Carlos Simon
Carlos Eugênio Simon (twieled fit-3 ta' Settembru 1965) hu referì tal-futbol tal-FIFA mill-Brażil, u hu wkoll ġurnalist, u qabel kien tredunjonista. Simon ilu referì mill-1998 u l-ewwel partita internazzjonali kienet dik bejn l-Ekwador u l-Peru. Wara li kien magħżul fl-1999 għat-Tazza tad-Dinja Under-20 fin-Niġerja, fis-sena 2000 kien konvokat għall-Olimpjadi tas-sajf ta' Sydney, fejn ikkontrolla l-logħba bejn l-Italja u Spanja.
Fl-2002 kien protagonista għall-ewwel darba f'edizzjoni tat-Tazza tad-Dinja tal-Futbol fil-Lvant Imbiegħed, fejn iddirieġa l-partiti bejn l-Ingilterra u l-Iżvezja, u l-Italja u l-Messiku. F'Diċembru ta' l-istess sena, ingħata l-inkarigu tal-finali tat-Tazza Interkontinentali bejn Real Madrid u Olimpia Asunción.
Fl-2006, wara perjodu ta' skandlu tar-referis fil-Brażil, hu kien selezzjonat għat-Tazza tad-Dinja 2006 fil-Ġermanja: din id-darba hu irrefja tliet partiti li kienu Italja–Gana, Spanja–Tuneżija u Ġermanja–Żvezja. Xi kritiċi tal-BBC ikkritikawh minħabba t-tkeċċija ta' l-Iżvediż Teddy Lučić wara t-tieni karta safra, fejn stqarrew li din it-tieni karta safra ma kinitx ġusta. Hu ġab għajdut kbir wara li kellu daħqa fuq ħalqu waqt li kien qed juri l-karta ħamra lil Lučić.[1]
Matul il-karriera tiegħu hu pparteċipa f'żewġ edizzjonijiet tal-Copa América (l-ikbar kompetizzjoni għal timijiet nazzjonali tas-Sud-Amerika), fl-2001 u fl-2007. Hu hu wieħed miż-żewġ referis Brażiljani (l-ieħor hu Salvio Fagundes Filho) li huma parti mil-lista ta' 54 referì selezzjonati għat-Tazza tad-Dinja tal-Futbol 2010 fl-Afrika t'Isfel.
