Ugo Pasquale Mifsud

Minn Wikipedija, l-enċiklopedija l-ħielsa
Jump to navigation Jump to search
Ugo Pasquale Mifsud
Malta - Floriana - Triq Sarria - The Mall 31 ies.jpg
Prim Ministru ta' Malta

21 Ġunju 1932 - 2 Novembru 1933
Gerald Strickland
Prim Ministru ta' Malta

22 Settembru 1924 - 1 Awwissu 1927
Francesco Buhagiar - Gerald Strickland
Finance Minister of Malta (en) Translate

Ħajja
Twelid Valletta, 12 Settembru 1889
Nazzjonalità Malta
Mewt Valletta, 11 Frar 1942
Manjiera tal-mewt kawżi naturali (infart tal-mijokardju)
Edukazzjoni
Alma mater Università ta' Malta
Okkupazzjoni
Okkupazzjoni politiku
ġurist

Sir Ugo Mifsud (Valletta, 12 ta' Settembru 188911 ta' Frar 1942) kien politiku Malti, li serva għal darbtejn bħala Prim Ministru ta' Malta, bejn l-1924 u l-1927, u mill-1932 sal-1933.

Bijografija[immodifika | immodifika s-sors]

Iben l-imħallef Gio Batta Mifsud u Philomena Marianna Muscat, Ugo Mifsud studja l-Liċeo u wara l-Università ta' Malta. Fl-1910 kiseb il-lawrja ta' avukat. Hu beda l-karriera professjonali tiegħu u għamel isem speċjalment fi żmien il-Gwerra l-Kbira meta kellu ħafna xogħol fil-Qorti tal-Kummerċ. Sir Ugo kiteb ħafna fuq id-Dritt Internazzjonali f'rivisti ta' natura ġuridika bħall-International Law Notes.

Kien elett membru tal-International Law Association u ħa sehem f'bosta konferenzi ta' din l-assoċjazzjoni. Kien ukoll membru tal-Kumitat Eżekuttiv u anki Viċi-President ta' din l-Assoċjazzjoni. Fl-1928, fil-konferenza li saret f'Varsavja, Sir Ugo ġie elett President tal-Aerial and Radio Law Committee.

Inħatar Viċi President fl-Eżekuttiv tal-Assoċjazzjoni fil-Konferenza Internazzjonali li kienet saret f'Oxford fl-1932 u fl-1934 intgħażel ukoll President għall-konferenza li kienet saret f'Budapest. Fl-1928, Sir Ugo rrappreżenta lil Malta fil-laqgħat tal-Empire Parliamentary Association li saret fil-Kanada.

Politika[immodifika | immodifika s-sors]

Sir Ugo kien ġie elett Segretarju ta' xi Seduti tal-Assemblea Nazzjonali li ġiet imlaqqgħa fl-1919 fuq proposta ta' Sir Filippo Sciberras. Kien ta sehem kbir fit-tħejjija tal-Kostituzzjoni li ressqet l-Assemblea Nazzjonali quddiem il-Gvern Ingliż. Fl-1926, flimkien ma' Nerik Mizzi kien il-mexxej tal-Partit Nazzjonalista u baqa' sakemm miet fl-1942. Fl-1921 ikkontesta l-elezzjoni taħt il-Kostituzzjoni "Amery-Milner" u ġie elett membru tal-Assemblea Leġislattiva.

Ingħata l-ħatra ta' Ministru tal-Industrija u Kummerċ. Fl-elezzjoni tal-1924, wara r-riżenja ta' Dott. Francesco Buhagiar minn Prim Ministru, Sir Ugo sar it-tielet Prim Ministru fl-età ta' 35 sena, l-iżgħar Prim Ministru tal-Imperu Brittanniku f’dak iż-żmien. Bejn l-1927 u l-1930 kien Kap tal-Oppożizzjoni u reġa' nħatar Prim Ministru bejn Ġunju 1932 u Novembru 1933, meta l-Kostituzzjoni tal-1921 ġiet irtirata.

Meta, fl-1932, kien qiegħed imexxi delegazzjoni Maltija f'Londra, ippreżenta memorandum lis-Segretarju tal-Istat tal-Kolonji li fih saret talba formali biex Malta tingħata Kostituzzjoni li tpoġġiha fid-Dominion Office fost il-membri indipendenti tal-Commonwealth.

Fl-1939 Sir Ugo ġie elett membru tal-Kunsill tal-Gvern. Fid-9 ta' Frar, 1942, waqt laqgħa tal-Kunsill, meta kienet qiegħda tiġi diskussa d-deportazzjoni ta' personalitajiet Maltin, fosthom dik tal-Avukat Nerik Mizzi, Sir Ugo Mifsud ħassu ħażin. Hu kien qiegħed jiddefendi b'argumenti sodi d-dritt ta' dawn il-Maltin li ma jiġux deportati minn pajjiżna. Jumejn wara, fil-11 ta' Frar, Sir Ugo Mifsud miet.

Referenzi[immodifika | immodifika s-sors]

  • Calleja, J. (1997) Ugo. P. Mifsud 1889-1942: Prim Ministru u patrijott, Pietà: Pubblikazzjoniet Indipendenza.
  • Sir Ugo Mifsud (1889-1942): profil u diskorsi kommemorativi (1963), Malta: Dipartiment tal-Informazzjoni.

Ħoloq esterni[immodifika | immodifika s-sors]

  • Bijografija fuq is-sit uffiċjali tal-gvern
    Ugo Mifsud, pittura ta' Anton Inglott
Predeċessur
Fundatur
Kap tal-Partit Nazzjonalista
1926–1942

Suċċessur
Enrico Mizzi

Predeċessur
Francesco Buhagiar
Prim Ministru
1924–1927

Suċċessur
Gerald Strickland

Predeċessur
Gerald Strickland
Prim Ministru
1932–1933

Suċċessur
Enrico Mizzi