Frédéric Chopin
Frédéric François [1]Chopin (Żelazowa Wola, 1 ta' Marzu 1810 – Pariġi, 17 t'Ottubru 1849), bil-Polakk Fryderyk Franciszek Chopin kien kompożitur u pjanista Polakk ta' parentela Franko-Polakka. Huwa meqjus bħala l-akbar kompożitur Polakk u bla dubju wieħed mill-ikbar pjanisti li qatt kien hemm. Chopin iddedika ħajtu esklużżivament għall-pjanu u kien propju l-pjanu l-mezz ta' kif ittrasmetta s-sentimenti tiegħu; fil-parti l-kbira rabja u melankolija, hekk kif stqarr l-istess Chopin. Madanakollu huwa propju l-istil ta' Chopin, dak melankoniku, li għamlu wieħed mill-iktar kompożituri famużi fid-dinja.
Huwa kien fost ir-rappreżentanti ewlenin tar-Romantiċiżmu u kien magħruf bħala l-poeta tal-pjanu. Twieled fl-1820 f'raħal qrib Varsavja, il-Polonja. Il-lirika tieghu, ħafna drabi kompożiżżjonijiet mill-akar melakoniċi, ġabu popolarità għal mużika bil-pjanu. Kien diġà jdoqq il-pjanu meta fl-1826 iddeċieda jmur jistudja fil-Konservatorju ta' Varsavja. Wara li ta bosta kunċerti f'Munich u Vjenna, Chopin mar jgħix Parigi, fejn ta l-ewwel kunċert tiegħu fl-1831. F'Parigi kompla jiżviluppa t-talenti tiegħu. Huwa kien jiddejjaq jdoqq fil-pubbliku u pprefera jgħallem u joqgħod jikkomponi milli jitla' jdoqq fuq xi palk. Fl-1836 Franz Liszt laqqa' lil Chopin ma' George Sand, li magħha qatta' x-xitwa tal-1838-39 f'Majorka. Hemmhekk Chopin irnexxielu jikkomponi 24 preludju li huma meqjusa fost l-aqwa kompożizzjonijiet tiegħu. Għall-akbar parti ta' ħajtu, Chopin soffra minn problemi kontinwi ta' saħħa; ir-riżultat ta' dan kien il-mewta tiegħu ta' 39 sena biss, f'Pariġi, bil-marda tat-tuberkulożi.
Chopin introduċa forom mużikali bħall-ballata strumentali u wettaq innovazzjonijiet kbar fis-sonata tal-pjanu, mażurka, valtz, notturn, polonaise, étude, impromptu u preludju.
 |
|
||||
| Problemi fis-smigħ ta' dan il-fajl? Ara l-għajnuna fuq il-medja. | |||||