Tomasz Kuszczak
Tomasz Kuszczak  |
||
 |
||
| Informazzjoni personali | ||
|---|---|---|
| Isem sħiħ | Tomasz Kuszczak | |
| Twelid | 20 ta' Marzu 1982 Krosno Odrzańskie |
|
| Pajjiż |  Polonja |
|
| Tul | 1.91 m | |
| Rwol | Gowler | |
| Informazzjoni fuq il-klabb | ||
| Klabb kurrenti | Manchester United | |
| Numru | 29 | |
| Klabbs ġovanili | ||
1999–2000 |
Śląsk Wrocław Uerdingen |
|
| Klabbs professjonali | ||
| Snin | Klabb | Preż (Gwl)* |
| 2000–2004 2004–2007 2006–2007 2007– |
Hertha Berlin West Bromwich Albion → Manchester United (self) Manchester United |
0 (0) 31 (0) 6 (0) 13 (0) |
| Tim nazzjonali | ||
| 2003– | Polonja | 6 (0) |
|
Aġġornament: 08:03, 18 Ġunju 2009 (UTC) |
||
Tomasz Kuszczak (pron. 
[ˈtɔmaʂ ˈkuʂtʂak] (għajnuna·info); Krosno Odrzańskie, 20 ta' Marzu 1982) hu plejer tal-futbol Pollakk, li jilgħab bħala gowler mat-tim tal-Premiership Manchester United u t-tim nazzjonali tal-futbol tal-Polonja.
Kuszczak beda l-karriera tiegħu ma' Śląsk Wrocław fil-Polonja, u suċċessivament ingħaqad mat-timijiet Ġermaniżi ta' KFC Uerdingen 05 u Hertha BSC Berlin, qabel ma' fl-2004 ingħaqad mat-tim Ingliż ta' West Bromwich Albion. Matul is-sajf tal-2006 hu ttrasferixxa mat-tim ta' Manchester United wara staġun mal-ewwel tim ta' West Brom fil-Premiership.
Kuszczak għamel erbatax-il apparenza għat-tim nazzjonali tal-Polonja ta' taħt il-21 sena, u sitt apparenzi mat-tim tal-kbar.
Werrej |
[editja] Karriera
[editja] Hertha Berlin
Kuszczak ingħaqad ma' Hertha Berlin fis-sena 2000, u qatta' sena mat-tim tar-riservi qabel ma kien promoss mal-ewwel tim fl-2001. Hu sussegwentament dam tliet staġuni bħala t-tielet għażla ta' gowler mal-klabb, wara Gábor Király u Christian Fiedler, u naqas biex jagħmel apparenza fil-Bundesliga. Hu kien barra mill-kuntratt ma' Hertha u wara ffirma mat-tim ta' West Brom fl-14 ta' Lulju 2004.[1]
[editja] West Bromwich Albion
Hu ddebutta mat-tim ta' West Brom fit-18 ta' Settembru 2004 f'logħba tal-Premiership kontra Fulham f'The Hawthorns, li spiċċat pari ta' 1-1. Wara hu lagħab partita tal-League Cup kontra Colchester United fil-21 ta' Settembru 2004 fejn Albion tilfu 1–2.
Kuszczak kien bejn il-lasti f'partita waħda tal-Premier League qabel il-logħba ta' West Brom kontra Manchester United fil-partita ta' qabel tal-aħħar tal-istaġun 2004-05, bil-"Baggies" f'battalja tar-relegazzjoni. Hu għamel prestazzjoni tajba ħafna, fejn issostitwixxa lill-ewwel gowler Russell Hoult li kien weġġa' fl-ewwel taqsima. West Brom spiċċaw pari ta' 1–1, b'Kuszczak jibqa' inbattibli għal 68 minuta fil-grawnd. Din il-prestazzjoni tatu l-ewwel unur tal-Plejer tal-Partita fil-Premiership. Il-ġimgħa ta' wara, fl-aħħar partita tal-istaġun kontra Portsmouth, Kuszczak kellu logħba oħra mpressjonanti, fejn West Brom irnexxielhom jirbħu 2–0, u b'hekk jevitaw ir-relegazzjoni. Fl-2005-06, Kuszczak kien suppost kellu jkun il-gowler riserva ta' Chris Kirkland. B'Kirkland imweġġa, Kuszczak għamel l-ewwel apparenza fil-Premiership ta' dak l-istaġun fit-30 ta' Ottubru 2005, imma ma setax jevita lil Newcastle United milli jirbħu 3–0. Il-prestazzjoni tjiebet, fejn irnexxielu jsir il-gowler tal-ewwel għażla. Din kompliet anki jekk Kirkland kien irritorna mill-uġigħ li kien żammu barra.
Fil-15 ta' Jannar 2006, Kuszczak kellu partita mpressjonati kontra Wigan, fejn għamel intervent importanti fuq Jason Roberts, li ippermetta li West Brom biex jirbħu 1–0.
Fis-7 ta' Lulju 2006, kien konfermat mill-kowċ ta' West Bromwich Albion Bryan Robson li Manchester United urew ix-xewqa li jakkwistaw il-plejer għal madwar £2 miljun. Fit-3 ta' Awwissu, West Bromwich Albion irrifjutaw somma ta' £2.5 miljun flimkien mas-self ta' Giuseppe Rossi, għal Kuszczak. Fl-10 ta' Awwissu 2006, Kuszczak ingħaqad ma' Manchester United fejn il-ftehim kien jinvolvi t-trasferiment tal-gowler ta' tmintax-il sena Luke Steele u d-difensur Paul McShane għal West Brom.
[editja] Manchester United
Kuszczak iddebutta fil-Premier League kontra Arsenal fis-17 ta' Settembru 2006 u hu mal-ewwel kiseb ir-rispett ta' diversi partitarji ta' Manchester United hekk kif salva penalty ta' Gilberto Silva. Imma hu, ma setax jipprevjeni l-gowl ta' Emmanuel Adebayor li ta r-rebħa ta' 1–0.
Minkejja li Kuszczak ma lagħabx logħob biżżejjed fil-Premiership għall-istaġun 2006–07, hu xorta rċieva medalja tar-rebbieħa permezz ta' applikazzjoni speċjali lill-Premier League.
Fit-2 ta' Lulju 2007, Manchester United ħabbar li t-trasferiment sar wieħed permanenti.[2]
Fit-8 ta' Mejju, f'partita tal-FA Cup kontra Portsmourh, Kuszczak irċieva karta ħamra wara daħla fuq Milan Baroš.[3] Kuzcszak kien daħal bħala sostitut għal van der Sar li kien weġġa' matul il-logħba, u b'hekk Rio Ferdinand kellu jidħol bejn il-lasti, però ma setax jipprevejeni l-penalty li wassal għall-eliminazzjoni ta' United mill-FA Cup.
[editja] Internazzjonali
Kuszczak iddebutta fil-11 ta' Diċembru 2003 kontra Malta, fejn il-Polonja ħarġu 4-0 rebbieħa.
Minħabba l-prestazzjoni tajba ma' West Brown, hu kien imsejjaħ mat-23 plejer li kienu se jieħdu sehem għall-Polonja fit-Tazza tad-Dinja 2006. Madanakollu, Kuszczak kien ir-riserva tal-gowler Artur Boruc u ma lagħbx matul it-turnew.
F'Mejju tal-2008 hu kien imsejjaħ fl-iskwadra Pollakka għall-Euro 2008 imma kellu jirtira l-parteċipazzjoni tiegħu minħabba uġigħ f'darhu.[4] Postu ħadu l-gowler ta' Korona Kielce Wojciech Kowalewski.
[editja] Unuri
[editja] Klabb
Manchester United
- Premier League: 2006–07, 2007–08 (Applikazzjoni speċjali għat-tnejn li huma)
- Football League Cup: 2009
- Community Shield: 2007
- UEFA Champions League: 2007–08
- Tazza tad-Dinja tal-Klabbs: 2008
[editja] Statistika tal-karriera
| Klabb | Staġun | Kampjonat | Tazza | League Cup | Ewropa | Oħrajn[5] | Total | ||||||
|---|---|---|---|---|---|---|---|---|---|---|---|---|---|
| App | Gowls | App | Gowls | App | Gowls | App | Gowls | App | Gowls | App | Gowls | ||
| Hertha BSC | 2001–02 | ||||||||||||
| 2002–03 | |||||||||||||
| 2003–04 | |||||||||||||
| Total | |||||||||||||
| West Bromwich Albion | 2004–05 | 3 | 0 | 1 | 0 | 1 | 0 | 0 | 0 | 0 | 0 | 5 | 0 |
| 2005–06 | 28 | 0 | 0 | 0 | 2 | 0 | 0 | 0 | 0 | 0 | 30 | 0 | |
| 2006–07 | 0 | 0 | 0 | 0 | 0 | 0 | 0 | 0 | 0 | 0 | 0 | 0 | |
| Total | 31 | 0 | 1 | 0 | 3 | 0 | 0 | 0 | 0 | 0 | 35 | 0 | |
| Manchester United (self) | 2006–07 | 6 | 0 | 5 | 0 | 2 | 0 | 0 | 0 | 0 | 0 | 13 | 0 |
| Manchester United | 2007–08 | 9 | 0 | 1 | 0 | 1 | 0 | 5 | 0 | 0 | 0 | 16 | 0 |
| 2008–09 | 4 | 0 | 0 | 0 | 2 | 0 | 2 | 0 | 0 | 0 | 8 | 0 | |
| Total | 19 | 0 | 6 | 0 | 5 | 0 | 7 | 0 | 0 | 0 | 37 | 0 | |
| Total fil-karriera | 50 | 0 | 7 | 0 | 8 | 0 | 7 | 0 | 0 | 0 | 72 | 0 | |
Korretti sal-24 ta' Mejju 2009[6]
[editja] Referenzi
- ^ (Ingliż) "West Brom bag keeper", 14-07-2004.
- ^ Kuszczak pens four-year United deal. ABC Sport, 2006-08-12. Aċċess tal-URL: 31-10-2008.
- ^ (Ingliż) "Man Utd 0-1 Portsmouth", 08-03-2008.
- ^ (Ingliż) "Poland keeper Kuszczak out of European Championship", 06-06-2008.
- ^ Tinkludi kompetizzjonijiet kompetittivi oħrajn, fejn tinkludi l-FA Community Shield, is-Supertazza Ewropea, it-Tazza Interkontinentali, Tazza tad-Dinja tal-Futbol tal-Klabbs
- ^ (Ingliż) Tomasz Kuszczak. StretfordEnd.co.uk. Aċċess tal-URL: 07-01-2009.
[editja] Ħoloq esterni
- Statistika fuq Soccerbase.com
- Profil fuq BBC
- Profil fuq l-Assoċjazzjoni tal-Futbol Pollakka
|
|||||
