Kuba

Repubblika tal-Kuba
*República de Cuba*
Repubblika tal-Kuba República de Cuba
	Innu nazzjonali: La Bayamesa; ; ;
Belt kapitali; (u l-ikbar belt)	Ħavana; 23°8′N 82°23′W / 23.133°N 82.383°W
Lingwi uffiċjali	Spanjol
Gvern	Marxist–Leninist stat partit-wieħed
Indipendenza minn Spanja u mill-Istati Uniti
Erja
Popolazzjoni
PGD (PSX)	stima tal-2012
PGD (nominali)	stima tal-2011
IŻU (2012)	0.773 (għoli) (62)
Valuta	Peso tal-Kuba; Peso konvertibbli tal-Kuba (CUC)
Żona tal-ħin	CST (UTC-5)
Kodiċi telefoniku	+53
TLD tal-internet	.cu

Il-Kuba, uffiċjalment ir-Repubblika tal-Kuba (Spanjol: República de Cuba ,pronunzja: [reˈpuβlika ðe ˈkuβa] ), huwa pajjiż fil-Karibew. In-nazzjon tal-Kuba jikkonsisti fil-gżira prinċipali ta' Kuba, il-Gżira taż-Żgħożija, u diversi arċipelagi oħrajn.

Ħavana hija l-akbar belt u l-kapitali ta' dan il-pajjiż. San Ġakbu ta' Kuba hija t-tieni l-ikbar belt.^[5]^[6]

In-nies, il-kultura, u d-drawwiet ta' dan il-pajjiż huma diversifikati u jieħdu minn diversi sorsi, fosthom, l-Aboriġini Taíno u Ciboney, iż-żmien taħt il-ħakma Spanjola, l-introduzzjoni tal-iskjavitu fil-kolonji Spanjoli u l-fatt li hi viċin tal-Istati Uniti tal-Amerika.

Kuba hija pajjiż b'popolazzjoni ta' iktar minn 11-il miljun ruħ, f'medda ta' 114,524 km kwadru (mitt ruħ kull km kwadru), fil-Baħar tal-Karibew, 145 km 'il bogħod mill-belt Amerikana ta' Florida. Tikkonsisti f'Kuba, l-ikbar gżira tal-West Indies, u ħafna gżejjer żgħar oħra. L-ibliet prinċipali huma Ħavana (il-kapitali), Camaguey, Santiago de Cuba, u Guantanamo. Il-klima hija waħda tropikali. Il-kafe`, ross, qamħ, frott taċ-ċitru u t-tabakk huma l-prodotti li jitkabbru; in-nickel huwa r-riżors minerali ta' Kuba; u teżisti wkoll l-industrija tas-sajd. Iżda minkejja t-tentattivi kollha biex tiġi diversifika, l-ekonomija ta' Kuba għadha tiddependi mill-produzzjoni taz-zokkor. Il-poplu Kuban huwa ta' dixxindenza Spanjola, Afrikana, u taħlita ta' Spanjol-Afrikana u l-lingwa tiegħu hi l-Ispanjol. Ir-reliġjon Kattolika naqset minn iktar minn 70 fil-mija għal madwar 40 fil-mija tal-popolazzjoni mill-1957. Numru kbir ta' Kubani huma animisti, tal-kult magħruf bħala santeria, kult li ġabuh magħhom l-iskjavi Afrikani. Ħafna Kubani jqisu lilhom infushom atei jew nonreliġjużi. Il-gvern huwa reġim ta' partit wieħed, dak Marxista, iddominat mill-fundatur tiegħu, Fidel Castro.

Ħafna mill-ekonomija tiddependi fuq ir-rimessi.

Storja[immodifika | immodifika s-sors]

Kristofru Kolombu skopra l-gżira ta' Kuba fl-1492, u Spanja kkolonizzatha sa mill-1511, u użatha bħala bażi għall-esplorazzjoni tad-Dinja l-Ġdida u l-punt fejn jinġabru l-flotot tagħha. Imsejħa l-"Perla ta' l-Antille," Kuba prosperat fis-sekli 17 u 18, b'ħafna ħaddiema lsiera minn Spanja u l-Afrika. Meta fil-bidu tas-seklu 19 ħafna mill-artijiet Amerikani ta' Spanja saru indipendenti, Kuba baqgħet kolonja. L-iskjavitu`, is-saħħa ta' l-ekonomija ta' Kuba bbażata fuq iz-zokkor, kien għadu ma tneħħiex sa l-1886. Gwerra ta' Għaxar Snin għall-indipendenza (1868–78) ma kinitx biżżejjed. Fl-1895 ġlieda ġdida, mmexxija minn José Martí wasslet għall-Gwerra Spanjol-Amerikana u t-twaqqif tar-repubblika Kubana fl-1898. Dan in-nazzjon ġdid għadda minn taħt diversi dittatorjati, li matulhom il-ħeġġa għar-riforma ħalliet postha għal korruzzjoni u ripressjoni, l-aktar taħt Gerardo Machado (1925–33) u s-suċċessur tiegħu, Fulgencio Batista y Zaldívar.

Fl-1 ta' Jannar 1959, Fidel Castro ħa t-tmexxija tal-pajjiż wara rivoluzzjoni popolari kontra d-dittatur Batista. Castro mill-ewwel beda jwettaq programm ta' riformi ekonomiċi u soċjali iżda mingħajr ma ta lura lill-pajjiż il-libertajiet li kien wiegħed qabel ma ħa l-poter. Dawk li bdew jopponuh intefgħu l-ħabs jew inqatlu. Bil-mod il-mod, Castro innazzjonalizza kollox, ħafna drabi mingħajr ma ta xi kumpens lis-sidien ta' qabel tal-kumpaniji. Fl-1962 l-Amerika mponiet embargo fuq l-esportazzjoni minn Kuba li ħalla effett ħażin fuq l-ekonomija Kubana. Ir-relazzjonijiet bejn Kuba u l-Amerika komplew jiħżienu fil-bidu tas-snin 60 meta madwar 1,400 Kuban imħarrġin mic-CIA Amerikana ppruvaw jinvadu lil Kuba biex ineħħu lil Castro mill-poter, fil-magħrufa Bay of Pigs (1961), disfatta kbira għall-Gvern ta' Kennedy. Fl-1962 qamet il-kriżi tal-missili nukleari tal-Unjoni Sovjetika f'Kuba li wasslet biex is-Sovjetiċi jirtiraw il-missili fuq l-insistenza ta' l-Amerikani. L-involviment ta' Kuba fl-Amerika ċentrali, l-Afrika u l-Karibew komplew żiedu l-antipatija lejhom min-naħa ta' l-Amerikani. F'pajjiżu, Castro rnexxielu jeqred kważi għal kollox l-illiteratiżmu, iżda l-ekonomija kellha bżonn għajnuna kbira. Il-bidliet kbar li seħħew fis-snin tmenin fil-pajjiżi ta' l-Ewropa tal-Lvant, u t-tmiem ta' l-Unjoni Sovjetika ħallew lil Kuba iżolata politikament, filwaqt li l-embargo ta' l-Amerikani kompla jagħmel ħafna ħsara lill-ekonomija Kubana. Fi Frar 1996, jet fighters Kubani waqqgħu żewġ ajruplani Amerikani li kienu qed ituru fl-ispazju ta' l-ajru Kuban. L-embargo Amerikan sar iktar strett. Fil-21 ta' Jannar 1998 il-Papa Ġwanni Pawlu II beda żjara f'Kuba fejn appella biex "Kuba tinfetaħ għad-dinja u d-dinja għal Kuba.".

Gallerija[immodifika | immodifika s-sors]

Bandiera Kubana
Katidral fil-Habana
Refuġjati Kubani (1980)
La Habana
Santa Clara
Trinidad
Fulgencio Batista, 1938 in Washington D. C.
Fidel Castro u Yuri Gagarin

San Cristobal de La Havana (San Kristofru tal-Ħavana)
Santiago de Cuba (Santiago ta' Kuba)
Camagüey (Camaguey)
Holguín ()
Cienfuegos (Mittnar)
Bayamo
San Carlos y San Severino de Matanzas (San Karlus u San Severino ta' Qtil)
Santa Clara (Santa Klara)
Artemisa (Sagebrush)
Las Tunas (Tal-Tonn)
Pinar del Río (Arżnu tax-Xmara)
Guantánamo (Guantanamo)
Baracoa, Guantánamo (Baracoa, Guantana)
Sancti Spíritus/Santo Espíritu (Ispirtu s-Santu)
Ciego de Ávila (Għomja ta' Avila)
San José de las Lajas (San Ġużepp tal-Lajas)
Nueva Gerona (Girona Ġdida)
San Cristobal de La Havana (San Kristofru tal-Ħavana)
San Cristobal de La Havana (San Kristofru tal-Ħavana)
Rodas/El Lechuzo, Cienfuegos (Il-Kokka, Mittnar)
Rodas/El Lechuzo, Cienfuegos (Il-Kokka, Mittnar)
Rodas/El Lechuzo, Cienfuegos (Il-Kokka, Mittnar)
Rodas/El Lechuzo, Cienfuegos (Il-Kokka, Mittnar)
Rodas/El Lechuzo, Cienfuegos (Il-Kokka, Mittnar)
Rodas/El Lechuzo, Cienfuegos (Il-Kokka, Mittnar)
Tarka tal-Kaptanja Ġenerali ta' Kuba (Capitanía General de Cuba) fil-1898
Il-bandiera Kubana tittella' fil-Palazz tal-Gvernatur Ġenerali fl-20 ta' Mejju, 1902.

Referenzi[immodifika | immodifika s-sors]

^ Government of Cuba (ed.). "National symbols". Miġbur 2009-09-07.
^ Anuario Estadístico de Cuba 2010, Oficina Nacional de Estadísticas, República de Cuba. Accessed September 30, 2011.
^ "ANUARIO DEMOGRÁFICO DE CUBA 2010" (PDF) (bl-Ispanjol). Oficina Nacional de Estadísticas (ONE).
^ "Costa Rica - Country Profile: Human Development Indicators". UNDP. Miġbur 2013-03-15.
^ Thomas, Hugh (Marzu 1971). Cuba; the Pursuit of Freedom (bl-Ingliż). New York: Harper & Row. ISBN 0-06-014259-6.
^ Thomas, Hugh (1997). The Slave Trade: The Story of the Atlantic Slave Trade, 1440–1870 (bl-Ingliż). New York, NY: Simon & Schuster.

[1] Government of Cuba (ed.). "National symbols". Miġbur 2009-09-07.

[cubastat2010-2] Anuario Estadístico de Cuba 2010, Oficina Nacional de Estadísticas, República de Cuba. Accessed September 30, 2011.

[cubacensus2010-3] "ANUARIO DEMOGRÁFICO DE CUBA 2010" (PDF) (bl-Ispanjol). Oficina Nacional de Estadísticas (ONE).

[HDI12-4] "Costa Rica - Country Profile: Human Development Indicators". UNDP. Miġbur 2013-03-15.

[5] Thomas, Hugh (Marzu 1971). Cuba; the Pursuit of Freedom (bl-Ingliż). New York: Harper & Row. ISBN 0-06-014259-6.

[6] Thomas, Hugh (1997). The Slave Trade: The Story of the Atlantic Slave Trade, 1440–1870 (bl-Ingliż). New York, NY: Simon & Schuster.

[1]

[2]

[3]

[4]

[5]

[6]

a • d • m Pajjiżi fl-Amerika ta' Fuq
Stati sovrani	Antigwa u Barbuda · Baħamas · Barbados · Beliże · Dominika · Repubblika Dominikana · El Salvador · Ġamajka · Grenada · Gwatemala · Ħaiti · Ħonduras · Kanada · Kosta Rika · Kuba · Messiku · Nikaragwa · Panama · Saint Kitts u Nevis · Saint Vincent u l-Grenadini · Santa Luċija · Stati Uniti · Trinidad u Tobago
Dipendenzi u territorji oħrajn	Angwilla · Aruba · Bermuda · Bonaire · Gżejjer Kajman · Curaçao · Greenland · Gwadelop · Martinika · Montserrat · Gżira Navassa · Pwerto Riko · San Bartilmew · Kollettività ta' San Martin · Saint-Pierre u Miquelon · Saba · Sint Eustatius · Sint Maarten · Gżejjer Turks u Kajkos · Gżejjer Verġni Amerikani · Gżejjer Verġni Britaniċi