Real Madrid CF

Minn Wikipedija, l-enċiklopedija l-ħielsa
Aqbeż lejn: navigazzjoni, fittex
Real Madrid
Logo Real Madrid.png
Isem sħiħ Real Madrid Club de Fútbol[1]
Ismijiet oħra Los Blancos (Il-Bojod)
Los Merengues (Il-Meringi)[2]
Fundazzjoni 6 ta' Marzu 1902, bħala Madrid Football Club
Grawnd Santiago Bernabéu, Madrid
(Jesa': 80,354[3])
President onorarju Alfredo Di Stéfano
President Florentino Pérez
Kowċ Carlo Ancelotti
Kampjonat La Liga
Sit elettroniku http://www.realmadrid.com/
Darhom
Barra minn darhom

Real Madrid Club de Fútbol (magħruf sempliċement bħala Real Madrid) hu klabb tal-futbol professjonali bbażat f'Madrid, fi Spanja. Fil-futbol Spanjol hu l-iktar tim b'suċċessi u ġie vvutat mill-FIFA bħala l-aqwa klabb tas-seklu 20, wara li rebaħ rekord ta' wieħed u tletin titlu tal-La Liga, sbatax-il Tazza Spanjola, disa' Tazez taċ-Ċampjins u żewġ Tazez UEFA. Real kienu fost il-membri fundatarji tal-grupp G-14, għaqda li kienet tgħaqqad l-aqwa klabbs Ewropej li ġiet sostitwita mill-European Club Association.

Fundat fl-1902, Real Madrid qatt l-istorja kollha tiegħu fl-ogħla livell tal-futbol Spanjol. Fis-snin ħamsin, il-klabb stabilixxa lilu nnifsu bħala forza kbira kemm fil-kamp Spanjol u anki f'dak Ewropew. Fis-snin tmenin, il-klabb kellu wieħed mill-aqwa timijiet fi Spanja u l-Ewropa (magħruf bħala La Quinta del Buitre), fejn rebaħ żewġ Tazez UEFA, ħames kampjonati Spanjoli konsekuttivi u tliet Supertazez Spanjoli.

Il-kulur tradizzjonali tal-klabb għal logħob ġewwa darhom huwa kollox abjad. L-emblema ġie mibdula diversi drabi matul is-snin fi sforz biex jimmodernizzawha; l-emblema kurrenti hi verżjoni modifikata tal-ewwel waħda adottata fl-1920. Huma jilgħabu fis-Santiago Bernabéu, li jospita 80,354 ruħ, fejn ilu jilgħab fih mill-1947. B'differenza minn ħafna klabbs tal-futbol Ewropej, il-membri ta' Real Madrid (socios) kienu proprjetarji u operaw lill-klabb mill-fundazzjoni tiegħu. Real hu l-iktar klabb tal-futbol sinjur fid-dinja (366m) skont l-introjtu li jagħmel.

Storja[editja]

Kuluri u emblema[editja]

Kuluri tat-tim Kuluri tat-tim Kuluri tat-tim
Kuluri tat-tim
Kuluri tat-tim
L-uniformi oriġinali ta' Real Madrid

L-ewwel emblema ta' Real Madrid kellha disinn sempliċi li kien jikkonsisti mit-tliet inizzjali tal-klabb, "MCF" għal Madrid Club de Fútbol, imwaħħdin ma' xulxin u miktubin b'kulur blu skur fuq flokk abjad. L-ewwel bidla fl-emblema seħħet fl-1908 meta l-istess tliet inizzjali adottaw stil bħallikieku qegħdin fuq xulxin, bl-ittra M (ta' Madrid) tkun l-aktar waħda importanti u ċentrali, qalb ċirku tond.[4] Il-bidla segwenti fil-konfigurazzjoni tal-emblema damet ma saret sal-1920 wara l-kisba tal-presidenza ta' Pedro Parages. F'dak iż-żmien, ir-Re Alfonso XIII ta lill-klabb il-patroċinju rjali tiegħu li wasal fil-forma tat-titlu "Real", li tradotta tiġi "Rjali".[5] B'hekk, il-kuruna ta' Alfonso ġiet miżjuda mal-emblema u l-klabb biddel ismu għal Real Madrid Club de Fútbol.[4] Bix-xoljiment tal-monarkija fl-1931, is-simboli rjali kollha (il-kuruna fuq l-emblema u t-titlu Real) ġew imneħħija. Il-kuruna ġiet sostitwita minn faxxa skura kulur iċ-ċawsla tar-Reġjun ta' Kastilja. Fl-1941, sentejn wara t-tmiem tal-Gwerra Ċivili, ir-"Real Corona" tal-emblema, jew il-"Kuruna Rjali", reġgħet ġiet mpoġġija fuq l-emblema waqt li anke l-faxxa ta' Kastilja wkoll baqgħet. Aktar minn hekk, l-emblema ingħatat il-kulur, bil-kulur dehbi jkun l-iktar pominenti, u l-klabb reġgħet beda jissejaħ Real Madrid Club de Fútbol.[4] L-aktar modifika riċenti li saret, saret fl-2001 meta l-klabb ried li tkun aktar kontemporanja għas-seklu 21 u standarizza aktar din l-emblema. Waħda mill-modifikazzjonijiet li saret kienet li l-istrixxa dijagonali jitbiddlilha l-kulur għal wieħed aktar ikħal.[4]

Il-kuluri tradizzjonali ta' Real Madrid għal logħob ġewwa darhom huwa kollu abjad, minkejja li għall-bidu kienet ġiet adottata strixxa oblikwa bluna fuq il-flokk.[6] Il-flokk bl-istrixxa ġie sostitwit minn verżjoni kollha bajda, immudellata skont il-flokk milbus minn Corinthian FC, fl-1902.[7] Fl-istess sena, il-kalzetti bluni ġew sostitwiti minn oħrajn suwed. Lejn il-bidu tal-erbgħinijiet, il-kowċ biddel l-uniformi għal waħda bil-buttuni mal-flokk u l-emblema tal-klabb ġiet pożizzjonata fuq in-naħa xellugija (li baqgħet hekk sal-ġurnata tal-lum). Fit-23 ta' Novembru 1947, f'partita kontra Atlético Madrid fl-Istadju Metropolitano, it-tim ta' Real Madrid sar l-ewwel tim Spanjol li ħareġ bi flokkijiet numerati.

Il-kuluri tradizzjonali għal partiti barra minn darhom huma kollha suwed jew kollha vjola. L-uniformi attwali tal-klabb hi maħduma minn Adidas li l-kuntratt tagħhom mal-klabb jestendi sal-1998.[8][9] L-isponsor attwali tal-uniformi ta' Real Madrid huwa bwin.com, wara l-problemi ekonomiċi ta' BenQ Siemens.[10][11]

Innu[editja]

De las glorias deportivas, que campean por España
va el Madrid con su bandera, limpia y blanca que no empaña.
Club castizo y generoso, todo nervio y corazón,
veteranos y noveles, veteranos y noveles,
miran siempre sus laureles con respeto y emoción.

¡Hala Madrid!, ¡Hala Madrid!
Noble y bélico adalid, caballero del honor.
¡Hala Madrid!, ¡Hala Madrid!
A triunfar en buena lid, defendiendo tu color
¡Hala Madrid!, ¡Hala Madrid!, ¡Hala Madrid!

Enemigo en la contienda, cuando pierde da la mano
sin envidias ni rencores, como bueno y fiel hermano.
Los domingos por la tarde, caminando a Chamartín,
las mocitas madrileñas, las mocitas madrileñas
van alegres y risueñas porque hoy juega su Madrid

¡Hala Madrid!, ¡Hala Madrid!
Noble y bélico adalid, caballero del honor.
¡Hala Madrid!, ¡Hala Madrid!
A triunfar en buena lid, defendiendo tu color
¡Hala Madrid!, ¡Hala Madrid!, ¡Hala Madrid!

Stadju[editja]

Benjamini u rivalità[editja]

F'partiti li jintlagħbu ġewwa darhoma, il-biċċa l-kbira tal-postijiet fil-grawnd ikunu okkupati mill-abbonati, li jammontaw għal madwar 68,670.[1] Biex issir abbonat trid issir socio jew membru tal-klabb. Mhux kull membru jista' jiskeb abbonament. Barra l-membri, il-klabb għandu iktar minn 1,800 peñas (gruppi ta' benjamini uffiċjali affiljati mal-klabb) fi Spanja u madwar id-dinja. Real Madrid għandu l-ogħla medja ta' attendenza ta' kull żmien fil-futbol Spanjol u jattira regularment aktar minn 65,000 partitarju fis-Santiago Bernabéu.

Rivalità ma' Barcelona[editja]

Ir-rivalità ma' FC Barcelona hi waħda leġġendarja u tmur lura għat-tensjonijiet politiċi li kienu jinħassu bejn il-Kastiljani u l-Katalani.[12] Il-belt kapitali Madrid hi s-siġġu tal-gvern u tal-familja rjali. Speċjalment matul l-era ta' Francisco Franco, din bdiet tirrapreżenta l-forzi ċentrali ta' fehma konservattiva. Min-naħa l-oħra, kważi kull idea li biddlu l-istorja moderna ta' Spanja – ir-repubblikaniżmu, il-federaliżmu, l-anarkiżmu, is-sindikaliżmu u l-komuniżmu – ġiet introdotta fi Spanja mill-Katalunja, partikularment f'Barċellona. Il-moda, f'dak li għandu x'jaqsam ma' ħwejjeġ, filosofija tal-arti, kienet tidħol l-ewwel minn Barċellona qabel ma kienet tiġi aċċettata mill-kumplament ta' Spanja.[13]

Matul is-snin ħamsin, ir-rivalità ġiet aktar intensea meta l-klabbs waqgħu f'disputa fuq il-firma tal-plejer Alfredo di Stéfano, li finalment ingħaqad ma' Real Madrid u mas-snin kellu jkun figura importanti fis-suċċess miksub mill-klabb.[14] Is-snin sittin raw ir-rivalità tilħaq il-kamp Ewropew meta ltaqgħu darbtejn fit-Tazza taċ-Ċampjins, b'Real Madrid jirbħu fl-1960 u Barça fl-1961. Fis-sena 2000, ir-rivalità reġgħet tkebbset wara d-deċiżjoni kontroversajli ta' Luís Figo li jħalli lil Barça biex jingħaqad ma' Real Madrid.[15] Iż-żewġ timijiet reġgħu ltaqgħu fis-semifinali tal-UEFA Champions League 2002. Real Madrid, iċ-ċampjins eventwali tal-kompetizzjoni, rebħu l-konfront li kien imlaqqam mill-istampa Spanjola bħala l-Partita tas-Seklu. Bħala l-ikbar u l-aqwa żewġ klabbs fi Spanja, ir-rivalità tiġġedded kull sena meta ħafna drabi huma jkunu t-timijiet li jisfidaw lil xulxin għar-rebħ tal-kampjonat.

Rivalità ma' Atlético Madrid[editja]

Real Madrid għandu rivalità storika lokali ma' Atlético Madrid. Minkejja li Atlético kienu oriġinarjament fundati minn tliet studenti Baski fl-1903, magħhom issieħbu fl-1904 membri ta' Madrid FC. Aktar tensjonijiet inħolqu minħabba l-fatt li għall-bidu l-partitarji ta' Atlético kienu ġejjin mill-klassi tal-ħaddiema, waqt li dawk li jsostnu lil Real Madrid kienu jappartjenu għall-klassi medja. Illum il-ġurnata dawn id-diverġenzi ftit li xejn għadhom jeżistu.

Huma ltaqgħu għall-ewwel darba fil-21 ta' Frar 1929 fit-tielet ġurnata tal-ewwel edizzjoni tal-kampjonat fl-istadju Chamartín. Ir-rivalità kisbet l-ewwel attenzjonii internazzjonali fl-1959 matul it-Tazza taċ-Ċampjins meta ż-żewġ timijiet affrontaw lil xulxin fis-semifinali. Fl-ewwel leg fil-Bernabéu, Real rebħu 2–1, waqt li fit-tieni leg fil-Metropolitano, Atlético ħarġu 1–0 rebbieħa. Il-partita kellha terġa' tintlagħab, b'Real jirbħu 2–1. Madanakollu, Atlético għamlet xi vendetti meta iggwidati mill-eks-kowċ ta' Real José Villalonga, huma rebħu żewġ finali konsekuttivi tal-Copa del Generalísimo fl-1960 u fl-1961. [16]

Bejn l-1961 u l-1989, meta Real iddominaw il-La Liga, kienu Atlético bissu l-uniku sfida serja, hekk kif rebħu t-titli tal-La Liga fl-1966, fl-1970, fl-1973 u fl-1977. Fl-1965, Atlético sar l-ewwel tim li għeleb lil Real fil-Bernabéu fi tmien snin. Il-bilanċ tal-aħħar sfidi kontra Atlético hu aktar favorevoli għal Real. L-ogħla punt tad-dominju tal-merengues wasal fl-istaġun 2002–03 meta permezz ta' rebħa ta' 4–0 fuq Atlético ġewwa l-Vicente Calderón, il-klabb kiseb it-titlu tal-kampjonat.[17]

Rekords u statistika[editja]

Raúl hu l-aqwa skorer ta' kull żmien ta' Real Madrid.

Il-plejer Manuel Sanchís Hontiyuelo iżomm ir-rekord tal-aktar preżenti mal-ewwel tim ta' Real Madrid, b'total ta' 712-il dehra bejn l-1983 u l-2001.[18] L-attakkant Raúl isegwi wara b'700 apparenza. Ir-rekord għal gowler hu f'idejn Iker Casillas, li jinsab fi kwota 400 apparenza. B'127 dehra internazzjonali (47 waqt li kien għadu mal-klabb), Luís Figo tal-Portugall iżomm ir-rekord tal-aktar plejer ta' Real li lagħab mat-tim nazzjonali.[19]

Raúl hu l-aqwa skorer ta' kull żmien għal Real, bi 316-il gowl f'700 partita (1994–preżent).[3] Erba' plejers irnexxielhom jaslu sat-tragward ta' 200 gowl għal Real: Alfredo di Stéfano (1953–64), Carlos Santillana (1971–88), Ferenc Puskás (1958–66) u Hugo Sánchez (1985–92).

Skwadra kurrenti u staff[editja]

L-ewwel tim[editja]

Mill-21 ta' Lulju 2013.[20]
N. Poż. Plejer
1 Spanja G Iker Casillas (kaptan)[21]
2 Franza D Raphaël Varane
3 Portugall D Pepe
4 Spanja D Sergio Ramos (viċi-kaptan)[21]
5 Portugall D Fábio Coentrão
6 Ġermanja M Sami Khedira
7 Portugall A Cristiano Ronaldo
9 Franza A Karim Benzema
11 Wales M Gareth Bale
12 Brażil D Marcelo
13 Spanja G Jesús Fernández
14 Spanja M Xabi Alonso
N. Poż. Plejer
15 Spanja D Daniel Carvajal
16 Brażil M Casemiro
17 Spanja D Álvaro Arbeloa
18 Spanja D Nacho
19 Kroazja M Luka Modrić
20 Spanja A Jesé Rodríguez
21 Spanja A Álvaro Morata
22 Arġentina M Ángel di María
23 Spanja M Isco
24 Spanja M Asier Illarramendi
25 Spanja G Diego López

Plejers barra b'self[editja]

N. Poż. Plejer
Turkija M Nuri Şahin (ma' Borussia Dortmund)
N. Poż. Plejer
Russja A Denis Cheryshev (ma' Sevilla)

Staff[editja]

Bord tad-diretturi[editja]

Isem Rwol
Florentino Perez President
Eduardo Fernandez de Blas Viċi-President
Enrique Sanchez Gonzalez Segretarju
Jorge Valdano Direttur Ġenerali u Għajnuna Presidenzjali
Manuel Redondo Direttur Ġenerali tal-Uffiċċju tal-President
Miguel Pardeza Direttur Sportiv

Plejers[editja]

Kaptani[editja]

Perjodu Isem Preżenzi Gowls
Spanja Miguel Muñoz 1948–1958 347 23
Spanja José María Zárraga 1958–1961 306 96
Spanja Francisco Gento 1961–1971 605 183
Spanja Amancio 1971–1976 471 155
Spanja Pirri 1976–1979 595 210
Spanja Carlos Santillana 1979–1988 643 290
Spanja Manuel Sanchís 1988–2001 710 49
Spanja Fernando Hierro 2001–2003 598 126
Spanja Raúl González 2003–preżent 687 311

Rekords tal-plejers[editja]

L-aktar apparenzi[editja]

# Isem Karriera Apparenzi Gowls
1 Spanja Manuel Sanchís 1983–2001 712 49
2 Spanja Raul González 1994–preżent 696 316
3 Spanja Carlos Santillana 1971–1988 643 9
4 Spanja Francisco Gento 1953–1971 605 183
5 Spanja Fernando Hierro 1989–2003 598 126
6 Spanja José Camacho 1973–1989 577 11
7 Spanja Pirri 1964–1979 561 171
8 Spanja Míchel 1981–1996 560 130
9 Brażil Roberto Carlos 1996–2007 527
10 Spanja Guti 1996–preżent 508

L-aktar gowls[editja]

Presidenti[editja]

Sas-17 ta' Jannar 2009.[22]
Isem Minn Sa
Spanja Julián Palacios 1900 6 ta' Marzu 1902
Spanja Juan Padrós 6 ta' Marzu 1902 Jannar 1904
Spanja Carlos Padrós Jannar 1904 1908
Spanja Adolfo Meléndez 1908 Lulju 1916
Spanja Pedro Parages Lulju 1916 16 ta' Mejju 1926
Spanja Luis de Urquijo 16 ta' Mejju 1926 1930
Spanja Luis Usera 1930 31 ta' Mejju 1935
Spanja Rafael Sánchez Guerra 31 ta' Mejju 1935 4 ta' Awwissu 1936
Spanja Adolfo Meléndez 4 ta' Awwissu 1936 1940
Spanja Antonio Santos Peralba 1940 11 ta' Settembru 1943
Spanja Santiago Bernabéu Yeste 11 ta' Settembru 1943 2 ta' Ġunju 1978
Spanja Luis de Carlos Settembru 1978 24 ta' Mejju 1985
Spanja Ramón Mendoza 24 ta' Mejju 1985 26 ta' Novembru 1995
Spanja Lorenzo Sanz 26 ta' Novembru 1995 16 ta' Lulju 2000
Spanja Florentino Pérez 16 ta' Lulju 2000 27 ta' Frar 2006
Spanja Fernando Martín Álvarez 27 ta' Frar 2006 26 ta' April 2006
Spanja Ramón Calderón 2 ta' Lulju 2006 16 ta' Jannar 2009
Spanja Vicente Boluda 16 ta' Jannar 2009 5 ta' Lulju 2009
Spanja Florentino Pérez 16 ta' Ġunju 2009

Kowċis[editja]

Matul l-istorja ta' Real Madrid kien hemm 41 kowċ minn mindu ġie maħtur l-ewwel kowċ professjonista, Arthur Johnson lura fl-1910. L-aktar kowċ li serva fuq bażi ta' żmien u partiti hu Miguel Muñoz (1960–1974) b'604 partiti. L-Arġentin Luis Carniglia hu l-aktar kowċ ta' suċċess fuq bażi ta' persentaġġ ta' rebħiet b'69.81%, waqt li Jacinto Quincoces hu l-inqas wieħed li kiseb suċċess mal-klabb b'37.21% tal-partiti jkunu biss rebħiet.

Huma biss il-kowċ li rebħu tal-anqas trofew li huma elenkati hawn taħt.[23][24]
Isem Perjodu Trofej Total
Domestiċi Internazzjonali
LC SC SS LC CL UC USC IC
Ingilterra Arthur Johnson 1910–20
5
5
Ungerija Lippo Hertzka 1930–32
1
1
Ingilterra Robert Firth 1932–34
1
1
Spanja Francisco Bru 1934–41
1
1
Spanja Jacinto Quincoces 1945–46, 1947–48
1
1
Spanja Baltasar Albéniz 1946–47, 1950–51
1
1
Urugwaj Enrique Fernández 1953–54
1
1
Spanja José Villalonga 1954–57
2
2
4
Arġentina Luis Carniglia 1957–59, 1959
1
2
3
Spanja Miguel Muñoz 1959, 1960–74
9
2
2
1
14
Jugożlavja Miljan Miljanić 1974–77
2
1
3
Jugożlavja Vujadin Boškov 1979–82
1
1
2
Spanja Luis Molowny 1974, 1977–79, 1982, 1985–86
3
3
1
2
9
Pajjiżi l-Baxxi Leo Beenhakker 1986–89, 1992
3
1
1
5
Wales John Toshack 1989–90, 1999
1
1
2
Arġentina Alfredo di Stéfano 1990–91
1
1
Jugożlavja Radomir Antić 1991–92
1
1
Spanja Benito Floro Sanz 1992–94
1
1
2
Arġentina Jorge Valdano 1994–96
1
1
Ġermanja Jupp Heynckes 1997–98
1
1
2
Pajjiżi l-Baxxi Guus Hiddink 1998–99
1
1
Spanja Vicente del Bosque 1999-2003
2
1
2
1
1
7
Portugall Carlos Queiroz 2003–04
1
1
Italja Fabio Capello 1996-97, 2006–07
2
2
Ġermanja Bernd Schuster 2007–08
1
1
2

Unuri[editja]

Kompetizzjonijiet domestiċi[editja]

1931–32, 1932–33, 1953–54, 1954–55, 1956–57, 1957–58, 1960–61, 1961–62, 1962–63, 1963–64, 1964–65, 1966–67, 1967–68, 1968–69, 1971–72, 1974–75, 1975–76, 1977–78, 1978–79, 1979–80, 1985–86, 1986–87, 1987–88, 1988–89, 1989–90, 1994–95, 1996–97, 2000–01, 2002–03, 2006–07, 2007–08
1904–05, 1905–06, 1906–07, 1907–08, 1916–17, 1933–34, 1935–36, 1945–46, 1946–47, 1961–62, 1969–70, 1973–74, 1974–75, 1979–80, 1981–82, 1988–89, 1992–93
1988, 1989, 1990, 1993, 1997, 2001, 2003, 2008
1984–85

Kompetizzjonijiet internazzjonali[editja]

1955–56, 1956–57, 1957–58, 1958–59, 1959–60, 1965–66, 1997–98, 1999–2000, 2001–02
1960, 1998, 2002
1984–85, 1985–86
2002

Referenzi[editja]

  1. ^ a b (Spanjol) Real Madrid Club de Fútbol. Liga de Fútbol Profesional. Aċċess tal-URL: 11-04-2009.
  2. ^ (Ingliż) Real Madrid Football Club. Madrid Tourist Guide. Aċċess tal-URL: 26-09-2007. Fl-Ispanjol, il-plejers huma mlaqqmin bħala ‘Los Merengues’ li litteralment tfisser ‘il-meringi’ li tapplika għall-uniformi bajda tat-tim.
  3. ^ (Ingliż) Estadio Santiago Bernabeu. The Stadium Guide. Aċċess tal-URL: 16-09-2007.
  4. ^ a b c d (Spanjol) Escudo Real Madrid. santiagobernabeu.com. Aċċess tal-URL: 12-04-2009.
  5. ^ (Ingliż) Presidents — Pedro Parages. Realmadrid.com. Aċċess tal-URL: 12-04-2009.
  6. ^ (Spanjol) Camiseta Real Madrid. santiagobernabeu.com. Aċċess tal-URL: 29-11-2008.
  7. ^ L-uniformi kompleta ta' Real Madrid għal partiti ġewwa darhom, fl-1905, kienet kollha bajda, u kien għalhekk li l-benjamini tagħhom bdew isejjħu 'l-plejers bħala Los Blancos
  8. ^ Álvaro Velasco. (Ingliż) Leaders in sporting goods. Realmadrid.com, 01-12-2006. Aċċess tal-URL: 12-07-2008.
  9. ^ (Ingliż) Our Sponsors — Adidas. Realmadrid.com. Aċċess tal-URL: 18-07-2008.
  10. ^ Juan José López Soto. (Ingliż) Real Madrid and Bwin sign sponsorship agreement. Realmadrid.com, 11-06-2008. Aċċess tal-URL: 18-07-2008.
  11. ^ (Ingliż) Our Sponsors — bwin.com. Realmadrid.com. Aċċess tal-URL: 18-07-2008.
  12. ^ (Ingliż) The Politics Of Real Madrid Football Club. Aċċess tal-URL: 11-4-2009.
  13. ^ (Ingliż) Barcelona vs. Real Madrid: More than a game. Time.com. Aċċess tal-URL: 11-04-2009.
  14. ^ Jimmy Burns: Barca, a people's passion, Bloomsbury Publishing, London 1999, pġ 31-34
  15. ^ (Ingliż) Figo's the Real deal. BBC Sport, 24-07-2000. Aċċess tal-URL: 11-4-2009.
  16. ^ Real rebħu l-El Derbi madrileño għal 75 darba.
  17. ^ (Ingliż) The derby turns 78. Realmadrid.com, 22-02-2007. Aċċess tal-URL: 11-4-2009.
  18. ^ (Ingliż) Legends — Manolo Sanchís Hontiyuela. realmadrid.com. Aċċess tal-URL: 10-05-2009.
  19. ^ (Ingliż) FIFA Century Club (PDF). fifa.com. Aċċess tal-URL: 10-05-2009.
  20. ^ Squad. Real Madrid CF
  21. ^ a b (Spanjol) Captains. Real Madrid CF
  22. ^ (Ingliż) Presidents. Realmadrid.com. Aċċess tal-URL: 12-04-2009.
  23. ^ (Ingliż) Coaches. Realmadrid.com. Aċċess tal-URL: 08-05-2009.
  24. ^ (Spanjol) Aquí están todos los entrenadores del Real Madrid.. Historialago.com. Aċċess tal-URL: 08-05-2009.

Ħoloq esterni[editja]

Siti uffiċjali
Siti ta' aħbarijiet