Fenek ta' denbu qotni

Fenek ta' denbu qotni
Klassifikazzjoni xjentifika
Renju:	Animalia
Sottodiviżjoni:	16-il speċi
Klassi:	Mammalia
Sottoklassi:	Theria
Infraklassi:	Eutheria
Superordni:	Euarchontoglires
Ordni:	Lagomorpha
Familja:	Leporidae
Ġeneru:	Sylvilagus Gray, 1867

Fenek ta' denbu qotni jew kif jissejjaħ ukoll denb qotni u denb il-qoton, jista' jkun wieħed minn sbatax-il speċi ta' lagomorfi leporidi, li jagħmlu parti mill-familja Leporidae, fl-ordni Lagomorpha u kollha klassifikati fil-ġeneru Sylvilagus maqsuma ma' tliet sottoġeneri (Microlagus, Sylvilagus u Tapeti).

L-ispeċi kollha ta' dnieb qotnin huma nattivi tal-kontinenti Amerikani u huma kkunsidrati bħala fniek għax kollha jkollhom iż-żrameġ bla pil, għomja u totalment dipendenti fuq l-omm fit-twelid.

Il-fniek ta' denbhom qotni, fl-apparenza tagħhom huma simili ħafna tal-Fenek Ewropew selvaġġ Oryctolagus cuniculus. L-isem ta' dawn il-fniek ġej mill-fatt li l-biċċa l-kbira tal-ispeċi għandhom denbhom abjad fuq in-naħa ta' taħt magħmul minn pil fin ħafna qisu qoton. Din il-parti tad-denb juruh biċ-ċar waqt li jkunu qegħdin jaħarbu mil-periklu. Madankollu, din il-karatteristika mhijiex tal-ġeneru Sylvilagus biss (eż. il-Fenek Ewropew ukoll għandu dan it-tip ta' denb), u lanqas il-membri tal-ġeneru Sylvilagus kollha ma għandhom din il-karatteristika (eż. il-Fenek xkupilja Sylvilagus bachmani għandu n-naħa ta' taħt ta' denbu kulur ġriż).

Il-ġeneru Sylvilagus għandu distribuzzjoni wiesgħa mal-kontinent tal-Amerika ta' Fuq, għalkemm il-biċċa l-kbira ta' dawn l-ispeċi huma iżolati ġeografikament jew għandhom distribuzzjoni limitata f'reġjuni partikulari. Minbarra fl-Amerika ta' Fuq dan il-ġeneru huwa preżenti fil-kontinent tal-Amerika t'Isfel ukoll bi ftit speċi.

Speċijiet

• Fenek tal-art mistgħadra, Sylvilagus aquaticus
• Fenek ta' denbu qotni tad-deżert, Sylvilagus audubonii
• Fenek xkupilja, Sylvilagus bachmani
• Fenek ta' denbu qotni tal-foresta, Sylvilagus brasiliensis
• Fenek ta' denbu qotni tal-muntanji ta' Manzano, Sylvilagus cognatus
• Fenek ta' denbu qotni tal-Messiku, Sylvilagus cunicularis
• Fenek ta' denbu qotni ta' Dice, Sylvilagus dicei
• Fenek ta' denbu qotni tal-Lvant, Sylvilagus floridanus
• Fenek ta' denbu qotni tat-Tres Marias, Sylvilagus graysoni
• Fenek ta' denbu qotni ta' Omiltemi, Sylvilagus insonus
• Fenek xkupilja ta' San Jose, Sylvilagus mansuetus
• Fenek ta' denbu qotni tal-muntanji, Sylvilagus nuttallii
• Fenek ta' denbu qotni tal-muntanji ta' Appalach, Sylvilagus obscurus
• Fenek tal-bassasa, Sylvilagus palustris
• Fenek robust, Sylvilagus robustus
• Fenek ta' denbu qotni tal-Ingilterra l-Ġdida, Sylvilagus transitionalis
• Fenek ta' denbu qotni tal-artijiet baxxi tal-Veneżwela, Sylvilagus varynaensis

Klassifikazzjoni

• Ordni Lagomorpha
  • Familja Leporidae
    • Sottofamilja Leporinae
      • Tribù Leporini
        • Ġeneru Sylvilagus
          • Sottoġeneru Tapeti
            • Fenek tal-art mistgħadra, Sylvilagus aquaticus
            • Fenek ta' denbu qotni tal-foresta jew Tapeti, Sylvilagus brasiliensis
            • Fenek ta' denbu qotni ta' Dice, Sylvilagus dicei
            • Fenek ta' denbu qotni ta' Omiltemi, Sylvilagus insonus
            • Fenek tal-bassasa, Sylvilagus palustris
            • Fenek ta' denbu qotni tal-artijiet baxxi tal-Veneżwela, Sylvilagus varynaensis
          • Sottoġeneru Sylvilagus
            • Fenek ta' denbu qotni tad-deżert, Sylvilagus audubonii
            • Fenek ta' denbu qotni tal-muntanji ta' Manzano, Sylvilagus cognatus
            • Fenek ta' denbu qotni tal-Messiku, Sylvilagus cunicularis
            • Fenek ta' denbu qotni tal-Lvant, Sylvilagus floridanus
            • Fenek ta' denbu qotni tat-Tres Marias, Sylvilagus graysoni
            • Fenek ta' denbu qotni tal-muntanji, Sylvilagus nuttallii
            • Fenek ta' denbu qotni tal-muntanji ta' Appalach, Sylvilagus obscurus
            • Fenek ta' denbu qotni ta' l-Ingilterra l-Ġdida, Sylvilagus transitionalis
            • Fenek robust, Sylvilagus robustus
          • Sottoġeneru Microlagus
            • Fenek xkupilja, Sylvilagus bachmani
            • Fenek xkupilja ta' San Jose, Sylvilagus mansuetus

Referenzi

• Hoffmann, Robert S., Andrew T. Smith (November 16, 2005). Wilson, D. E., and Reeder, D. M. (eds) Mammal Species of the World, 3rd edition, Johns Hopkins University Press. ISBN 0-8018-8221-4.
• Id-Databażi Palebijoloġika
• Tassonomija tal-Mammiferi

Ħoloq esterni

• New England cottontail rabbit habitat at The University of New Hampshire