Wilhelm Grimm

Wilhelm Grimm
Membru tal-Parlament ta' Frankfurt
Ħajja
Isem propju	Wilhelm Karl Grimm
Twelid	Hanau, 24 Frar 1786, 1786
Nazzjonalità	Landgravjat ta' Hesse-Kassel Renju tal-Prussja
Mewt	Berlin, 16 Diċembru 1859
Post tad-dfin	Alter St.-Matthäus-Kirchhof Berlin
Familja
Missier	Philipp Grimm
Omm	Dorothea Grimm
Konjuga/i	Dorothea Grimm
Ulied	uri Herman Grimm (en)
Aħwa	uri Jacob Grimm Charlotte Amalie Grimm (en) Ludwig Emil Grimm (mul) Carl Friedrich Grimm (en) Ferdinand Philipp Grimm (en)
Edukazzjoni
Alma mater	Università ta' Marburg Università Humboldt ta’ Berlin
Lingwi	Ġermaniż Daniż
Studenti	uri Leo Meyer (mul) Clemens Friedrich Meyer (mul)
Okkupazzjoni
Okkupazzjoni	lessikografu antropologu librar kittieb librar tad-dritt kittieb tal-kotba tat-tfal pedagoġiku lingwista studjuż letterarju studjuż tal-Ġermaniż ġurist għalliem fl-università mitografu kollezzjonista tal-ħrejjef filologu
Post tax-xogħol	Hanau Kassel Marburg Göttingen Berlin
Impjegaturi	Università ta' Göttingen Università Friedrich-Wilhelms
Xogħlijiet importanti	Grimms' fairy tales (en)
Sħubija	Akkademja tax-Xjenzi Prussjana Akkademja tax-Xjenzi ta' Göttingen Akkademja Bavarjana tax-Xjenzi Royal Swedish Academy of Letters, History and Antiquities (en) Koninklijke Nederlandse Akademie van Wetenschappen
Moviment	romantiċiżmu

Wilhelm Carl Grimm (ġieli miktub Wilhelm Karl Grimm; twieled fl-24 ta' Frar 1786 – miet fis-16 ta' Diċembru 1859) kien awtur u antropologu Ġermaniż, u ħu ż-żgħir ta' Jacob Grimm, tal-Aħwa Grimm famużi fil-letteratura.

Ħajja u xogħol

Wilhelm twieled fl-24 ta' Frar 1786 f'Hanau, f'Hesse-Kassel. Fl-1803, huwa beda jistudja l-liġi fl-Università ta' Marburg, sena wara li kien beda jistudha hemmhekk ħuh Jacob. Iż-żewġ aħwa qattgħu ħajjithom kollha qrib xulxin. Meta kienu jmorru l-iskola, kellhom sodda waħda u mejda waħda komuni għalihom it-tnejn; bħala studenti, kellhom żewġ sodod u żewġ imwejjed fl-istess kamra. Huma dejjem għexu taħt l-istess saqaf flimkien u kienu jaqsmu l-istess kotba u affarijiet.

Fl-1825, meta kellu 39 sena, Wilhelm iżżewwġ bint l-ispiżjar Henriette Dorothea Wild, magħrufa wkoll bħala Dortchen. Iż-żwieġ ta' Wilhelm ma bidilx l-armonija bejn iż-żewġ aħwa. Richard Cleasby żar lill-aħwa u osserva li "it-tnejn li huma jgħixu fl-istess dar, u tant jgħixu f'armonija u bħala komunità li wieħed kważi jistħajjel jimmaġina li t-tfal kienu proprjetà tat-tnejn."

Il-karattru ta' Wilhelm kien f'kuntrast għalkollox ma' dak ta' ħuh. Meta kien għadu tifel, huwa kien b'saħħtu u f'saħħtu, iżda meta kiber huwa bata minn marda twila u kiefra li ħallietu dgħajjef għal għomru kollu. Huwa kellu moħħ inqas komprensiv u enerġetiku minn dak ta' ħuh, u kellu inqas spirtu ta' investigazzjoni. Kien jippreferi jibqa' kkonfinat f'qasam limitat u ċirkoskritt sew ta' xogħol. Huwa uża dak kollu li kellu x'jaqsam direttament mal-istudji tiegħu u injora l-kumplament. Dawn l-istudji kienu kważi dejjem ta' natura letterarja.

Wilhelm kien tassew għal qalbu jitgħallem il-mużika, filwaqt li ħuh kienet togħġbu b'mod moderat, u hu kellu don notevoli biex jirrakkonta l-istejjer. Cleasby jistqarr li "Wilhelm qara xorta ta' farsa miktuba bid-djalett ta' Frankfurt, u wera l-"malheurs" ta' ħaddiem tas-sengħa minn Frankfurt fuq btala l-Ħadd. Kienet storja ċajtiera ħafna, u hu rrakkontaha b'mod ammirevoli." Cleasby jiddeskrivieh bħala "bniedem ferrieħi u fuq tiegħu." B'hekk, ħafna fis-soċjetà kienu jfittxuh, u hu kien jiltaqa' ma' ħafna nies għad-differenza ta' ħuh.

Kollezzjoni ta' ħrejjef ġiet ippubblikata għall-ewwel darba fl-1812 mill-aħwa Grimm, magħrufa bħala l-Ħrejjef tal-Aħwa Grimm.

Mill-1837 sal-1841, l-aħwa Grimm ingħaqdu ma' ħames professuri sħabhom fl-Università ta' Göttingen u ffurmaw grupp magħruf bħala l-Göttinger Sieben (Is-Seba' ta' Göttingen). Huma pprotestaw kontra Ernest Augustus, ir-Re ta' Hannover, u akkużawh li kasbar il-kostituzzjoni. Is-seba' li huma tkeċċew mir-re.

Wilhelm Grimm miet f'Berlin minħabba infezzjoni meta kellu 73 sena, nhar is-16 ta' Diċembru 1859.

L-oqbra tal-familja Grimm

Tfal

Wilhelm u Henriette kellhom erbat itfal flimkien:

• Jacob (twieled fit-3 ta' April 1826 – miet fil-15 ta' Diċembru 1826)
• Herman Friedrich (twieled fis-6 ta' Jannar 1828 – miet fis-16 ta' Ġunju 1901); kittieb magħruf ukoll
• Rudolf Georg (twieled fil-31 ta' Marzu 1830 – miet fit-13 ta' Novembru 1889)
• Barbara Auguste Luise Pauline Marie (twieldet fil-21 ta' Awwissu 1832 – mietet fid-9 ta' Frar 1919)