Fenek xkupilja

Fenek xkupilja
Fenek xkupilja, Sylvilagus bachmani
Klassifikazzjoni xjentifika
Renju:	Animalia
Phylum:	Chordata
Klassi:	Mammalia
Sottoklassi:	Theria
Infraklassi:	Eutheria
Superordni:	Euarchontoglires
Ordni:	Lagomorpha
Familja:	Leporidae
Ġeneru:	Sylvilagus
Speċi:	S. bachmani
Isem binominali
Sylvilagus bachmani (Waterhouse, 1839)
Sottospeċijiet
Sylvilagus bachmani bachmani Sylvilagus bachmani cerrosensis Sylvilagus bachmani cinerascens Sylvilagus bachmani exiguus Sylvilagus bachmani howelli Sylvilagus bachmani ubericolor
Firxa tal-Sylvilagus bachmani

Fenek xkupilja Sylvilagus bachmani

Il-Fenek xkupilja Sylvilagus bachmani jew kif xi kultant inhu msejjaħ ukoll Fenek ta' denbu qotni xkupilja huwa mammiferu plaċentat tad-Dinja l-Ġdida u membru tal-familja Leporidae (leporidu), fl-ordni Lagomorpha (lagomorfu). Dan id-denb qotni huwa nativ tal-kontinent ta' l-Amerika ta' fuq.

Numru kbir ta' sottospeċi li huma ġografikament separati ġew proposti; f' Oregon, Sylvilagus bachmani ubericolor; f' California, Sylvilagus bachmani cinerascens, Sylvilagus bachmani mariposae, Sylvilagus bachmani riparius, Sylvilagus bachmani tehamae u Sylvilagus bachmani trowbridgii; u f' Baja Kalifornja, Sylvilagus bachmani cerrosensis, Sylvilagus bachmani exiguus, Sylvilagus bachmani howelli, Sylvilagus bachmani peninsularis u Sylvilagus bachmani rosaphagus u Sylvilagus bachmani bachmani, Sylvilagus bachmani macrorhinus u Sylvilagus bachmani virgulti huma ħafna inqas ristretti ġografikament. Sylvilagus bachmani riparius, qiegħed f' periklu kbir ta' estinzjoni u għalkemm qabel kien numeruż ma' tul ix-xmajjar ta' San Joaquin u Stanislaus, illum il-ġurnata baqa biss popolazjoni ta' ftit mijjiet fil-Park ta' Caswell Memorial State.

Mis-sottospeċijiet varji li ġew proposti, għal mument ġew rikonoxxuti Sylvilagus bachmani ubericolor, Sylvilagus bachmani cinerascens, Sylvilagus bachmani bachmani, Sylvilagus bachmani exiguus, Sylvilagus bachmani howelli u Sylvilagus bachmani cerrosensis, il-bqijja qegħdin jistennew li jiġu rikkonoxxuti uffiċjalment jew meqjusa bħala sinonimi.

Riproduzzjoni

L-irġiel ġeneralment jitgħammru ma' aktar minn fenka waħda matul is-sena kollha , iżda jilħqu l-quċċata minn Frar sa Awissu. It-tqala jew il-ġestazjoni hija madwar 22 ġurnata u dawn jista' jkollhom saħansitra sa 5 btan żrameġ fis-sena. Il-boton ikun magħmul minn 1 sa 7 żrameġ li jitwieldu għomja, bla pil u totalment dippendenti fuq l-omm.

Distribuzzjoni

Il-Fenek xkupilja għandu distribuzjoni mal-kosta fin-naħa tal-Punent tal-kontinent ta' l-Amerika ta' fuq, mix-xmara Columbia f' Oregon sal-ponta fin-Nofs in-nhar tal-penisula ta' Baja California. Il-firxa tmur 'il bogħod fil-Lvant sal-ġnub fil-Lvant ta' Sierra Nevada u l-muntanji Cascade.

Klassifikazzjoni

Dan id-denb qotni huwa 1 minn 2 speċi li qegħdin klassifikati fis-sottoġeneru Microlagus u bħala speċi maqsuma minn ta' linqas f' 6 sottospeċi rikonoxxuti.

• Ordni Lagomorpha
  • Familja Leporidae
    • Sottofamilja Leporinae
      • Tribù Leporini
        • Ġeneru Sylvilagus
          • Sottoġeneru Microlagus
            • Fenek xkupilja jew Fenek ta' denbu qotni xkupilja, Sylvilagus bachmani
              • Sottospeċi
              • Sylvilagus bachmani bachmani (Waterhouse, 1839)
              • Sylvilagus bachmani cerrosensis (J.A. Allen, 1898)
              • Sylvilagus bachmani cinerascens (J.A. Allen, 1890)
              • Sylvilagus bachmani exiguus (Nelson, 1907)
              • Sylvilagus bachmani howelli (Huey, 1927)
              • Sylvilagus bachmani ubericolor (Miller, 1899)

Referenzi

• Hoffmann, Robert S.; Andrew T. Smith (November 16, 2005). Wilson, D. E., and Reeder, D. M. (eds): Mammal Species of the World, 3rd edition, Johns Hopkins University Press. ISBN 0-801-88221-4.
• Lagomorph Specialist Group (1996). Sylvilagus bachmani L-inqas ħsieb. 2006 IUCN Red List of Threatened Species. IUCN 2006. Informazjoni mniżla fid- 9 ta' Novembru 2006.
• The Paleobiology Database.
• Tassonomija tal-Mammiferi.