Wes Brown

Minn Wikipedija, l-enċiklopedija l-ħielsa
Jump to navigation Jump to search
Wes Brown
W Brown.jpg
Informazzjoni personali
Isem sħiħWesley Michael Brown
Twelid13 ta' Ottubru 1979 (1979-10-13) (41 sena)
Manchester, Ingilterra
Tul1.85 m
RwolDifensur
Informazzjoni fuq il-klabb
Klabb attwaliKerala Blasters
Numru6
Mixtliet
1992–1996Manchester United
Karriera professjonali
SninKlabb
1996–2011Manchester United
2011–2016Sunderland
2016–2017Blackburn Rovers
2017–Kerala Blasters
Tim nazzjonali
1999–2010Ingilterra

Wesley Michael "Wes" Brown (Manchester, 13 ta' Ottubru 1979) hu plejer tal-futbol Ingliż li jilgħab bħala difensur mat-tim Indjan ta' Kerala Blasters.

Karriera[immodifika | immodifika s-sors]

Manchester United[immodifika | immodifika s-sors]

F'età ta' tnax-il sena Brown ingħaqad mal-akkademja ta' Manchester United, wara li kien qatta' xi snin jilgħab bħala student għal Burnage High School u l-Fletcher Moss Rangers. Brown wera t-talent u l-maturità tiegħu f'età tenera, fejn iffirma l-ewwel kuntratt professjonali ma' Manchester United fl-14 ta' Novembru 1996, meta kellu biss sbatax-il sena.

Brown għamel suċċess mat-timijiet ġovanili u tar-riservi fejn irnexxielu jirbaħ l-FA Youth Cup u kif ukoll midalja mar-riservi tal-Lancashire Division One. Mal-kollezzjoni tiegħu żied ukoll l-unur tal-Plejer Żagħżugħ tas-Sena.

Fl-4 ta' Mejju 1998, Brown għamel id-debutt mal-ewwel tim fil-Premiership kontra Leeds United bħala sostitut. L-iżblokk tiegħu wasal fis-sena ta' wara, fl-istaġun 1998–99, fejn għamel diversi dehriet mal-ewwel tim bħala difensur fuq il-faxxa leminija kif ukoll fil-pożizzjoni naturali tiegħu ta' difensur ċentrali. L-istaġun ma setax jispiċċa aħjar għal Brown, hekk kif United kisbu l-famuża Tripletta.

Waqt li kien qed jitħarreġ mal-iskwadra fil-kampanja tal-1999–2000, Brown sofra mill-ewwel fost ħafna waqfiet li għamel fil-karriera tiegħu mil-logħob. Bħala riżultat, ma lagħab l-ebda logħba kompettittiva matul l-istaġun, waqt li United marru biex jirbħu s-sitt titlu tal-Premier League fi tmien staġuni.

Ir-ritorn tiegħu s-sena ta' wara kien wieħed mill-aqwa fejn ġie mfaħħar minn kulħadd tal-ħila li wera, bil-kowċ tal-klabb Sir Alex Ferguson jistqarr li Brown kien l-aqwa difensur fil-klabb.[1]

Kampanja tajba fl-istaġun 2000–01 ġiet segwita minn sena oħra mill-aqwa fl-2001–02. Ir-reputazzjoni tiegħu kibret aktar matul l-istaġun 2002–03, imma għal darb'oħra l-prestazzjonijiet tiegħu kienu mwaqqfa minn xi uġigħ li sofra. Fl-aħħar ġurnata tal-istaġun Brown ġibed ligament tal-irkoppa, u ma reġax irritorna fl-azzjoni sa nofs l-istaġun 2003–04. Brown spiċċa l-istaġun b'forma tajba, fejn irnexxielu jagħmel prestazzjoni imperjali kontra Arsenal fis-semifinali tal-FA Cup. Kien wara din il-prestazzjoni li Ferguson reġa' stqarr li Brown hu "l-aqwa difensur naturali" fl-Ingilterra.[2] Minkejja dan kollu, Brown ma sabx postu fl-iskwadra Ingliża għall-Kampjonati Ewropej tal-2004.

Wara kważi tliet snin mingħajr ma jiskorja gowl fil-Premier League għal United, Brown skorja fit-23 ta' Marzu 2008 kontra r-rivali Liverpool, fir-rebħa ta' 3–0.

Wara li għall-bidu irrifjuta offerta ta' kuntratt ġdid f'Diċembru tal-2007,[3] Brown iffirma kuntratt ġdid ta' ħames snin flimkien mad-difensur Rio Ferdinand u l-midfilder Michael Carrick f'April tal-2008, li b'hekk se jżommu mal-klabb sal-2013.[4] Fl-4 ta' Ottubru 2008, Brown skorja r-raba' gowl tal-karriera tiegħu ma' Manchester United meta skorja b'daqqa ta' ras minn passaġġ ta' Wayne Rooney fir-rebħa li United għamlu fuq Blackburn Rovers bl-iskor ta' 2–0.

F'Novembru tal-2008 Wes Brown kien imġiegħel joqgħod barra mil-logħob għal ħames ġimgħat wara operazzjoni fl-irkoppa. Wara ħafna intoppi fit-triq tiegħu biex jirkupra mill-ġdid, Brown irritorna fl-aħħar ġurnata tal-kampjonat meta lagħab id-90 minuta kollha kontra Hull City.[5] Fiż-żewġ staġuni segwenti, l-involviment tiegħu mal-ewwel tim naqas ħafna fejn fl-aħħar staġun tiegħu mal-klabb tal-United beda biss ħames logħbiet.

Sunderland[immodifika | immodifika s-sors]

Fis-7 ta' Lulju 2011, Brown iffirma kuntratt ta' erba' snin ma' Sunderland għal somma mhux magħrufa.[6] Iddebutta fl-ewwel ġurnata tal-istaġun 2011–12 fi dro ta' 1–1 kontra Liverpool, fejn ġie vvutat ukoll bħala l-plejer tal-partita.

Internazzjonali[immodifika | immodifika s-sors]

Brown iddebutta mat-tim Ingliż kontra l-Ungerija nhar it-28 ta' April 1999. Hu ngħata post mat-tim Ingliż għat-Tazza tad-Dinja 2002.

Wara li ma ntgħażilx għat-Tazza tad-Dinja 2006, hu reġa' ġie msejjaħ mill-kowċ Steve McClaren, u lagħab fir-rebħa kontra l-Andorra nhar it-2 ta' Settembru fil-fażi ta' kwalifikazzjoni għall-Kampjonati Ewropej 2008, fejn ħa post lil Rio Ferdinand li kien imweġġa biex ifforma koppja difensiva ma' John Terry.

Fabio Capello tah post mal-ewwel ħdax fl-ewwel żewġ partiti taħt il-gwida tat-tim nazzjonali kontra l-Iżvizzera u Franza. L-ewwel gowl fuq livell internazzjonali wasal kontra r-Repubblika Ċeka f'Wembley nhar l-20 ta' Awwissu.

Brown irtira mill-futbol internazzjonali fit-8 ta' Awwissu, 2010, jum biss wara li ġie magħżul għal-logħba ta' ħbiberija kontra l-Ungerija.[7]

Unuri[immodifika | immodifika s-sors]

Klabb[immodifika | immodifika s-sors]

Ingilterra Manchester United

Statistika[immodifika | immodifika s-sors]

Statistika korretta sad-29 ta' Jannar 2012[8]

Klabb Staġun Kampjonat FA Cup League Cup Ewropa Oħrajn Total
Preż Gowls Preż Gowls Preż Gowls Preż Gowls Preż Gowls Preż Gowls
Manchester United 1997–98 2 0 0 0 0 0 0 0 0 0 2 0
1998–99 24 0 2 0 1 0 4 0 0 0 21 0
1999–2000 0 0 0 0 0 0 0 0 0 0
2000–01 28 0 1 0 1 0 11 0 0 0 41 0
2001–02 17 0 0 0 0 0 7 0 0 0 24 0
2002–03 22 0 2 0 5 0 6 1 0 0 35 1
2003–04 17 0 6 0 0 0 2 0 0 0 25 0
2004–05 21 1 6 0 3 0 7 0 0 0 37 1
2005–06 19 0 4 0 5 0 3 0 0 0 31 0
2006–07 22 0 6 0 2 0 7 0 0 0 37 0
2007–08 36 1 4 0 1 0 10 0 1 0 52 1
2008–09 8 1 0 0 1 0 2 0 2 0 13 1
2009–10 18 0 1 0 4 0 4 0 0 0 27 0
2010–11 7 0 3 1 3 0 2 0 0 0 15 1
Total 232 3 35 1 27 0 65 1 3 0 361 5
Sunderland 2011–12 20 1 1 0 1 0 22 1
Total fil-karriera 252 4 36 1 28 0 65 1 3 0 384 6

Referenzi[immodifika | immodifika s-sors]

  1. ^ TheFA.com, ed. (01-02-2006). "Wes Brown, Manchester United" (bl-Ingliż). Parametru mhux magħruf |aċċess= injorat (forsi ridt tuża |data-aċċess= minflok) (għajnuna); Iċċekkja l-valuri tad-data f': |data= (għajnuna)
  2. ^ Scott the Red (22-09-2007). The Republik of Mancunia (ed.). "The Best Natural Defender In England" (bl-Ingliż). Parametru mhux magħruf |aċċess= injorat (forsi ridt tuża |data-aċċess= minflok) (għajnuna); Iċċekkja l-valuri tad-data f': |data= (għajnuna)
  3. ^ BBC Sport, ed. (2007-12-08). "Brown snubs final contract offer" (bl-Ingliż). Parametru mhux magħruf |aċċess= injorat (forsi ridt tuża |data-aċċess= minflok) (għajnuna)
  4. ^ BBC Sport, ed. (18-04-2008). "Ferdinand signs new Man Utd deal" (bl-Ingliż). Parametru mhux magħruf |aċċess= injorat (forsi ridt tuża |data-aċċess= minflok) (għajnuna); Iċċekkja l-valuri tad-data f': |data= (għajnuna)
  5. ^ BBC Sport, ed. (24-05-2009). "Hull 0-1 Man Utd" (bl-Ingliż). Parametru mhux magħruf |aċċess= injorat (forsi ridt tuża |data-aċċess= minflok) (għajnuna); Iċċekkja l-valuri tad-data f': |data= (għajnuna)
  6. ^ BBC Sport, ed. (07-072011). "Manchester United's Wes Brown completes Sunderland move" (bl-Ingliż). Parametru mhux magħruf |aċċess= injorat (forsi ridt tuża |data-aċċess= minflok) (għajnuna); Iċċekkja l-valuri tad-data f': |data= (għajnuna)
  7. ^ BBC Sport, ed. (08-08-2010). "Defender Wes Brown ends England career" (bl-Ingliż). Parametru mhux magħruf |aċċess= injorat (forsi ridt tuża |data-aċċess= minflok) (għajnuna); Iċċekkja l-valuri tad-data f': |data= (għajnuna)
  8. ^ Andrew Endlar. StretfordEnd.co.uk (ed.). "Wes Brown" (bl-Ingliż). Parametru mhux magħruf |aċċess= injorat (forsi ridt tuża |data-aċċess= minflok) (għajnuna)

Ħoloq esterni[immodifika | immodifika s-sors]