UEFA Europa League

Minn Wikipedija, l-enċiklopedija l-ħielsa

UEFA Europa League
UEFA Europa League 2009-10
Sport	Futbol
Fundazzjoni	1971 (2009 fil-format il-ġdid)
Parteċipanti	48 (Fażi tal-gruppi) +8 klabbs li jingħaqdu wara l-fażi tal-gruppi tal-UEFA Champions League[1] 160 (Total)
Nazzjon(ijiet)	Ewropa (UEFA)
L-aħħar rebbieħ	Shakhtar Donetsk
L-aktar rebħiet	Juventus Internazionale Liverpool (3 darbiet)
Trofew jew rikonoxximent

Il-UEFA Europa League hi tieni l-ikbar kompetizzjoni Ewropea għall-klabbs tal-futbol wara l-UEFA Champions League. Din hi kompetizzjoni annwali għall-klabbs Ewropej organizzata mill-Unjoni Ewropea tal-Assoċjazzjonijiet tal-Futbol (UEFA). Il-klabbs jikkwalifikaw għal din il-kompetizzjoni bbażat skont il-prestazzjoni tagħhom fil-kampjonat nazzjonali u t-tazzi nazzjonali.

Preċedentament imsejħa bħala t-Tazza UEFA, il-kompetizzjoni, minn Ġunju tal-2009, għall-istaġun tal-futbol 2009-10 bdiet tissejjaħ Europa League,^[2][3] wara li saret bidla fil-format. Għal raġunijiet ta' żammm ta' rekords min-naħa tal-UEFA, l-Europa League u t-Tazza UEFA huma kkunsidrati bħala l-istess kompetizzjoni, bil-bdil fl-isem ikun sempliċement bidla fit-titlu tal-marka.

Il-kompetizzjoni bdiet fl-1971 u postha ħaditu t-Tazza tal-Fieri. Għall-fini ta' rekords, il-UEFA tirrikonoxxi t-Tazza tal-Fieri bħala predeċessur dirett tat-Tazza UEFA. Fl-1999, it-Tazza tat-Tazez Ewropej ġiet abolita u mwaħħda mat-Tazza UEFA. Għall-kompetizzjoni tal-2005–06 ġiet miżjuda l-fażi tal-gruppi għal qabel l-istadju eliminatorju. Il-format il-ġdid tal-2009 se jara t-twaħħid tat-Tazza Intertoto li se jipproduċi format aktar estensiv, b'fażi tal-gruppi ikbar u tibdil fil-kriterji ta' kwalifikazzjoni.

L-Ukreni ta' Shakhtar Donetsk huma attwalment iċ-ċampjins renjanti tal-kompetizzjoni wara li fil-finali tal-20 ta' Mejju 2009 għelbu lil Bremen, fl-aħħar finali taħt l-imsejħa kompetizzjoni Tazza UEFA.

Werrej 1 Storja 2 Trofew 3 Format 3.1 Formati storiċi 3.2 Riforma għall-istaġun 2009–10 4 Finali 4.1 1972–1977: Finali doppja 4.2 1998–preżent: Finali unika 4.2.1 Tazza UEFA 4.2.2 UEFA Europa League 5 Rebbieħa 5.1 Skont il-klabb 5.2 Skont il-pajjiż 6 Referenzi 7 Ħoloq esterni

[editja] Storja

It-Tazza UEFA intlagħbet għall-ewwel darba fl-istaġun 1971–72, bit-tim Ingliż ta' Tottenham Hotspur ikun l-ewwel rebbieħ. Ir-regola ta' 'klabb wieħed għal kull belt', li ntirtet mit-Tazza tal-Fieri, ġiet abolita fl-1975. Il-klabb Ingliż ta' Everton spiċċa r-raba' fil-kampjonat Ingliż u b'hekk seta' jikkwalifika, imma ċċaħdu minn din l-opportunità hekk kif ir-rivali lokali ta' Liverpool kienu wkoll ikkwalifikaw meta spiċċaw it-tieni. Everton appellaw li r-regola kienet inġusta u l-UEFA qablu li jdwaru din id-deċiżjoni.

Il-kompetizzjoni kien tradizzjonalment miftuħa għat-tieni klassifikati fil-kampjonati domestiċi, imma l-kompetizzjoni fl-1999 ġiet magħquda mal-kompetizzjoni preċedenti tal-UEFA, it-Tazza tat-Tazez Ewropej. Minn dakinhar, ir-rebbieħa tat-tazez nazzjonali daħlu wkoll fit-Tazza UEFA. Barra minn hekk, il-klabbs eliminati fit-tielet rawnd ta' kwalifikazzjoni għall-UEFA Champions League u t-timijiet li jispiċċaw fit-tielet post tal-fażi tal-gruppi jkomplu jikkompetu fit-Tazza UEFA. Ammessi f'din il-kompetizzjoni huma wkoll tliet rappreżentanti tal-Fair Play, ħdax-il rebbieħ tat-Tazza Intertoto, u r-rebbieħa ta' xi kompetizzjonijet tal-League Cup.

Ir-rebbieħa jżommu t-trofew għal sena qabel ma jerġgħu jagħtuh lill-UEFA. Wara li jirritornawh lura, il-klabb jirċievi replika tat-trofew oriġinali fi skala ta' erba' kwinti. Ir-regoli jgħidu wkoll li t-trofew oriġinali jingħata lil kwalunkwe klabb li jirbaħ it-Tazza UEFA għal tliet darbiet wara xulxin jew ħames darbiet fl-istorja, minkejja li mill-2008 din għadha ma seħħitx.

Erba' timijiet rebħu t-Tazza UEFA flimkien mal-kampjonat nazzjonali u t-tazza nazzjonali fl-istess sena, b'dawn ikunu IFK Göteborg fl-1982, Galatasaray fl-2000, Porto fl-2003 u CSKA Moscow fl-2005. Din il-kisba hi magħrufa bħala tripletta li Galatasaray biss irnexxielhom ikompluha bis-Supertazza Ewropea. Aktar minn hekk Ajax u Galatasaray huma l-uniċi żewġ timijiet li rebħu t-tazza mingħajr ma tilfu matul il-kompetizzjoni u kif ukoll Espanyol, li minkejja li spiċċaw finalisti telleifa, waslu sal-finali mingħajr ma jsofru telfa.

Mill-istaġun 2009–10 'il quddiem, il-kompetizzjoni ġiet rinominata għal UEFA Europa League.^[2][3] Il-kompetizzjoni se titwaħħad mat-Tazza Intertoto, kompetizzjoni tat-tielet livell tal-UEFA.

[editja] Trofew

It-trofew, li jiżen 15-il kg, mingħajr il-mankijiet, huwa poġġut fuq bażi ta' rħama safra. Ġie iddisinjat u maħdum mil-laboratorji Bertoni ta' Milan għall-finali tal-1972 għal spiża ta' 23,000 Ewro. It-trofew juri kif mill-bażi tal-irħama joħorġu grupp ta' plejers li jidhru li qed jisfidaw lil xulxin biex jilħqu l-ballun. Fil-fatt, dawn isostnu t-tazza ottagonali li tirrafigura l-emblema tal-UEFA.

[editja] Format

Il-format attwali tal-kompetizzjoni ġie adottat għall-istaġun 2004–05. Il-bidla maġġuri kienet l-introduzzjoni ta' fażi tal-gruppi u żewġ rawnds ta' kwalifika minflok waħda. Aktar tibdiliet saru għall-istaġun 2006–07 minħabba li saru tibdiliet fil-format tat-Tazza Intertoto. Mill-bidu tal-istaġun 2009–10, il-UEFA iddeċidiet li tbiddel għal format ta' tnax-il grupp ta' erba' timijiet fit-tieni rawnd minflok il-format preċedenti ta' tmien gruppi u ħames timijiet.^[4]

[editja] Formati storiċi

Il-kompetizzjoni kienet tradizzjonalment turnew ta' eliminazzjoni diretta. Kull konfront kien jintlagħab fuq bażi ta' żewġ partiti, fosthom il-finali wkoll. Mill-1998, il-finali bdiet tintlagħab fuq partita waħda, imma l-konfronti l-oħra baqgħu fuq żewġ partiti.

Qabel l-istaġun 2004–05, it-turnew kien jikkonsisti minn rawnd wieħed ta' kwalifikazzjoni, segwit minn serje ta' rawnds eliminatorji. Is-sittax-il tellief fit-tielet rawnd ta' kwalifika għaċ-Champions League kienu jidħlu fl-ewwel rawnd; aktar tard fil-kors tat-turnew, mat-tim li jkunu salvaw fil-fażijiet suċċessivi jingħaqdu magħhom it-timijiet li jkunu temmew il-fażi tal-gruppi taċ-Champions League fit-tielet post.

Qabel ir-riforma tal-2009, it-Tazza UEFA kienet tibda b'żewġ rawnds ta' kwalifika li jsiru f'Lulju u Awwissu. Parteċipanti li jagħmlu parti mill-assoċjazzjonijiet klassifikati mit-18-il post 'l isfel jidħlu fl-ewel rawnd, waqt li għat-tieni rawnd jipparteċipaw timijiet mill-assoċjazzjonijiet ta' bejn id-9 u t-18-il post. Barra minn hekk, tliet postijiet fl-ewwel rawnd kienu jkunu riservati għar-rebbieħa tal-Fair Play u ħdax-il post fit-tieni rawnd ikunu riservati għar-rebbieħa tat-Tazza Intertoto.

Ir-rebbieħa tar-rawnds ta' kwalifika jissieħbu ma' timijiet mill-assoċjazzjonijiet klassifikati mill-1 sat-13-il post. Barra minn hekk, it-telliefa tat-tielet rawnd ta' kwalifikazzjoni tal-UEFA Champions League jidħlu wkoll f'din il-fażi, waqt li post ieħor jiġi riservat għaċ-ċampjins attwali tal-kompetizzjoni. F'dan l-istadju jkun hemm 80 tim.

Wara l-ewwel rawnd, l-40 tim li jibqgħu fil-kompetizzjoni jiġu mqassmin fi tmien gruppi ta' ħamsa. B'differenza mill-fażi tal-gruppi tal-UEFA Champions League, il-fażi tal-gruppi tat-Tazza UEFA tintlagħab fuq format ta' kollha kontra kulħadd, fejn kull klabb jilgħab żewġ partiti ġewwa daru u tnejn oħra barra minn daru. L-aqwa tliet timijiet ta' kull grupp jipprosegwu għar-rawnd segwenti, fejn magħhom jingħaqdu t-timijiet li jkunu kklassifikaw fit-tielet post fil-gruppi rispettivi tagħhom fil-UEFA Champions League.

Wara l-fażi tal-gruppi jkun hemm il-waqfa tax-xitwa. Minn dan il-punt, il-fażi eliminatorja tkompli b'konfronti abbażi ta' żewġ partiti li jwasslu għall-finali, li tintlagħab fuq grawnd newtrali li jilħaq il-kriterji tal-UEFA għal stadju ta' erba' stilel.

[editja] Riforma għall-istaġun 2009–10

Mill-istaġun 2009–2010, il-kompetizzjoni ħadet isem ġdid u ssemmiet bħala l-UEFA Europa League.^[2]

Format ġdid għall-UEFA Europa League se jiġi introdott għal ċiklu ta' tliet snin, li jibda mill-istaġun 2009–2010. L-ikbar bidla se tkun fażi tal-gruppi bi tnax-il grupp ta' erba' timijiet, minflok tmien gruppi ta' ħamsa.

Anke l-kwalifikazzjoni se titbiddel b'mod sinjifikanti. L-assoċjazzjonijiet ikklassifikati bejn is-7 u d-9 post fil-koeffiċjenti tal-UEFA jibgħatu r-rebbieħa tat-tazza nazzjonali u tliet timijiet oħra għall-kwalifika tal-UEFA Europa League, waqt li l-pajjiżi l-oħra jibgħatu r-rebbieħ tat-tazza nazzjonali u żewġ timijiet oħra, minbarra l-Liechtenstein, l-Andorra u San Marino li minflok se jibgħatu biss r-rebbieħ tat-tazza nazzjonali. Ħafna drabi, it-timijiet l-oħra jkunu l-aqwa timijiet f'kull kampjonat domestiku wara dawk li jkunu kkwalifikaw għall-UEFA Champions League; madanakollu, Franza u l-Ingilterra jidhru li se jkomplu jużaw post minnhom għar-rebbieħ tal-League Cup. Aktar minn hekk, tliet postijiet fl-ewwel mill-erba' rawnds ta' kwalifikazzjoni huma xorta riservati għar-rebbieħa tal-Fair Play. Għall-istaġun inwagurali 2009–2010 dawn il-postijiet se jmorru għal Rosenborg tan-Norveġja, Randers tad-Danimarka u Motherwell tal-iSkozja.

Ġeneralment, aktar mal-assoċjazzjoni tkun għolja fil-koeffiċjenti tal-UEFA, il-klabbs mill-istess assoċjazzjoni jidħlu f'fażi aktar tardiva tal-fażi ta' kwalifika, madanakollu kull tim minbarra ċ-ċampjin kurrenti jrid jilgħab mill-inqas f'rawnd wieħed ta' kwalifika. Barra mit-timijiet imsemmija, 15-il tim ieħor tellief fit-tieni rawnd ta' kwalifika għall-UEFA Champions League jidħlu fir-raba' u l-aħħar stadju ta' kwalifikazzjoni tal-UEFA Europa League, preċedentament magħrfuha bħala l-ewwel rawnd, u l-10 telliefa tat-tielet rawnd ta' kwalifika taċ-Champions League jidħlu direttament fil-fażi tal-gruppi tal-Europa League. It-12-il rebbieħ u 12-il tim klassifikat fit-tieni post jipproċedi għar-rawnd eliminatorju, flimkien ma' tmien timijiet oħra li temmew l-impenji tagħhom fil-fażi tal-gruppi taċ-Champions League fit-tielet post. Il-finalista tellief tat-tazza domestika huwa xorta intitolat li jidħol għall-UEFA Europa League jekk ir-rebbieħ tal-istess tazza jkun ikkwalifika għall-UEFA Champions League.^[5]

[editja] Finali

†	Ir-rebbieħ rebaħ wara l-ħin supplementari
*	Ir-rebbieħ rebaħ wara l-għoti tal-penalties
#	Ir-rebbieħ rebaħ wara l-gowl tad-deheb
Tipa ħoxna	Tindika r-rebbieħ f'finali abbażi ta' żewġ legs

Għall-ewwel 25 sena tal-kompetizzjoni, il-finali kienet kontestata fuq żewġ partiti, li jintlagħbu fil-grawnds rispettivi tat-timijiet. Fl-1998, it-tim Taljan ta' Internazionale għeleb lil Lazio fl-ewwel finali li saret fuq bażi ta' konfront wieħed fuq grawnd newtrali, fil-Parc des Princes ta' Pariġi.^[6] Tottenham Hotspur rebħu l-finali inawgurali tal-kompetizzjoni fl-1972 meta rebħu lil Wolverhampton Wanderers bi skor aggregat ta' 3–2.^[7]

[editja] 1972–1977: Finali doppja

Staġun	Pajjiż	Tim ġewwa daru	Riżultat	Tim barra minn daru	Pajjiż	Stadju	Lokalità
1971–72	ENG	Wolverhampton Wanderers	1–2	Tottenham Hotspur	ENG	Molineux	Wolverhampton, Ingilterra
	ENG	Tottenham Hotspur	1–1	Wolverhampton Wanderers	ENG	White Hart Lane	Londra, Ingilterra
	Tottenham Hotspur rebħu bi skor aggregat ta' 3–2
1972–73	ENG	Liverpool	3–0	Borussia Mönchengladbach	FRG	Anfield	Liverpool, Ingilterra
	FRG	Borussia Mönchengladbach	2–0	Liverpool	ENG	Bökelbergstadion	Mönchengladbach, Ġermanja tal-Punent
	Liverpool rebħu bi skor aggregat ta' 3–2
1973–74	ENG	Tottenham Hotspur	2–2	Feyenoord Rotterdam	NED	White Hart Lane	Londra, Ingilterra
	NED	Feyenoord	2–0	Tottenham Hotspur	ENG	De Kuip	Rotterdam, Olanda
	Feyenoord rebħu bi skor aggregat ta' 4–2
1974–75	FRG	Borussia Mönchengladbach	0–0	Twente	NED	Rheinstadion	Düsseldorf, Ġermanja tal-Punent
	NED	Twente	1–5	Borussia Mönchengladbach	FRG	Diekman Stadion	Enschede, Olanda
	Borussia Mönchengladbach rebħu bi skor aggregat ta' 5–1
1975–76	ENG	Liverpool	3–2	Club Brugge	BEL	Anfield	Liverpool, Ingilterra
	BEL	Club Brugge	1–1	Liverpool	ENG	Olympiastadion	Bruges, Belġju
	Liverpool rebħu bi skor aggregat ta' 4–3
1976–77	ITA	Juventus	1–0	Athletic Bilbao	ESP	Stadio Comunale	Turin, Italja
	ESP	Athletic Bilbao	2–1	Juventus	ITA	San Mamés	Bilbao, Spanja
	Skor aggregat ta' 2–2, Juventus rebħu bir-regola tal-gowls barra minn darhom
1977–78	FRA	Bastia	0–0	PSV	NED	Stade Armand Cesari	Bastia, Franza
	NED	PSV	3–0	Bastia	FRA	Philips Stadion	Eindhoven, Olanda
	PSV rebħu bi skor aggregat ta' 3–0
1978–79	YUG	Red Star Belgrad	1–1	Borussia Mönchengladbach	FRG	Stadion Crvena Zvezda	Belgrad, Jugożlavja
	FRG	Borussia Mönchengladbach	1–0	Red Star Belgrad	YUG	Rheinstadion	Düsseldorf, Ġermanja tal-Punent
	Borussia Mönchengladbach rebħu bi skor aggregat ta' 2–1
1979–80	FRG	Borussia Mönchengladbach	3–2	Eintracht Frankfurt	FRG	Bökelbergstadion	Mönchengladbach, Ġermanja tal-Punent
	FRG	Eintracht Frankfurt	1–0	Borussia Mönchengladbach	FRG	Waldstadion	Frankfurt, Ġermanja tal-Punent
	Skor aggregat ta' 3–3, Eintracht Frankfurt rebħu bir-regola tal-gowls barra minn darhom
1980–81	ENG	Ipswich Town	3–0	AZ	NED	Portman Road	Ipswich, Ingilterra
	NED	AZ	4–2	Ipswich Town	ENG	Olympisch Stadion	Amsterdam, Olanda
	Ipswich Town rebħu bi skor aggregat ta' 5–4
1981–82	SWE	IFK Göteborg	1–0	Hamburg	FRG	Nya Ullevi	Gothenburg, Żvezja
	FRG	Hamburg	0–3	IFK Göteborg	SWE	Volksparkstadion	Hamburg, Ġermanja tal-Punent
	IFK Göteborg rebħu bi skor aggregat ta' 4–0
1982–83	BEL	Anderlecht	1–0	Benfica	POR	Heysel Stadium	Brussell, Belġju
	POR	Benfica	1–1	Anderlecht	BEL	Estádio da Luz	Liżbona, Portugall
	Anderlecht rebħu bi skor aggregat ta' 2–1
1983–84	BEL	Anderlecht	1–1	Tottenham Hotspur	ENG	Constant Vanden Stock	Brussell, Belġju
	ENG	Tottenham Hotspur	1–1	Anderlecht	BEL	White Hart Lane	Londra, Ingilterra
	Skor aggregat ta' 2–2, Tottenham Hotspur rebħu 4–3 wara l-għoti tal-penalties *
1984–85	HUN	Videoton	0–3	Real Madrid	ESP	Stadion Sóstói	Székesfehérvár, Ungerija
	ESP	Real Madrid	0–1	Videoton	HUN	Santiago Bernabéu	Madrid, Spanja
	Real Madrid rebħu bi skor aggregat ta' 3–1
1985–86	ESP	Real Madrid	5–1	Köln	FRG	Santiago Bernabéu	Madrid, Spanja
	FRG	Köln	2–0	Real Madrid	ESP	Olympiastadion	Berlin tal-Lvant, Ġermanja tal-Punent
	Real Madrid rebħu bi skor aggregat ta' 5–3
1986–87	SWE	IFK Göteborg	1–0	Dundee United	SCO	Nya Ullevi	Gothenburg, Żvezja
	SCO	Dundee United	1–1	IFK Göteborg	SWE	Tannadice Park	Dundee, Scotland
	IFK Göteborg rebħu bi skor aggregat ta' 2–1
1987–88	ESP	Espanyol	3–0	Bayer Leverkusen	FRG	Estadi de Sarrià	Barċellona, Spanja
	FRG	Bayer Leverkusen	3–0	Espanyol	ESP	Ulrich Haberland Stadion	Leverkusen, Ġermanja tal-Punent
	Skor aggregat ta' 3–3, Bayer Leverkusen rebħu 3–2 wara l-għoti tal-penalties *
1988–89	ITA	Napoli	2–1	VfB Stuttgart	FRG	Stadio San Paolo	Napli, Italja
	FRG	VfB Stuttgart	3–3	Napoli	ITA	Neckarstadion	Stuttgart, Ġermanja tal-Punent
	Napoli rebħu bi skor aggregat ta' 5–4
1989–90	ITA	Juventus	3–1	Fiorentina	ITA	Stadio Comunale	Turin, Italja
	ITA	Fiorentina	0–0	Juventus	ITA	Stadio Partenio	Avellino, Italja
	Juventus rebħu bi skor aggregat ta' 3–1
1990–91	ITA	Internazionale	2–0	Roma	ITA	San Siro	Milan, Italja
	ITA	Roma	1–0	Internazionale	ITA	Stadio Olimpico	Ruma, Italja
	Internazionale rebħu bi skor aggregat ta' 2–1
1991–92	ITA	Torino	2–2	Ajax	NED	Stadio delle Alpi	Turin, Italja
	NED	Ajax	0–0	Torino	ITA	Olympisch Stadion	Amsterdam, Olanda
	Skor aggregat ta' 2–2, Ajax rebħu bir-regola tal-gowls barra minn darhom
1992–93	GER	Borussia Dortmund	1–3	Juventus	ITA	Westfalenstadion	Dortmund, Ġermanja
	ITA	Juventus	3–0	Borussia Dortmund	GER	Stadio delle Alpi	Turin, Italja
	Juventus rebħu bi skor aggregat ta' 6–1
1993–94	AUT	Casino Salzburg	0–1	Internazionale	ITA	Ernst-Happel-Stadion	Vjenna, Austria
	ITA	Internazionale	1–0	Casino Salzburg	AUT	San Siro	Milan, Italja
	Internazionale rebħu bi skor aggregat ta' 2–0
1994–95	ITA	Parma	1–0	Juventus	ITA	Stadio Ennio Tardini	Parma, Italja
	ITA	Juventus	1–1	Parma	ITA	San Siro	Milan, Italja
	Parma rebħu bi skor aggregat ta' 2–1
1995–96	GER	Bayern Munich	2–0	Bordeaux	FRA	Olympiastadion	Munich, Ġermanja
	FRA	Bordeaux	1–3	Bayern Munich	GER	Parc Lescure	Bordeaux, Franza
	Bayern Munich rebħu bi skor aggregat ta' 5–1
1996–97	GER	Schalke 04	1–0	Internazionale	ITA	Parkstadion	Gelsenkirchen, Ġermanja
	ITA	Internazionale	1–0	Schalke 04	GER	San Siro	Milan, Italja
	Skor aggregat ta' 1–1, Schalke 04 rebħu 4–1 wara l-għoti tal-penalties *

[editja] 1998–preżent: Finali unika

[editja] Tazza UEFA

Staġun	Pajjiż	Rebbieħ	Riżultat	Finalista tellief	Pajjiż	Stadju	Lokalità
1997–98	ITA	Internazionale	3–0	Lazio	ITA	Parc des Princes	Pariġi, Franza
1998–99	ITA	Parma	3–0	Marseille	FRA	Stadju Luzhniki	Moska, Russja
1999–2000	TUR	Galatasaray İstanbul	*0–0 *	Arsenal	ENG	Parken Stadium	Kopenħagen, Danimarka
2000–01	ENG	Liverpool	#5–4 #	Alavés	ESP	Westfalenstadion	Dortmund, Ġermanja
2001–02	NED	Feyenoord	3–2	Borussia Dortmund	GER	De Kuip	Rotterdam, Olanda
2002–03	POR	Porto	†3–2 †	Celtic	SCO	Estadio Olímpico de Sevilla	Sevilla, Spanja
2003–04	ESP	Valencia	2–0	Marseille	FRA	Nya Ullevi	Gothenburg, Żvezja
2004–05	RUS	CSKA Moscow	3–1	Sporting CP	POR	Estádio José Alvalade	Liżbona, Portugall
2005–06	ESP	Sevilla	4–0	Middlesbrough	ENG	Philips Stadion	Eindhoven, Olanda
2006–07	ESP	Sevilla	*2–2 *	Espanyol	ESP	Hampden Park	Glasgow, Skozja
2007–08	RUS	Zenit Saint Petersburg	2–0	Rangers	SCO	City of Manchester Stadium	Manchester, Ingilterra
2008–09	UKR	Shakhtar Donetsk	†2–1 †	Werder Bremen	GER	Stadju Şükrü Saracoğlu	Istanbul, Turkija

[editja] UEFA Europa League

Staġun	Pajjiż	Rebbieħ	Riżultat	Finalista tellief	Pajjiż	Stadju	Lokalità
2009–10	?				?	HSH Nordbank Arena	Amburgu, Ġermanja
2010–11	?				?	Aviva Stadium	Dublin, Irlanda
2011–12	?				?	Lia Manoliu Arena	Bukarest, Rumanija

[editja] Rebbieħa

[editja] Skont il-klabb

Tim	Rebħiet	Finali mitlufa	Snin tar-rebħiet	Snin tat-telfiet
Juventus	3	1	1977, 1990, 1993	1995
Internazionale	3	1	1991, 1994, 1998	1997
Liverpool	3	0	1973, 1976, 2001	–
Borussia Mönchengladbach	2	2	1975, 1979	1973, 1980
Tottenham Hotspur	2	1	1972, 1984	1974
Real Madrid	2	0	1985, 1986	–
IFK Göteborg	2	0	1982, 1987	–
Parma	2	0	1995, 1999	–
Feyenoord	2	0	1974, 2002	–
Sevilla	2	0	2006, 2007	–
Anderlecht	1	1	1983	1984
PSV	1	0	1978	–
Eintracht Frankfurt	1	0	1980	–
Ipswich Town	1	0	1981	–
Bayer Leverkusen	1	0	1988	–
Napoli	1	0	1989	–
Ajax	1	0	1992	–
Bayern Munich	1	0	1996	–
Schalke 04	1	0	1997	–
Galatasaray	1	0	2000	–
Porto	1	0	2003	–
Valencia	1	0	2004	–
CSKA Moscow	1	0	2005	–
Zenit St. Petersburg	1	0	2008	–
Shakhtar Donetsk	1	0	2009	–
Borussia Dortmund	0	2	–	1993, 2002
Marseille	0	2	–	1999, 2004
Espanyol	0	2	–	1988, 2007
Wolverhampton Wanderers	0	1	–	1972
Twente	0	1	–	1975
Club Brugge	0	1	–	1976
Athletic Bilbao	0	1	–	1977
Bastia	0	1	–	1978
Red Star Belgrade	0	1	–	1979
AZ	0	1	–	1981
Hamburg	0	1	–	1982
Benfica	0	1	–	1983
Videoton	0	1	–	1985
Köln	0	1	–	1986
Dundee United	0	1	–	1987
VfB Stuttgart	0	1	–	1989
Fiorentina	0	1	–	1990
Roma	0	1	–	1991
Torino	0	1	–	1992
Austria Salzburg	0	1	–	1994
Bordeaux	0	1	–	1996
Lazio	0	1	–	1998
Arsenal	0	1	–	2000
Alavés	0	1	–	2001
Celtic	0	1	–	2003
Sporting CP	0	1	–	2005
Middlesbrough	0	1	–	2006
Rangers	0	1	–	2008
Werder Bremen	0	1	–	2009

[editja] Skont il-pajjiż

Pajjiż	Rebħiet	Finali mitlufa
Italja	9	6
Ġermanja	6	8
Ingilterra	6	4
Spanja	5	4
Olanda	4	2
Russja	2	0
Żvezja	2	0
Belġju	1	2
Portugall	1	2
Turkija	1	0
Ukrajna	1	0
Franza	0	4
Skozja	0	3
Awstrija	0	1
Jugożlavja	0	1
Ungerija	0	1

[editja] Referenzi

[editja] Ħoloq esterni

• Sit uffiċjali tat-Tazza UEFA

Futbol internazzjonali tal-klabbs  a • d • m
FIFA · Tazza tad-Dinja tal-Klabbs · Tazza Interkontinentali (xolta) · Plejer tas-Sena
Asja AFC - Champions League Afrika CAF - Champions League Amerika ta' Fuq CONCACAF - Champions League Amerika t'Isfel CONMEBOL - Tazza Libertadores Oċeanja OFC - Champions League Ewropa UEFA - Champions League