Fábio Pereira da Silva

Fábio
Informazzjoni personali
Isem sħiħ	Fábio Pereira da Silva
Twelid	9 ta' Lulju 1990 (34 sena); Petrópolis, Rio de Janeiro, Brażil
Tul	1.68 m
Rwol	Difensur laterali
Informazzjoni fuq il-klabb
Klabb attwali	Nantes
Numru	2
Mixtliet
2005–2008	Fluminense
Karriera professjonali
Snin	Klabb
2008–2014	Manchester United
2012–2013	→ Queens Park Rangers (self)
2014–2016	Cardiff City
2016–2018	Middlesbrough
2018–	Nantes
Tim nazzjonali
2011	Brażil

Fábio Pereira da Silva, magħruf ukoll bħala sempliċement Fábio jew Fábio da Silva (Petrópolis, 9 ta' Lulju 1990) huwa futboler li attwalment jilgħab bħala difensur laterali mat-tim ta' Nantes. Ma' ħuh tewmi, Rafael, kien jilgħabu flimkien ma' Manchester United wara li ffirmaw mal-klabb Ingliż fi Frar tal-2007.

Karriera

Fábio beda l-karriera tiegħu fil-futbol bħala midfilder difensiv mal-klabb ta' Boa Esperança, però beda jilgħab bħala difensur laterali meta ngħaqad ma' Fluminense. Matul turnew tan-Nike li sar ġewwa Tokjo, il-prestazzjonijiet ta' Fábio u ta' ħuħ Rafael laqtu għajn il-klabb ta' Manchester United. Iż-żewġ klabb waslu fi qbil fuq it-trasferiment tal-plejers fi Frar tal-2007, u t-tewmin ingħaqdu mal-klabb Ingliż f'Jannar tal-2008 minkejja li kienu għadhom qatt ma dehru mal-ewwel tim tal-klabb Brażiljan.

Fábio kellu jistenna sal-24 ta' Jannar 2009, sabiex jagħmel id-debutt tiegħu li wasal fir-raba' rawnd tal-FA Cup kontra Tottenham Hotspur, mirbuħa 2–1 mit-tim tal-United. Madanakollu, l-ewwel logħba tiegħu kellha tintemm qabel minħabba li weġġa' fil-pexxun. Nhar is-16 ta' Awwissu, wasal id-debutt tiegħu fil-Premier League fil-logħba tal-ftuħ tal-istaġun 2009–10 kontra Birmingham City. Fl-1 ta' April, 2010, Fábio iffirma estensjoni tal-kuntratt li se jżommu mal-klabb sa Ġunju 2014.^[1] L-ewwel gowl tiegħu wasal fir-rebħa ta' 4–0 kontra Wigan Athletic li ntlagħbet fis-26 ta' Frar 2011. Nhar it-28 ta' Mejju 2011, Fábio beda l-finali tal-UEFA Champions League kontra Barcelona li United tilfu 3–1.

Fit-2 ta' Lulju 2012, fi sforz sabiex jikseb aktar esperjenza, hu ġie misluf lil Queens Park Rangers għal sena.^[2] Id-debutt tiegħu sar fl-ewwel ġurnata tal-kampjonat fit-telfa ta' 5–0 kontra Swansea City. L-ewwel gowl tiegħu mal-klabb ta' Londra wasal f'logħba mill-FA Cup, fit-telfa ta' 4–2 kontra MK Dons.

Internazzjonali

Grazzi għall-prestazzjonijiet konvinċenti ma' Manchester United, Fábio ġie msejjaħ mal-Brażil nhar it-22 ta' Settembru 2011, u ddebutta kontra l-Kosta Rika nhar is-7 ta' Ottubru 2011 fir-rebħa ta' 1–0 għall-Brażil.

Statistika

Statistika korretta sat-12 ta' Mejju 2013^[3]

Klabb	Staġun	Kampjonat		Tazza		League Cup		Ewropa		Oħrajn		Total
Klabb	Staġun	Preż	Gowls	Preż	Gowls	Preż	Gowls	Preż	Gowls	Preż	Gowls	Preż	Gowls
Manchester United	2008–09	0	0	2	0	0	0	0	0	0	0	2	0
	2009–10	5	0	1	0	2	0	2	0	1	0	11	0
	2010–11	11	1	4	1	2	0	7	0	1	0	25	2
	2011–12	5	0	0	0	3	0	7	0	0	0	15	0
Queens Park Rangers	2012–13	21	0	1	1	1	0	–		–		23	1
Manchester United	2013–14	0	0	0	0	0	0	0	0	0	0	0	0
Manchester United	Total	21	1	7	1	7	0	16	0	2	0	53	2
Total tal-karriera		42	1	8	2	8	0	16	0	2	0	76	3

Unuri

Klabb

Manchester United

Premier League: 2010–11
FA Community Shield: 2010

Referenzi

^ "Fabio da Silva extends Manchester United deal to 2014" (bl-Ingliż). BBC Sport. 2010-04-01. Miġbur 2010-04-01.
^ "Man Utd's Fabio Da Silva makes QPR loan move" (bl-Ingliż). BBC. 2012-07-02. Miġbur 2012-07-02.
^ "Fabio". StretfordEnd.co.uk (bl-Ingliż). Miġbur 2010-01-23.

Ħoloq esterni

Fábio Pereira da Silva fuq Soccerbase

[1] "Fabio da Silva extends Manchester United deal to 2014" (bl-Ingliż). BBC Sport. 2010-04-01. Miġbur 2010-04-01.

[2] "Man Utd's Fabio Da Silva makes QPR loan move" (bl-Ingliż). BBC. 2012-07-02. Miġbur 2012-07-02.

[3] "Fabio". StretfordEnd.co.uk (bl-Ingliż). Miġbur 2010-01-23.

[1]

[2]

[3]