Tim nazzjonali tal-futbol ta' San Marino

Minn Wikipedija, l-enċiklopedija l-ħielsa
Aqbeż lejn: navigazzjoni, fittex
San Marino
Stemma tal-assoċjazzjoni
Laqam La Serenissima
Assoċjazzjoni Federazione Sammarinese Gioco Calcio
Konfederazzjoni UEFA (Ewropa)
Kowċ San Marino Giampaolo Mazza
Asst. kowċ San Marino Ermanno Zonzini
Kaptan Andy Selva
L-aktar preżenzi Damiano Vannucci (58)
L-aktar gowls Andy Selva (8)
Stadju Stadio Olimpic
Kodiċi tal-FIFA SMR
Klassifika tal-FIFA Straight Line Steady.svg 203
Kuluri interni
Kuluri esterni
Debutt internazzjonali
San Marino San Marino 0 – 4 Żvizzera Flag of Switzerland.svg
(Serravalle, San Marino; 14 ta' Novembru 1990)
L-ikbar rebħa
San Marino San Marino 1 – 0 Liechtenstein Flag of Liechtenstein.svg
(Serravalle, San Marino; 28 ta' April 2004)
L-ikbar telfa
San Marino San Marino 0 – 13 Ġermanja Flag of Germany.svg
(Serravalle, San Marino; 6 ta' Settembru 2006)

It-tim nazzjonali tal-futbol ta' San Marino huwa r-rappreżentazzjoni tal-futbol ta' San Marino, ikkontrollat mill-Federazione Sammarinese Gioco Calcio.

Minħabba d-dimensjonijiet u l-popolazzjoni żgħira tal-pajjiż, fejn huwa l-iżgħar pajjiż tal-UEFA, San Marino huwa wieħed mill-ifqar timijiet nazzjonali kemm teknikament kif ukoll f'termini ta' riżultati fl-Ewropa kif ukoll tad-dinja. Wara tnaqqis stabbli li beda fl-1994, it-tim nazzjonali spiċċa fil-qiegħ tal-klassifika tal-FIFA, fejn attwalment jinsab jaqsam il-203 post mingħajr ebda punt.

L-ewwel logħba uffiċjali li ntlagħbet minn tim minn San Marino kienet telfa ta' 4–0 kontra l-Iżvizzera, valida għall-Kampjonati Ewropej 1990. Preċedentament fl-1986, San Marino kien tilef 1–0 f'logħba ta' ħbiberija kontra t-tim nazzjonali Olimpiku tal-Kanada, minkejja li din ma kinitix ikkunsidrata bħala logħba uffiċjali. Minn mindu għamlu d-debutt kompetittiv tagħhom, San Marino ħa sehem f'kull fażi ta' kwalifikazzjoni għall-Kampjonati Ewropej u t-Tazza tad-Dinja, imma għadu qatt ma rebaħ logħba. L-unika rebħa fl-istorja waslet kontra l-Liechtenstein bl-iskor ta' 1–0, f'logħba ta' ħbiberija li ntlagħbet fit-28 ta' April 2004.

Storja[editja]

Minkejja li l-Federazzjoni tal-Futbol ta' San Marino ġie fundat fl-1931, il-federazzjoni ma kinitx stabillixxiet ruħha bħala tim nazzjoni sa l-1986, meta tim irrappreżenta l-federazzjoni kontra it-tim tal-Kanada ta' l-Olimpjadi f'kampjonat mhux uffiċċjali. San Marino ngħaqad mal-UEFA u l-FIFA fl-1988, fejn b'hekk seta' jibda' jipparteċipa fil-komepetizzjonijiet il-kbar. Qabel dan li ġara, plejers minn Sammarinese kienu kkunsidrati bħala plejers Taljani.

L-ewwel logħba internazzjonali ta' San Marino kienet kontra l-Isvizzera fl-14 ta' Novembru 1990 fil-fażi ta' kwalifikazzjoni għall-Kampjonati Ewropej ta' l-1992 (Euro 1992). San Marino tilfu 4-0, u tilfu wkoll it-tmien partiti l-oħra. Fil-fatt dan it-tim bata' biex jikseb riżultati tajbin barra minnd darhom fejn kważi f'kull logħba laqqat erba' gowls. San Marino skorja gowl wieħed, penalty fit-telfa ta' 3-1 kontra r-Rumanija, u laqqat total ta' 33 gowl.

Fl-ewwel fażi ta' kwalifikazzjoni, għal San Marino, għat-Tazza tad-Dinja huma kienu ġew fil-grupp kontra l-Ingilterra, l-Olanda, in-Norveġja, il-Polonja u t-Turkija. Fil-logħba tal-ftuħ kontra n-Norveġja huma tilfu 10-0. Il-partita ta' wara provdiet inqas gowls hekk kif in-Norveġiżi rebħu 2-0. It-telfa ta' 4-1 kontra t-Turkija tathom l-ewwel gowl fi-Tazza tad-Dinja, u l-pari ta' 0-0 fil-partita ta' ritorn tathom l-ewwel punt. Fl-aħħar logħba kontra l-Ingilterra, San Marino kisbu r-rekord ta' l-aktar gowl kmieni fl-istorja tat-Tazza tad-Dinja. Davide Gualtieri skorja l-gowl wara biss 8.3 sekondi wara passaġġ ħażin ta' Stuart Pearce. Il-partita spiċċat b'rebħa għall-Ingliżi, 7-1. San Marino spiċċaw il-kampanja b'punt wieħed u total ta' 44 gowls li laqqtu.

San Marino rebħu s'issa logħba waħda internazzjonali; 1-0 kontra Liechtenstein f'logħba ta' ħbiberija fl-2004. Andy Selva skorja l-gowl rebbieħ. L-agħar telfa li ġarrab dan it-tim kienet it-telfa ta' 13-0 kontra l-Ġermanja fil-fażi ta' kwalifikazzjoni għall-Euro 2008, fis-6 ta' Settembru 2006.

Grawnd[editja]

San Marino jilgħab il-logħob f'daru fil-grawnd "Stadio Olimpico", grawnd li jinsab f'Serravalle u għandu kapaċità ta' 5,387. San Marino lagħab ukoll żewġ partiti ta' daru barra minn daru. Dan kien fil-fażi ta' kwalifikazzjoni, kontra l-Ingilterra u l-Olanda fl-1993, meta huma lagħbu fi "Stadio Renato Dall'Ara" f'Bologna.

Reputazzjoni Żgħira[editja]

Ir-rekord ta' San Marino jagħtihom reputazzjoni żgħira fil-futbol mondjali. Din ir-repubblika għadha ma rebħitx logħba kompetittiva, bl-unika rebħa tkun il-logħba ta' ħbiberija kontra Liechtenstein fejn kienet spiċċat 1-0. Bl-iżgħar popolazzoni fil-pajjiżi tal-UEFA, ma tantx hemm minn fejn jintagħżlu plejers. Il-plejers huma il-biċċa l-kbira dilettanti, bi plejers bħal Andy Selva u Aldo Simoncini li huma professjonali. It-telfa ta' 13-0 kontra l-Ġermanja kien rekord fil-Kampjonati Ewropej u huma laqqtu għaxar gowls oħra f'żewġ okkażjonijiet oħra.

Skwadra attwali[editja]

L-iskwadra magħżula għal-logħba ta' kwalifikazzjoni għall-Kampjonati Ewropej 2012 kontra l-Iżvezja fis-6 ta' Settembru 2011.

Preżenzi u gowls aġġornati sas-6 ta' Settembru 2011

Nru. Poż. Plejer Data tat-twelid (età) Preż. Gowls Klabb
1 G Federico Valentini 22 ta' Jannar 1982 (1982-01-22) (32 sena) 10 0 Italja Marignano
12 G Michele Ceccoli 4 ta' Diċembru 1973 (1973-12-04) (40 sena) 3 0 San Marino Libertas
2 D Fabio Vitaioli 5 ta' April 1984 (1984-04-05) (30 sena) 21 0 Italja Sammaurese
5 D Davide Simoncini 30 ta' Awwissu 1986 (1986-08-30) (28 sena) 23 0 San Marino Libertas
6 D Simone Bacciocchi 22 ta' Jannar 1977 (1977-01-22) (37 sena) 55 0 San Marino Juvenes/Dogana
13 D Matteo Andreini 10 ta' Ottubru 1981 (1981-10-10) (33 sena) 22 0 San Marino Tre Fiori
14 D Giacomo Benedettini 7 ta' Ottubru 1982 (1982-10-07) (32 sena) 5 0 San Marino Tre Fiori
3 M Damiano Vannucci 30 ta' Lulju 1977 (1977-07-30) (37 sena) 63 0 San Marino Juvenes/Dogana
4 M Fabio Bollini 19 ta' Settembru 1983 (1983-09-19) (31 sena) 11 0 San Marino La Fiorita
8 M Michele Cervellini 14 ta' April 1988 (1988-04-14) (26 sena) 10 0 San Marino Juvenes/Dogana
9 M Matteo Coppini 5 ta' Mejju 1989 (1989-05-05) (25 sena) 5 0 Italja Atletico Montecchio
11 M Manuel Marani 7 ta' Ġunju 1984 (1984-06-07) (30 sena) 29 1 Italja Riccione
15 M Matteo Bugli 10 ta' Marzu 1983 (1983-03-10) (31 sena) 20 0 San Marino Cosmos
16 M Alex Gasperoni 30 ta' Ġunju 1984 (1984-06-30) (30 sena) 20 1 San Marino Tre Penne
17 M Pier Filippo Mazza 20 ta' Awwissu 1988 (1988-08-20) (26 sena) 7 0 Italja Sant’Ermete-Sanvitese
7 A Matteo Vitaioli 27 ta' Ottubru 1989 (1989-10-27) (25 sena) 19 0 Italja San Marino
10 A Andy Selva 25 ta' Mejju 1976 (1976-05-25) (38 sena) 54 8 Mingħajr klabb
18 A Paolo Montagna 28 ta' Mejju 1976 (1976-05-28) (38 sena) 44 0 San Marino Cosmos

Rekord kompetittiv[editja]

Tazza tad-Dinja[editja]

  • 1930 sa l-1990 - Ma ħaditx sehem
  • 1994 sa l-2010 - Ma kkwalifikatx

Kampjonati Ewropej[editja]

  • 1960 sa l-1988 - Ma ħaditx sehem
  • 1992 sa l-2012 - Ma kkwalifikatx

Riżultanti Importanti[editja]

  • 16 ta' Settembru 1987 - Flag of Lebanon.svg Lebanon 0 - 0 San Marino Flag of San Marino.svg (Logħob Mediterranju)
  • 10 ta' Marzu 1993 - Flag of Turkey.svg Turkija 0 - 0 San Marino Flag of San Marino.svg (Kwalifikazzjoni għat-Tazza tad-Dinja)
  • 25 ta' April 2001 - Flag of Latvia.svg Latvja 1 - 1 San Marino Flag of San Marino.svg (Kwalifikazzjoni għat-Tazza tad-Dinja)
  • 20 ta' Awwissu 2003 - Flag of Liechtenstein.svg Liechtenstein 2 - 2 San Marino Flag of San Marino.svg (Logħba ta' Ħbiberija)
  • 28 ta' April 2004 - Flag of Liechtenstein.svg Liechtenstein 0 - 1 San Marino Flag of San Marino.svg (Logħba ta' Ħbiberija)

Ħoloq esterni[editja]