Joe Hart

Minn Wikipedija, l-enċiklopedija l-ħielsa
Aqbeż lejn: navigazzjoni, fittex
Joe Hart
Joe Hart Euro 2012 vs Italy 01.jpg
Informazzjoni personali
Isem sħiħ Charles Joseph John Hart
Twelid 19 ta' April 1987 (1987-04-19) (29 sena)
Shrewsbury
Pajjiż Bandiera tal-Ingilterra Ingilterra
Tul 1.96 m
Rwol Gowler
Informazzjoni fuq il-klabb
Klabb kurrenti Manchester City
Numru 1
Klabbs ġovanili
2002–2003 Shrewsbury Town
Klabbs professjonali*
Snin Klabb Preż Gwls
2003–2006 Shrewsbury Town 54 (0)
2006– Manchester City 128 (0)
2007 Tranmere Rovers (self) 6 (0)
2007 Blackpool (self) 5 (0)
2009–2010 Birmingham City (self) 36 (0)
Tim nazzjonali
2007–2009 Ingilterra U21 21 (0)
2008– Ingilterra 22 (0)
* Il-preżenzi u l-gowls fil-karriera professjonali huma validi biss għall-kampjonat domestiku.
Aġġornament: 11:19, 31 Awwissu 2012 (UTC)

Charles Joseph John "Joe" Hart (Shrewsbury, 19 ta' April 1987) huwa plejer tal-futbol Ingliż li jilgħab bħala gowler mal-klabb ta' Manchester City u t-tim nazzjonali Ingliż.

Karriera[immodifika | immodifika s-sors]

Klabb[immodifika | immodifika s-sors]

Shrewbsury Town[immodifika | immodifika s-sors]

Ta' ħmistax-il sena diġà kien jivvjaġġa mat-tim tal-kbar ta' Shrewsbury Town. Hu ddebbuta mal-ewwel tim meta lagħab kontra Ebbsfleet United fl-ewwel staġun tal-klabb wara r-relegazzjoni għall-Football Conference. Mill-istaġun 2005–06, Hart intgħażel bħala l-ewwel għażla bejn il-lasti u lagħab total ta' 46 logħba fejn sofra 55 gowl. Kien f'dan iż-żmien li ġie msejjaħ sabiex jilgħab mat-tim nazzjonali Ingliż ta' taħt id-19-il sena.

Il-prestazzjonijiet eklatanti tiegħu wasslu biex diversi klabbs tal-Premier League juri interess fil-plejer, fejn ġie vvutat bħala l-aqwa gowler tal-League Two għall-istaġun 2005–06.

Manchester City[immodifika | immodifika s-sors]

Fl-24 ta' Mejju 2006, ġie mħabbar li Manchester City għamlu l-akkwist ta' Joe Hart.[1] It-termini tan-negozjati kien jinkludi li City iħallsu somma inizzjali ta' £600,000, li setgħet titla' għal £1,500,000. L-ewwel logħba tiegħu waslet fl-14 ta' Ottubru 2006 wara li problemi fiżiċi għal Andreas Isaksson u Nicky Weaver wasslu għad-debutt tiegħu kontra Sheffield United. Il-partita ntemmet fi dro ta' mingħajr gowls.

F'Jannar tal-2007 ġie msellef lit-tim mil-League One, Tranmere Rovers, fejn magħhom lagħab sitt logħbiet. F'April tal-istess sena reġa' ġie msellef fl-istess diviżjoni lil Blackpool. Mas-Seasiders hu ġabar ħames preżenzi fil-kampanja li rat lill-klabb jiġi promoss għaċ-Championship.

Meta rritorna lura lejn Manchester City, il-kowċ il-ġdid Sven-Göran Eriksson għażel lil Hart bħala l-ewwel gowler tal-klabb, u Isakkson sab ruħu fuq il-bankina. Hu lagħab 26 logħba dak l-istaġun, u l-istaġun ta' wara 23 logħba. Bl-akkwist tal-Irlandiż Shay Given f'Jannar tal-2009 postu ġie fi skrutinju hekk kif Given ħadlu postu.

Riżultat ta' dan, Hart ġie misluf lit-tim promoss ta' Birmingham City.[2] Id-debutt tiegħu wasal fit-telfa barra minn darhom bl-iskor ta' 1–0 kontra Manchester United. Wara bidu diffiċli, il-forma tiegħu tjiebet fejn fl-aħħar tal-istaġun barra l-garanzija ta' post il-klabb fl-ogħla diviżjoni hu ġie vvutat bħala l-Plejer tas-Sena ta' Birmingham City u ġie nnominat għall-Plejer Żagħżugħ tas-Sena. Minkejja li tilef dan l-unur lil James Milner, hu xorta waħda sab postu fit-Tim tas-Sena tal-PFA.[3]

L-istaġun suċċessiv bir-ritorn tiegħu ma' City hu reġa' kiseb l-ewwel post bħala gowler u rrelega lil Given għal fuq il-bankina. Hu baqa' jimpressjona fejn ġie mfaħħar ħafna minn diversi kritiċi u ġurnalisti sportivi. Dak l-istaġun hu għen lis-City jirbħu l-FA Cup, barra li rnexxielhom jirbħu post fil-UEFA Champions League. Grazzi għall-prestazzjonijiet tiegħu hu ngħata l-unur bħala Gowler tas-Sena tal-Premier League għall-iktar numru ta' xbieki mhux mittiefsa (18). Bit-tluq ta' Shay Given ma' Aston Villa f'Lulju 2011, Hart issiġilla postu bħala l-ewwel gowler tal-klabb. Għat-tieni sena konsekuttiva hu rebaħ l-unuru tal-Gowler tas-Sena hekk kif għen lil Manchester City jirbħu l-ewwel titlu tal-kampjonat għal 44 sena.

Internazzjonali[immodifika | immodifika s-sors]

Wara li kien figura regulari mat-tim nazzjonali ta' taħt il-21 sena, hu ġie magħżul għaż-żewġ logħbiet ta' ħbiberija tat-tim tal-kbar kontra l-Istati Uniti u t-Trinidad u Tobago. Minkejja li ma lagħabx kontra l-Istat Uniti, hu daħal bħala sostitut fit-tieni taqsima kontra Trinidad u Tobago fl-1 ta' Ġunju 2008, bl-Ingilterra toħroġ rebbieħa 3–0.

Minkejja li ġie magħżul mal-iskwadra Ingliża għat-Tazza tad-Dinja 2010, hu ma lagħab l-ebda logħba. Wara l-eliminazzjoni bikrija, il-kowċ Fabio Capello innominah bħala l-ewwel gowler tat-tim fejn minn hemmhekk ifforma pedina importanti tat-tim nazzjonali. Hu ġie magħżul għall-Kampjonati Ewropej 2012, fejn minkejja li l-Ingilterra ġew eliminati fil-kwarti tal-finali hu kien l-aktar gowler li għamel salvataġġi (19).[4]

Unuri[immodifika | immodifika s-sors]

Klabb[immodifika | immodifika s-sors]

Ingilterra Manchester City

Individwali[immodifika | immodifika s-sors]

  • Gowler tas-Sena: 2010–11, 2011–12
  • Tim tas-Sena tal-Premier League: 2009–10, 2011–12
  • Tim tas-Sena tal-League Two: 2005–06
  • Plejer tas-Sena ta' Birmingham City: 2009–10

Referenzi[immodifika | immodifika s-sors]

  1. ^ (Ingliż) Man City complete Hart signature. BBC Sport, 24-05-2006
  2. ^ (Ingliż) Birmingham sign Hart and Espinoza. BBC Sport, 24-06-2009
  3. ^ (Ingliż) Hart Named In PFA Team Of The Year. football.co.uk, 26-04-2010
  4. ^ Dominic Fifield. (Ingliż) Euro 2012: Joe Hart justifies hype to lead England's renaissance. Guardian, 21-06-2012. Aċċess tal-URL: 27-06-2012.

Ħoloq esterni[immodifika | immodifika s-sors]