Giuseppe Rossi

Minn Wikipedija, l-enċiklopedija l-ħielsa
Aqbeż lejn: navigazzjoni, fittex
Giuseppe Rossi
Giuseppe Rossi FARE Ambassador.jpg
Informazzjoni personali
Isem sħiħ Giuseppe Rossi
Twelid 1 ta' Frar 1987 (1987-02-01) (26 sena)
Teaneck
Pajjiż Bandiera tal-Istati Uniti Stati Uniti
Nazzjonalità Bandiera tal-Italja Italja
Tul 1.73 m
Rwol Attakkant
Informazzjoni fuq il-klabb
Klabb kurrenti Villarreal
Numru 22
Klabbs ġovanili
2000–2004 Parma
2004–2006 Manchester United
Klabbs professjonali*
Snin Klabb Preż Gwls
2005–2007 Manchester United 5 (1)
2006 → Newcastle United (self) 11 (0)
2007 → Parma (self) 19 (9)
2007– Villarreal 91 (33)
Tim nazzjonali
2008– Italja 14 (3)
* Il-preżenzi u l-gowls fil-karriera professjonali huma validi biss għall-kampjonat domestiku.
Aġġornament: 15:42, 16 Ġunju 2010 (UTC)

Giuseppe Rossi (Teaneck, 1 ta' Frar 1987) hu plejer tal-futbol Taljan, li jilgħab bħala attakkant mal-klabb ta' Villarreal u tat-tim nazzjonali Taljan.

Werrej

Il-bidu[editja]

Rossi twieled f'Teaneck, New Jersey fl-iStati Uniti, minn ġenituri Taljani; missieru, Ferdinando Rossi, kien kowċ tal-futbol u kien jgħallem it-Taljan u l-iSpanjol fl-iskola sekondarja ta' Clifton. Ommu, Cleonilde Rossi, kienet ukoll għalliema tal-lingwi fi Clifton.[1]

Karriera mal-klabbs[editja]

Manchester United[editja]

Ta' tlettax-il sena ġie notat mill-klabb ta' Parma li ġibitu l-Italja fis-sena 2000 u li rawmitu fi ħdan is-settur ġovanili tal-istess klabb. Fis-sajf tal-2004, ta' sbatax-il sena, ġie akkwistat mill-Manchester United.[2] Id-debutt tiegħu mar-Red Devils wasal fl-10 ta' Novembru 2004, fil-partita valida għal-League Cup, kontra Crystal Palace, fejn daħal bħala sostitut. Fil-15 ta' Ottubru 2005, ta' tmintax-il sena, sab ix-xibka għall-ewwel darba fil-Premier League, meta inqas minn għaxar minuti minn x'ħin daħal bħala sostitut kontra Sunderland, skorja t-tielet gowl ta' United minn tmintax-il metru, biex tahom rebħa ta' 3–1.[3] Fit-tieni staġun tiegħu f'Manchester, iddebutta wkoll fil-UEFA Champions League, fejn kiseb żewġ preżenzi, waqt li skorja tliet gowls fit-tazzi nazzjonali. B'hekk temm l-istaġun tiegħu b'4 gowls fi 12-il logħba.

Fil-bidu tal-istaġun 2006–07, Rossi ingħata b'self lil Newcastle United sal-1 ta' Jannar, 2007, biex b'hekk ikun jista' jikseb biżżejjed esperjenza. L-uniku gowl bil-flokk iswed u abjad wasal fil-25 ta' Ottubru, 2006, kontra Portsmouth fit-Tielet Rawnd tal-Carling Cup.[4]

Parma[editja]

Fis-17 ta' Jannar 2007 ġie msellef lil Parma sal-aħħar nofs tal-istaġun.[5]

Skjerat mill-bidu fost l-ewwel ħdax, fil-partita debuttanti tiegħu fil-21 ta' Jannar, hu skorja l-gowl li wassal lill-Parma biex jegħlbu lil Torino 1–0 u biex jirritoraw lura lejn ir-rebħ wara nixfa ta' rebħa li kienet tmur lura lejn l-10 partiti preċedenti. Fis-7 ta' April, fil-partita ġewwa darhom kontra Livorno, hu skorja gowl fil-91 minuta li ta lill-Parma r-rebħa, u reġa' rrepeta dan fit-18 ta' April, meta b'permezz tal-ewwel doppjetta tiegħu fis-Serie A, hu ta rebħa prezzjuża 'l-Parma kontra Fiorentina. Erbat ijiem wara, permezz ta' gowl fir-rebħa ta' 4–3 li Parma għamlu fuq Palermo, din kienet tfisser l-ewwel rebħa tal-klabb barra minn daru għal dak l-istaġun.

Il-prestazzjonijiet tiegħu fid-dsatax-il partita li lagħab,[6] li fihom skorja disa' gowls, wasslu 'l-Parma ta' Claudio Ranieri li jakkwistaw it-tnax-il post, meta salvaw mir-relegazzjoni fl-aħħar ġurnata.

Villarreal[editja]

Wara ż-żmien ta' self ma' Parma, fi tmiem l-istaġun ħafna klabbs Taljani xtaquh, però hu rritorna barra minn pajjiżu. Fil-fatt fl-2007, f'età ta' għoxrin sena, Manchester United ċediet għal offerta ta' 10 miljun ewro mill-klabb Spanjol ta' Villarreal.[7][8] Madanakollu, fil-kuntratt ta' Rossi iddaħlet klawżola li tippermetti lil Manchester United biex ikunu jistgħu jixtruh fil-futur qarib.[9]

Fl-ewwel staġun tiegħu fi Spanja sar plejer determinanti għas-"Sottomarin isfar": minkejja diversi problemi fiżiċi, hu rnexxielu jiskorja 11-il gowl f'27 partita fil-Liga, u kkontribwixxa għat-tieni post storiku fil-kampjonat li ta post awtomatiku fil-fażi tal-gruppi taċ-Champions League. Fl-istaġun suċċessiv, Rossi ibrilla fiċ-Champions League fejn skorja tliet gowls, waqt li kompla jikkonferma ruħu fil-kampjonat, meta skorja 12-il gowl fi 30 partita.

Internazzjonali[editja]

Rossi irrapreżenta lill-Italja fi kważi kull livell ġovanili, mit-tim ta' taħt is-16-il sena, sat-tim ta' taħt il-21 sena. Minkejja li fl-2006 ġie mistieden mill-kowċ tat-tim nazzjonali tal-iStati Uniti, Bruce Arena, biex jieħu sehem f'sessjoni ta' taħriġ mat-tim fi preparazzjoni għat-Tazza tad-Dinja, Rossi irrifjuta din l-offerta fejn stqarr ix-xewqa li jilgħab għall-Italja. Hu skorja erba' gowls fl-Olimpjadi tas-sajf 2008, biex sar l-aqwa skorer tat-turnew, minkejja li l-iskwadra Taljana waslet biss sal-kwarti tal-finali.

Il-kowċ tat-tim nazzjonali Taljan Marcello Lippi, sejjaħ lil Rossi fost l-iskwadra tiegħu f'Ottubru tal-2008, fejn iddebutta bħala sostitut fit-tieni taqsima fil-partita tal-11 ta' Ottubru kontra l-Bulgarija, partita valida mill-fażi ta' kwalifikazzjoni għat-Tazza tad-Dinja 2010. L-ewwel gowl tiegħu mal-Azzurri wasal kontra l-Irlanda ta' Fuq, f'partita ta' ħbiberja li ntlagħbet fis-6 ta' Ġunju, 2009. Hu wkoll skorja żewġ gowls kontra l-iStati Uniti fl-ewwel partita tal-Italja fit-Tazza tal-Konfederazzjonijiet 2009 fil-15 ta' Ġunju 2009, ġewwa l-Afrika t'Isfel.[10]

Gowls internazzjonali[editja]

# Data Stadju Avversarju Riżultat Kompetizzjoni
1. 6 ta' Ġunju 2009 Pisa, Italja Ulster banner.svg Irlanda ta' Fuq 3–0 Logħba ta' ħbiberija
2. 15 ta' Ġunju 2009 Pretorja, Afrika t'Isfel Flag of the United States.svg Stati Uniti 3–1 Tazza tal-Konfederazzjonijiet 2009
3. 15 ta' Ġunju 2009 Pretorja, Afrika t'Isfel Flag of the United States.svg Stati Uniti 3–1 Tazza tal-Konfederazzjonijiet 2009

Unuri[editja]

Klabb[editja]

Ingilterra Manchester United

Individwali[editja]

  • L-Aqwa Skorer tal-Olimpjadi: 2008 (4 gowls)

Referenzi[editja]

  1. ^ Jeré Longman. (Ingliż) Young Soccer Star Is Close to Completing His Italian Dream. The New York Times, 09-06-2009. Aċċess tal-URL: 13-06-2009.
  2. ^ (Ingliż) Andrea Canales. "My Country, 'Tis of Thee", 30-11-2005.
  3. ^ (Ingliż) Sunderland 1-3 Man Utd. BBC Sport, 15-10-2005. Aċċess tal-URL: 03-04-2009.
  4. ^ (Ingliż) "Newcastle 3-0 Portsmouth", 25-10-2006.
  5. ^ (Ingliż) "Man Utd agree Parma loan deal for Rossi", 18-01-2007.
  6. ^ (Ingliż) Giuseppe Rossi. ESPN. Aċċess tal-URL: 03-04-2009.
  7. ^ (Ingliż) Ben Hibbs. "Rossi to join Villarreal", 07-07-2007.
  8. ^ (Spanjol) "El Villarreal ficha al delantero Giuseppe Rossi", 31-07-2007.
  9. ^ (Ingliż) "Man Utd sell Rossi to Villarreal", 01-08-2007.
  10. ^ (Ingliż) USA 1-3 Italy. 15-06-2009

Ħoloq esterni[editja]

a • d • m
Skwadra Taljana – Tazza tal-Konfederazzjonijiet 2009
1 Buffon • 2 Santon • 3 Grosso • 4 Chiellini • 5 Cannavaro • 6 Legrottaglie • 7 Pepe • 8 Gattuso • 9 Toni • 10 De Rossi • 11 Gilardino • 12 De Sanctis • 13 Gamberini • 14 Amelia • 15 Iaquinta • 16 Camoranesi • 17 Rossi • 18 Palombo • 19 Zambrotta • 20 Montolivo • 21 Pirlo • 22 Dossena • 23 Quagliarella • Kowċ: Lippi
 Italja
a • d • m
Villarreal CF – skwadra attwali

1 Mariño · 2 Mario · 3 Oriol · 4 Musacchio · 5 Truyols · 6 Mellberg · 7 Toribio · 8 Uche · 9 Cavenaghi · 10 Cani · 11 Pérez · 14 Trigueros · 17 Venta · 18 J. Costa · 19 Senna · 21 Bruno · 22 Rossi · 23 Bordas · 25 Juan Carlos · 27 Moi · 28 Lejeune ·  Pandiani · Kowċ: Velázquez
Miġjub minn "http://mt.wikipedia.org/w/index.php?title=Giuseppe_Rossi&oldid=215345"