Mario Evaristo

Mario Evaristo
Informazzjoni personali
Isem sħiħ	Marino Evaristo
Twelid	10 ta' Diċembru 1908; Buenos Aires, Arġentina
Mewt	30 ta' April 1993 (84 sena); Quilmes
Tul	1.70 m
Rwol	Midfilder
Mixtliet
	Sportivo Palermo
Karriera professjonali
Snin	Klabb
1926–1931	Boca Juniors
1932	Sportivo Barracas
1933–1935	Independiente
1935–1936	Genoa
1936–1938	Antibes
1938–1939	Nice
	Independiente
Tim nazzjonali
1929–1930	Arġentina

Marino "Mario" Evaristo (twieled fl-10 ta' Diċembru 1908 – miet fit-30 ta' April 1993) kien plejer tal-futbol Arġentin li kien jilgħab bħala midfilder. Kien imlaqqam bħala El Galgo.

Karriera

Wara li beda ma' Sportivo Palermo Buenos Aires, ingħaqad ma' Boca Juniors fejn magħhom qatta' ħames staġuni bejn l-1926 u l-1931. Magħhom rebaħ żewġ kampjonati tad-dilettanti tal-1926 u l-1930, u fl-1931 rebaħ l-ewwel kampjonat professjonali li qatt sar ġewwa l-Arġentina.

Fl-1932 ħalla lil Boca sabiex jingħaqad ma' Sportivo Barracas fejn magħhom rebaħ it-tliet kampjonat professjonali. L-esperjenza tiegħu mal-klabb damet biss sena, fejn fl-aħħar issieħeb mal-Independiente. Anke mat-tim minn Avellaneda qatta' biss staġun wieħed.

Fl-1935 ittrasferixxa l-Ewropa, speċifikament l-Italja, mat-tim ta' Genoa. Magħhom lagħab 11-il darba u skorja 4 gowls. L-esperjenza mar-rossoblu kienet ukoll waħda qasira, u s-sena ta' wara mar Franza ma' Antibes. Iż-żmien fil-kontinent Ewropew spiċċat mal-klabb ta' Nizza fl-1939.

Hu temm il-karriera tiegħu lura f'art twelidu mal-Independiente.

Internazzjonali

Evaristo lagħab għall-Arġentina 9 darbiet, fejn skorja 3 gowls. Fl-1929, mat-tim nazzjonali hu rebaħ il-Copa América fejn skorja 3 gowls. Is-sena ta' wara ħa sehem fl-ewwel edizzjoni tat-Tazza tad-Dinja li saru fl-Urugwaj. Mal-albiceleste wasal sal-finali u Evaristo kien fost il-ħdax-il plejer li beda fit-telfa ta' 4–2.

Unuri

Klabb

Boca Juniors

Primera División: 1926, 1930, 1931

Sportivo Barracas

Campeonato de la AAAF: 1932

Nazzjonal

Campeonato Sudamericano de Football: 1929

Ħoloq esterni

Mario Evaristo – rekord kompetittiv tal-FIFA (arkivjat)
(ES) Statistika fuq Historia de Boca