Tom Cleverley

Minn Wikipedija, l-enċiklopedija l-ħielsa
Tom Cleverley
Informazzjoni personali
Isem sħiħThomas William Cleverley
Twelid12 ta' Awwissu 1989 (1989-08-12) (34 sena)
BasingstokeIngilterra
Tul1.75 m
RwolMidfilder
Informazzjoni fuq il-klabb
Klabb attwaliWatford
Numru8
Mixtliet
2004–2005Bradford City
2005–2008Manchester United
Karriera professjonali
SninKlabb
2008–2015Manchester United
2009Leicester City (self)
2009–2010Watford (self)
2010–2011Wigan Athletic (self)
2014–2015Aston Villa (self)
2015–2017Everton
2017Watford (self)
2017–Watford
Tim nazzjonali
2009–2011Ingilterra U-21
2012Gran Brittanja
2012–2013Ingilterra

Thomas William "Tom" Cleverley (twieled fil-12 ta' Awwissu 1989) huwa plejer tal-futbol Ingliż li jilgħab bħala midfilder ma' Watford. Wara li beda fid-dixxiplina tal-futbol ma' Bradford City, Cleverley ingħaqad ma' Manchester United ta' 15-il sena. Bejn l-2009 u l-2011 ġie misluf ma' tliet klabbs differenti sabiex jiggwadanja l-esperjenza.

Karriera[immodifika | immodifika s-sors]

Bidu tal-karriera[immodifika | immodifika s-sors]

Cleverley beda l-karriera tiegħu ma' Bradford City, qabel ma fis-sajf tal-2005, fl-età ta' 15-il sena, ingħaqad ma' Manchester United. Matul l-istaġun 2005–06 lagħab disa' logħbiet mal-kategorija ta' taħt it-18-il sena, waqt li s-sena ta' wara ġie promoss għat-tim tar-riservi. Cleverley kellu rwol strumentali fit-tim taż-żgħażagħ li rebaħ il-Manchester Senior Cup u l-Lancashire Senior Cup. Il-prestazzjonijiet konsistenti tiegħu wassluh sabiex jieħu l-faxxa ta' kaptan fl-assenza tal-kaptan regulari Sam Hewson, kif ukoll nominazzjoni fl-unur tal-Plejer tar-Riservi tas-Sena, unur li ntrebaħ minn Richard Eckersley.

Bħala rikonoxximent għall-prestazzjonijiet eklatanti tiegħu, Cleverley issejjaħ mat-tim tal-kbar ta' Manchester United għat-tour tal-Afrika t'Isfel u l-logħba ta' ħbiberija kontra Portsmouth fin-Niġerja matul is-sajf tal-2008.[1] Hu ddebutta fil-konfront kontra Kaizer Chiefs fil-finali tal-Vodacom Challenge, fejn wara li daħal bħala sostitut fit-tieni taqsima skorja t-tielet mill-erba gowls wara siegħa logħob.

Perjodi ta' self[immodifika | immodifika s-sors]

Nhar is-16 ta' Jannar 2009, Tom Cleverley ġie msellef lil Leicester City għall-kumplament tal-istaġun 2008–09.[2] Hu ddebutta fid-19 ta' Jannar 2009 fir-rebħa ta' 2–0 kontra Yeovil Town. Wara żewġ gowls u 15-il preżenza ma' Leicester, is-self kellu jintemm minħabba li weġġa' spalltu fil-konfront kontra Colchester United. Minkejja li s-self kien spiċċa, Cleverley xorta waħda ngħata midalja wara r-rebħ tal-promozzjoni ta' Leicester bħala ċampjins tal-League One.[3]

Fit-18 ta' Awwissu 2009, Cleverley iffirma taħt self ma' Watford.[4] Id-debutt tiegħu, li wassal f'dik il-ġurnata stess, immarkah b'gowl fir-rebħa ta' 4–2 kontra Nottingham Forest. Erbat ijiem wara skorja t-tieni gowl tiegħu fil-pari ta' 2–2 kontra Blackpool. Il-perjodu ta' self tiegħu ġie estiż sa tmiem l-istaġun 2009–10, u Cleverley ħad vantaġġ minn dan iż-żmien hekk kif żied ħames gowls mat-total li kellu. Għal darb'oħra problemi fiżiċi kellhom joħonqu l-logħob tiegħu u kellu jtemm is-self tiegħu f'April tal-2010.[5] Iż-żmien mal-Hornets kien jinvolvi 11-il gowl f'35 logħba u kif ukoll ir-rebħ tal-unur tal-Plejer tas-Sena.[6]

Wara li Cleverley ħa sehem fit-tour ta' Manchester United ġewwa l-Istati Uniti tas-sajf 2010, fil-31 ta' Awwissu Wigan Athletic ikkonfermaw li kienu qablu li jisselfu lil Cleverley sa tmiem l-istaġun.[7] Fil-11 ta' Settembru, Cleverley iddebutta għal Wigan kif ukoll lagħab l-ewwel logħba tiegħu fil-Premier League, meta ħa post Mauro Boselli fil-75 minuta u assista lil Antolin Alcaraz fil-pari ta' 1–1 kontra Sunderland. L-ewwel gowl tiegħu mal-klabb wasal fit-telfa ta' 3–1 kontra West Ham United tas-27 ta' Novembru. F'Jannar tal-2011, il-perjodu ta' self ġie estiż sa tmiem l-istaġun.

Lura ma' Manchester United[immodifika | immodifika s-sors]

Cleverley iddebutta uffiċjalment ma' Manchester United fir-rebħa ta' 3–2 kontra r-rivali Manchester City fil-finali tal-Community Shield 2011. Hu daħal fit-tieni taqsima minflok Michael Carrick, b'United 2–0 minn taħt, u assista l-gowl ta' Nani li ġab l-iskor indaqs. Għall-istaġun 2010–11 ingħata l-flokk numru 23, vakanti minn Jonny Evans li ħa n-numru 7. Nhar l-14 ta' Awwissu 2011, beda l-ewwel partita tiegħu mal-ewwel ħdax fil-konfront mill-ewwel ġurnata tal-kampjonat 2011–12 kontra West Bromwich Albion.

Statistika[immodifika | immodifika s-sors]

Statistika korretta sat-22 ta' Awwissu 2011

Klabb Staġun Kampjonat Tazza League Cup Ewropa Oħrajn Total
Preż Gowls Preż Gowls Preż Gowls Preż Gowls Preż Gowls Preż Gowls
Leicester City (self) 2008–09 15 2 0 0 0 0 0 0 15 2
Watford (self) 2009–10 33 11 1 0 1 0 0 0 35 11
Wigan Athletic (self) 2010–11 25 4 0 0 0 0 0 0 25 4
Manchester United 2011–12 2 0 0 0 0 0 0 0 1 0 3 0
Total fil-karriera 75 17 1 0 1 0 0 0 1 0 78 17

Unuri[immodifika | immodifika s-sors]

Klabb[immodifika | immodifika s-sors]

Leicester City
Manchester United

Individwali[immodifika | immodifika s-sors]

  • Plejer tas-Sena ta' Watford: 2009–10

Referenzi[immodifika | immodifika s-sors]

  1. ^ Thompson, Gemma (2008-07-24). "Trio join senior squad" (bl-Ingliż). Manchester United FC. Miġbur 2009-01-16.
  2. ^ "United Midfielder Joins Foxes" (bl-Ingliż). Leicester City FC. 2009-01-16. Miġbur 2009-01-16.
  3. ^ "Champions Picture Special" (bl-Ingliż). Leicester City FC. 2009-04-25. Miġbur 2009-04-25.
  4. ^ "Watford seal Cleverley loan deal" (bl-Ingliż). BBC Sport. 2009-08-18. Miġbur 2009-08-18.
  5. ^ "Watford midfielder Tom Cleverley out for season" (bl-Ingliż). BBC Sport. 2010-04-08. Miġbur 2010-04-09.
  6. ^ "Player of the Season" (bl-Ingliż). Watford FC. 2010-05-18. Arkivjat minn l-oriġinal fl-2013-06-04. Miġbur 2010-05-19.
  7. ^ "Tom Clevlerley Joins Roberto Revolution" (bl-Ingliż). Wigan Athletic FC. 2010-08-31. Miġbur 2010-08-31.

Ħoloq esterni[immodifika | immodifika s-sors]