Justin Haber

Minn Wikipedija, l-enċiklopedija l-ħielsa
Jump to navigation Jump to search
Justin Haber
HaberJustin.jpg
Informazzjoni personali
Isem sħiħJustin Haber
Twelid9 ta' Ġunju 1981 (1981-06-09) (38 sena)
Furjana
PajjiżBandiera ta' Malta Malta
Tul1.80 m
RwolGowler
Informazzjoni fuq il-klabb
Klabb kurrentiBirkirkara
Numru16
Klabbs professjonali*
SninKlabbPreżGwls
1998–2001Floriana23(0)
1998Dobrudzha Dobrich3(0)
2002–2005Birkirkara74(0)
2005–2006US Quevilly26(0)
2006Royal Excelsior de Virton5(0)
2006–2007Marsaxlokk7(0)
2007–2008Chaidari15(0)
2008–2010Sheffield United0(0)
2009Ferencvárosi2(0)
2009–2011Ferencvárosi12(0)
2011–2012Kerkyra10(0)
2012–2013Mosta16(0)
2013–Birkirkara19(0)
Tim nazzjonali
2004–Malta45(0)
* Il-preżenzi u l-gowls fil-karriera professjonali huma validi biss għall-kampjonat domestiku.
Aġġornament: 13:17, 30 ta' Ottubru 2013

Justin Haber (Furjana, 9 ta' Ġunju 1981) hu plejer tal-futbol Malti li attwalment jinsab jilgħab mat-tim ta' Birkirkara.

Karriera[immodifika | immodifika s-sors]

Huwa beda l-karriera tal-futbol mat-tim lokali ta' Floriana. Matul it-tliet snin mat-tim Furjaniż, hu għamel 23 dehra, fejn fl-ewwel sena tiegħu mal-ewwel tim intbagħat b'self lit-tim Bulgariż ta' Dobrudzha Dobrich mill-Ewwel Diviżjoni.

Fis-27 ta' Ġunju 2007, tħabbar li Justin Haber ingħaqad mat-tim ibbażat f'raħal qrib Ateni u li jimmilita fit-Tieni Diviżjoni Griega, Chaidari, f'kuntratt ta' sentejn. Fil-31 ta' Lulju 2008, Haber ingħaqad mat-tim ta' Sheffield United f'kuntratt ta' sentejn.[1] Minħabba li kien sab ftit opportunitajiet ta' futbol regulari mal-klabb Ingliż, Haber ġie msellef lit-tim ta' Ferencvárosi li jilgħab fl-ogħla diviżjoni Ungeriża.[2] Waqt kamp ta' taħriġ li sar minn dan it-tim fil-bidu tal-2010 ġewwa Malta, ġie finalizzat it-trasferiment definittiv ta' Haber mal-klabb, fejn ingħata kuntratt ta' tmintax-il xahar.[3] Aktar tard, miegħu ngħaqad il-kompatrijott Andre Schembri. Id-debutt ma' Ferencvaros wasal fil-pari ta' 2–2 kontra Videoton nhar il-25 ta' Settembru 2009. Din kellha tkun waħda miż-żewġ logħbiet li lagħab matul l-ewwel staġun tiegħu ġewwa l-Ungerija. It-tieni staġun tiegħu rah jiġi involut aktar mal-ewwel ħdax fejn lagħab għaxar partiti fil-kampjonat, fosthom fir-rebħa ta' 5–0 kontra Lombard-Pápa fejn fiha salva penalty.[4] Fl-aħħar tal-istaġun, minkejja offerta min-naħa tal-klabb sabiex jestendi l-kuntratt tiegħu b'sentejn, hu rrifjuta dan it-tiġdid tal-kuntratt.[5]

Nhar l-4 ta' Lulju 2011, ġie uffiċjalment imħabbar li Haber iffirma kuntratt ta' sentejn mal-klabb ta' Kerkyra, ibbażati fil-gżira ta' Korfu (Greċja).[6] Wara sena fil-kampjonat Grieg, Haber irritorna lura lejn art twelidu fejn iffirma kuntratt ta' sentejn ma' Mosta.[7]

Fl-2012 huwa nqagħad ma' Birkirkara, fejn magħhom rebaħ it-titlu tal-Premier League Malti.

Internazzjonali[immodifika | immodifika s-sors]

Justin Haber iddebtta mat-tim nazzjonali Malti fid-9 ta' Ottubru 2004 kontra l-Iżlanda. Nhar id-9 ta' Frar 2011, waqt logħba ta' ħbiberija kontra l-Iżvizzera, Haber irnexxielu jsalva żewġ penalties mogħtija minn Alexander Frei u Gökhan Inler li żammew ir-riżultat mingħajr gowls.[8]

Unuri[immodifika | immodifika s-sors]

Malta Birkirkara

Referenzi[immodifika | immodifika s-sors]

  1. ^ (Ingliż) Triple swoop by Blades. Sky Sports, 31-07-2008. Aċċess tal-URL: 08-09-2008.
  2. ^ (Ingliż) Two on the move?. sufc.co.uk, 27-08-2009. Aċċess tal-URL: 27-08-2009.
  3. ^ Antoine Busuttil. (Ingliż) Justin Haber signs 18-month contract with Ferencváros. MaltaFootball.com, 26-01-2010
  4. ^ Antoine Busuttil. (Ingliż) Andre Schembri hat-trick hero for Ferencváros. MaltaFootball.com, 21-11-2010. Aċċess tal-URL: 17-06-2011.
  5. ^ (Ingliż) Haber turns down Fradi offer. Times Of Malta, 20-05-2011. Aċċess tal-URL: 17-06-2011.
  6. ^ (Grieg) Ανακοίνωση: Υπέγραψε για 2 χρόνια ο Haber. AO Kerkyra, 04-07-2011. Aċċess tal-URL: 05-07-2011.
  7. ^ Antoine Busuttil. (Ingliż) Justin Haber joins Mosta, Obiefule extends contract. MaltaFootball.com, 14-07-2012. Aċċess tal-URL: 28-07-2012.
  8. ^ Antoine Busuttil. (Ingliż) Two penalties saved by Haber as Malta, Switzerland share spoils in draw. MaltaFootball.com, 20-05-2011. Aċċess tal-URL: 09-02-2011.

Ħoloq esterni[immodifika | immodifika s-sors]