Lucien Laurent

Lucien Laurent
Informazzjoni personali
Isem sħiħ	Lucien Laurent
Twelid	10 ta' Diċembru 1907; Saint-Maur-des-Fossés, Franza
Mewt	11 ta' April 2005 (97 sena); Besançon
Tul	1.60 m
Rwol	Attakkant
Karriera professjonali
Snin	Klabb
1921–1930	CA Paris
1930–1932	Sochaux
1932–1933	Club Français
1933–1934	CA Paris
1934–1935	Mulhouse
1935–1936	Sochaux
1936–1937	Rennes
1937–1939	Strasbourg
1943–1946	Besançon
Tim nazzjonali
1930–1935	Franza

Lucien Laurent (twieled fl-10 ta' Diċembru 1907 – miet fil-11 ta' April 2005) kien plejer tal-futbol Franċiż. Hu jibqa' famuż minħabba li kien il-plejer li skorja l-ewwel gowl fl-istorja tat-Tazza tad-Dinja.

Karriera

Bejn l-1921 u l-1931 Laurent lagħab mat-tim semiprofessjonali ta' Cercle Athlétique de Paris, qabel ma ssieħeb ma' Sochaux, li f'dak iż-żmien kienet it-tim tax-xogħol tal-manifattur tal-karozzi Peugeot, fejn kien jaħdem. Fis-snin li segwew dar diversi timijiet, sakemm faqqet it-Tieni Gwerra Dinjija u ġie msejjaħ mal-armata Franċiża. Matul il-gwerra nqabad bħala priġunier mill-Ġermaniżi u wara li qatta' tliet snin bħala priġunier fl-1943 irritorna għall-futbol ma' Besançon fejn magħhom għalaq il-karriera tiegħu fl-1946.

Laurent iddebutta mat-tim nazzjonali Franċiż nhar it-23 ta' Frar 1930 f'logħba ta' ħbiberija kontra l-Portugall ġewwa Porto, li Franza tilfu 2–0. Hu, flimkien ma' ħuh, ġew magħżula mal-iskwadra Franċiża għat-Tazza tad-Dinja 1930 ġewwa l-Urugwaj, l-ewwel waħda fl-istorja. Għal din l-okkażjoni hu ngħata permess speċjali ta' "futboler-ħaddiem". Hu lagħab fl-ewwel logħba kontra l-Messiku fit-13 ta' Lulju 1930. Franza rebħu l-partita 4–1, b'Laurent jiskorja l-ewwel gowl fl-istorja tat-Tazza tad-Dinja.

“ Meta skorjajt il-gowl kelli ferħ normali, dak ta' gowl flimkien ma' sħabi. Kien hemm biss bews u ċapċip tal-idejn qabel mal-partita reġgħet bdiet. F'dak il-ħin l-anqas saqsejt il-mistoqsija jekk dan kienx l-ewwel gowl tat-Tazza tad-Dinja. Ma rrealizzajtx. ”

—Lucien Laurent dwar il-gowl

Minkejja r-rebħa kontra l-Messiku, Franza ġiet eliminata wara li tilfet iż-żewġ partiti ta' wara kontra l-Arġentina u ċ-Ċili. Fl-ewwel logħba Laurent kien mal-ewwel ħdax però kellu jiġi sostitwit wara li weġġa' f'konfront ma' Luis Monti li ħallietu barra mil-logħba ta' wara.^[1]

Mat-tim nazzjonali Franċiż Laurent lagħab 10 partiti fejn skorja żewġ gowls.

Statistika

Logħbiet internazzjonali

Dehriet u gowls internazzjonali – Franza
Data	Belt	Ġo darhom	Riżultat	Ospiti	Kompetizzjoni	Gowls
23 ta' Frar 1930	Porto	Portugall	2–0	Franza	Logħba ta' ħbiberija
13 ta' April 1930	Colombes	Franza	1–6	Belġju	Logħba ta' ħbiberija
13 ta' Lulju 1930	Montevideo	Franza	4–1	Messiku	Tazza tad-Dinja 1930	1
15 ta' Lulju 1930	Montevideo	Arġentina	1–0	Franza	Tazza tad-Dinja 1930
15 ta' Marzu 1931	Colombes	Franza	1–0	Ġermanja	Logħba ta' ħbiberija
14 ta' Mejju 1931	Colombes	Franza	5–2	Ingilterra	Logħba ta' ħbiberija	1
29 ta' Novembru 1931	Colombes	Franza	3–4	Netherlands	Logħba ta' ħbiberija
20 ta' Marzu 1932	Berna	Żvizzera	3–3	Franza	Logħba ta' ħbiberija
10 ta' April 1932	Colombes	Franza	1–2	Italja	Logħba ta' ħbiberija
19 ta' Mejju 1935	Colombes	Franza	2–0	Ungerija	Logħba ta' ħbiberija
Total		Preżenzi	10		Gowls	2

Referenzi

^ John F. Molinaro. cbc.ca (ed.). "Lucien Laurent: the World Cup's first goal scorer" (bl-Ingliż). Arkivjat mill-orġinal fl-2011-05-11. Miġbur 2012-06-12.

Ħoloq esterni

(FR) Profil fuq is-sit tal-federazzjoni Franċiża

[1] John F. Molinaro. cbc.ca (ed.). "Lucien Laurent: the World Cup's first goal scorer" (bl-Ingliż). Arkivjat mill-orġinal fl-2011-05-11. Miġbur 2012-06-12.

[1]