Mattia De Sciglio
 | |||
| Informazzjoni personali | |||
|---|---|---|---|
| Twelid | 20 ta' Ottubru 1992 Milan, Italja | ||
| Tul | 1.82 m | ||
| Rwol | Difensur | ||
| Informazzjoni fuq il-klabb | |||
| Klabb attwali | Juventus | ||
| Numru | 2 | ||
| Mixtliet | |||
| 2001–2002 | Cimiano | ||
| 2002–2012 | Milan | ||
| Karriera professjonali | |||
| Snin | Klabb | ||
| 2011–2017 | Milan | ||
| 2017– | Juventus | ||
| 2020–2021 | → Lyon (self) | ||
| Tim nazzjonali | |||
| 2010–2011 | Italja U-17 | ||
| 2011–2012 | Italja U-19 | ||
| 2012– | Italja U-21 | ||
| 2013– | Italja | ||
Mattia De Sciglio (Savona, 20 ta' Ottubru 1992) huwa plejer tal-futbol Taljan li jilgħab bħala difensur ma' Juventus u mat-tim nazzjonali Taljan.
Karriera[immodifika | immodifika s-sors]
Bidu tal-karriera[immodifika | immodifika s-sors]
Mattia De Sciglio beda jilgħab il-futbol mat-tim tal-parroċċa ta' Santa Chiara e San Francesco, qabel ma' fl-2001 issieħeb mat-tim lokali ta' Cimiano.[1] Is-sena ta' wara, ta' għaxar snin, ingħaqad mas-settur taż-żgħażagħ ta' Milan fejn qatta' disa' staġuni magħhom.[2]
2011–2012[immodifika | immodifika s-sors]
Fil-bidu tal-istaġun 2011–12, De Sciglio ġie għall-ewwel darba inkluż fl-iskwadra tal-kbar mill-kowċ Massimiliano Allegri.[3] Huwa għamel id-debutt professjonali tiegħu fit-28 Settembru 2011, bħala sostitut fil-logħba kontra Viktoria Plzeň, valida għall-fażi tal-gruppi tal-UEFA Champions League li l-Milan rebħu 2–0.[4] L-ewwel darba tiegħu mal-ewwel ħdax kienet fid-dro ta' 2–2 kontra l-istess tim fis-6 ta' Diċembru.[5] Erba' xhur wara, eżattament fl-10 ta' April, De Sciglio lagħab l-ewwel logħba tiegħu fil-kampjonat fir-rebħa ta' 1–0 barra min darhom kontra Chievo.[6]
2012–2013[immodifika | immodifika s-sors]
Għall-istaġun 2012–13 De Sciglio ingħata n-numbru tal-flokk bin-numbru 2, li hu stess stqarr li kien "importanti ħafna" hekk kif dan l-istess flokk intlibes "minn plejers kbar bħal Mauro Tassotti u Cafu".[7] Matul l-ewwel nofs tal-istaġun, De Sciglio sar regolari grazzi għas-serje ta' prestazzjonijiet konvinċenti.[8]
Internazzjonali[immodifika | immodifika s-sors]
Wara diversi dehriet mat-timijiet nazzjonali ta' taħt id-19, l-20 u l-21 sena, il-kowċ tat-tim nazzjonali tal-kbar, Cesare Prandelli, sejjaħ lil De Sciglio fost l-iskwadra għal-logħba ta' ħbiberija kontra l-Ingilterra li kellha tintlagħab fil-15 ta' Awwissu 2012.[9] Madanakollu, f'din il-partita ma ġiex użat.[10]
De Sciglio għamel id-debutt internazzjonali fil-21 ta' Marzu 2013 kontra l-Brażil f'logħba ta' ħbiberija.
Stil ta' logħob[immodifika | immodifika s-sors]
Mattia De Sciglio huwa difensur lemini iżda kapaċi jilgħab ukoll fuq ix-xellug u fiċ-ċentru. Alberigo Evani, eks-plejer ta' Milan, li kkowċjaħ matul l-istaġun 2007-08, iddeskriva lil De Sciglio bħala "[plejer] veloċi, b'teknika tajba" u "futboler versatili".[11]
Statistika[immodifika | immodifika s-sors]
Aġġornata sal-24 ta' Frar 2013.
| Klabb | Staġun | Kampjonat | Tazza | Ewropa | Oħrajn | Total | |||||
|---|---|---|---|---|---|---|---|---|---|---|---|
| Preż | Gowls | Preż | Gowls | Preż | Gowls | Preż | Gowls | Preż | Gowls | ||
| Milan | 2011–12 | 3 | 0 | 0 | 0 | 2 | 0 | 0 | 0 | 5 | 0 |
| 2012–13 | 15 | 0 | 1 | 0 | 5 | 0 | – | 21 | 0 | ||
| Total | 18 | 0 | 1 | 0 | 7 | 0 | 0 | 0 | 26 | 0 | |
Unuri[immodifika | immodifika s-sors]
Klabb[immodifika | immodifika s-sors]
- Milan
- Supercoppa Italiana: 2011
Referenzi[immodifika | immodifika s-sors]
- ^ "Saranno famosi". cimiano.it (bit-Taljan). Arkivjat minn l-oriġinal fl-2012-12-29. Miġbur 2012-08-04.
- ^ "De Sciglio: a red and black history" (bl-Ingliż). AC Milan. 2012-05-25. Arkivjat minn l-oriġinal fl-2012-05-28. Miġbur 2012-08-04.
- ^ "De Sciglio: the right ingredients" (bl-Ingliż). AC Milan. 2012-05-07. Arkivjat minn l-oriġinal fl-2012-06-14. Miġbur 2012-08-04.
- ^ "Ibrahimović sets Milan on course to Plzeň success" (bl-Ingliż). UEFA. 2011-09-28. Miġbur 2012-08-04.
- ^ "Plzeň secure late draw with Milan to end on a high" (bl-Ingliż). UEFA. 2011-12-06. Miġbur 2012-08-04.
- ^ "ChievoVerona 0 – 1 Milan" (bl-Ingliż). Lega Serie A. 2012-04-11. Arkivjat minn l-oriġinal fl-2012-04-18. Miġbur 2012-08-04.
- ^ "De Sciglio: I will be wearing an important shirt" (bl-Ingliż). AC Milan. 2012-06-13. Arkivjat minn l-oriġinal fl-2013-12-03. Miġbur 2012-08-04.
- ^ Cuppone, Emiliano (2012-12-25). "Mattia De Sciglio ed un 2012 da predestinato". milannews.it (bit-Taljan). Miġbur 2013-01-14.
- ^ "Sono 8 le novità di Prandelli per l'amichevole con l'Inghilterra" (bit-Taljan). FIGC. 2012-08-10. Arkivjat minn l-oriġinal fl-2012-08-13. Miġbur 2012-08-10.
- ^ Magowan, Alistair (2012-08-15). "England 2–1 Italy" (bl-Ingliż). BBC Sport. Miġbur 2012-08-15.
- ^ Mazzara, Pietro (2012-07-08). "Evani su De Sciglio: "Per lui prevedo un grande futuro". milannews.it (bit-Taljan). Miġbur 2012-08-04.
Ħoloq esterni[immodifika | immodifika s-sors]
- Mattia De Sciglio fuq Soccerbase
- Mattia De Sciglio – rekord kompetittiv tal-FIFA (arkivjat)
