Tim nazzjonali tal-futbol tal-Komunità tal-Istati Indipendenti


Komunità ta' l-Istati Indipendenti
Assoċċazzjoni	Association Football Federation of CIS
L-Aktar Dehriet	Dmitri Kharine (11)
L-Aktar Gowls	Sergei Kiriakov (4)
L-Ewwel Internazzjonali	Stati Uniti 0 - 1 CIS (Miami, Stati Uniti; 25 ta' Jannar, 1992)
L-Aħħar Internazzjonali	Skozja 3 - 0 CIS (Norrköping, Svezja; 18 ta' Ġunju, 1992)
L-Ikbar Rebħa	El Salvador 0 - 3 CIS (San Salvador, El Salvador; 29 ta' Jannar, 1992)
L-Ikbar Telfa	Messiku 4 - 0 CIS (Ciudad de Mexico, Messiku; 8 ta' Marzu, 1992)

L-iskwadra nazzjonali tal-futbol tal-Komunità ta' l-Istati Indipendenti kienet tirrapreżenta l-Komunità ta' l-Istati Indipendenti, allejanza ta' 12 minn 15-il stat iffurmat mill-Unjoni Sovjetika, matul l-ewwel nofs ta' l-1992. Minħabba li t-Tim Nazzjonali tal-Futbol ta' l-Unjoni Sovjetika kien diġà kiseb post fil-Kampjonati Ewropej 1992 wara li kkwalifika fl-1991, l-unika mod li setgħu jikkompetu fil-kompetizzjoni kien li jieħdu sehem bħala tim wieħed. Hekk kif l-Unjoni Sovjetika waqfet teżisti fl-1 ta' Jannar 1992, hekk ukoll kien għall-Federazzjoni ta' l-Unjoni Sovjetika. Madanakollu fil-11 ta' Jannar 1992, l-Association Football Federation of CIS kienet iffurmat u approvata mill-FIFA jumejn wara. Minħabba li t-timijiet nazzjonali ta' l-Estonja, l-Latvja u l-Litwanja kienu diġà ffurmati, il-plejers minn dawn l-istati ma' ħadux sehem mat-tim nazzjonali ta' din il-komunità. Alavolja l-federazzjoni rnexxiela tgħaqqad tim nazzjonali, il-pjanijiet għal kampjonat domestiku kienu inqas ta' suċċess, fejn irriżulta illi kull repubblika għamlet kampjonat separat.

B'konsegwenza, it-tim tal-futbol tal-Komunità ta' l-Istati Indipendenti kien qabel magħruf bħala t-Tim Nazzjonali tal-Futbol ta' l-Unjoni Sovjetika sa Ġunju 1992 meta t-tim ħa sehem fil-Kampjonati Ewropej 1992. L-isem tbiddel għal Tim Nazzjonali tal-Futbol tar-Russja u timijiet oħra ġew iffurmati.

It-tim nazzjonali tal-Komunità ta' l-Istati Indipendenti kien ikkowċjat minn Anatoly Byshovets matul l-eżistenza tiegħu. It-tim naqas li jkollu suċċess fil-Kampjonati Ewropej 1992, fejn spiċċa l-aħħar fil-grupp b'żewġ pari u telfa.