Gareth Barry

Minn Wikipedija, l-enċiklopedija l-ħielsa
Jump to navigation Jump to search
Gareth Barry
Gareth Barry 2014 2.jpg
Informazzjoni personali
Twelid23 ta' Frar 1981 (1981-02-23) (40 sena)
HastingsIngilterra
Tul1.85 m
RwolMidfilder
Mixtliet
1991–1997Brighton & Hove Albion
1997–1998Aston Villa
Karriera professjonali
SninKlabb
1998–2009Aston Villa
2009–2014Manchester City
2013–2014Everton (self)
2014–2017Everton
2017–2020West Bromwich Albion
Tim nazzjonali
2000–2012Ingilterra

Gareth Barry (Hastings, 23 ta' Frar 1981) huwa eks-plejer tal-futbol Ingliż li kien jilgħab bħala midfilder.

Karriera[immodifika | immodifika s-sors]

Aston Villa[immodifika | immodifika s-sors]

Barry ingħaqad ma' Aston Villa fl-1997 minn Brighton & Hove Albion, f'akkwist doppju flimkien ma' Michael Standing. Madanakollu, it-trasferiment ħoloq tensjoni bejn iż-żewġ klabbs hekk kif il-bord ta' Brighton talab għal kumpens ta' £2.5 miljun, iżda t-tribunal tal-Football Association iddeċieda li s-somma tkun ta' £2.4 miljun ġaladarba Barry u Standing jilgħabu mat-tim nazzjonali. Hu lagħab l-ewwel logħba tiegħu għal Villa fit-2 ta' Mejju 1998 kontra Sheffield Wednesday. Għall-bidu beda jilgħab bħala difensur, fuq in-naħa xellugija tat-triju difensiv li kien jinkludi lil Gareth Southgate u Ugo Ehiogu. Minn dak iż-żmien Barry beda jsawwar kwalitajiet versatili, fejn minn difensur ċentrali, qaleb għal difensur xellugi, imbagħad għal midfilder xellugi u finalment stabbilixxa ruħu bħala midfilder ċentrali.

Sa April tal-2008, Barry, li kien qed joqrob l-400 dehra għal Aston Villa, kien l-iktar plejer li qatt serva lit-tim fl-istorja.[1] Matul il-partita mill-kampjonat kontra Bolton Wanderers tat-28 ta' Ottubru 2007, Barry sar l-iżgħar plejer li qatt deher fi 300 logħba tal-Premier League (ta' 26 sena u 247 ġurnata), fejn ħa post Frank Lampard.[2]

F'Mejju tal-2008, Liverpool għamlu serje ta' offerti sabiex jixtru lil Barry, kollha kemm huma jiġu rifjutati minn Aston Villa.[3][4] Barry pubblikament ikkritika lill-kowċ Martin O'Neill, fejn akkużah li ma kien qiegħed jagħmel xejn sabiex jipperswadieh jibqa' mal-klabb, u tenn għal darb'oħra x-xewqa tiegħu li jingħaqad ma' Liverpool.[5] O'Neill ċaħad din l-istqarrija u Barry ġie uffiċjalment dixxiplinat mill-klabb talli xorta waħda ta intervista minkejja li ma kienx awtorizzat. Offerta oħra ta' £15-il miljun ġiet ukoll rifjutata hekk kif kienet mistħoqqa minn Villa bħala 'l bogħod mit-£18-il miljun li jixtiequ.

Barry baqa' plejer ta' Aston Villa u beda l-partita valida għat-Tazza UEFA kontra FH Hafnarfjordur, fejn skorja fir-rebħa ta' 4–1. Nhar it-18 ta' Settembru 2008, Barry għamel l-400 preżenza bil-flokk ta' Villa fil-partita barra minn darhom kontra Litex Lovech fit-Tazza UEFA. Hu skorja penalty hekk kif Villa ħarġu rebbieħa 3–1. Wara li weġġa' d-difensur veteran Martin Laursen, Barry reġa' ingħata l-faxxa ta' kaptan f'Jannar tal-2009. Fil-karriera tiegħu ma' Aston Villa, Gareth Barry għamel 441 dehra fejn skorja 52 gowl.

Manchester City[immodifika | immodifika s-sors]

Nhar it-2 ta' Ġunju 2009, Barry iffirma kuntratt ta' ħames snin ma' Manchester City għal somma ta' £12-il miljun.[6] Hu ddebutta għal City fl-ewwel logħba tal-istaġun kontra Blackburn Rovers f'Ewood Park, fejn lagħab id-90 minuta fir-rebħa ta' 2–0. Barry skorja l-ewwel gowl tiegħu għal City fil-logħba mill-Premier league kontra Manchester United fl-20 ta' Settembru 2009 fejn ġab l-iskor indaqs għal 1–1, minkejja li City tilfu l-logħba 4–3.

Fl-istaġun 2010–11 hu għen lil City jirbħu l-FA Cup, l-ewwel unur tal-klabb wara 35 sena, filwaqt li l-istaġun ta' wara lagħab 34 logħba tal-kampjonat hekk kif Manchester City rebħu l-kampjonat, l-ewwel wieħed f'44 sena.

Internazzjonali[immodifika | immodifika s-sors]

Wara li lagħab 27 partita mat-tim nazzjonali Ingliż ta' taħt il-21 sena, Kevin Keegan sejjaħlu għat-tim nazzjonali tal-kbar. Hu ddebutta f'logħba ta' ħbiberija kontra l-Ukrajna, fil-31 ta' Mejju 2000. L-ewwel logħba mal-ewwel ħdax kienet kontra Franza tat-2 ta' Settembru 2000. L-ewwel gowl bil-flokk Ingliż wasal kontra t-Trinidad u Tobago, logħba ta' ħbiberija tal-1 ta' Ġunju 2008. Taħt il-gwida l-ġdida ta' Fabio Capello, Barry sar figura regolari tat-tim Ingliż fejn kien jiġi skjerat fil-pożizzjoni ta' midfilder quddiem id-difiża.[7] Nhar it-12 ta' Novembru 2011, Barry lagħab il-50 logħba tiegħu għall-Ingilterra fir-rebħa ta' 1–0 fuq Spanja wara li daħal bħala sostitut.

Statistika[immodifika | immodifika s-sors]

Klabb[immodifika | immodifika s-sors]

Aġġornati sad-19 ta' Mejju 2013[8]
Klabb Staġun Kampjonat Tazza League Cup Ewropa Total
Preż Gowls Preż Gowls Preż Gowls Preż Gowls Preż Gowls
Aston Villa 1997–98 2 0 0 0 0 0 0 0 2 0
1998–99 32 2 2 0 0 0 3 0 37 2
1999–2000 30 1 6 0 8 0 0 0 44 1
2000–01 30 0 3 0 1 0 4 1 38 1
2001–02 20 0 1 0 0 0 7 0 28 0
2002–03 35 3 1 0 4 1 4 0 44 4
2003–04 36 3 1 1 6 0 0 0 43 3
2004–05 34 7 1 1 1 0 0 0 36 8
2005–06 36 3 3 1 3 2 0 0 42 6
2006–07 35 8 1 0 3 1 0 0 39 9
2007–08 37 9 1 0 2 0 0 0 40 9
2008–09 38 5 1 0 1 0 8 3 48 8
Total 365 41 21 3 29 4 26 4 441 52
Manchester City 2009–10 34 2 3 0 6 1 43 3
2010–11 33 2 7 0 0 0 7 0 47 2
2011–12 34 1 0 0 2 0 7 0 44 1
2012–13 31 1 5 1 1 0 4 0 41 2
Total 132 6 15 1 9 1 19 0 175 8
Total tal-karriera 497 47 36 4 40 5 45 4 616 60

Gowls internazzjonali[immodifika | immodifika s-sors]

Gowl Data Grawnd Avversarju Skor Riżultat Kompetizzjoni
1. 1 ta' Ġunju 2008 Port of Spain, Trinidad Flag of Trinidad and Tobago.svg Trinidad u Tobago 0–1 0–3 Logħba ta' ħbiberija
2. 6 ta' Ġunju 2009 Almaty, Każakistan Flag of Kazakhstan.svg Każakistan 0–1 0–4 Kwalifikazzjoni għat-Tazza tad-Dinja 2010
3. 15 ta' Novembru 2011 Wembley Stadium, Londra Flag of Sweden.svg Żvezja 1–0 1–0 Logħba ta' ħbiberija

Unuri[immodifika | immodifika s-sors]

Klabb[immodifika | immodifika s-sors]

Aston Villa
Manchester City

Individwali[immodifika | immodifika s-sors]

Referenzi[immodifika | immodifika s-sors]

  1. ^ "Gareth Barry: Player Profile" (bl-Ingliż). Aston Villa F.C. Miġbur 2008-10-24.
  2. ^ Lillywhite, Jamie (2007-10-28). "Bolton 1-1 Aston Villa" (bl-Ingliż). BBC Sport. Miġbur 2008-03-31.
  3. ^ "Villa reveal Liverpool Barry bid" (bl-Ingliż). BBC. 2008-05-02. Miġbur 2008-05-02.
  4. ^ "Barry returns to Villa training" (bl-Ingliż). BBC. 2008-06-12. Miġbur 2008-06-12.
  5. ^ "Gareth Barry: I want to join Liverpool, my mind is made up" (bl-Ingliż). The Telegraph. 2008-06-29.
  6. ^ "England ace Barry in £12m City switch" (bl-Ingliż). Manchester City FC. 2009-06-02. Miġbur 2009-06-02.
  7. ^ McKenzie, Andrew (2008-06-01). "Trinidad & Tobago 0-3 England" (bl-Ingliż). BBC Sport. Miġbur 2008-06-01.
  8. ^ "Squad Profiles - Gareth Barry" (bl-Ingliż). BBC. Miġbur 2013-05-30.

Ħoloq esterni[immodifika | immodifika s-sors]