Aqbeż għall-kontentut

Lista ta' Siti ta' Wirt Dinji f'Kuba

Minn Wikipedija, l-enċiklopedija l-ħielsa
Trinidad, Kuba.

Is-Siti ta' Wirt Dinji tal-Organizzazzjoni tan-Nazzjonijiet Uniti għall-Edukazzjoni, ix-Xjenza u l-Kultura (UNESCO) huma postijiet b'importanza kulturali jew naturali, kif deskritt fil-Konvenzjoni tal-Wirt Dinji tal-UNESCO, li ġiet stabbilita fl-1972.[1] Il-wirt kulturali jikkonsisti minn monumenti (bħal xogħlijiet arkitettoniċi, skulturi monumentali, jew inċiżjonijiet), gruppi ta' binjiet, u siti (fosthom siti arkeoloġiċi). Il-wirt naturali jinkludi karatteristiċi naturali (li jikkonsistu minn formazzjonijiet fiżiċi u bijoloġiċi), ġeoloġiċi u fiżjografiċi (inkluż il-ħabitats ta' speċijiet mhedda ta' annimali u pjanti), u siti naturali li huma importanti mill-puntdivista tax-xjenza, tal-konservazzjoni jew tas-sbuħija naturali.[2] Kuba rratifikat il-Konvenzjoni fl-24 ta' Marzu 1981, u b'hekk is-siti indikattivi tagħha setgħu jitqiesu biex jiżdiedu mal-lista tas-Siti ta' Wirt Dinji tal-UNESCO.[3]

B'kollox Kuba għandha disa' Siti ta' Wirt Dinji tal-UNESCO, seba' kulturali u tnejn naturali. L-ewwel Sit ta' Wirt Dinji tal-UNESCO minn Kuba żdiedu fl-1982: iċ-Ċentru Storiku ta' Havana u l-Fortifikazzjonijiet tal-Belt. L-iżjed sit li żdied reċentement minn Kuba huwa ċ-Ċentru Storiku ta' Camagüey, fl-2008.

Siti ta' Wirt Dinji

[immodifika | immodifika s-sors]

L-UNESCO tiddeżinja s-siti abbażi ta' għaxar kriterji tal-għażla; kull sit irid jissodisfa mill-inqas wieħed mill-għaxar kriterji. Il-kriterji (i) sa (vi) huma kulturali, filwaqt li l-kriterji (vii) sa (x) huma naturali.[4]

NB: * Siti transnazzjonali (bl-ikħal)

Sit Ritratt Post Kriterji tal-Għażla Erja

f'ettari (akri)

Sena tad-deżinjazzjoni Deskrizzjoni
Ċentru Storiku ta' Havana u l-Fortifikazzjonijiet tal-Belt Cathedral's Plaza La Habana kulturali: (iv), (v) 1982 Havana ġiet stabbilita fl-1519 mill-kolonjalisti Spanjoli, u żviluppat f'wieħed miċ-ċentri primarji tal-bini tal-bastimenti fil-Karibew sas-seklu 17. Iċ-ċentru storiku nbena bi stil Barokk u Neo-Klassiku. Fost l-attrazzjonijiet storiċi tal-belt hemm La Cabaña, il-Katidral ta' Havana u t-Teatru l-Kbir ta' Havana.[5]
Trinidad u l-Wied de los Ingenios A group of buildings with red roofs in the middle of green trees and hills. There is a taller building with a tower in the center. Sancti Spíritus kulturali: (iv), (v) 1988 Il-belt ta' Trinidad ġiet stabbilita fil-bidu tas-seklu 16. Fl-1518, Hernán Cortés beda l-ispedizzjoni tiegħu biex jaħkem il-Messiku mill-port ta' Trinidad. Il-belt kienet prosperuża matul il-perjodu kolonjali kollu, l-iktar bis-saħħa tas-suċċess tal-industrija lokali taz-zokkor. Il-Wied de los Ingenios fil-qrib kien l-oriġini tal-industrija Kubana taz-zokkor, li feġġet fis-seklu 18. F'dan il-wied hemm bosta impjanti tal-kannamiela, kif ukoll ranches tal-bhejjem u pjantaġġuni tat-tabakk.[6]
Kastell ta' San Pedro de la Roca, Santiago de Cuba A series of walls made of stone sit on a hill that is above water. Santiago de Cuba kulturali: (iv), (v) 1997 Il-forti l-kbir inbena biex jiddefendi l-port importanti ta' Santiago de Cuba. Id-disinn tal-fortifikazzjoni kien ibbażat fuq l-arkitettura Taljana u Rinaxximentali. Il-kumpless ta' mħażen tal-porvli, bastjuni u batteriji huwa wieħed mill-iżjed kompluti u l-iżjed ippreservati fost il-fortifikazzjonijiet tad-difiża Spanjoli-Amerikani.[7]
Park Nazzjonali ta' Desembarco del Granma Granma naturali: (vii), (viii) 1999 Il-park nazzjonali ngħata isem il-jott li ttrasporta lil Fidel Castro, Raúl Castro, Che Guevara u 79 membru ieħor tal-Moviment tas-26 ta' Lulju lejn Kuba biex jegħlbu lil Fulgencio Batista. Il-park għandu topografija karstika unika u jinkludi karatteristiċi bħal art imtarrġa, irdumijiet u kaskati.[8]
Wied ta' Viñales There is a field with tall grass and trees and a small wooden hut in the front, and steep cliffs in the back. Pinar del Río kulturali: (iv) 1999 Il-villaġġ ta' Viñales ġie stabbilit fl-1875 wara t-tkabbir tal-kultivazzjoni tat-tabakk fil-wied tal-madwar. Il-Wied ta' Viñales għandu topografija karstika, arkitettura vernakolari, u metodi tradizzjonali ta' kultivazzjoni. Il-wied kien ukoll is-sit fejn seħħew diversi avvenimenti militari fil-Gwerra Kubana għall-Indipendenza u fir-Rivoluzzjoni Kubana.[9]
Pajsaġġ Arkeoloġiku tal-Ewwel Pjantaġġuni tal-Kafè fix-Xlokk ta' Kuba Santiago de Cuba u Guantánamo kulturali: (iii), (iv) 2000 Matul is-seklu 19 u l-bidu tas-seklu 20, il-Lvant ta' Kuba kien involut primarjament fil-kultivazzjoni tal-kafè. Il-fdalijiet tal-pjantaġġuni joħorġu fid-dieher it-tekniki li ntużaw fl-art imħarbta, kif ukoll l-importanza ekonomika u soċjali tas-sistema ta' pjantaġġuni f'Kuba u fil-Karibew.[10]
Park Nazzjonali ta' Alejandro de Humboldt Tall green trees and hills are on both sides of a river in the center. Holguín u Guantánamo naturali: (ix), (x) 2001 Ix-xmajjar li joriġinaw fl-elevazzjonijiet għoljin huma fost l-ikbar tal-Karibew Insulari. Il-park fih firxa wiesgħa ta' formazzjonijiet ġeoloġiċi. Fih ukoll bosta speċijiet bijoloġiċi, inkluż 16-il speċi ta' pjanti endemiċi mit-28 li hemm f'Kuba, kif ukoll speċijiet ta' annimali bħas-solenodon Kuban fil-periklu ta' estinzjoni.[11]
Ċentru Storiku ta' Cienfuegos A building with yellow walls has two towers of different heights with round red roofs. There are bells in the tallest tower. Cienfuegos kulturali: (ii), (v) 2005 Cienfuegos ġiet stabbilita fl-1819 bħala kolonja Spanjola, għalkemm l-ewwel abitanti tagħha kienu immigranti Franċiżi. Saret ċentru kummerċjali tal-kannamiela, tat-tabakk u tal-kafè bis-saħħa tal-pożizzjoni tagħha fil-Bajja ta' Cienfuegos. Minħabba l-istabbiliment tagħha fl-aħħar tal-perjodu kolonjali, l-arkitettura għandha influwenzi iktar moderni, fosthom ideat moderni tal-ippjanar urban.[12]
Ċentru Storiku ta' Camagüey There is a large stone building in the center with a tall tower. Behind are several smaller buildings with red roofs. Camagüey kulturali: (iv), (v) 2008 Camagüey hija fost l-ewwel seba' villaġġi stabbiliti mill-Ispanjoli f'Kuba, u ġiet insedjata għall-ewwel darba fl-1528. L-organizzazzjoni irregolari tal-belt tikkuntrasta mal-kostruzzjoni ordnata tipika tal-biċċa l-kbira tal-insedjamenti Spanjoli. Dan l-istil qisu ta' labirint kien influwenzat mill-ideat Medjevali Ewropej u mill-metodi tradizzjonali ta' kostruzzjoni tal-bennejja u l-ħaddiema immigranti bikrin.[13]
  1. ^ "UNESCO World Heritage Centre - The World Heritage Convention". web.archive.org. 2016-08-27. Arkivjat mill-oriġinal fl-2016-08-27. Miġbur 2022-03-17.Manutenzjoni CS1: BOT: url-oriġinali status mhux magħruf (link)
  2. ^ "UNESCO World Heritage Centre - Convention Concerning the Protection of the World Cultural and Natural Heritage". web.archive.org. 2021-02-01. Arkivjat mill-oriġinal fl-2021-02-01. Miġbur 2022-03-17.Manutenzjoni CS1: BOT: url-oriġinali status mhux magħruf (link)
  3. ^ Centre, UNESCO World Heritage. "Cuba - UNESCO World Heritage Convention". UNESCO World Heritage Centre (bl-Ingliż). Miġbur 2023-09-19.
  4. ^ "UNESCO World Heritage Centre - The Criteria for Selection". web.archive.org. 2016-06-12. Arkivjat mill-oriġinal fl-2016-06-12. Miġbur 2023-08-14.Manutenzjoni CS1: BOT: url-oriġinali status mhux magħruf (link)
  5. ^ Centre, UNESCO World Heritage. "Old Havana and its Fortification System". UNESCO World Heritage Centre (bl-Ingliż). Miġbur 2023-09-19.
  6. ^ Centre, UNESCO World Heritage. "Trinidad and the Valley de los Ingenios". UNESCO World Heritage Centre (bl-Ingliż). Miġbur 2023-09-19.
  7. ^ Centre, UNESCO World Heritage. "San Pedro de la Roca Castle, Santiago de Cuba". UNESCO World Heritage Centre (bl-Ingliż). Miġbur 2023-09-19.
  8. ^ Centre, UNESCO World Heritage. "Desembarco del Granma National Park". UNESCO World Heritage Centre (bl-Ingliż). Miġbur 2023-09-19.
  9. ^ Centre, UNESCO World Heritage. "Viñales Valley". UNESCO World Heritage Centre (bl-Ingliż). Miġbur 2023-09-19.
  10. ^ Centre, UNESCO World Heritage. "Archaeological Landscape of the First Coffee Plantations in the South-East of Cuba". UNESCO World Heritage Centre (bl-Ingliż). Miġbur 2023-09-19.
  11. ^ Centre, UNESCO World Heritage. "Alejandro de Humboldt National Park". UNESCO World Heritage Centre (bl-Ingliż). Miġbur 2023-09-19.
  12. ^ Centre, UNESCO World Heritage. "Urban Historic Centre of Cienfuegos". UNESCO World Heritage Centre (bl-Ingliż). Miġbur 2023-09-19.
  13. ^ Centre, UNESCO World Heritage. "Historic Centre of Camagüey". UNESCO World Heritage Centre (bl-Ingliż). Miġbur 2023-09-19.