Florentino Pérez

Minn Wikipedija, l-enċiklopedija l-ħielsa
Jump to navigation Jump to search
Florentino Pérez Rodríguez

Florentino Pérez Rodríguez (Madrid, 8 ta' Marzu 1947) huwa imprenditur Spanjol, eks-politiku u l-president attwali tal-klabb ta' Real Madrid li jilgħabu fil-La Liga Spanjola u hu wkoll il-president attwali ta' ACS.

Bijografija[immodifika | immodifika s-sors]

Florentino Pérez ingħaqad mal-partit tal-Unjoni taċ-Ċentru Demokratiku fl-1979, fejn serva f'fost oħrajn fil-kunsill lokali ta' Madrid. Fl-1986, Florentino Pérez ikkandida ruħu għall-elezzjonijiet ġenerali Spanjoli bħala kandidat għall-Partit Riformista Demokratiku.

Fl-1993, hu ġie inkarigat bħala president ta' OCP Construcciones SA. Fl-1997, wara l-fużjoni ta' OCP ma' Gines y Navarro taħt l-isem il-ġdid Actividades de Construcción y Servicios, S.A. (ACS), hu ġie maħtur bħala president tal-kumpanija l-ġdida.

Pérez ipprova għall-ewwel darba għall-presidenza ta' Real Madrid fl-1995. Hu ikkritika s-sitwazzjoni finanzjarja kritika tal-klabb u l-allegat ġestjoni ħażina tal-bord, imma tilef l-elezzjoni għad-danni ta' Ramón Mendoza b'700 vot.

Real Madrid[immodifika | immodifika s-sors]

It-tieni attentat tiegħu kien aktar sodisfaċenti meta fis-sena 2000 ħa l-post ta' president fejn għeleb l-isfida taċ-ċermen tal-klabb Lorenzo Sanz. Sanz assuma li r-rebħiet riċenti tal-klabb fit-Tazza taċ-Ċampjins tal-1998 u tas-sena 2000 kienu se jagħtuh vantaġġ fl-elezzjoni, imma l-kampanja ta' Pérez kienet telenka l-problemi finanzjarji li kien jinsab fihom il-klabb u għajdut ta' ġestjoni ħażina tal-bord preċedenti, ippruvaw il-kontra. Il-wegħda ta' Pérez li jġib lil Luís Figo mill-arċirivali Barcelona lagħbet rwol deċiżiv fl-elezzjoni. Florentino Pérez reġa' ġie elett fl-2004 b'94.2% tal-voti totali.

Luís Figo immarka l-bidu tal-politika ta' Pérez li jattira kull staġun lejn Real Madrid l-aqwa plejers tal-futbol. L-istrateġija għall-bidu kienet magħrufa bħala Zidanes y Pavones imma l-plejers kienu jiġu riferuti bħala Galácticos. Fl-2001, Zinedine Zidane wasal minn Juventus għar-rekord mondjali. Warajh waslu Ronaldo fl-2002, David Beckham fl-2003, Michael Owen fl-2004 u Robinho fl-2005. Għall-bidu, il-politika ta' Perez bdiet tagħti l-frott minħabba li kull 'Galactico' bena kull skwadra madwar il-plejer, u kellhom bilanċ tajjeb bejn l-attakk u d-difiża. Fl-ewwel snin taħt il-gwida ta' Real Madrid, il-klabb rebaħ żewġ kampjonati u żied is-seba' Tazza taċ-Ċampjins, rekord tal-kompetizzjoni.

Florentino Pérez kien stqarr li kien irnexxielu li jeħles mid-djun tal-klabb, però d-direttur Ramón Calderón ikkontradixxa dak li ntqal.

Wara l-istaġun 2002–03, Pérez keċċa lill-kowċ Vicente Del Bosque minkejja li kien għadu kif kiseb it-titlu tal-kampjonat għad-29 fl-istorja tal-klabb. Kien mifhum li fi ħdan il-klabb kien hemm diviżjoni politika, b'Del Bosque u l-plejers tiegħu (Fernando Hierro, Fernando Morientes, Steve McManaman u Claude Makélélé) fuq naħa, u Pérez fuq in-naħa l-oħra tal-ħabel. Il-plejers imsemmijin kollha ħallew 'l-klabb fl-2003 hekk kif Pérez ipprova jerġa' jikseb il-kontroll.

Partikularment, Claude Makélélé, wieħed mill-aqwa midfilders difensivi u pedina fundamentali tas-suċċess ta' Real, iddeċieda li jsaqsi għal titjib fil-kuntratt kurrenti tiegħu bis-sosten ta' diversi minn sħabu fosthom Zidane, Raúl, McManaman u Fernando Morientes. Sa dak iż-żmien, Makélélé kien ukoll wieħed mill-inqas membri tal-iskwadra ta' Real Madrid li kienu l-inqas imħallsin, fejn kien jaqla' frazzjoni ta' dak li kien jiġi mħallas lill-Galácticos, imma Pérez irrifjuta li jikkunsidra r-rikjesta ta' Makélélé. B'dan ir-rifjut, Makélélé għamel rikjesta għal trasferiment, fejn mal-ewwel ħalla 'l-klabb biex jingħaqad ma' Chelsea.

It-tluq ta' Makélélé wassal għal aktar numru ta' attakkanti ta' kalibru li ġew mixtrija, fosthom Michael Owen, Júlio Baptista, u Robinho, biex Pérez ikompli mas-sistema tal-"Galacticos". Sfortunatament, il-'galaticos' kollha kienu plejers offensivi, li ġeneralment illimitaw l-irwoli u l-abbilitajiet difensivi, u Pérez falla li jsib sostitut għal Makélélé. Negozjati biex jinxtara Patrick Vieira minn Arsenal fl-2004 fallew, minħabba li Pérez irrifjuta li jħallas salarji kbar għal "plejers difensivi".

Ħafna snin wara li telqu lil Real, McManaman u Morientes stqarrew li Makélélé kien l-iktar midfilder importanti u l-inqas apprezzat, b'dan tal-aħħar jistqarr "It-telfa ta' Makélélé kienet il-bidu tat-tmiem tal-Los Galácticos ... Tista' tara li dan kien min-naħa l-oħra bidu ta' suċċessi għal Chelsea". Mill-istaġun 2003–04 'il quddiem, bl-assenza ta' Del Bosque u Makélélé, Real Madrid fallew li jirbħu trofew.

Minkejja li l-politika ta' Pérez irriżultat f'iktar suċċess finanzjaru ibbażat fuq l-abbuż tal-potenzjal ta' bejgħ tal-klabb madwar id-dinja, speċjalment fl-Asja, hu ġie ikkritikat talli kien aktar qed jiffoka kif iġib 'il quddiem lil Real Madrid fuq il-lat finanzjaru u mhux biżżejjed fuq il-grawnd tal-futbol. Suċċessivament, hu irriżenja fis-27 ta' Frar, 2006, u irrikonoxxa li t-tim u l-klabb, flimkien, kellhom bżonn ta' direzzjoni ġdida.

Nhar l-14 ta' Marzu, 2009, Pérez uffiċjalment ħabbar il-kandidatura għall-presidenza ta' Real Madrid.[1] Minħabba li sal-1 ta' Ġunju 2009, hu kien l-uniku kandidat, Pérez ġie proklamat bħala l-president il-ġdid ta' Real Madrid.[2]

Iffirmar ta' plejers[immodifika | immodifika s-sors]

Klassifika Plejer Minn għand Trasferiment
(£ miljuni)		 Trasferiment
(€ miljuni)		 Sena
1. Wales Gareth Bale Ingilterra Tottenham Hotspur 85.3[3] 100.0[4] 2013
2. Portugall Cristiano Ronaldo Ingilterra Manchester United 80.0[5] 94.0[6] 2009
3. Franza Zinedine Zidane Italja Juventus 46.0[7] 76.0 2001
4. Brażil Kaká Italja Milan 56.8[8] 65.8[9] 2009
5. Portugall Luís Figo Spanja Barcelona 37.0[10] 58.5 2000
6. Brażil Ronaldo Italja Internazionale 28.5[11] 43.0 2002
7. Kroazja Luka Modrić Ingilterra Tottenham Hotspur 32.0 40.0 2012
8. Spanja Xabi Alonso Ingilterra Liverpool 30.0 35.4[12] 2009
9. Ingilterra David Beckham Ingilterra Manchester United 24.5[13] 35.1 2003
10. Franza Karim Benzema Franza Lyon 30.0[8] 35.0[9] 2009
11. Spanja Illarramendi Spanja Sociedad 27.8 32.1[14] 2013
12. Portugall Fábio Coentrão Portugall Benfica 27.1 30.0[15] 2011
13. Spanja Isco Spanja Malaga 23.1 27.0[16] 2013
14. Spanja Sergio Ramos Spanja Sevilla 18.6 27.0[17] 2005
15. Arġentina Ángel di María Portugall Benfica 20.5 25.0[18] 2010
16. Arġentina Walter Samuel Italja Roma 16.8 25.0[19] 2004
17. Brażil Robinho Brażil Santos 16.5[20] 24.0 2005
18. Brażil Júlio Baptista Spanja Sevilla 13.8[21] 20.0 2005
19. Ingilterra Jonathan Woodgate Ingilterra Newcastle United 13.4[22] 19.8 2004
20. Spanja Raúl Albiol Spanja Valencia 12.8 15.0[23] 2009
21. Ġermanja Mesut Özil Ġermanja Werder Bremen 12.3 15.0[24] 2010
22. Ġermanja Sami Khedira Ġermanja Stuttgart 11.4 14.0[24] 2010
23. Franza Claude Makélélé Spanja Celta de Vigo 9.1 14.0[25] 2000
24. Ingilterra Michael Owen Ingilterra Liverpool 8.0[26] 11.9 2004
25. Turkija Nuri Şahin Ġermanja Borussia Dortmund 8.1 10.0[27] 2011
26. Spanja Pedro León Spanja Getafe 8.0 10.0[28] 2010
27. Portugall Ricardo Carvalho Ingilterra Chelsea 6.5 8.0 [29] 2010
28. Spanja Dani Carvajal Ġermanja Bayer Leverkusen 5.5 6.5[30] 2013
29. Brażil Casemiro Brażil São Paulo 5.1 6.0[31] 2013
30. Italja Antonio Cassano Italja Roma 3.8 5.5[32] 2006
31. Spanja Sergio Canales Spanja Racing Santander 3.8 4.5[33] 2010
32. Spanja Esteban Granero Spanja Getafe 3.4 4.0[34] 2009
33. Spanja Álvaro Arbeloa Ingilterra Liverpool 3.0 4.0[35] 2009
34. Urugwaj Pablo García Spanja Osasuna 2.7 4.0[36] 2005
35. Danimarka Thomas Gravesen Ingilterra Everton 2.5[37] 3.6 2005
36. Turkija Hamit Altintop Ġermanja Bayern München B'xejn[38] B'xejn 2011

Plejers immarkati b'tipa ħoxma bħalissa huma fit-tim.

Referenzi[immodifika | immodifika s-sors]

  1. ^ Florentino Perez announces candidacy
  2. ^ (Ingliż) Perez returns unopposed as Real Madrid president. TimesOfMalta.com, 02-06-2009. Aċċess tal-URL: 05-06-2009.
  3. ^ Gareth Bale joins Real Madrid from Spurs in £85m world record deal, BBC.co.uk.
  4. ^ Gareth Bale joins Real Madrid from Spurs in £85m world record deal, BBC.co.uk.
  5. ^ Daniel , Manchester United accept £80m Cristiano Ronaldo bid from Real Madrid, Guardian.co.uk.
  6. ^ OFFICIAL: Manchester United Accept Real Madrid Bid For Ronaldo. Yahoo.com
  7. ^ Zidane. Football Database
  8. ^ a b Jason , Kaka joins Real Madrid from AC Milan in world-record £56million move, Independent.co.uk.
  9. ^ a b AC Milan And Real Madrid Agree Kaka Transfer, Says Spanish Radio. Yahoo.com
  10. ^ Luís Figo. Football Database
  11. ^ Ronaldo. Football Database
  12. ^ Xabi Alonso, Football Database.
  13. ^ Beckham joins Real Madrid, BBC.co.uk, 2003-06-18.
  14. ^ Illaramendi. Real Madrid
  15. ^ Madrid confirm Coentrão transfer from Benfica. UEFA.com
  16. ^ Isco. BBC
  17. ^ Sergio Ramos. Football Database
  18. ^ El Real Madrid hace oficial el fichaje de Di María
  19. ^ Walter Samuel
  20. ^ Real Madrid sign striker Robinho in £16.5m deal, Independent.co.uk, 2005-07-22.
  21. ^ Real pip Arsenal to sign Baptista, BBC.co.uk, 2005-07-29.
  22. ^ Real Madrid sign Woodgate, BBC.co.uk, 2004-08-20.
  23. ^ Real Madrid sign Raul Albiol and step up Karim Benzema chase, Telegraph.co.uk, 2009-06-25.
  24. ^ a b Terms agreed with Real Madrid, vfb.de, 2010-07-30.
  25. ^ Claude Makélélé
  26. ^ Owen unveiled by Real, BBC.co.uk, 2004-08-14.
  27. ^ Official Announcement. 15 ta' Lulju 2010
  28. ^ Official Announcement. realmadrid.com, 2010-07-15
  29. ^ Ricardo Carvalho
  30. ^ Official: Madrid complete £5.5 million Carvajal return. Goal.com
  31. ^ http://www.goal.com/en-gb/news/2892/transfer-zone/2013/06/10/4039686/real-madrid-complete-51-million-casemiro-signing
  32. ^ Madrid unveil Cassano. UEFA.com
  33. ^ Sergio Canales
  34. ^ Real Madrid Re-Sign Esteban Granero From Almeria For €3.5m. RealMadrid.com
  35. ^ Alvaro Arbeloa, New Real Madrid Player. RealMadrid.com
  36. ^ Uruguayan pair make Madrid move. UEFA.com
  37. ^ Gravesen completes switch to Real, BBC.co.uk, 2005-01-14.
  38. ^ Real Madrid complete signing of Hamit Altintop, dailymail.co.uk, 2011-05-11.

Ħoloq esterni[immodifika | immodifika s-sors]

Predeċessur
Lorenzo Sanz 		President ta' Real Madrid
2000–2006

Suċċessur
Fernando Martín

Predeċessur
Vicente Boluda 		President ta' Real Madrid
2009–

Suċċessur
Kariga attwali

Miksub minn "https://mt.wikipedia.org/w/index.php?title=Florentino_Pérez&oldid=248864"