Luke Dimech

Minn Wikipedija, l-enċiklopedija l-ħielsa
Jump to navigation Jump to search
Luke Dimech
Dimech, Luke1.jpg
Informazzjoni personali
Isem sħiħLuke Dimech
Twelid11 ta' Jannar 1977 (1977-01-11) (41 sena)
Furjana
PajjiżBandiera ta' Malta Malta
Tul1.80 m
RwolDifensur
Informazzjoni fuq il-klabb
Klabb kurrentiValletta
Numru13
Klabbs ġovanili
Lincoln City
Klabbs professjonali*
SninKlabbPreżGwls
1995–2001Sliema Wanderers133(3)
2002Shamrock Rovers16(0)
2003Birkirkara10(0)
2003–2005Mansfield45(1)
2005–2006Chester City30(0)
2006–2007Marsaxlokk26(0)
2007–2008Macclesfield Town26(0)
2008–2010Valletta47(2)
2010–2012AEK Larnaca43(0)
2012–2013Mosta17(0)
2013–Valletta27(1)
Tim nazzjonali
1999–Malta67(1)
* Il-preżenzi u l-gowls fil-karriera professjonali huma validi biss għall-kampjonat domestiku.
Aġġornament: 11:02, 3 ta' Ottubru 2013

Luke Dimech (Valletta, 11 ta' Jannar 1977), huwa plejer tal-futbol Malti li jilgħab mat-tim ta' Valletta FC, bħala difensur.

Karriera[immodifika | immodifika s-sors]

1995–2003[immodifika | immodifika s-sors]

Dimech beda l-karriera tiegħu ma' Sliema Wanderers. L-ewwel staġun ta' Luke kien wieħed sodisfaċenti hekk kif spiċċa rebbieħ tal-Premier League Malti. Luke qatta' seba' staġuni mal-klabb u rnexxielu jistabilixxi lilu nnifsu mat-tim nazzjonali fl-1999. Dimech għamel total ta' 133 dehra u skorja tliet darbiet għall-klabb.

Wara prestazzjonijiet tajba, Luke Dimech ittrasferixxa l-Irlanda sabiex jilgħab mat-tim ta' Shamrock Rovers għal staġun, fejn għamel sittax-il dehra, imma wara li tilef postu mat-tim, huwa ħalla lill-klabb.

Lura Malta, Dimech lagħab mat-tim ta' Birkirkara fl-2003 fejn għamel 10 dehriet.

2003–2008[immodifika | immodifika s-sors]

Staġun tajjeb fil-kampjonat Malti, tat lil Luke trasferiment ieħor, din id-darba mat-tim Ingliż ta' Mansfield Town f'Awwissu tal-2003. Għall-ewwel Luke iffirma kuntratt ta' sena, imma lejn tmiem l-istaġun 2003–04, grazzi għall-prestazzjonijiet tiegħu, Dimech estenda għal sena oħra l-kuntratt tiegħu minkejja li Mansfield Town kien tilfu l-play-off finali għall-promozzjoni għal League One wara l-għoti tal-penalties kontra Huddersfield Town.

It-tieni staġuni ta' Dimech mat-tim Ingliż kompla fuq l-istess linja li biha spiċċa l-istaġun ta' qabel u kien pedina fundamentali fil-qalba tad-difiża u ssiġilla postu mal-ewwel tim. Però fit-tieni nofs tal-istaġun sofra minn forma fqira u ma baqax aktar l-ewwel għażla tal-kowċ Carlton Palmer, u l-kuntratt ta' Dimech ġie mħassar fi tmiem l-istaġun 2004–05. F'żewġ staġuni ma' Mansfield Town, Luke lagħab 45 loggħba u skorja gowl wieħed.

Minħabba li kien bla kuntratt, f'Lulju tal-2005 ingħaqad ma' Chester City f'kuntratt ta' sena. Dimech reġa' ngħaqad mill-ġdid mal-kowċ preċedenti li kellu f'Mansfield, Keith Curle, u fl-iskwadra sab ukoll lil David Artell, li kien ukoll ma' Dimech fit-tim ta' Mansfield. Luke kien plejer regulari fit-tim ta' Chester City, u dehra 30 darba matul l-istaġun 2005–06.

Wara l-esperjenza ma' żewġ klabbs Ingliżi, Dimech reġa' lura Malta fl-2006 u ssieħeb ma' Marsaxlokk. Fl-assenza ta' Carlo Mamo, hu ngħata l-faxxa ta' kaptan għal dak l-istaġun. Ma' Marsaxlokk rebaħ il-kampjonat, l-ewwel wieħed fl-istorja tal-klabb. Hu ddeċieda li ma' jerġax iġedded il-kuntratt tiegħu u b'hekk fittex klabb fl-Ewropa, u dan sabu fl-Ingilterra.

Fid-19 ta' Lulju 2007, Luke iffirma kuntratt ta' sena mat-tim tal-League Two, Macclesfield Town, fejn reġa' ngħaqad mal-plejer Carl Regan li kien jilgħab ma' Dimech fit-tim ta' Chester City.

Dimech iddebutta ma' Macclesfield Town fil-partita tal-ftuħ ta' League Two barra minn darhom kontra Bradford City fil-11 ta' Awwissu 2007, fejn il-logħba spiċċat pari ta' 1–1. Tliet ijiem wara Luke lagħab l-ewwel loggħba tiegħu ġewwa darhom f'partita valida mill-ewwel rawnd tal-Football League Cup kontra Leeds United, fejn Leeds United ħarġu rebbieħa grazzi għall-gowl fit-78 minuta ta' Ian Westlake.

Fil-31 ta' Jannar 2008, il-koppja difensiva ta' Dimech u Carl Regan intemmet hekk kif dan tal-aħħar ingħaqad ma' Milton Keynes Dons. Postu ħadu Sean Hessey li ngħaqad mal-klabb taħt self minn Chester City. Fit-18 ta' Mejju 2008, ġie mħabbar li Dimech flimkien ma' erba plejers oħra ta' Macclesfield Town ma ġewx offruti kuntratti ġodda.[1]

2008–preżent[immodifika | immodifika s-sors]

Mingħajr kuntratt, fis-sajf tal-2008 Dimech ingħaqad mat-tim Malti rebbieħ tal-aħħar kampjonat, Valletta FC.[2] Nhar l-24 ta' Mejju 2010, wara inċident li nqala' fil-konfront kontra Sliema Wanderers, il-kuntratt tiegħu ġie mħassar. Matul din il-partita, fi tmiem l-ewwel taqsima, Dimech ġie mkeċċi wara li deher jinża' l-flokk u jitfgħu mal-art, qalb ibbujar mill-partitarji.[3] Qabel ma suċċessivament tħassarlu l-kuntratt, Dimech ġie sospiż mill-klabb.[4] Aktar tard, ippubblika apoloġija fuq is-sit uffiċjali tal-klabb fejn skuża ruħu tal-aġir tiegħu.[5]

F'Awwissu tal-2010, iffirma mal-klabb Ċiprijott ta' AEK Larnaca fejn ingħaqad mill-ġdid mal-kowċ Tom Caanen li kien kowċ tat-tim Belti fl-istaġun preċedenti.[6]

Internazzjonali[immodifika | immodifika s-sors]

Luke huwa plejer regulari tat-tim nazzjonali Malti fejn għamel madwar ħamsin apparenza u skorja gowl kontra Ċipru fit-30 ta' April 2003. Id-debutt tiegħu kien fit-28 ta' April 1999, meta lagħab kontra l-Iżlanda. Mal-ħatra ta' John Buttigieg bħala l-kowċ tat-tim, Dimech sab ruħu barra mill-għażla fejn ma ġie selezzjonat għal-logħba ta' ħbiberija kontra l-Ġeorġja minħabba li rrifjuta li jbiddel il-kulur tax-xagħar tiegħu.[7]

Unuri[immodifika | immodifika s-sors]

Klabb[immodifika | immodifika s-sors]

Malta Sliema Wanderers

Malta Marsaxlokk

Referenzi[immodifika | immodifika s-sors]

  1. ^ (Ingliż) Five depart Moss Rose. SkySports, 16-05-2008. Aċċess tal-URL: 07-08-2010.
  2. ^ (Ingliż) Valletta FC present new players and sponsors for season 2008-2009. 29-08-2008. Aċċess tal-URL: 08-09-2008.
  3. ^ (Ingliż) Day 26: Valletta 2 Sliema W. 0. Valletta FC, 24-04-2010. Aċċess tal-URL: 07-08-2010.
  4. ^ (Ingliż) Luke Dimech: Suspension. Valletta FC
  5. ^ (Ingliż) Apology: from Luke Dimech. Valletta FC, 26-04-2010. Aċċess tal-URL: 07-08-2010.
  6. ^ (Ingliż) Dimech, Priso sign for AEK Larnaca. Sportinmalta.com, 05-08-2010. Aċċess tal-URL: 07-08-2010.
  7. ^ Kevin Azzopardi. (Ingliż) Dimech sees red over hair colour as Buttigieg names 18-man squad. Times Of Malta, 11-08-2010. Aċċess tal-URL: 07-08-2010.

Ħoloq esterni[immodifika | immodifika s-sors]