Albert Hyzler

Minn Wikipedija, l-enċiklopedija l-ħielsa
Jump to navigation Jump to search
Albert Hyzler
Dr. Albert V. Hyzler.jpg
Member of the House of Representatives of Malta

Ħajja
Twelid Valletta, 20 Novembru 1916
Nazzjonalità Malta
Mewt Valletta, 26 Ottubru 1993
Okkupazzjoni
Okkupazzjoni politiku

Dr. Albert Victor Hyzler (Valletta, 20 ta' Novembru 191626 ta' Ottubru 1993) kien aġent President ta' Malta mis-27 ta' Diċembru 1981 sal-15 ta' Frar 1982.

Iben il-Professur Joseph Hyzler u Marietta Muscat Fenech, Dr. Hyzler studja l-Liċeo u fl-Università Rjali ta' Malta u ggradwa bħala tabib.

Dr. Hyzler daħal għall-politika wara t-Tieni Gwerra Dinjija u kkontesta b'suċċess l-elezzjonij ġenerali tal-1947 mal-partit ta' missieru, id-DAP. Il-partit xolja f-1950. Dr. Hyzler reġa' kkontesta b'suċċess l-elezzjoni ġenerali tal-1951 mal-partit ta' Pawlu Boffa, il-Malta Workers Party, li fforma koalizzjoni mal-Partit Nazzjonalista. Matul dik il-leġiżlatura, Dr. Hyzler nħatar Ministru tas-Saħħa imma kellu jirreżenja wara tliet snin għax ivvota kontra l-mexxej tal-partit tiegħu u minħabba l-oppożizzjoni persistenti kontra l-Prim Minstru Dr. Ġorġ Borg Olivier.

Dr. Hyzler imbagħad mar mal-Partit Laburista f'Ottubru tal-1953, u għamel l-ewwel diskors tiegħu iż-Żurrieq f'Novembru 1953. Ġie elett fl-elezjonijiet tal-1955, 1962, 1966, u tal-1971. Fl-1955 ingħata l-kariga ta' Ministru tas-Saħħa u Servizz Soċjali u baqa' fiha sa April tal-1958. Fis-snin ħamsin kien kontributur regolari fil-gazzetta tal-Partit Laburista Is-Sebħ. Meta fl-1971, il-Partit Laburista rebaħ l-elezzjoni, Dr. Hyzler inħatar Ministru tal-Iżvilupp u l-Posta u mbagħad reġa' sar Ministru tas-Saħħa (1974–1976).

Dr. Hyzler irtira fl-20 ta' Settembru 1976 imma reġa' ġie msejjaħ biex iservi bħala Aġent President tar-Repubblika ta' Malta minn Diċembru tal-1981 sa Frar tal-1982.

Ħoloq esterni[immodifika | immodifika s-sors]

Predeċessur
Anton Buttigieg
President ta' Malta
1981–1982

Suċċessur
Agatha Barbara