Isco

Minn Wikipedija, l-enċiklopedija l-ħielsa
Isco
Informazzjoni personali
Isem sħiħFrancisco Román Alarcón Suárez
Twelid21 ta' April 1992 (1992-04-21) (31 sena)
BenalmádenaSpanja
Tul1.75m
RwolMidfilder offensiv
Informazzjoni fuq il-klabb
Klabb attwaliReal Madrid
Numru22
Mixtliet
1997–1999PDM Benalmádena
1999–2006Atlético Benamiel
2006–2009Valencia
Karriera professjonali
SninKlabb
2009–2011Valencia B
2010–2011Valencia
2011–2013Málaga
2013–2022Real Madrid
2022–Sevilla
Tim nazzjonali
2008Spanja U16
2008–2009Spanja U17
2010Spanja U18
2010–2011Spanja U19
2011Spanja U20
2011–2014Spanja U21
2012Spanja U23
2013–Spanja

Francisco Román Alarcón Suárez (twieled fil-21 ta' April 1992), komunement magħruf bħala Isco, huwa plejer tal-futbol professjonali Spanjol li jilgħab ma' Sevilla bħala midfilder offensiv.

Karriera[immodifika | immodifika s-sors]

Valencia[immodifika | immodifika s-sors]

Isco huwa prodott tal-akkademija ta' Valencia, u ddebutta mat-tim tal-kbar fil-11 ta' Novembru 2010 kontra UD Logroñés, partita valida għall-Copa del Rey; hu skorja żewġ gowls f'rebħa ta' 4–1 (7–1 bl-aggregat).[1] Preċedentement, huwa qatta' staġun sħiħ mat-tim tar-riservi fis-Segunda División B, fejn skorja darba f'25 logħba filwaqt li sofra r-relegazzjoni.

Isco lagħab l-ewwel logħba tiegħu fil-La Liga fl-14 ta' Novembru 2010, billi lagħab 20 minuta f'rebħa ta' 2–0 kontra Getafe, wara li ħa post Aritz Aduriz.[2]

Málaga[immodifika | immodifika s-sors]

F'Lulju tal-2011, wara li għen it-tim B ta' Valencia jirritornaw lura għat-tielet livell tal-futbol Spanjol fejn skorja 15-il gowl, Isco iffirma kuntratt ta' ħames snin ma' Málaga, wara li l-klabb attiva l-klawsola tiegħu ta' 6 miljuni.[3] Huwa skorja l-ewwel gowl tiegħu fil-21 ta' Novembru 2011, fir-rebħa ta' 3-1 barra min darhom kontra Racing de Santander.[4] Isco temm l-ewwel staġun tiegħu bi 32 logħba u ħames gowls, hekk kif għen lit-tim jikkwalifika għall-UEFA Champions League għall-ewwel darba fil-karriera tiegħu u għall-ewwel darba fl-istorja ta' Málaga.

Fit-18 ta' Settembru 2012, fl-ewwel logħba ta' Málaga fil-fażi tal-gruppi tal-UEFA Champions League, Isco skorja darbtejn f'rebħa ta' 3–0 kontra Zenit Saint Petersburg, u kien magħżul bħala l-plejer tal-logħba.[5] Fit-22 ta' Diċembru, hu skorja l-ewwel gowl f'rebħa ta' 3–2 kontra Real Madrid ġewwa La Rosaleda, li fissret l-ewwel rebħa ta' Málaga kontra l-avversarji f'29 sena.[6] F'Diċembru, hu rebaħ l-premju tal-Golden Boy meta għeleb lil Stephan El Shaarawy u Thibaut Courtois.[7]

Fit-28 ta' Jannar 2013, Isco iffirma kuntratt ġdid li rat il-klawsola għall-bejgħ tiegħu stabbilita għal €35 miljun.[8]

Real Madrid[immodifika | immodifika s-sors]

Fis-26 ta' Ġunju 2013, il-president ta' Real Madrid Florentino Pérez ikkonferma li ntlaħaq ftehim ma' Isco u li l-plejer se jiġi ppreżentat mill-klabb fil-ġimgħa d-dieħla, ġaladarba huwa jkun għadda mit-testijiet mediċi tiegħu.[9] Ġurnata wara, Isco ffirma kuntratt ta' ħames snin ma' Real Madrid, hekk kif sar l-ewwel plejer li nxtara taħt il-kowċ il-ġdid Carlo Ancelotti.[10]

Fit-18 ta' Awwissu 2013, huwa għamel id-debutt tiegħu ma' Real Madrid fl-ewwel ġurnata tal-kampjonat fejn assista u skorja l-gowl tar-rebħa, b'daqqa ta' ras fil-85 minuta, f'rebħa ta' 2–1 f'darhom kontra Real Betis.[11] Huwa kompla bil-forma tiegħu billi skorja żewġ gowls kontra Athletic Bilbao fl-1 ta' Settembru.[12]

Internazzjonali[immodifika | immodifika s-sors]

Isco deher mat-tim Spanjol ta' taħt is-17-il sena fit-Tazza tad-Dinja U-17 2009, u skorja tliet darbiet hekk kif Spanja spiċċaw it-tielet. Fl-2011 huwa rrappreżenta lil pajjiżu fit-Tazza tad-Dinja U-20 miżmuma fil-Kolombja, u skorja gowl wieħed fil-kwarti tal-finali.

Fil-15 ta' Mejju 2012, ġie magħżul għall-ewwel darba mat-tim tal-kbar għal-logħba ta' ħbiberija kontra s-Serbja u l-Korea t'Isfel, iżda ma ħa daħal jilgħab fl-ebda logħba. Fis-6 ta' Frar 2013, Isco għamel id-debutt tiegħu mal-iskwadra hekk kif lagħab l-aħħar 30 minuta fir-rebħa ta' 3–1 kontra l-Urugwaj f'Doha, il-Qatar.[13]

Unuri[immodifika | immodifika s-sors]

Nazzjonal[immodifika | immodifika s-sors]

Individwali[immodifika | immodifika s-sors]

Statistika[immodifika | immodifika s-sors]

Klabb[immodifika | immodifika s-sors]

Statistika aġġornata sal-1 ta' Settembru 2013

Klabb Staġun Kampjonat Tazza Kontinentali Total
Preż Gowls Preż Gowls Preż Gowls Preż Gowls
Spanja Kampjonat Copa del Rey Ewropa Total
Valencia 2010–11 4 0 1 2 2 0 7 2
Total 4 0 1 2 2 0 7 2
Málaga 2011–12 32 5 3 0 35 5
2012–13 28 8 0 0 6 3 34 11
Total 69 14 3 0 10 3 82 17
Real Madrid 2013–14 3 3 0 0 0 0 3 3
Total 3 3 0 0 0 0 3 3
Total tal-karriera 76 17 4 2 12 3 92 22

Referenzi[immodifika | immodifika s-sors]

  1. ^ "Valencia 4-1 Logrones CF" (bl-Ingliż). ESPN. 2010-11-11.
  2. ^ "Valencia 2 - 0 Getafe" (bl-Ingliż). ESPN. 2010-11-14.
  3. ^ "Isco firma cinco temporadas por el Málaga" (bl-Ispanjol). Marca. 2011-07-11.
  4. ^ "Racing Santander 1 - 3 Malaga" (bl-Ingliż). ESPN. 2011-11-21.
  5. ^ Hunter, Graham (2012-09-18). "Magical Málaga make it a debut to remember" (bl-Ingliż). UEFA.com.
  6. ^ Sinanan, Keeghann (2012-12-22). "Malaga 3-2 Real Madrid: Casillas dropped as beleaguered Blancos succumb to Santa Cruz double" (bl-Ingliż). Goal.com. Miġbur 2013-01-07.
  7. ^ "Isco, ganador del prestigioso Golden Boy 2012" (bl-Ispanjol). Málaga CF. 2012-12-22. Miġbur 2013-04-04.
  8. ^ "Isco ends speculation regarding future by penning new Malaga contract" (bl-Ingliż). Sky Sports. 2013-01-28. Miġbur 2013-01-28.
  9. ^ "Transfer News: Real Madrid say they have won battle to sign Isco" (bl-Ingliż). Sky Sports. 2013-06-26.
  10. ^ "Isco, nuevo jugador del Real Madrid" (bl-Ispanjol). Real Madrid CF. 2013-06-26.
  11. ^ "Real Madrid give Carlo Ancelotti winning start after Isco's dream debut" (bl-Ingliż). Guardian. 2013-08-18. Miġbur 2013-08-19.
  12. ^ "Progresa adecuadamente" (bl-Ispanjol). Marca. 2013-09-01. Miġbur 2013-09-01.
  13. ^ "Campeón hasta en los simulacros" (bl-Ispanjol). Marca. 2013-02-06.

Ħoloq esterni[immodifika | immodifika s-sors]

  • (ENESCA) Profil fuq BDFutbol
  • Isco – rekord kompetittiv tal-FIFA (arkivjat) Immodifika fuq Wikidata
  • (EN) Isco fuq transfermarkt.de
  • Isco fuq National-Football-Teams.com Immodifika fuq Wikidata