Johann Horvath
| Informazzjoni personali | |||
|---|---|---|---|
| Twelid | 20 ta' Mejju 1903 Imperu Awstro-Ungeriż | ||
| Mewt | 30 ta' Lulju 1968 (65 sena) | ||
| Rwol | Attakkant | ||
| Karriera professjonali | |||
| Snin | Klabb | ||
| 1920–1927 | Simmeringer | ||
| 1927–1930 | Rapid Wien | ||
| 1930–1933 | Wacker Wien | ||
| 1933–1935 | Wien | ||
| 1935–1940 | Simmeringer | ||
| Tim nazzjonali | |||
| 1924–1934 | Awstrija | ||
Johann "Hans" Horvath (twieled fl-20 ta' Mejju 1903 – miet fit-30 ta' Lulju 1968) kien plejer tal-futbol Awstrijak li kien jilgħab bħala attakkant.
Karriera
[immodifika | immodifika s-sors]Horvath beda jilgħab ma' Simmering, it-tim tal-viċinat tiegħu. Wara d-debutt fil-kampjonat, iddebutta wkoll mat-tim nazzjonali fil-logħba kontra l-Ġermanja milgħuba nhar it-13 ta' Jannar 1924, fejn skorja l-ewwel gowl tiegħu fit-telfa ta' 4–3.[1] Taħt il-gwida ta' Hugo Meisl hu sar figura regolari mal-ewwel ħdax tat-tim nazzjonali, filwaqt li mal-klabb tiegħu ta' Simmering wassalhom għat-tielet post fl-istaġun 1925–26 li jibqa' l-aqwa riżultat ta' kull żmien għall-klabb mill-kapitali Awstrijaka.[2]
Fis-sajf tal-1927 ingħaqad ma' Rapid Wien. Magħhom lagħab żewġ finali konsekuttivi tat-Tazza Mitropa u rebaħ il-kampjonat darbtejn fl-1929 u l-1930. Wara tliet snin mal-klabb, issieħeb ma' Wacker Wien fl-1930. Fl-1935 irritorna ma' Simmering fejn baqa' jilgħab magħhom sal-1940, qabel ma għalaq il-karriera tiegħu mat-tim tal-pulizija ta' Vjenna.
Mat-tim nazzjonali rebaħ it-Tazza Internazzjonali tal-1932 u ġie msejjaħ għat-Tazza tad-Dinja tal-1934 li ntlagħbet fl-Italja. F'din il-kompetizzjoni skorja żewġ gowls hekk kif l-Awstrija temmew l-impenji tagħhom fir-raba' post.[3] Hu lagħab total ta' 46 logħba u skorja 29 gowl,[4] bl-aħħar logħba tiegħu tasal kontra l-Ungerija.[1]
Unuri
[immodifika | immodifika s-sors]- Rapid Wien
- Bundesliga: 1928–29, 1929–30
- Awstrija
- Tazza Internazzjonali: 1931–32
Referenzi
[immodifika | immodifika s-sors]- ^ a b "Johann Horvath" (bil-Ġermaniż). OEFB.
- ^ Kutschera, Ambrosius (2005-08-17). "Austria 1925/26" (bl-Ingliż). RSSSF.
- ^ "Hans HORVATH" (bl-Ingliż). FIFA. Arkivjat minn l-oriġinal fl-2008-05-29.
- ^ Stokkermans, Karel (2011-04-21). "Hans Horvath - International Goals" (bl-Ingliż). RSSSF.
Ħoloq esterni
[immodifika | immodifika s-sors]- Johann Horvath fuq National-Football-Teams.com
- (DE) Johann Horvath fuq rapidarchiv.at
