Wes Brown
Minn Wikipedija, l-enċiklopedija l-ħielsa
Wes Brown  |
||
 |
||
| Informazzjoni personali | ||
|---|---|---|
| Isem sħiħ | Wesley Michael Brown | |
| Twelid | 13 ta' Ottubru 1979 Manchester |
|
| Pajjiż |  Ingilterra |
|
| Tul | 1.85 m | |
| Rwol | Difensur | |
| Informazzjoni fuq il-klabb | ||
| Klabb kurrenti | Manchester United | |
| Numru | 6 | |
| Klabbs ġovanili | ||
| 1992–1996 | Manchester United | |
| Klabbs professjonali | ||
| Snin | Klabb | Preż (Gwl)* |
| 1996– | Manchester United | 206 (3) |
| Tim nazzjonali | ||
| 1999– | Ingilterra | 21 (1) |
|
Aġġornament: 17:38, 24 Mejju 2009 (UTC) |
||
Wesley Michael "Wes" Brown (Manchester, 13 ta' Ottubru 1979) hu plejer tal-futbol Ingliż li jilgħab bħala difensur mat-tim tal-Premier League Manchester United.
Werrej |
[editja] Karriera
F'età ta' tnax-il sena Brown ingħaqad mal-Akkademja ta' Manchester United, wara li kien qatta' xi snin jilgħab, bħala student, għall-Burnage High School u l-Fletcher Moss Rangers. Brown wera t-talent u l-maturità tiegħu f'età tenera, fejn iffirma l-ewwel kuntratt professjonali ma' Manchester United fl-14 ta' Novembru 1996, meta kull biss sbatax-il sena.
Brown għamel suċċess mat-timijiet ġovanili u tar-riservi fejn irnexxielu jirbaħ l-FA Youth Cup u kif ukoll midalja mar-riservi tal-Lancashire Division One. Mal-kollezzjoni tiegħu żied ukoll l-unur tal-Plejer Ġovanili tas-Sena.
Fl-4 ta' Mejju 1998, Brown għamel id-debutt mal-ewwel tim fil-Premiership kontra Leeds United bħala sostitut. L-iżblokk tiegħu wasal fis-sena ta' wara, fl-istaġun 1998–99, fejn għamel diversi apparenzi mal-ewwel tim bħala difensur fuq il-faxxa leminija kif ukoll fil-pożizzjoni naturali tiegħu ta' difensur ċentrali. L-istaġun ma setax jispiċċa aħjtar għal Brown, hekk kif United kisbu l-famuża Tripletta.
Waqt li kien qed jitħarreġ mal-iskwadra fil-kampanja tal-1999–2000, Brown sofra mill-ewwel fost ħafna waqfiet li għamel fil-karriera tiegħu mil-logħob. Bħala riżultat, ma lagħab l-ebda logħba kompettittiva matul l-istaġun, waqt li United marru biex jirbħu s-sitt titlu tal-Premier League fi tmien staġuni.
Ir-ritorn tiegħu s-sena ta' wara kien wieħed mill-aqwa fejn ġie mfaħħar minn kulħadd tal-ħila li wera, bil-kowċ tal-klabb Sir Alex Ferguson jistqarr li Brown kien l-aktar difensur ta' talent f'Manchester United.[1]
Kampanja tajba fl-istaġun 2000–01 ġie segwita minn sena oħra mill-aqwa fl-2001–02. Ir-reputazzjoni tiegħu kibret atkar matul l-istaġun 2002–03, imma għal darb'oħra l-prestazzjonijiet tiegħu kienu mwaqqfa minn xi uġigħ li sofra. Fl-aħħar ġurnata tal-istaġun Brown ġibed ligament tal-irkoppa, u ma reġax irritorna fl-azzjoni sa nofs l-istaġun 2003–04. Brown spiċċa l-istaġun b'forma tajba, fejn irnexxielu jagħmel prestazzjoni imperjali kontra Arsenal fis-semifinali tal-FA Cup. Kien wara din il-prestazzjoni li Ferguson reġa' stqarr li Brown hu "l-aqwa difensur naturali" fl-Ingilterra.[2] Minkejja dan kollu, Brown ma sabx postu fl-iskwadra Ingliża għall-Kampjonati Ewropej tal-2004.
Wara kważi tliet snin mingħajr ma jiskorja gowl fil-Premier League għal United, Brown skorja fit-23 ta' Marzu 2008 kontra r-rivali Liverpool, fir-rebħa ta' 3–0.
Wara li għall-bidu irrifjuta offerta ta' kuntratt ġdid f'Diċembru tal-2007,[3] Brown iffirma kuntratt ġdid ta' ħames snin flimkien mad-difensur Rio Ferdinand u l-midfilder Michael Carrick f'April tal-2008, li b'hekk se jżommu mal-klabb sal-2013.[4] Fl-4 ta' Ottubru 2008, Brown skorja r-raba' gowl tal-karriera tiegħu ma' Manchester United meta skorja b'daqqa ta' ras minn passaġġ ta' Wayne Rooney fir-rebħa li United għamlu fuq Blackburn Rovers bl-iskor ta' 2–0.
F'Novembru tal-2008 Wes Brown kien imġiegħel joqgħod barra mil-logħob għal ħames ġimgħat wara operazzjoni fl-irkoppa. Wara ħafna intoppi fit-triq tiegħu biex jirkupra mill-ġdid, Brown irritorna fl-aħħar ġurnata tal-kampjonat meta lagħab id-90 minuta kollha kontra Hull City.[5]
[editja] Internazzjonali
Brown iddebutta mat-tim Ingliż kontra l-Ungerija nhar it-28 ta' April 1999. Hu ngħata post mat-tim Ingliż għat-Tazza tad-Dinja 2002.
Wara li ma ntgħażilx għat-Tazza tad-Dinja 2006, hu reġa' ġie msejjaħ mill-kowċ Steve McClaren, u lagħab fir-rebħa kontra l-Andorra nhar it-2 ta' Settembru fil-fażi ta' kwalifikazzjoni għall-Kampjonati Ewropej 2008, fejn ħa post lil Rio Ferdinand li kien imweġġa biex ifforma koppja difensiva ma' John Terry.
Fabio Capello tah post mal-ewwel ħdax fl-ewwel żewġ partiti taħt il-gwida tat-tim nazzjonali kontra l-Iżvizzera u Franza. L-ewwel gowl fuq livell internazzjonali wasal kontra r-Repubblika Ċeka f'Wembley nhar l-20 ta' Awwissu.
[editja] Unuri
[editja] Klabb
Manchester United
- FA Premier League: 1998–99, 2000–01, 2002–03, 2006–07, 2007–08
- UEFA Champions League: 1998-99, 2007–08
- FA Cup: 1998–99, 2003–04
- FA Community Shield: 2003, 2007, 2008
- League Cup: 2005–06
- Tazza Interkontinentali: 1999
[editja] Statistika
| Klabb | Staġun | Kampjonat | FA Cup | League Cup | Ewropa | Oħrajn[6] | Total | ||||||
|---|---|---|---|---|---|---|---|---|---|---|---|---|---|
| App | Gowls | App | Gowls | App | Gowls | App | Gowls | App | Gowls | App | Gowls | ||
| Manchester United | 1997–98 | 2 | 0 | 0 | 0 | 0 | 0 | 0 | 0 | 0 | 0 | 2 | 0 |
| 1998–99 | 24 | 0 | 2 | 0 | 1 | 0 | 4 | 0 | 0 | 0 | 21 | 0 | |
| 1999–2000 | 0 | 0 | – | 0 | 0 | 0 | 0 | 0 | 0 | 0 | 0 | ||
| 2000–01 | 28 | 0 | 1 | 0 | 1 | 0 | 11 | 0 | 0 | 0 | 41 | 0 | |
| 2001–02 | 17 | 0 | 0 | 0 | 0 | 0 | 7 | 0 | 0 | 0 | 24 | 0 | |
| 2002–03 | 22 | 0 | 2 | 0 | 5 | 0 | 6 | 1 | 0 | 0 | 35 | 1 | |
| 2003–04 | 17 | 0 | 6 | 0 | 0 | 0 | 2 | 0 | 0 | 0 | 25 | 0 | |
| 2004–05 | 21 | 1 | 6 | 0 | 3 | 0 | 7 | 0 | 0 | 0 | 37 | 1 | |
| 2005–06 | 19 | 0 | 4 | 0 | 5 | 0 | 3 | 0 | 0 | 0 | 31 | 0 | |
| 2006–07 | 22 | 0 | 6 | 0 | 2 | 0 | 7 | 0 | 0 | 0 | 37 | 0 | |
| 2007–08 | 36 | 1 | 4 | 0 | 1 | 0 | 10 | 0 | 1 | 0 | 52 | 1 | |
| 2008–09 | 7 | 1 | 0 | 0 | 1 | 0 | 2 | 0 | 2 | 0 | 12 | 1 | |
| Total | 205 | 3 | 31 | 0 | 19 | 0 | 59 | 1 | 3 | 0 | 317 | 4 | |
Korretti sal-5 ta' Mejju 2009[7]
[editja] Referenzi
- ^ Wes Brown, Manchester United (Ingliż). TheFA.com (01-02-2006). Aċċessata nhar il-01-11-2008.
- ^ Scott the Red (22-09-2007). The Best Natural Defender In England (Ingliż). The Republik of Mancunia. Aċċessata nhar il-01-11-2008.
- ^ Brown snubs final contract offer (Ingliż). BBC Sport (2007-12-08). Aċċessata nhar il-01-11-2008.
- ^ Ferdinand signs new Man Utd deal (Ingliż). BBC Sport (18-04-2008). Aċċessata nhar il-01-11-2008.
- ^ Hull 0-1 Man Utd (Ingliż). BBC Sport (24-05-2009). Aċċessata nhar il-24-05-2009.
- ^ Tinkludi kompetizzjonijiet oħra, fosthom l-FA Community Shield, is-Supertazza Ewropea, it-Tazza Interkontinentali, it-Tazza tad-Dinja tal-Klabbs
- ^ Wes Brown (Ingliż). StretfordEnd.co.uk. Aċċessata nhar il-24-05-2009.
[editja] Ħoloq esterni
- Statistika fuq Soccerbase.com
- Profil fuq ManUtd.com
|
|||||
