Jacob II Bernoulli

Minn Wikipedija, l-enċiklopedija l-ħielsa
Jacob II Bernoulli
Ħajja
Twelid Bażel, 17 Ottubru 1759, 27 Ottubru 1759, 28 Ottubru 1759
Nazzjonalità Żvizzera
Mewt San Pietruburgu, 14 Lulju 1789
Kawża tal-mewt mewta aċċidentali (għarqa)
Familja
Missier Johann II Bernoulli
Omm Susanna Koenig
Konjuga/i Charlotte Euler (en) Translate  (1789 -  1789)
Aħwa
Familja
Tribù Familja Bernoulli
Edukazzjoni
Lingwi Latin
Okkupazzjoni
Okkupazzjoni matematiku
fiżiku
għalliem fl-università
Impjegaturi Università Statali ta' San Pietruburgu
Sħubija Akkademja tax-Xjenzi ta' San Pietruburgu
Akkademja Russa tax-Xjenzi
Akkademja tax-Xjenzi ta’ Torino

Jakob II Bernoulli (twieled fis-17 ta' Ottubru 1759 – miet fit-3 ta' Lulju 1789[1]), kien matematiku Żvizzeru, membru tal-familja Bernoulli. Johann II Bernoulli kien missieru, Johann Bernoulli kien nannuh u Johann III Bernoulli kien ħuh ikbar minnu.

Bijografija[immodifika | immodifika s-sors]

Wara li spiċċa l-istudji letterarji tiegħu intbgħat Neuchâtel biex jipperfezzjona l-Franċiż. Meta mar lura ħa l-lawrja fil-liġi, iżda dawn l-istudji ma taffulux il-passjoni ereditarja li kellu għall-ġeometrija, il-matematika u l-fiżika.

Ħa l-ewwel lezzjonijiet f'dawn l-oqsma minn missieru u kompla taħt id-direzzjoni ta' zijuh Daniel. Tant avvanza fix-xjenza li fl-età ta 21 sena, talbuh jieħu l-katedra tal-fiżika sperimentali fl-Università ta' Basel, li kien ħa jirtira minnha zijuh minħabba l-età avvanzata[2].

Wara, aċċetta l-kariga ta' segretarju tal-Konti ta' Brenner, li tatu l-opportunità li jżur il-Ġermanja u l-Italja. Fl-Italja sar ħabib ta' Antonio Maria Lorgna, professur tal-matematika f'Verona u fundatur tal-għaqda li aktar tard saret l-Accademia Nazionale delle Scienze.

Ġie elett ukoll membru tas-Società Reale di Torino u matul iż-żjara tiegħu f'Venezja, ġie ammess permezz tal-rakkomandazzjoni ta' Nicolaus von fuss, fl-Akkademja tax-Xjenzi tar-Russja, fejn fl-1788 inħatar professur tal-matematika. Fir-Russja għamel riċerka importanti, speċjalment fl-oqsma tal-balistika u l-elastiċità[3].

Xahrejn qabel ma għalaq tletin, għereq fix-xmara Neva f'Lulju tal-1789, ftit xhur wara li żżewweġ lin-neputija ta' Leonhard Euler.

Ħafna mill-kitbiet tiegħu jinsabu fl-ewwel sitt volumi ta' Nova Acta Academiae Scientiarum Imperialis Petropolitanae, fl-Acta Helvetica, fil-Mémoires des Académies de Berlin et Turin u fil-pubblikazzjonijiet ta' ħuh Johann[4].

Referenzi[immodifika | immodifika s-sors]

  1. ^ Fritz Nagel, Bernoulli, Jacques, 2005
  2. ^ [1] MacTutor History of Mathematics
  3. ^ Richard B. Hetnarski u Józef Ignaczak (2004). Taylor & Francis (ed.). Mathematical theory of elasticity. ISBN 9781591690207.
  4. ^ Bernoulli, Classic encyclopedia

Ħoloq esterni[immodifika | immodifika s-sors]