Ritchie De Laet

Minn Wikipedija, l-enċiklopedija l-ħielsa
Jump to navigation Jump to search
Ritchie De Laet
Ritchie De Laet-Carrington,April2010.jpg
Informazzjoni personali
Isem sħiħRichard De Laet
Twelid28 ta' Novembru 1988 (1988-11-28) (30 sena)
Antwerp
PajjiżBandiera tal-Belġju Belġju
Tul1.86 m
RwolDifensur
Informazzjoni fuq il-klabb
Klabb kurrentiLeicester City
Numru2
Klabbs ġovanili
1994–1998Hoboken
1998–1999Mechelen
1999–2004Hoboken
2005–2006Royal Antwerp
Klabbs professjonali*
SninKlabbPreżGwls
2006–2007Royal Antwerp9(0)
2007–2009Stoke City0(0)
2008→ Wrexham (self)3(0)
2009–2012Manchester United3(0)
2010→ Sheffield United (self)6(0)
2010→ Preston North End (self)4(0)
2011→ Portsmouth (self)22(0)
2011–2012→ Norwich City (self)6(1)
2012–Leicester City41(1)
Tim nazzjonali
2009–Belġju2(0)
* Il-preżenzi u l-gowls fil-karriera professjonali huma validi biss għall-kampjonat domestiku.
Aġġornament: 05:42, 16 Awwissu 2013 (UTC)

Richard "Ritchie" De Laet (Antwerp, 28 ta' Novembru 1988) hu plejer tal-futbol Belġjan li attwalment jilgħab mat-tim ta' Leicester City.

Karriera[immodifika | immodifika s-sors]

Stoke City[immodifika | immodifika s-sors]

De Laet ingħaqad ma' Stoke City għal somma inizzjali ta' £100,000, nhar is-17 ta' Awwissu 2007, mill-klabb Belġjan ta' Royal Antwerp, fejn iffirma kuntratt ta' tliet snin.[1]

F'Ottubru tal-2008, ingħaqad għal xahar taħt self mat-tim ta' Wrexham, fejn iddebutta fir-rebħa ta' 2–0 fuq Lewes fil-Conference National. Matul iż-żmien tiegħu mal-klabb għamel total ta' tliet dehriet, imma l-perjodu ta' self kellu jintemm qabel minħabba li kellu jagħmel operazzjoni fl-ernja.[2]

Manchester United[immodifika | immodifika s-sors]

Nhar it-8 ta' Jannar 2009, De Laet iffirma kuntratt għal tliet snin ma' Manchester United. Is-somma ta' ingaġġ imħallsa minn Manchester United tiddependi mill-prestazzjonijiet ta' De Laet mal-klabb.[3] Wara li ngħaqad ma' United, De Laet beda jilgħab mat-tim tar-riservi. F'Marzu tal-2009, De Laet ġie mniżżel fost il-ħames plejers 'il fuq minn 18-il sena, li ntgħażlu f'isem it-tim ta' taħt it-tmintax-il sena ta' Manchester United biex jipparteċipaw fit-Torneo Calcio Memorial Claudio Sassi-Sassuolo. Hu lagħab tlieta mill-ħames partiti, u skorja penalty fir-rebħa ta' 5–3 bl-għoti tal-penalties fuq Modena biex poġġa lir-Red Devils fil-finali, mirbuħa 1–0 fuq Ajax.[4]

De Laet ingħata l-ewwel sejħa mal-ewwel tim meta iddebutta fl-24 ta' Mejju 2009, fejn lagħab bħala difensur xellugi fl-aħħar ġurnata tal-kampjonat tal-istaġun 2008–09 kontra Hull City.[5]

Bl-opportunitajiet mal-klabb minn Manchester ikunu ftit, nhar is-17 ta' Ġunju 2011, De Laet issieħeb mat-tim promoss ta' Norwich City b'self għal sena. Magħom iddebutta fid-dro ta' 1–1 kontra Wigan Athletic. Nhar il-21 ta' Awwissu skorja l-ewwel gowl tiegħu għal Norwich kontra l-eks-klabb tiegħu, Stoke City, fi dro ta' 1–1. Fit-18 ta' Jannar 2012, De Laet irritorna lura lejn United wara li l-perjodu ta' self tiegħu ġie mħassar.[6]

Leicester City[immodifika | immodifika s-sors]

Fl-14 ta' Mejju 2012, De Laet iffirma kuntratt ta' tliet snin ma' Leicester City.[7] Hu skorja l-ewwel gowl tiegħu fl-1 ta' Jannar 2013, fir-rebħa kbira ta' 6–1 fuq Huddersfield Town.

Internazzjonali[immodifika | immodifika s-sors]

Ftit ġranet wara d-debutt bil-flokk ta' Manchester United, De Laet ġie msejjaħ fl-iskwadra Belġjana għat-Tazza Kirin għall-pariti kontra ċ-Ċili u l-Ġappun. Id-debutt tiegħu wasal fid-29 ta' Mejju 2009 kontra ċ-Ċili.

Referenzi[immodifika | immodifika s-sors]

  1. ^ (Ingliż) De Laet Signs!. Stoke City FC, 17 ta' Awwissu 2007. Aċċess tal-URL: 17 ta' Awwissu 2007.
  2. ^ (Ingliż) Tsiaklis agrees Wrexham extension, 2 ta' Diċembru 2008. Aċċess tal-URL: 2 ta' Frar 2009.
  3. ^ (Ingliż) Man Utd sign De Laet from Stoke, British Broadcasting Corporation, 8 ta' Jannar 2009. Aċċess tal-URL: 2 ta' Frar 2009.
  4. ^ (Ingliż) Steve Bartram, Reds reign in Italy, ManUtd.com, 1 ta' April 2009. Aċċess tal-URL: 17 ta' April 2009.
  5. ^ (Ingliż) Ian Hughes, Hull 0-1 Man Utd, BBC Sport, 24 ta' Mejju 2009. Aċċess tal-URL: 7 ta' Ġunju 2009.
  6. ^ (Ingliż) Norwich cancel De Laet loan, Sky Sports, 18 ta' Jannar 2012. Aċċess tal-URL: 18 ta' Jannar 2012.
  7. ^ (Ingliż) Leicester buy Man Utd's Ritchie De Laet & Matthew James, BBC Sport, 16 ta' Mejju 2012. Aċċess tal-URL: 16 ta' Mejju 2012.

Ħoloq esterni[immodifika | immodifika s-sors]

Miksub minn "https://mt.wikipedia.org/w/index.php?title=Ritchie_De_Laet&oldid=228679"