Robert Lewandowski

Minn Wikipedija, l-enċiklopedija l-ħielsa
Aqbeż lejn: navigazzjoni, fittex
Robert Lewandowski
Robert Lewandowski 2013 in Wilhelmshaven.jpeg
Informazzjoni personali
Isem sħiħ Robert Lewandowski
Twelid 21 ta' Awwissu 1988 (1988-08-21) (26 sena)
Varsavja
Pajjiż Bandiera tal-Polonja Polonja
Tul 1.84
Rwol Attakkant
Informazzjoni fuq il-klabb
Klabb kurrenti Borussia Dortmund
Numru 9
Klabbs ġovanili
1997–2004 Varsovia Warsaw
Klabbs professjonali*
Snin Klabb Preż Gwls
2005 Delta Warsaw 10 (4)
2005–2006 Legia Warsaw II ? (2)
2006–2008 Znicz Pruszków 59 (36)
2008–2010 Lech Poznań 58 (32)
2010– Borussia Dortmund 100 (55)
Tim nazzjonali
2008– Polonja 53 (17)
* Il-preżenzi u l-gowls fil-karriera professjonali huma validi biss għall-kampjonat domestiku.
Aġġornament: 18 ta' Awwissu 2013

Robert Lewandowski (Varsavja, 21 ta' Awwissu 1988) huwa plejer tal-futbol Pollakk li jilgħab għall-klabb Ġermaniż Borussia Dortmund u mat-Tim nazzjonali tal-Polonja bħala attakkant. Preċidentament huwa lagħab għal Delta Warsaw, Legia Warsaw, Znicz Pruszków u Lech Poznań u fl-2010 issieħeb ma' Borussia.

Karriera[editja]

Bidu[editja]

Lewandowski beda l-karriera tiegħu ma' Varsovia Warsaw, fejn lagħab għal seba' snin.[1] Fis-sena ta' wara huwa mar ma' Delta Warsaw fejn irnexxielu jilgħab fl-ewwel tim u skorja erba' gowls.[2]

Fl-istaġun 2006–07, Lewandowski kien l-aqwa skorer tat-Tielet Diviżjoni Pollakka bi 15-il gowl, fl-istess ħin huwa għen lil Znicz Pruszków jirbħu l-promozzjoni.[3] Fl-istaġun ta' wara kien l-aqwa skorer fit-Tieni Diviżjoni Pollakka b'21 gowl.[3]

Lech Poznań[editja]

F'Ġunju 2008, Lech Poznań iffirmaw lil Lewandowski minn Znicz għal 1.5 miljun zlotys.[1][4]

Huwa għamel id-debutt tiegħu għal Lech f'Lulju 2008 bħala sostitut fl-ewwel taqsima tal-kwalifiki tal-UEFA Cup kontra Khazar Lenkoran mill-Ażerbajġan. F'dik il-logħba, hu skorja l-uniku gowl tal-logħba. Matul id-debutt tiegħu fl-Ekstraklasa fl-ewwel logħba tal-istaġun fil-logħba kontra GKS Bełchatów, huwa skorja gowl b'takkuna erba' minuti wara t-tieni taqsima. Fl-ewwel staġun tiegħu fl-ogħla diviżjoni Pollakka, huwa kien it-tieni fil-klassifika tal-aqwa skorers. Fl-istaġun ta' wara, sar l-aqwa skorer bi 18-il gowl u għen lit-tim tiegħu jirbaħ il-kampjonat.

Borussia Dortmund[editja]

Wara stampa ta' spekulazzjoni li Lewandowski jistgħa jiċċaqlaq għal wieħed minn numru ta' klabbs,[5][6] huwa ngħaqad mal-klabb tal-Bundesliga Borussia Dortmund f'Ġunju 2010, billi ffirma kuntratt ta' erba' snin mal-klabb Ġermaniż[7] għal ħlas rappurtat li jkun jiswa madwar 4.5 miljun.[8] Fid-19 ta' Settembru, hu skorja l-ewwel gowl tiegħu fil-Bundesliga billi għamel l-iskor 3–0 fir-Revierderby kontra Schalke 04; il-logħba spiċċat fl-iskor ta' 3–1.[9]

2011–12[editja]

Fl-istaġun 2011–12 fil-kampanja tal-Bundesliga, Lewandowski pprofitta minn korriment ta' Lucas Barrios u hu kien elevat għal pożizzjoni dejjem preżenti mill-bidu sal-waqfa tax-xitwa. L-attakkant wieġeb billi sab ix-xibka darbtejn f'rebħa ta' 3-0 kontra SV Sandhausen fl-ewwel taqsima tad-DFB-Pokal.[10] Lewandowski fetaħ il-kont tal-kamojonat tiegħu f'rebħa ta' 2–0 kontra 1. FC Nuremberg fl-20 ta' Awwissu 2011 billi jipprovdi l-kuntatt tal-irfinar minn Mario Götze.[11] Fl-1 ta' Ottubru, Lewandowski pprovda assist u skorja tlett gowls f'rebħa ta' 4–0 kontra FC Augsburg,[12] wara telfa diżappuntanti ta' 3–0 kontra Olympique de Marseille fil-fażi tal-gruppi tal-UEFA Champions League.[13] Dortmund telgħu fit-tieni post fil-Bundesliga b'rebħa komda ta' 5-0 kontra 1. FC Köln fit-22 ta' Ottubru, fejn Lewandowski sab ix-xibka f'kull naħa tal-ewwel taqsima.[14] Dortmund vjaġġaw lejn SC Freiburg fis-17 ta' Diċembru u Lewandowski skorja darbtejn u provda assist għall-Kevin Großkreutz, fejn Dortmund rebħu faċilment bl-iskor ta' 4–1.[15] Minħabba l-prestazzjoni b'saħħitha tiegħu, hu kien imsemmi l-Aqwa Plejer tas-Sena tal-Polonja.[16]

Wara l-waqfa tax-xitwa, fit-22 ta' Jannar 2012, Dortmund għelbu lil Hamburger SV 5–1 biex jimxu b'livell ta' punti mal-mexxejja Bayern Munich; Lewandowski skorja darbtejn u żied assist għall-Jakub Błaszczykowski fir-rewwixta.[17] Hu skorja l-uniku gowl tal-logħba f'rebħa ta' 1–0 kontra Bayern Munich fil-11 ta' April.[18] Ir-riżultat ta lil Dortmund sitt punti fuq ir-rivali tat-titolu tagħhom fejn kellhom biss erba' logħob x'jilgħabu.[19] Fil-21 ta' April, Lewandowski provda assist għall-Shinji Kagawa fid-59 minuta fejn Dortmund rebħu 2–0 kontra Borussia Mönchengladbach li ssiġillaw it-titolu għat-tieni darba.[20] Fil-logħba finali tal-Bundesliga, Lewandowski skorja żewġ gowls fl-ewwel taqsima fejn Dortmund għelbu lil Freiburg 4–0 u ċċelebrataw l-irfigħ tat-titolu.[21]

Lewandowski spiċċa s-sena bħala t-tielet l-aqwa skorer li skorja 22 gowls, l-ebda gowl minn penalti, u provda sitt assisti.[22]

Fil-logħba finali tal-istaġun għall-Dortmund, huwa skorja tlett gowls fil-finali tad-DFB-Pokal, b'rebħa ta' 5–2 fuq Bayern Munich, li l-klabb kiseb l-ewwel kampjonat tiegħu u tazza doppja.[23][24] Lewandowski spiċċa l-aqwa skorer tad-DFB-Pokal, b'seba' gowls f'sitt logħbiet.[25]

2012–13[editja]

Lewandowski għamel l-ewwel dehra fil-kampanja tal-Bundesliga f'rebħa ta' 2–1 kontra Werder Bremen fil-jum tal-ftuħ tal-istaġun.[26] Hu skorja l-ewwel gowl tiegħu f'rebħa ta' 3–0 kontra Bayer Leverkusen fil-15 ta' Settembru 2012, b'hekk hu kabbar il-ġirja ta' Dortmund għall-31 logħbiet mingħajr telfa u ressaq lil-klabb fit-tielet post fil-Bundesliga.[27] Huwa stabbilixxa rekord ġdid klabb tal-itwal strajk ta' gowls, wara li skorja fi 12-il logħba, huwa ssupera r-rekord ta' Friedhelm Konietzka mill-istaġun 1964–65.[28]

L-ewwel logħba tal-istaġun kienet dik tal-UEFA Champions League, Lewandowski skorja l-uniku gowl enfatiku fis-87 minuta fejn Dortmund għelbu lil Ajax bl-iskor ta' 1–0.[29] Fl-24 ta' April 2013, Lewandowski sar l-ewwel plejer li skorja erba' gowls fis-semi finali tal-UEFA Champions League fejn Dortmund għelbu lill-kampjuni Spanjoli Real Madrid bl-iskor ta' 4–1 fl-ewwel leg ġewwa Signal Iduna Park.[30]

Skont id-direttur ta' Dortmund Michael Zorc, li tkellem fi Frar 2013, Lewandowski mhux se jġedded il-kuntratt tiegħu mal-klabb, u jħalli fis-sajf tal-2013 jew wara l-istaġun 2013–14.[31]

Internazzjonali[editja]

Lewandowski (lemin) jilgħab għall-Polonja.

Lewandowski għamel tliet apparenzi għall-Polonja U21, f'logħob ta' ħbiberija kontra l-Ingilterra, il-Belarus u l-Finlandja.

Id-debutt tiegħu għat-tim nazzjonali tal-kbar kien fl-10 Settembru 2008, tliet ġimgħat wara l-20 anniversarju tiegħu, kontra s-San Marino fejn hu daħal bħala sostitut u skorja gowl wieħed.[32][33] Włodzimierz Lubański biss, li huwa ġeneralment meqjus bħala "leġġenda", skorja gowl fid-debutt tiegħu għat-tim nazzjonali ta' età iżgħar minn Lewandowski, fejn dakinhar kellu biss 16-il sena.

Huwa lagħab ġewwa Varsavja fil-logħba tal-ftuħ tal-Kampjonati Ewropej 2012 kontra l-Greċja, Lewandowski skorja l-ewwel gowl tal-kompetizzjoni u kien imsemmi l-Plejer tal-Logħba.[34] Huwa lagħab fit-tliet logħbiet kollha għall-Polonja fil-kompetizzjoni, fejn il-ko-ospiti ġew eliminati mill-fażi tal-gruppi b'żewġ punti miksuba.[35][36]

Statistika[editja]

Statistika korretta sal-24 ta' April 2013.

Klabb Staġun Kampjonat Kampjonat Tazza domestika Ewropa Oħrajn1 Total
Preż Gowls Preż Gowls Preż Gowls Preż Gowls Preż Gowls
Delta Warszawa 2004–05 III Liga 10 4 0 0 10 4
Legia II Warszawa 2005–06 II Liga ? 2 0 0 ? 2
Znicz Pruszków 2006–07 II Liga 27 15 2 1 29 16
2007–08 I Liga 32 21 2 0 34 21
Total 59 36 4 1 63 37
Lech Poznań 2008–09 Ekstraklasa 30 14 6 2 12 4 48 20
2009–10 28 18 1 0 4 2 1 1 34 21
Total 58 32 7 2 16 6 1 1 82 41
Borussia Dortmund 2010–11 Bundesliga 33 8 2 0 8 1 43 9
2011–12 34 22 7 7 6 1 1 0 47 30
2012–13 27 23 4 1 11 10 1 1 43 35
Total 94 53 13 8 25 12 2 1 132 74

1 Inklużi s-Super Cup Pollakka, DFL-Supercup.

(korretta sas-26 ta' Marzu 2013)
Polonja Sena Ħbiberija Kwalifiki Kompetizzjoni Total
Preż Gowls Preż Gowls Preż Gowls Preż Gowls
2008 1 1 3 1 - - 4 2
2009 6 0 6 1 - - 12 1
2010 13 6 - - - - 13 6
2011 11 4 - - - - 11 4
2012 4 1 3 0 3 1 10 2
2013 1 0 2 2 - - 3 2
Total 36 12 14 4 3 1 53 17

Gowls Internazzjonali[editja]

Punteġġi u r-riżultati tal-Polonja qedgħin fil-lista xellugija..
# Data Post Avversarju Punteġġ Riżultat Kompetizzjoni
1. 10 ta' Settembru 2008 Stadio Olimpico, Serravalle Flag of San Marino.svg San Marino 2–0 2–0 Kwalifikazzjoni għat-Tazza tad-Dinja 2010
2. 19 ta' Novembru 2008 Croke Park, Dublin Flag of Ireland.svg Irlanda 3–1 3–2 Logħba ta' ħbiberija
3. 1 ta' April 2009 Arena Kielc, Kielce Flag of San Marino.svg San Marino 4–0 10–0 Kwalifikazzjoni għat-Tazza tad-Dinja 2010
4. 23 ta' Jannar 2010 Stadju 80th Birthday, Nakhon Ratchasima Flag of Singapore.svg Singapor 1–0 6–1 2010 King's Cup
5. 2–0
6. 3 ta' Marzu 2010 Stadion Polonii Warszawa, Varsavja Flag of Bulgaria.svg Bulgarija 2–0 2–0 Logħba ta' ħbiberija
7. 7 ta' Settembru 2010 Stadju Miejski, Krakovja Flag of Australia.svg Awstralja 1–1 1–2 Logħba ta' ħbiberija
8. 17 ta' Novembru 2010 Stadion Miejski, Poznan Flag of Côte d'Ivoire.svg Kosta tal-Avorju 1–0 3–1 Logħba ta' ħbiberija
9. 3–1
10. 9 ta' Frar 2011 Estádio Algarve, Faro Flag of Norway.svg Norveġja 1–0 1–0 Logħba ta' ħbiberija
11. 6 ta' Settembru 2011 PGE Arena Gdańsk, Gdańsk Flag of Germany.svg Ġermanja 1–0 2–2 Logħba ta' ħbiberija
12. 7 ta' Ottubru 2011 Stadju Seoul World Cup, Seoul Flag of South Korea.svg Korea t'Isfel 1–0 2–2 Logħba ta' ħbiberija
13. 11 ta' Ottubru 2011 BRITA-Arena, Wiesbaden Flag of Belarus.svg Bjelorussja 2–0 2–0 Logħba ta' ħbiberija
14. 2 ta' Ġunju 2012 Pepsi Arena, Varsavja Flag of Andorra.svg Andorra 2–0 4–0 Logħba ta' ħbiberija
15. 8 ta' Ġunju 2012 Grawnd Nazzjonali, Varsavja Flag of Greece.svg Greċja 1–0 1–1 Kampjonati Ewropej 2012
16. 26 ta' Marzu 2013 Grawnd Nazzjonali, Varsavja Flag of San Marino.svg San Marino 1–0 5-0 Kwalifikazzjoni għat-Tazza tad-Dinja 2014
17. 3–0

Unuri[editja]

Klabb[editja]

Lewandowski ma' Lech Poznań.
Znicz Pruszków
Lech Poznań
Borussia Dortmund

Individwali[editja]

Ħajja privata[editja]

Missier Lewandowski, Krzysztof (miet fl-1995),[1] kien kampjun Pollakk tal-ġudo, u wkoll lagħab futbol għall-Hutnik Warszawa fit-tieni diviżjoni.[37] Ommu, Iwona, hija eks-plejer tal-volibol li kienet tilgħab ma' AZS Warszawa u aktar tard saret viċi-president ta' Partyzant Leszno.[1][37] Oħtu, Milena, ukoll tilgħab il-volibol u rrappreżentat it-tim nazzjonali tal-U21.[37] L-għarusa tiegħu, Anna Stachurska, li rebħet il-medalja tal-bronż tat-Tazza tad-Dinja tal-Karat 2009.[37] Dawn huma poġġuti biex jiżżewġu fl-2013 ġewwa Varsavja.[38] Lewandowski huwa Kattoliku devot, u qal li huwa kburi bil-fidi tiegħu.[39] [40]

Referenzi[editja]

  1. ^ a b c d (Pollakk) Lukasz , Bajka o Robercie Lewandowskim, 11 ta' Settembru 2008.
  2. ^ (Pollakk) .: liga polska. 90minut.pl
  3. ^ a b (Pollakk) Piotr , "Kolejorz" walczy o króla, 26 ta' Mejju 2008.
  4. ^ (Pollakk) Robert Lewandowski piłkarzem Kolejorza, 18 ta' Ġunju 2008.
  5. ^ (Taljan) Gessi , Accordo con Lewandowska è arrivato il bomber polacco, 14 ta' April 2010.
  6. ^ Blackburn target Lewandowski cancels trip to UK, 17 ta' April 2010.
  7. ^ (Ġermaniż) Dortmund macht Lewandowski-Transfer perfekt, 11 ta' Ġunju 2010.
  8. ^ Borussia Dortmund striker Robert Lewandowski hits double as Poland beat Ivory Coast (video). imscouting.com, 18 ta' Novembru 2010
  9. ^ Schalke 04 1-3 Borussia Dortmund. ESPNFC, 19 ta' Settembru 2010
  10. ^ 2011–12 DFB-Pokal
  11. ^ Borussia Dortmund 2 – 0 Nurnberg. ESPN Soccernet, 20 ta' Awwissu 2011
  12. ^ Borussia Dortmund 4–0 Augsburg: Lewandowski Hat-Trick Seals Emphatic Victory For Defending Champions. Goal.com, 1 ta' Ottubru 2011
  13. ^ Borussia Dortmund 4 – 0 FC Augsburg. ESPN Soccernet, 1 ta' Ottubru 2011
  14. ^ Borussia Dortmund 5–0 Koln: Five-star champions move second in Bundesliga table. Goal.com, 22 ta' Ottubru 2011
  15. ^ Report: SC Freiburg 1 – 4 Borussia Dortmund. ESPN Soccernet, 17 ta' Diċembru 2011
  16. ^ (Ġermaniż) Lewandowski ist Polens Bester. Kicker, 12 ta' Diċembru 2011
  17. ^ Report: Hamburg SV 1 – 5 Borussia Dortmund. ESPN Soccernet, 22 ta' Jannar 2012
  18. ^ Borussia Dortmund see off Bayern Munich to close on successive title. The Guardian, 11 ta' April 2012
  19. ^ Borussia Dortmund 1 – 0 Bayern Munich. ESPN Soccernet, 11 ta' April 2012
  20. ^ Borussia Dortmund 2–0 Borussia Monchengladbach: Perisic and Kagawa trigger celebrations as Jurgen Klopp's men retain Bundesliga crown. Goal.com, 21 ta' April 2012
  21. ^ Borussia Dortmund 4 – 0 SC Freiburg. Sky Sports, 5 ta' Mejju 2012
  22. ^ Goals & Assists. bundesliga.de
  23. ^ Dortmund complete double. Sky Sports, 12 ta' Mejju 2012
  24. ^ Borussia Dortmund rout Bayern Munich to claim double. ESPN Soccernet, 12 ta' Mejju 2012
  25. ^ (Ġermaniż) DFB-Pokal – Torjäger. kicker.de
  26. ^ Borussia Dortmund 2–1 Werder Bremen. ESPNFC, 24 ta' Awwissu 2012
  27. ^ Dortmund 3–0 Leverkusen. ESPNFC, 15 ta' Settembru 2012
  28. ^ (Ġermaniż) BVB-Torjäger Lewandowski überholt Konietzka. ruhrnachrichten.de, 17 ta' Marzu 2013
  29. ^ Dortmund leave it late to defeat Ajax. UEFA, 18 ta' Settembru 2012
  30. ^ Four-goal Lewandowski leaves Madrid reeling. UEFA, 24 ta' April 2013
  31. ^ Borussia Dortmund say Robert Lewandowski will not sign new contract, Sky Sports, 28 ta' Frar 2013.
  32. ^ San Marino - Poland 0:2 (0:1). FIFA, 10 ta' Settembru 2008
  33. ^ San Marino-Poland 0:2. A Torture For Fans.. World Cup Blog, 11 ta' Settembru 2008
  34. ^ Greece fightback foils Poland. UEFA, 8 ta' Ġunju 2012
  35. ^ Czechs through as Poland check out. UEFA, 16 ta' Ġunju 2012
  36. ^ Over and out for Poland. UEFA, 17 ta' Ġunju 2012
  37. ^ a b c d (Ġermaniż) Ricken und Sammer sind meine Idole, 7 ta' Lulju 2010.
  38. ^ (Ġermaniż) Jörg , Kabinen-Zoff mit Barrios – Hochzeit mit Anna, BILD, 2 ta' April 2012.
  39. ^ (Pollakk) Radosław , Robert Lewandowski: Jestem katolikiem i nie wstydzę się tego, 6 ta' Ġunju 2012.
  40. ^ (Pollakk) Bartosz , Lewandowski i Błaszczykowski: nie wstydzę się Jezusa!, 8 ta' Ġunju 2012.

Ħoloq esterni[editja]