John O'Shea

Minn Wikipedija, l-enċiklopedija l-ħielsa
Aqbeż lejn: navigazzjoni, fittex
John O'Shea
John O'Shea, after Barca match - 29th of April 2008.jpg
Informazzjoni personali
Isem sħiħ John Francis O'Shea
Twelid 30 ta' April 1981 (1981-04-30) (33 sena)
Waterford
Pajjiż Bandiera tar-Repubblika tal-Irlanda Irlanda
Tul 1.91 m
Rwol Difensur
Informazzjoni fuq il-klabb
Klabb kurrenti Sunderland
Klabbs ġovanili
Waterford Bohemians
Manchester United
Klabbs professjonali*
Snin Klabb Preż Gwls
1999–2011 Manchester United 255 (10)
2000 Bournemouth (self) 10 (1)
2001 Royal Antwerp (self) 14 (0)
2011– Sunderland 0 (0)
Tim nazzjonali
2001– Irlanda 70 (1)
* Il-preżenzi u l-gowls fil-karriera professjonali huma validi biss għall-kampjonat domestiku.
Aġġornament: 08:36, 8 Lulju 2011 (UTC)

John Francis O'Shea (Waterford, 30 ta' April 1981) hu plejer tal-futbol li kurrentament jilgħab ma' Sunderland.

Karriera[editja]

Manchester United[editja]

Wara li kompla l-iskola f'Waterfod u tejjeb it-teknika tiegħu fil-futbol mal-klabbs lokali ta' Ferrybank AFC u Bohemians, O'Shea ingħaqad ma' Manchester United. Hu ffirma l-ewwel kuntratt professjonali tiegħu fl-età ta' 17-il sena, u d-debutt professjonali wasal fl-1999 kontra Aston Villa f'Villa Park. Wara perjodi ta' self mat-timijiet ta' Bournemouth u Royal Antwerp, hu rritorna Manchester biex jibda' jkun plejer mal-ewwel tim għall-istaġun 2002–03, fejn wera il-versatilità ta' logħob fosthom fin-naħa leminija, xellugija u dik ċentrali tad-difiża u anki fil-pożizzjoni ċentrali ta' nofs il-grawnd matul l-istaġun tas-suċċess fil-kampanja tal-Premiership 2002–03.

Fl-istaġun 2004–05 wera logħob deludenti u kien hemm għajdut li l-Irlandiż seta' jitlaq minn Manchester, b'Newcastle United u Liverpool kienu fost l-interessati. Waħda minn fost il-ftit okkażjonijiet denji ta' nota għal dak l-istaġun kemmxejn diżappuntanti ta' United kienet ir-rebħa barra minn darhom ta' 4–2 fuq Arsenal, fejn O'Shea skorja r-raba' gowl meta qabbeż fuq il-gowlkiper ta' Arsenal Manuel Almunia minn tarf il-kaxxa.

Iż-żmien barra mil-logħob ta' Gary Neville, taw lil O'Shea aktar opportunitajiet mal-ewwel tim fl-istaġun 2005–06. Hu kien ikkritikat għall-prestazzjonijiet negattivi, u kien hemm xniegħat li seta' kien wieħed mill-plejers li kienu ġew ikkritikati mill-veteran ta' United, Roy Keane, f'intervista kontroversjali fuq l-istazzjon televiż tal-klabb MUTV.

Fl-4 ta' Frar 2007, waqt il-logħba tal-kampjonat kontra Tottenham Hotspur, O'Shea ħa post Edwin van der Sar bejn il-lasti hekk kif van der Sar kellu joħroġ barra mill-grawnd minħabba li kien kiser imnieħru u Manchester United kienu diġà wżaw it-tliet sostituzzjonijiet kollha. Matul dan il-ħin hu rnexxielu jopponi lill-kompatrijott fit-tim oppost, Robbie Keane, milli jiskorja b'salvataġġ bi ftit minuti mit-tmiem. Wara dan l-inċident, il-partitarji ta' United kantaw fuq it-tribuni tal-istadju "Ireland's number one" ("In-numru wieħed tal-Irlanda") ad unur ta' O'Shea.

Xahar wara hu rebaħ bil-kbir fuq il-partitarji ta' United wara li skorja gowl fil-ħin miżjud kontra r-rivali eterni Liverpool f'Anfield f'partita mill-kampjonat, wara li kien daħal bħala sostitut għal Wayne Rooney. Dan il-gowl kien importanti għal United fi triqithom biex jiksbu t-trofew tal-Premiership għall-istaġun 2006–07. Hu wkoll salva lit-tim kontra Everton fl-aħħar partita tal-istaġun meta l-gowlkiper ta' Everton Iain Turner ma kkontrollax il-ballun minn corner ta' Ryan Giggs, u hu tefa' l-ballun fix-xibka. United ħarġu rebbieħa 4–2. Dan kien gowl aktar deċiżiv, hekk kif Bolton kienu qegħdin pari ma' Chelsea fl-istess ħin u telfa kien jerġa' jitfa' lil Chelsea fit-tellieqa għar-rebħ tat-titlu.[1]

Matul l-istaġun 2007–08, Manchester United użaw lil O'Shea bħala attakkant ta' emerġenza minħabba problemi ta' plejers barra minħabba li kienu mweġġa. L-użu tiegħu bħala attakkant tatu d-distinzjoni li lagħab f'kull pożizzjoni għal Manchester United.

Fit-23 ta' Novembru 2007, John O'Shea estenda l-kuntratt ma' Manchester United, li b'hekk se jżommu mal-klabb sal-2012. O'Shea ingħata l-faxxa ta' kaptan għall-ewwel darba fit-telfa li Manchester United sofrew kontra Coventry City fir-raba' rawnd tal-League Cup bl-iskor ta' 2–0 biż-żewġ gowls jaslu mill-internazzjonali Malti Michael Mifsud.

Matul l-istaġun 2008–09, O'Shea sar regulari fi ħdan it-tim, fejn kien is-sostitut ideali għal Wes Brown u Gary Neville, li t-tnejn kienu mweġġgħin b'mod regulari. O'Shea beda l-finali tal-League Cup 2009, qabel ma' Nemanja Vidić ħadlu post fis-76 minuta, b'United joħorġu rebbieħa 4–1 bil-penalties. Fid-29 ta' April 2009, O'Shea skorja l-ewwel gowl tal-partita mill-ewwel leg tas-semifinali tal-UEFA Champions League kontra Arsenal, li ħejja t-triq għall-progress għall-finali, wara skor aggregat ta' 4–1 wara t-tieni leg. Fil-finali tal-istess kompetizzjoni, O'Shea lagħab id-disgħin minuta fil-konfront kontra Barcelona, li rriżultat f'telfa ta' 2–0 għat-tim Ingliż.[2]

O'Shea libes il-faxxa ta' kaptan għat-tieni darba fl-ewwel partita tal-istaġun 2009–10 kontra Birmingham City, waqt li ċċelebra t-350 logħba tiegħu bil-flokk tal-United kontra Stoke City fid-29 ta' Settembru 2009, bl-ewwel gowl tiegħu f'iktar minn sentejn.[3]

Sunderland[editja]

Fis-7 ta' Lulju 2011, O'Shea ingħaqad ma' Sunderland fejn iffirma kuntratt ta' erba' snin.[4]

Internazzjonali[editja]

John O'Shea deher għall-ewwel darba mat-tim nazzjonali Irlandiż fil-15 ta' Awissu 2001 meta daħal bħala sostitut fl-84 minuta kontra l-Kroazja. Id-debutt kien wieħed diżappuntanti minħabba li rregala penalty fil-ħin miżjud, li rriżulta bl-Irlanda titlef il-vantaġġ u l-partita tispiċċa 2–2. Fid-19 ta' Awwissu, O'Shea skorja l-ewwel gowl internazzjonali meta skorja l-ewwel gowl fir-rebħa tal-Irlanda kontra l-Awstralja.

Unuri[editja]

Klabb[editja]

Ingilterra Manchester United

Referenzi[editja]

  1. ^ Ian Hughes. (Ingliż) Everton 2-4 Manchester United. BBC Sport, 28-04-2007
  2. ^ David Ornstein. (Ingliż) O'Shea eager to secure Euro glory. BBC Sport, 21-05-2009
  3. ^ Caroline Cheese. (Ingliż) Saturday football as it happened. BBC Sport, 26-09-2009. Aċċess tal-URL: 26-09-2009.
  4. ^ (Ingliż) Man Utd's John O'Shea signs four-year Sunderland deal. BBC Sport, 07-07-2011. Aċċess tal-URL: 07-07-2011.

Ħoloq esterni[editja]