Tazza tal-Konfederazzjonijiet

Tazza tal-Konfederazzjonijiet

Staġun jew kompetizzjoni attwali: Tazza tal-Konfederazzjonijiet 2013
Sport	Futbol
Fundazzjoni	1992
Nru. ta' timijiet	8
Reġjun	Internazzjonali (FIFA)
Ċampjin attwali	Brażil
L-aktar rebħiet	Brażil (3 titli)
Sit elettroniku	fifa.com

It-Tazza tal-Konfederazzjonijiet hija kompetizzjoni internazzjonali tal-futbol għat-timijiet nazzjonali, li ssir kull erba' snin mill-FIFA. Dan it-turnew jinvolvi lir-rebbieħa individwali tal-kampjonati tas-sitt konfederazzjonijiet tal-FIFA (CAF, CONMEBOL, UEFA, AFC, OFC, CONCACAF) flimkien mar-rebbieħ tat-Tazza tad-Dinja u l-pajjiż ospitu, biex iġib in-numru ta' parteċipanti għal tmienja.

Storja

L-ewwel Tazza tal-Konfederazzjonijiet (li kienet għadha ma tissejaħx hekk) saret fl-1992 ġewwa l-Arabja Sawdija, u dan l-istess pajjiż ospita ż-żewġ edizzjonijiet suċċessivi tal-1995 u l-1997. L-ewwel edizzjoni rat lill-Arġentina terfa' l-"King Fahd Cup", f'isem ir-Re u l-Prim Ministru tal-Arabja Sawdija li kien beda dan it-turnew, quddiem tliet avversarji oħra li kienu l-Istati Uniti, il-Kosta tal-Avorju u l-Arabja Sawdija. Fl-1995 in-numru ta' parteċipanti ġie estiż għal sitt f'żewġ gruppi ta' tlieta. Ir-rebbieħa kienet id-Danimarka b'rebħa sorpriża fil-finali kontra l-Arġentina bl-iskor ta' 2–0.

Fl-1997 il-FIFA organizzat direttament dan it-turnew u n-numru ta' parteċipanti kiber għal tmienja. Il-Brażil ta' Romario rebħet din l-edizzjoni b'rebħa ta' 6–0 fuq is-sorpriża tal-kampjonat, l-Awstralja. L-edizzjoni tal-1999 rat it-trijonf tal-ospiti tal-Messiku; suċċess li kellu aktar importanza wara r-rebħa ta' 4–3 fil-finali kontra l-finalisti telliefa tat-Tazza tad-Dinja preċedenti, il-Brażil, li kienu għadhom iżommu t-titlu ta' din il-kompetizzjoni f'idejhom. L-edizzjoni tal-2001 saret fil-Korea t'Isfel u l-Ġappun u serviet ta' prova ġenerali għall-fażi finali tat-Tazza tad-Dinja tas-sena suċċessiva organnizzata mill-istess żewġ pajjiż. Franza ħarġu rebbieħa fuq il-finalisti Ażjatiċi tal-Ġappun bl-iskor ta' 1–0.

Fl-2003 it-turnew sar fi Franza, u kienu huma stess li baqgħu jżommu dan it-titlu; din id-darba l-vittma fil-finali kien il-Kamerun. Din l-edizzjoni tibqa' mfakkra għat-telfa traġika tal-Kameruniż Marc Viven Foe, waqt il-partita tas-semifinali bejn il-Kolombja u l-Kamerun; fis-73 tal-partita, il-midfilder waqa' mal-art wara li tilef sensieh. Minkejja t-tentattivi kollha mit-tobba u l-assistenti mediċi, il-plejer miet siegħa wara.

Sa issa, l-aħħar edizzjoni tal-2005, ġiet ospitat fil-Ġermanja, il-pajjiż li ospita fis-sena ta' wara t-Tazza tad-Dinja. Il-Brażiljani reġgħu ħarġu rebbieħa, din id-darba bl-iskor ta' 4–1 fuq ir-rivali eterni tal-Arġentina. Protagonista ta' din l-edizzjoni kien Adriano, li spiċċa l-aqwa skorer b'ħames gowls.

Riżultati

King Fahd Cup

Sena	Ospitu	Finali			Partita għat-tielet post
		Rebbieħ	Riżultat	Finalista tellief	It-tielet post	Riżultat	Ir-raba' post
1992 Dettalji	Arabja Sawdija	Arġentina	3–1	Arabja Sawdija	Stati Uniti	5–2	Kosta tal-Avorju
1995 Dettalji	Arabja Sawdija	Danimarka	2–0	Arġentina	Messiku	1–1 (5–4 pen)	Niġerja

Tazza tal-Konfederazzjonijiet

Sena	Ospitu	Finali			Partita għat-tielet post
		Rebbieħ	Riżultat	Finalista tellief	It-tielet post	Riżultat	Ir-raba' post
1997 Dettalji	Arabja Sawdija	Brażil	6–0	Awstralja	Repubblika Ċeka	1–0	Urugwaj
1999 Dettalji	Messiku	Messiku	4–3	Brażil	Stati Uniti	2–0	Arabja Sawdija
2001 Dettalji	Korea t'Isfel Ġappun	Franza	1–0	Ġappun	Awstralja	1–0	Brażil
2003 Dettalji	Franza	Franza	1–0 (gowl tad-deheb)	Kamerun	Turkija	2–1	Kolombja
2005 Dettalji	Ġermanja	Brażil	4–1	Arġentina	Ġermanja	4–3 (ħb)	Messiku
2009 Dettalji	Afrika t'Isfel	Brażil	3–2	Stati Uniti	Spanja	3–2 (ħb)	Afrika t'Isfel

Timijiet nazzjonali ta' suċċess

Tim	Titli	Finalista tellief
Brażil	3 (1997, 2005, 2009)	1 (1999)
Franza	2 (2001, 2003*)	-
Arġentina	1 (1992)	2 (1995, 2005)
Danimarka	1 (1995)
Messiku	1 (1999*)
Awstralja	-	1 (1997)
Kamerun	-	1 (2003)
Ġappun	-	1 (2001*)
Arabja Sawdija	-	1 (1992*)
Stati Uniti	-	1 (2009)

*: ospiti

Plejers

L-aqwa skorers

Biex tapprofondixxi, ara l-artiklu: Lista tal-iskorers fit-Tazza tal-Konfederazzjonijiet.

Poż.	Plejer	Gowls	Dettall
1	Cuauhtémoc Blanco	9	3 fl-1997 u 6 fl-1999
	Ronaldinho	9	6 fl-1999 u 3 fl-2005
3	Adriano	7	2 fl-2003 u 5 fl-2005
	Romário	7	7 fl-1997
5	Marzouk Al-Otaibi	6	6 fl-1999

Parteċipazzjoni

Tim	1992	1995	1997	1999	2001	2003	2005	2009	Total
Brażil	-	-	R	F	4	1R	R	R	6
Messiku	-	3	1R	R	1R	-	4	-	5
Ġappun	-	1R	-	-	F	1R	1R	-	4
Arabja Sawdija	F	1R	1R	4	-	-	-	-	4
Stati Uniti	3	-	-	3	-	1R	-	F	4
Arġentina	R	F	-	-	-	-	F	-	3
Awstralja	-	-	F	-	3	-	1R	-	3
New Zealand	-	-	-	1R	-	1R	-	1R	3
Kamerun	-	-	-	-	1R	F	-	-	2
Eġittu	-	-	-	1R	-	-	-	1R	2
Franza	-	-	-	-	R	R	-	-	2
Ġermanja	-	-	-	1R	-	-	3	-	2
Afrika t'Isfel	-	-	1R	-	-	-	-	4	2
Bolivja	-	-	-	1R	-	-	-	-	1
Kanada	-	-	-	-	1R	-	-	-	1
Kolombja	-	-	-	-	-	4	-	-	1
Kosta tal-Avorju	4	-	-	-	-	-	-	-	1
Repubblika Ċeka	-	-	3	-	-	-	-	-	1
Danimarka	-	R	-	-	-	-	-	-	1
Greċja	-	-	-	-	-	-	1R	-	1
Iraq	-	-	-	-	-	-	-	1R	1
Italja	-	-	-	-	-	-	-	1R	1
Korea t'Isfel	-	-	-	-	1R	-	-	-	1
Niġerja	-	4	-	-	-	-	-	-	1
Spanja	-	-	-	-	-	-	-	3	1
Tuneżija	-	-	-	-	-	-	1R	-	1
Turkija	-	-	-	-	-	3	-	-	1
Emirati Għarab Magħquda	-	-	1R	-	-	-	-	-	1
Urugwaj	-	-	4	-	-	-	-	-	1

• 1R: Eliminat fl-Ewwel Rawnd
• F: Finalist
• R: Rebbieħ