinja 2010 bejn il-Brażil u l-Veneżwela, Kaká ħalla l-marka ta' saqajh fil-Hall of Fame tal-Maracanã, fis-sezzjoni dedikata għall-memorja tal-aqwa plejers tal-pajjiż.[10]

Fit-13 ta' Jannar 2009, kien irrapurtat mill-BBC li Manchester City għamlu offerta lil Kaká ta' aktar minn £100 miljun. Id-direttur tal-Milan Umberto Gandini irrisponda għal din l-offerta billi bagħat, "L-unika ħaġa li nista' ngħid hi li l-offerta hi immensa u l-klabb qed jikkunsidraha," u żied li l-Milan kienu se jiddiskutu dan ir-rigward ġa ladarba Kaká u Manchester City jaqblu fuq termini personali.[11] Kaká inizzjalment irrisponda billi qal lill-ġurnalisti li hu xtaq "jixjieħ" f'Milan u joħlom li xi darba jkun kaptan tal-klabb, imma aktar tard qal, "Jekk [Milan] iridu jbiegħuni, jien lest li npoġġi bil-qiegħda u nitkellem. Jien nista' ngħid li sakemm il-klabb ma jridx ibiegħni, jien definittivament nibqa'."[12] Fid-19 ta' Jannar, Berlusconi ħabbar li City kienu uffiċjalment temmew in-negozjati, u li Kaká kien se jibqa' mal-Milan.[13] Il-partitarji tal-Milan kienu spiċċaw jipportestaw barra l-kwartieri ġenerali tal-klabb kmieni dak il-lejl, u bdew jitolbu lill-istess Kaká quddiem daru biex jibqa' mal-klabb. Ir-risposta ta' Kaká kienet li jsellmilhom billi jxejjer il-ġersi aħmar u iswed tal-Milan 'il barra mit-tieqa.[14]

Nhar it-3 ta' Ġunju, 2009, Football Italia ħabbar li l-president il-ġdid ta' Real Madrid Florentino Pérez kien għadu kif offra somma ₤68.5 miljun għal Kaká,[15] jumejn biss wara li l-plejer ingħaqad mat-tim nazzjonali għal-logħbiet internazzjonali.[16] Il-viċi-president tal-Milan, Adriano Galliani, irtira dan l-għajudt, u kkonferma li hu u missier Kaká, Bosco Leite, ivvjaġġaw lejn Spanja biex jiltaqgħu ma' Pérez.[17] Nhar l-4 ta' Ġunju, Galliani stqarr lil Gazzetta dello Sport li kienu l-motivi finanzjarji li wasslu għal taħdidiet ma' Pérez. "Ma nistgħux nħallu [lill-Milan] li nitilfu £70m [...] Ir-raġunijiet wara t-trasferiment ta' Kaká huma dawk ekonomiċi."[17]

Real Madrid[editja]

Nhar it-Tnejn, 8 ta' Ġunju 2009, Kaká iffirma kuntratt mal-iSpanjoli ta' Real Madrid għal sitt snin, li jibda mill-istaġun 2009–10 għal somma li ddur madwar il-£65 miljun.[1] Din temmet saga kbira ta' spekulazzjoni kbira fuq il-futur ta' Kaka, b'Milan f'Jannar tal-2008 jirrifjutaw offerta ta' £100m minn Manchester City. Hu hu l-ewwel plejer li nxtara fir-ritorn mill-ġdid tal-president Florentino Perez (li mexxa 'l-klabb Spanjol matul l-era famuża tal-Galacticos) u jimmarka wkoll l-ikbar somma ta' trasferiment qatt imħallsa għal plejer minn mindu sar it-trasferiment rekord ta' Zinedine Zidane ukoll mal-istess klabb fl-2001.[18]

Ritorn ma' Milan[editja]

Kaka rritorna ma' Milan fit-2 ta' Settembru 2013. Il-ġganti tas-Serie A ikkonfermaw li huma waslu għal ftehim mal-midfilder offensiv għal żmien ta' sentejn. Hu se jaqla €4 miljuni f'kull staġun ma' Milan.[19]

Internazzjonali[editja]

Kaká fit-triq mal-Brażil

Kaká għamel id-debutt tiegħu mat-tim nazzjonali Brażiljan f'Jannar tal-2002 kontra l-Bolivja. Hu kien parti mill-iskwadra rebbieħa fit-Tazza tad-Dinja 2002, imma lagħab biss 19-il minuta fil-partita tal-ewwel rawnd kontra l-Kosta Rika. Matul il-finali kontra l-Ġermanja, il-kowċ Luis Felipe Scolair kien mistenni li jdaħħal lil Kaká bħala sostitut, imma dan ma seħħx minħabba li r-referi ma rahx ixejjer idejh biex jurih li se jagħmel sostituzzjoni oħra.

Fl-2003, Kaká kien il-kaptan tat-tim Brażiljan waqt il-kampjonat tal-Gold Cup fejn it-tim spiċċa finalista tellief b'Kaká jiskorja tliet gowls. Fid-29 ta' Ġunju 2005, huwa skorja fir-rebħa ta' 4–1 fuq l-Arġentina fil-finali tat-Tazza tal-Konfederazzjonijiet 2005 b'xutt b'saħħtu fir-rokna leminija tax-xibka. Kaká beda għall-ewwel darba mal-ewwel ħdax fit-Tazza tad-Dinja 2006, u skorja l-ewwel u l-uniku gowl fil-partita tal-ftuħ tal-Brażil kontra l-Kroazja. Il-Brażil spiċċaw barra mill-kompetizzjoni wara li tilfu 1–0 fil-kwarti tal-finali kontra l-finalisti telliefa ta' dik l-edizzjoni, Franza.

F'Ġunju tal-2007 hu bagħat ittra lill-Federazzjoni Brażiljana biex jistaqsi jekk setax ma jiġix magħżul mill-kowċ tas-selezzjoni Sud-Amerikana Dunga għall-Copa América 2007 li kellha ssir fil-Veneżwela. Il-ġustifikazzjoni tiegħu wara din ir-rikjesta kienet minħabba li kellu bżonn il-mistrieħ wara li f'dawk l-aħħar tliet staġuni kien kontinwament impenjat man-nazzjonal u mal-Milan. It-tim Brażiljan irnexxielu jirbaħ din il-kompetizzjoni. Hu reġa' rritorna mal-Brażil meta lagħab 70 minuta fil-pari ta' 1–1 kontra l-Ingilterra nhar l-1 ta' Ġunju, però 30 minuta biss fil-pari ta' mingħajr gowls kontra t-Turkija tal-5 ta' Ġunju.

Statistika[editja]

Klabb Staġun Kampjonat Tazza Kontinentali1 Oħrajn2 Total
Preż Gowls Assisti Preż Gowls Assisti Preż Gowls Assisti Preż Gowls Assisti Preż Gowls Assisti
São Paulo 2001 27 12 7 1 5 0 16 4 55 17
2002 22 9 9 6 17 8 48 23
2003 10 2 5 0 7 5 22 7
Total 59 23 21 7 5 0 40 17 125 47
Milan 2003–04 30 10 4 4 0 0 10 4 1 1 0 0 44 14 5
2004–05 36 7 5 1 0 0 13 2 4 1 0 0 51 9 7
2005–06 35 14 3 2 0 0 12 5 1 49 19 5
2006–07 31 8 6 2 0 0 15 10 5 48 18 9
2007–08 30 15 10 0 0 0 9 3 2 3 2 0 41 19 12
2008–09 31 16 9 1 0 1 4 0 2 36 16 10
Total 193 70 37 10 0 1 63 24 15 5 2 0 270 95 46
Real Madrid 2009–10 25 8 6 1 0 0 7 1 2 33 9 8
2010–11 14 7 5 3 0 0 3 0 1 20 7 6
2011–12 27 5 9 4 0 0 8 3 5 1 0 0 40 8 14
2012–13 19 3 3 2 1 0 6 1 1 0 0 0 27 5 4
Total 85 23 23 10 1 0 24 5 10 1 0 0 120 29 32
Milan 2013–14 0 0 0 0 0 0 0 0 0 0 0 0
Total 0 0 0 0 0 0 0 0 0 0 0 0 0 0 0
Total tal-karriera 337 116 59 41 8 1 91 29 24 46 19 0 515 171 80

Korretta sat-2 ta' Settembru 2013[20]

Unuri[editja]

Nazzjonal[editja]

Klabb[editja]

Brażil São Paulo

Italja AC Milan

Individwali[editja]

Ħajja privata[editja]

Familja[editja]

Kaká ma' martu Caroline

Nhar it-23 ta' Diċembru 2005, f'São Paulo, quddiem 600 invitata fil-knisja evanġelika Renascer em Cristo, Kaká iżżewweġ Caroline Celico, wara tliet snin ta' għerusija.[21] Il-koppja kellha l-ewwel tifel tagħha, Luca Celico Leite, li twieled fil-lejl bejn id-9 u l-10 ta' Ġunju 2008.[22]

Reliġjon[editja]

Referenzi[editja]

  1. ^ a b Komunikat ufiċjali ta' Real Madrid
  2. ^ (Ingliż) Kaká - The 2008 TIME 100. Time Magazine, 29-04-2008. Aċċess tal-URL: 23-02-2009.
  3. ^ (Ingliż) The 50 highest salaries of football players 2008/2009. futebolfinance.com. Aċċess tal-URL: 23-02-2009.
  4. ^ Bijografija ta' Kaká (Portugiż)
  5. ^ Bijografija - fantasticoakaka.it (Taljan)
  6. ^ (Ingliż) Kaka named UEFA's European club player of the year. Reuters, 30-08-2007
  7. ^ (Ingliż) Ballon d'Or: Kaka crowned. Football Italia. Aċċess tal-URL: 09-03-2008.
  8. ^ (Ingliż) Kaka will not leave Milan. Sky Sports. Aċċess tal-URL: 08-03-2008.
  9. ^ (Ingliż) Kasey Keller, Kaká - The 2008 Time 100.
  10. ^ (Portugiż) Kaká coloca os pés entre Zico e Marta na Calçada da Fama do Maracanã. globoesporte.com, 15-10-2008. Aċċess tal-URL: 27-10-2008.
  11. ^ (Ingliż) Alessandro Poggi, AC Milan’s Gandini Says Kaka Will Talk With Manchester City, 16-01-2009.
  12. ^ (Ingliż) Kaka and Manchester City: three days that shook the football world, 16-01-2009.
  13. ^ (Ingliż) Kaka deal dead but Bellamy signs for £12M. CNN, 19-01-2009
  14. ^ (Ingliż) Kaka salutes fans pleading with him to stay. Agence France-Presse, 19-01-2009. Aċċess tal-URL: 23-02-2009.
  15. ^ (Ingliż) KAKA FOR SALE, 03-06-2009.
  16. ^ (Ingliż) Kaka will leave, 01-062009.
  17. ^ a b (Ingliż) Galliani: We have to sell Kaka, 03-06-2009.
  18. ^ (Ingliż) Kaka completes switch to Madrid, 08-06-2009.
  19. ^ http://www.goal.com/en/news/11/transfer-zone/2013/09/02/4231203/official-ac-milan-sign-kaka?ICID=CP_1
  20. ^ http://www.acmilan.com/LM_Actor.aspx?idSquadra=3&idStagione=14&idPersona=53&name=Kaká
  21. ^ (Ingliż) Seven dead and dozens injured after 'Kaka's church' collapses during service, 19-01-2009.
  22. ^ (Ingliż) RICKY AND CAROLINE, CONGRATULATIONS!. Associazione Calcio Milan, 10-06-2008. Aċċess tal-URL: =2008-06-10.

Ħoloq esterni[editja]