Tazza tad-Dinja tal-Futbol 2010

Minn Wikipedija, l-enċiklopedija l-ħielsa

Dan l-artiklu jew sezzjoni għandu informazzjoni dwar avveniment sportiv futuri. Hu probabbli li l-informazzjoni hi ta' natura spekulattiva, u l-kontenut jista' jinbidel drastikament hekk kif l-avveniment joqrob.

Tazza tad-Dinja tal-Futbol 2010
Dettalji tat-turnew
Pajjiż ospitu	Afrika t'Isfel
Dati	11 ta' Ġunju – 11 ta' Lulju
Parteċipanti	32 (minn 5 jew 6 konfederazzjonijiet)
Stadji	10 (f'9 ibliet ospiti)

It-Tazza tad-Dinja tal-Futbol 2010 se tkun id-dsatax-il edizzjoni tat-Tazza tad-Dinja, li hu avveniment mondjali tal-futbol li jsir kull erba' snin. Hu skedat li jkun bejn il-11 ta' Ġunju u l-11 ta' Lulju 2010 fl-Afrika t'Isfel. Din se tkun l-ewwel darba li l-kampjonat se jiġi ospitat minn pajjiż Afrikan. L-Italja se tiddefendi t-titlu li kisbet fl-edizzjoni preċedenti, minkejja li kkwalifikatx għall-fażi finali.

Werrej 1 L-għażla tal-ospitu 2 Kwalifikazzjoni 2.1 Timijiet kwalifikati 3 Stadji 4 Preparazzjoni 5 Għajdut ta' ospitu ġdid 6 Skeda 6.1 Pożizzjonijiet fil-fażi tal-gruppi 6.2 Fażi tal-gruppi 7 Referenzi 8 Ħoloq esterni

[editja] L-għażla tal-ospitu

L-Afrika ġiet magħżulha bħala l-ospitu tat-Tazza tad-Dinja 2010 bħala parti minn politika ġdida li tikkonsisti fir-rotazzjoni ta' dan l-avveniment bejn il-konfederazzjonijiet tal-futbol (idea li ġiet abbandunata f'Ottubru tal-2007). Ħames pajjiżi Afrikani għamlu offerta biex jospitaw l-edizzjoni tal-2010 tat-Tazza tad-Dinja:

• Eġittu
• Libja / Tuneżija (pjan ta' ospitu kollettiv)
• Marokk
• Afrika t'Isfel

Minħabba d-deċiżjoni suċċessiva tal-Kumitat Eżekuttiv tal-FIFA biex il-kampjonat ma jiġix ospitat minn żewġ pajjiżi, it-Tuneżija irtirat il-kandidatura tagħha. Il-Kumitat iddeċieda wkoll li ma jaċċettax lil-Libja bħala ospitu minħabba li ma laħqitx il-kriterji uffiċjali.

Wara rawnd ta' voti, l-offerta rebbieħa ġiet mħabbra mill-president tal-FIFA Sepp Blatter waqt konferenza stampa fil-15 ta' Mejju 2004, f'Żurigu. L-Afrika t'Isfel ingħatat id-dritt li tospita dan it-turnew, fejn għelbet l-isfida tal-Marokk u l-Eġittu.^[1]

Riżultati
Pajjiż	Voti
Afrika t'Isfel	14
Marokk	10
Eġittu	0

• Tuneżija – irtirat fit-8 ta' Mejju 2004 wara li żewġ ospiti ma kinux aċċettati
• Libja – l-offerta ġiet irrifjutata: il-kandidatura ma laħqitx il-kriterji u l-ospitu bejn żewġ pajjiżi ma kienx aċċettat

[editja] Kwalifikazzjoni

Bħala l-pajjiż ospitu, l-Afrika t'Isfel ikkwalifikat awtomatikament. Madanakollu, l-Afrika t'Isfel hi l-ewwel ospitu mill-1934 li se tipparteċipa xorta waħda fil-kwalifiki għat-Tazza tad-Dinja. Dan hu minħabba li l-kwalifiki tal-CAF iservu wkoll bħala turnew ta' kwalifikazzjoni għat-Tazza Afrikana, fejn l-Afrika t'Isfel trid tikkwalifika għaliha separatament. Bħat-turnew preċedenti, iċ-ċampjins renjanti tal-Italja, mhux se jkollhom aċċess awtomatiku għall-fażi finali.

Il-poloz għall-fażi preliminarja ttellgħu f'Durban, fl-Afrika t'Isfel, fil-25 ta' Novembru 2007. It-tlugħ tal-poloz għall-fażi finali tat-Tazza tad-Dinja 2010 se jittellgħu f'Cape Town, fl-Afrika t'Isfel, f'Diċembru tal-2009.

[editja] Timijiet kwalifikati

Tim	Data ta' kwalifikazzjoni	Konfederazzjoni	Ikkwalifika bħala	L-aħħar parteċipazzjoni
Afrika t'Isfel	15 ta' Mejju 2004	CAF	Pajjiż organizzatur	Korea t'Isfel - Ġappun 2002
Awstralja	6 ta' Ġunju 2009	AFC	Rebbieħ ta' Grupp A tar-Raba' Rawnd tal-AFC	Ġermanja 2006
Ġappun	6 ta' Ġunju 2009	AFC	It-Tieni klassifikat fi Grupp A tar-Raba' Rawnd tal-AFC	Ġermanja 2006
Korea t'Isfel	6 ta' Ġunju 2009	AFC	Rebbieħ ta' Grupp B tar-Raba' Rawnd tal-AFC	Ġermanja 2006
Olanda	6 ta' Ġunju 2009	UEFA	Rebbieħ ta' Grupp 9 tal-UEFA	Ġermanja 2006
Korea ta' Fuq	17 ta' Ġunju 2009	AFC	It-Tieni klassifikat fi Grupp B tar-Raba' Rawnd tal-AFC	Ingilterra 1966
Brażil	5 ta' Settembru 2009	CONMEBOL	Fost l-aqwa erbgħa fil-grupp uniku tal-CONMEBOL	Ġermanja 2006
Gana	6 ta' Settembru 2009	CAF	Rebbieħ ta' Grupp 4 tat-Tielet Rawnd tal-CAF	Ġermanja 2006
Ingilterra	9 ta' Settembru 2009	UEFA	Rebbieħ ta' Grupp 6 tal-UEFA	Ġermanja 2006
Spanja	9 ta' Settembru 2009	UEFA	Rebbieħ ta' Grupp 5 tal-UEFA	Ġermanja 2006
Paragwaj	9 ta' Settembru 2009	CONMEBOL	Fost l-aqwa erbgħa fil-grupp uniku tal-CONMEBOL	Ġermanja 2006

[editja] Stadji

Fl-2005, l-organizzaturi ħarġu lista proviżorja tat-tlettax-il stadju li se jintużaw għat-Tazza tad-Dinja: Bloemfontein, Cape Town, Durban, Johannesburg (żewġ impjanti), Kimberley, Nelspruit, Orkney, Polokwane, Port Elizabeth, Pretorja (żewġ impjanti), u Rustenburg. Dan in-numru tnaqqas għal għaxra^[2] li kienu uffiċjalment mħabbra fis-17 ta' Marzu 2006 mill-FIFA:

Johannesburg	Durban	Cape Town	Johannesburg	Pretorja
Soccer City	Moses Mabhida Stadium	Green Point Stadium	Coca-Cola Park	Loftus Versfeld Stadium
Kapaċità: 94,700	Kapaċità: 70,000	Kapaċità: 69,070	Kapaċità: 62,567	Kapaċità: 51,760
Port Elizabeth	Bloemfontein	Polokwane	Nelspruit	Rustenburg
Nelson Mandela Bay Stadium	Free State Stadium	Peter Mokaba Stadium	Mbombela Stadium	Royal Bafokeng Stadium
Kapaċità: 48,000	Kapaċità: 48,070	Kapaċità: 46,000	Kapaċità: 44,000	Kapaċità: 42,000

[editja] Preparazzjoni

Ħames stadji ġodda se jinbnew għal dan il-kampjonat u l-ħamsal-oħra se jiġu estiżi. L-ispiża totali tal-kostruzzjoni se tkun madwar R8.4 biljun.^[3]

Mal-ħidma fuq l-istadji li se jinbnew u dawk li se jitranġaw, l-Afrika t'Isfel qed taħdem biex ittejjeb l-infrastruttura preżenti tat-trasport pubbliku, u biex timplimenta miżuri speċjali biex tassigura s-sigurtà u s-saħħa tan-nies lokali u t-turisti internazzjonali li jkunu qed jattendu għall-partiti, skont il-kriterji tal-FIFA.^[4]

[editja] Għajdut ta' ospitu ġdid

Diversi għajdut ċċirkulaw f'sorsi varji tal-aħbarijiet li kienu jsostnu li t-Tazza tad-Dinja 2010 tista' ssir f'pajjiż ieħor.^[5][6] Xi nies, fosthom Franz Beckenbauer, Horst R. Schmidt u, anki, xi eżekuttivi tal-FIFA, esprimew id-dubji tagħhom fuq il-pjan, l-organizzazzjoni u ż-żmien ta' preparazzjoni tal-AFrika t'Isfel. Madanakollu, l-uffiċjali tal-FIFA komplew isostnu li se jkomplu jagħtu s-sosten tagħhom lill-Afrika t'Isfel, u stqarrew li l-avveniment mhux se jitmexxa lejn pajjiż ieħor, bil-president tal-FIFA Sepp Blatter kompla jsostni li t-Tazza tad-Dinja 2010 se ssir fl-Afrika t'Isfel.^[7] Blatter stqarr li hemm pjan ta' kontinġenza biex it-Tazza tad-Dinja issir x'imkien ieħor imma dan ikun f'każ ta' xi diżgrazzja naturali, u li t-Tazza tad-Dinja 2006 fil-Ġermanja kellha wkoll pjan ta' kontinġenza simili.^[8]

Minkejja l-assigurazzjoni min-naħa tal-FIFA li l-avveniment jitmexxa biss f'każ ta' xi diżgrazzja naturali, xi għajdut kompla jiċċirkula dwar il-possibilità ta' ospitu ġdid. Dan l-għajdut kollu ġie kkritikat mid-deputat Ministru tal-Finanzi tal-Afrika t'Isfel Jabu Moleketi, fejn qal li dan l-għajdut sar biex ipoġġi dehra negattiva għall-Afrika t'Isfel u l-Afrika.^[9]

[editja] Skeda

Il-ħinijiet kollha huma UTC+2

[editja] Pożizzjonijiet fil-fażi tal-gruppi

Fid-dinja tal-futbol, hemm diversi metodi li jiġu wżati biex jisseparaw żewġ timijiet bl-istess punti f'kampjonat. Għat-turnew tat-Tazza tad-Dinja, il-FIFA tuża' din is-sistemà.^[10]

Il-pożizzjoni f'kull grupp hi determintata skont dawn il-punti:

a) L-ikbar numru ta' punti miksuba fil-partiti kollha tal-grupp;

b) Differenza tal-gowls fil-partiti kollha tal-grupp;

ċ) L-ikbar numru ta' gowls skurjati fil-partiti kollha tal-grupp;

Jekk tnejn jew aktar timijiet jispiċaw pari fil-bażi tat-tliet kriterji msemmija hawn fuq, il-pożizzjoni tagħhom se tkun determinata skont dawn il-punti:

d) L-ikbar numru ta' punti miksuba fil-partiti tal-gruppi bejn it-timijiet konċernati;

e) Differenza ta' gowls mill-partiti tal-gruppi bejn it-timijiet konċernati;

f) L-ikbar numru ta' gowls skurjati fil-partiti tal-gruppi bejn it-timijiet konċernati;

ġ) Tlugħ ta' poloz mill-Kumitat Organizzattiv tal-FIFA.

[editja] Fażi tal-gruppi

Fit-tabelli segwenti:

• L = total ta' logħob li ntlagħbu
• R = total ta' rebħiet
• P = total ta' pari
• T = total ta' telfiet
• GF = total ta' gowls skurjati (favur)
• GK = total ta' gowls li laqqtu (kontra)
• DG = differenza ta' gowls (GF-GK)
• Pti = total ta' punti akkumulati

It-timijiet pożizzjonati fl-ewwel u t-tieni post (bi sfond aħdar) ikkwalifikaw għar-rawnd tal-aħħar sittax.

[editja] Referenzi

[editja] Ħoloq esterni

• Sit uffiċjali
• Sit uffiċjali tal-pajjiż ospitu ta' din l-edizzjoni

Tazza tad-Dinja tal-Futbol  a • d • m
Urugwaj 1930 | Italja 1934 | Franza 1938 | Brażil 1950 | Svizzera 1954 | Svezja 1958 | Ċili 1962 | Ingilterra 1966 | Messiku 1970 | Ġermanja tal-Punent 1974 | Arġentina 1978 | Spanja 1982 | Messiku 1986 | Italja 1990 | Stati Uniti 1994 | Franza 1998 | Korea/Ġappun 2002 | Ġermanja 2006 | Afrika t'Isfel 2010 | Brażil 2014 | 2018
a • d • m Futbol internazzjonali FIFA · Tazza tad-Dinja · Tazza tal-Konfederazzjonijiet · Tazza tad-Dinja -20 · Tazza tad-Dinja -17 · Olimpjadi · Klassifika tal-FIFA · Plejer tas-Sena · Timijiet · Kodiċi Asja AFC – Tazza Ażjatika Afrika CAF – Tazza tan-Nazzjonijiet Afrikana Amerika ta' Fuq CONCACAF – Gold Cup Amerika t'Isfel CONMEBOL – Copa América Oċeanja OFC – Tazza tan-Nazzjonijiet Ewropa UEFA – Kampjonati Ewropej Non-FIFA NF-Board – Tazza tad-Dinja VIVA