Pascal Zuberbühler

Minn Wikipedija, l-enċiklopedija l-ħielsa
Jump to navigation Jump to search
Pascal Zuberbühler
Zubi061115.jpg
Informazzjoni personali
Twelid8 ta' Jannar 1971 (1971-01-08) (47 sena)
Frauenfeld
PajjiżBandiera tal-Iżvizzera Żvizzera
Tul1.97 m
RwolGowler
Klabbs ġovanili
1983–1992Frauenfeld
Klabbs professjonali*
SninKlabbPreżGwls
1992–1999Grasshoppers187(0)
1999–2006Basel178(0)
2000Aarau (self)2(0)
2000–2001Bayer Leverkusen (self)13(0)
2006–2007West Bromwich Albion15(0)
2007–2008Neuchâtel Xamax51(0)
2008–2011Fulham0(0)
Tim nazzjonali
1994–2008Żvizzera51(0)
* Il-preżenzi u l-gowls fil-karriera professjonali huma validi biss għall-kampjonat domestiku.
Aġġornament: 15:41, 6 Settembru 2010 (UTC)

Pascal Zuberbühler (Frauenfeld, 8 ta' Jannar 1971) huwa eks-futboler Żvizzeru li kien jilgħab bħala gowler.

Karriera[immodifika | immodifika s-sors]

Klabb[immodifika | immodifika s-sors]

Zuberbühler lagħab 187 logħba fil-kampjonat għal Grasshopper Zürich bejn l-1991 u l-1999, fejn matul dan il-perjodu rebaħ is-Super League Żvizzera tliet darbiet u t-Tazza Żvizzera darba. Ma' Basel lagħab total ta' 217-il logħba fil-kompetizzjonijiet kollha, fejn rebaħ il-kampjonat għal tliet darbiet oħra u t-Tazza Żvizzera darbtejn. Matul dan iż-żmien, jibqa' mfakkar għall-prestazzjoni eċċellenti li wettaq fil-partita kontra Liverpool fil-UEFA Champions League, fil-pari ta' 1–1. Waqt il-perjodu ta' self ma' Bayer Leverkusen hu lagħab tlettax-il partita fil-Bundesliga u ħamsa fiċ-Champions League.

Fl-14 ta' Lulju, 2006, iffirma kuntratt ta' sentejn ma' West Bromwich Albion.[1] Id-debutt kompetittiv tiegħu wasal kontra Hull City fit-trijonf ta' 2–0 nhar il-5 ta' Awwissu, 2006. Madanakollu, ftit li xejn għamel suċċess mal-Baggies u ma baqax jissejjaħ mal-ewwel ħdax taħt il-kowċ il-ġdid Tony Mowbray. Zuberbühler reġa' ġie skjerat mal-ewwel ħdax wara li Russell Hoult ġie sospiż, u rrisponda bi prestazzjoni sodisfaċenti fir-rebħa ta' 3–0 fl-FA Cup kontra r-rivali Wolves. Din kellha tkun l-aħħar logħba tiegħu mal-klabb. Bil-wasla ta' Dean Kiely, Zuberbühler sab postu fit-tim iktar insigur, aktar u aktar biċ-ċans li ma jintgħażilx mal-iskwadra għall-Kampjonati Ewropej tal-2008. Wara iffirma kuntratt ta' 18-il xahar mal-klabb ta' Neuchâtel Xamax.[2]

F'Awwissu 2008, Zuberbühler reġa' rritorna fl-ogħla diviżjoni Ingliża, din id-darba ma' Fulham, fejn iffirma kuntratt ta' sena. Hu kien fuq il-bank tas-sostituti fil-finali tal-UEFA Europa League 2009–10.

Internazzjonali[immodifika | immodifika s-sors]

Zuberbühler deher 51 darba mat-tim nazzjonali Żvizzeru u kien membru tal-iskwadra Żvizzera fl-Euro 2004, l-Euro 2008 u t-Tazza tad-Dinja 2006. Fit-Tazza tad-Dinja tal-2006, hu rnexxielu ma jsofrix gowl fl-erba' logħbiet tal-Iżvizzeri kontra Franza, il-Korea t'Isfel, it-Togo u l-Ukrajna. L-Iżvizzera huwa l-uniku tim fl-istorja tal-kompetizzjoni li ġew eliminati mingħajr ma sofru gowl fil-ħin normali. Zuberbühler iżomm ir-rekord għall-aktar logħbiet f'turnew inernazzjonali mingħajr ma sofra gowl (ħames partiti). Fil-11 ta' Ġunju, hu lagħab l-aħħar logħba tiegħu bil-flokk tal-Iżvizzera f'rebħa ta' 2–0 fuq il-Portugall fil-Kampjonati Ewropej tal-2008.

Referenzi[immodifika | immodifika s-sors]

  1. ^ (Ingliż) West Brom sign keeper Zuberbuhler. BBC Sport, 14-07-2006. Aċċess tal-URL: 19-05-2007.
  2. ^ (Ingliż) Zuberbuhler ends West Brom spell. BBC Sport, 14-02-2007. Aċċess tal-URL: 12-06-2007.

Ħoloq esterni[immodifika | immodifika s-sors]