Rafael Pereira da Silva (twieled fl-1990)

Minn Wikipedija, l-enċiklopedija l-ħielsa
Jump to navigation Jump to search
Rafael
Rafael da Silva.jpg
Informazzjoni personali
Isem sħiħRafael Pereira da Silva
Twelid9 ta' Lulju 1990 (1990-07-09) (28 sena)
Petrópolis, Rio de Janeiro
PajjiżBandiera tal-Brażil Brażil
Tul1.72 m
RwolDifensur lemini
Informazzjoni fuq il-klabb
Klabb kurrentiSpanja Manchester United
Numru2
Klabbs ġovanili
2005–2008Brażil Fluminense
Klabbs professjonali*
SninKlabbPreżGwls
2008–Ingilterra Manchester United53(3)
Tim nazzjonali
2012Brażil Brażil U-237(1)
2012–Brażil Brażil2(0)
* Il-preżenzi u l-gowls fil-karriera professjonali huma validi biss għall-kampjonat domestiku.
Aġġornament: 20:20, 28 Awwissu 2012 (UTC)

Rafael Pereira da Silva, magħruf aħjar bħala Rafael jew Rafael da Silva (Petrópolis, 9 ta' Lulju 1990) hu plejer tal-futbol li attwalment jilgħab mat-tim ta' Manchester United. Normalment jilgħab bħala difensur lemini, imma kapaċi jilgħab ukoll fuq il-faxxa leminija ta' nofs il-grawnd. Ħuh tewmi Fábio jilgħab ukoll ma' Manchester United.

Karriera[immodifika | immodifika s-sors]

Il-karriera professjonali ta' Rafael bdiet ġewwa l-Brażil mat-tim ta' Fluminense, fejn kien jilgħab magħhom taħt livell ġovanili. Rafael u ħuh Fábio ġew skoperti minn Les Kershaw li kien qed jaħdem f'isem il-klabb Ingliż ta' Manchester United.

F'Jannar tal-2008 it-tewmin ittrasferixxew lejn Manchester, imma ma setgħux jilgħabu partiti sakemm ma jkollhomx tmintax-il sena f'Lulju tal-2008. Rafael għamel l-ewwel apparenza mal-klabb f'partita ta' ħbiberija kontra Peterborough United nhar l-4 ta' Awwissu. Għall-istaġun 2008–09, hu ngħata l-flokk numru 21 li kien milbus minn Dong Fangzhuo. Id-debutt uffiċjali bil-flokk aħmar wasal fil-ġurnata tal-ftuħ tal-kampjonat Ingliż 2008–09, fejn daħal bħala sostitut għal Fraizer Campbell kontra Newcastle United.

L-ewwel partita mal-ewwel ħdax kienet kontra Middlesbrough fit-Tielet Rawnd tal-League Cup. Il-prestazzjonijiet tiegħu wassluh li jkun preferut mill-esperjenzati Gary Neville u Wes Brown. L-ewwel gowl tiegħu wasal fid-90 minuta fit-telfa li United sofrew kontra Arsenal bl-iskor ta' 2–1 nhar it-8 ta' Novembru 2008.

Grazzi għall-prestazzjonijiet eklatanti matul dan l-ewwel staġun, Rafael ingħata estensjoni tal-kuntratt ma' Manchester United għal sentejn oħra, li se jorbtu mal-klabb sal-2013.[1]

Internazzjonali[immodifika | immodifika s-sors]

Nhar is-26 ta' Lulju 2010, Rafael ġie msejjaħ għall-ewwel darba mat-tim nazzjonali Brażiljan bħala l-ewwel skadwra magħżula mill-kowċ il-ġdid Mano Menezes għal-logħba ta' ħbiberija kontra l-Istati Uniti tal-10 ta' Awwissu.[2] Madanakollu, id-debutt tiegħu kellu jistenna sentejn wara hekk kif iddebutta fis-26 ta' Mejju 2012, bħala sostitut kontra d-Danimarka.

Hu kien fost l-iskwadra Brażiljana li ħadet sehem fl-Olimpadji 2012 li saru ġewwa Londra, fejn magħhom rebaħ il-midalja tal-fidda.

Referenzi[immodifika | immodifika s-sors]

  1. ^ (Ingliż) Rafael extends Man Utd contract. BBC Sport, 27-04-2009. Aċċess tal-URL: 27-04-2009.
  2. ^ (Ingliż) Brazil call up Rafael and Lucas for US friendly.. BBC Sport, 26-07-2010. Aċċess tal-URL: 26-07-2010.

Ħoloq esterni[immodifika | immodifika s-sors]