James Aaron Ellul

Minn Wikipedija, l-enċiklopedija l-ħielsa
Jump to navigation Jump to search
Stampa:James Aaron Ellul.jpg
James Aaron Ellul fi Frar 2015


James Aaron Ellul (3 ta' Lulju, 1995) huwa Kunsillier ta' 20 sena fil-lokalità tal-Furjana. Ellul huwa l-iżgħar kunsiller li qatt kien hemm fil-Kunsill Lokali tal-Furjana, huwa kien elett meta kellu biss 19 il-sena.

Familja u Xogħol

Il-familja t'Ellul ilha isservi n-nies tal-Furjana mill-1881 bin-negozju li jinsab fil-lokal stess. Il-laqam tal-familja huwa dak 'ta' Quattromani'. Ellul huwa wkoll il-kuġin tal-plejer li jilgħab mal-Floriana FC Andre' Scicluna.

James Aaron jaħdem bħala ġurnalist ma' Net TV.

Politika

James Aaron Ellul jokkuppa l-kariga ta' President tal-Partit Nazzjonalista fil-Furjana. Huwa ilu jservi dan l-irwol mill-2014. Ellul huwa l-iżgħar persuna li qatt okkuppa l-kariga ta' President fil-Partit Nazzjonalista. Huwa beda b'dan l-irwol meta kellu biss 18-il sena.

Stampa:Ellul jiltaqa' mat-tfal fil-Floriana.jpg
Ellul flimkien mal-Kap tal-PN u bosta deputati oħra tal-Partit Nazzjonalista jiltaqgħu mat-tfal tan-nursery fil-Floriana

Ellul ikkontesta għall-elezzjoni tal-Kunsill Lokali f'isem il-Partit Nazzjonalista. Huwa ġie elett b'numru tajjeb ħafna ta' voti, fejn ħafna jikkunsidraw l-eta' żgħira tiegħu. Huwa beda jokkuppa l-kariga ta' kunsillier mill-1 ta' Mejju 2015.

Huwa wkoll kien attiv fl-għaqda tal-Istudenti Demokristjani Maltin (SDM) mill-2011 sas-sena 2014.

Studji

Bħalissa Ellul qiegħed jistudja fl-Università ta' Malta, il-kors tal-Istudji Ewropej.

Referenzi

Il-paġna ta' James Aaron Ellul fuq Facebook[1]

L-artikli fuq MaltaRightNow[2]

  1. ^ https://www.facebook.com/elluljamesaaron
  2. ^ http://maltarightnow.com/news/author/jamesaaronellul/