Aston Villa Football Club huwa klabb tal-futbol professjonali Ingliż ibbażat ġewwa Aston, Birmingham, u li jilgħab fil-Premier League. Il-klabb ġie fundat fl-1874 u mill-1897 ilhom jilgħabhom ġewwa l-grawnd tagħhom preżenti, Villa Park. Aston Villa kienu l-membri fundaturi tal-Football League lura fl-1888, u kienu wkoll membri fundaturi tal-Premier League fl-1992.
Aston Villa Football Club ġew iffurmat f'Marzu tal-1874 minn membri tal-Villa Cross Wesleyan Chapel f'Handsworth, li illum hija parti minn Birmingham. L-erba' fundaturi ta' Aston Villa kienu Jack Hughes, Frederick Matthews, Walter Price u William Scattergood.[1] L-ewwel logħba tal-klubb kienet kontra tim tar-rugby, l-Aston Brook St Mary's Rugby. It-tnejn qabblu li jilgħabu l-ewwel taqsima bir-regoli tar-rugby, u t-tieni waħda bir-regoli tal-futbol. L-Aston Villa mal-ewwel sar wieħed mill-aqwa timijiet f'Midlands u, fl-1880, iggwidati mill-kaptan George Ramsay, rebħu l-ewwel trofew tagħhom, il-Birmingham Senior Cup.
