Udo Nwoko
Udo Nwoko 
| ||
| Informazzjoni personali | ||
|---|---|---|
| Isem sħiħ | Udochukwu Nwoko | |
| Twelid | 15 ta' Ottubru 1984 Abia | |
| Pajjiż |  Niġerja
| |
| Nazzjonalità |  Malta
| |
| Tul | 1.70 m | |
| Rwol | Midfilder | |
| Informazzjoni fuq il-klabb | ||
| Klabb kurrenti | Panthrakikos | |
| Klabbs ġovanili | ||
| Hibernians | ||
| Klabbs professjonali | ||
| Snin | Klabb | Preż (Gwl)* |
| 2002–2003 2004–2005 2005–2006 2006–2007 2006–2007 2007–2008 2009 2009– |
Hibernians Xewkija Tigers Mosta Hibernians → Marsaxlokk (self) Leixões Náutico Panthrakikos |
16 (0) 17 (15) 20 (6) 13 (1) 11 (0) 27 (2) 0 (0) |
| Tim nazzjonali | ||
| 2007– | Malta | 8 (0) |
|
* Preżenzi (Gowls) | ||
Udochukwu Nwoko (Abia, 15 ta' Ottubru 1984) hu plejer tal-futbol Malti li bħala midfilder mat-tim ta' Panthrakikos fil-kampjonat Grieg.
Karriera[immodifika | immodifika s-sors]
Nwoko ittrasferixxa Malta f'età ta' erbatax-il sena bix-xewqa li xi darba jkun jista' jikber f'wieħed mill-aqwa kampjonati fl-Ewropa. Hu beda l-karriera ma' Hibernians FC. L-iżblokk tiegħu fil-kampjonat Malti wasal fl-2002–03 fejn irnexxielu jagħmel sittax-il apparenza mal-klabb, minkejja li falla li jsib ix-xibka.
Fl-2004 mar fil-kampjonat Għawdxi mat-tim ta' Xewkija Tigers u kien ma' dan il-klabb li wera l-qawwa tiegħu quddiem il-gowl. Fi sbatax-il apparenza irnexxielu jiskorja ħmistax-il gowl, u b'hekk isir wieħed mill-ikbar prospetti għall-futbol Malti.
Wara staġun pożittiv f'Għawdex, Nwoko reġa' sab ruħu fil-kampjonat Malti fejn din id-darba ngħaqad mat-tim Mosti għall-istaġun 2005–06. Hu skorja sitt gowls f'għoxrin partita, imma dawn ma kinux biżżejjed biex isalvaw lit-tim mir-relegazzjoni.
Minkejja r-retroċessjoni tal-klabb, il-forma ta' Nwoko wasslet biex reġgħet attirat lit-tim minn Raħal il-Ġdid, Hibernians, għall-istaġun 2006–07; minn tlettax-il apparenza skorja gowl wieħed.
Il-kumplament tal-2007 qattgħu taħt self mat-tim ta' Marsaxlokk, fejn minkejja li ma sabx ix-xibka għall-ebda mill-ħdax-il apparenza li għamel, xorta kien parti mit-tim rebbieħ tal-kampjonat, fejn dan kien għalih l-ewwel titlu Malti.
Minkejja interess kbir min-naħa tat-tim taċ-Championship Ingliż Reading,[1] hu iffirma mat-tim Portugiż ta' Leixões, fejn id-debutt tiegħu kien immarkat b'gowl kontra l-ġganti ta' Benfica. Minkejja li kien plejer regulari fl-ewwel staġun tiegħu, fl-istaġun suċċessiv ma tantx sab post fost l-ewwel ħdax fejn lagħab biss sbatax-il minuta. Bi qbil unanimu, il-kuntratt li kellu ma Leixoes ġie mħassar, u minkejja li saħansitra kien ġie mħabbar li uffiċjalment kien ingħaqad mat-tim Ċiniż ta' Chengdu Blades,[2] Nwoko issieħeb mat-tim Brażiljan ta' Náutico.[3] Inqas minn xahar wara, fil-11 ta' April 2009, il-klabb xolja l-kuntratt mal-plejer.[4] Fis-sajf tal-2009, Nwoko irritorna ma' klabb Ewropew fejn ingħaqad mat-tim ta' Panthrakikos li jilgħab fl-ogħla diviżjoni Griega, u iffirma kuntratt għal tliet snin.[5]
Internazzjonali[immodifika | immodifika s-sors]
Nwoko ingħata l-ewwel sejħa mat-tim nazzjonali Malti fil-fażi ta' kwalifikazzjoni għall-Euro 2008 kontra l-Ungerija f'Budapest nhar it-13 ta' Ottubru 2007 u ġew daru kontra l-Moldova erbat ijiem wara. Hu kien disponibbli għat-tim nazzjonali wara li ngħata ċ-ċittadinanza Maltija f'Awwissu 2007.
Unuri[immodifika | immodifika s-sors]
Klabb[immodifika | immodifika s-sors]
Marsaxlokk
- Premier League Malti: 2006–07
Referenzi[immodifika | immodifika s-sors]
- ^ (Ingliż) Udo Nwoko linked with £1.25m move to Reading. TimesofMalta.com, 29-12-2009. Aċċess tal-URL: 13-10-2008.
- ^ (Ingliż) Udochukwu Nwoko moves to China. imscouting.com, 12-02-2009
- ^ (Ingliż) Latest news - Thu 19. MaltaFootball.com
- ^ Náutico libera nigeriano Nwoko.
- ^ Ο Νιγηριανός Νwoko στον Πανθρακικό (trad. In-Niġerjan Nwoko f'Panthrakiko)