Ben Foster
Minn Wikipedija, l-enċiklopedija l-ħielsa
- Għal nies oħra bl-isem ta' Ben Foster, ara Ben Foster (diżambigwazzjoni).
Ben Foster  |
||
 |
||
| Informazzjoni personali | ||
|---|---|---|
| Isem sħiħ | Benjamin Anthony Foster | |
| Twelid | 3 ta' April 1983 Leamington Spa |
|
| Pajjiż |  Ingilterra |
|
| Tul | 1.92 m | |
| Rwol | Gowlkiper | |
| Informazzjoni fuq il-klabb | ||
| Klabb kurrenti | Manchester United | |
| Numru | 12 | |
| Klabbs professjonali | ||
| Snin | Klabb | Preż (Gwl)* |
| 2000–2001 2001–2005 2002 2002–2003 2004 2004 2005 2005– 2005–2007 |
Racing Club Warwick Stoke City → Bristol City → Tiverton Town → Stafford Rangers → Kidderminster Harriers → Wrexham Manchester United → Watford |
18 (0) 0 (0) 0 (0) 16 (0) 2 (0) 2 (0) 17 (0) 2 (0) 73 (0) |
| Tim nazzjonali | ||
| 2006– | Ingilterra | 2 (0) |
|
Aġġornament: 08:50, 12 April 2009 (UTC) |
||
Ben Foster (Leamington Spa, 3 ta' April 1983) huwa plejer tal-futbol Ingliż li jilgħab bħala gowlkiper. Huwa jilgħab għat-tim ta' Manchester United fil-Premier League Ingliż.
Werrej |
[editja] Karriera
[editja] Racing Club Warwick
Ben Foster beda l-karriera fil-futbol ma' Racing Club Warwick fis-sena 2000. Hu dam staġun mal-klabb sakemm wara ngħaqad ma' Stoke City.
[editja] Stoke City
Matul iż-żmien ma' Stoke, Foster kellu żmien ta' self ma' Tiverton Town, Bristol City, Stafford Rangers, Kidderminster Harriers u Wrexham. Foster kellu jkun barra mill-azzjoni għal sitt xhur wara li bata minn uġigħ fil-ligament tal-irkoppa.[1]
[editja] Manchester United
Alex Ferguson kien ntebaħ bit-talent ta' Ben Foster meta kien qed jilgħab ma' Wrexham, taħt self minn Stoke, meta l-kowċ ta' United kien qed jara lit-tifel tiegħu, Darren, fil-finali tal-LDV Vans Trophy, li Wrexham rebħu. Manchester United kienu qed ibatu għal xi snin biex jissostitwixxu lil-leġġenda Peter Schmeichel, fil-pożizzjoni ta' gowlkiper, u Ferguson iddeċieda li jikseb il-żagħżugħ Foster b'somma ta' £1 miljun.
Hu ngħaqad ma' Manchester United minn Stoke City fid-19 ta' Lulju 2005. Bejn l-2005 u l-2007, hu ġie msellef lit-tim ta' Watford. Il-kowċ ta' Watford, Aidy Boothroyd, stqarr li "Foster hu aħjar mill-gowlkiper kurrenti ta' Manchester United Edwin van der Sar"[2] u jemmen li "hu se jkun l-aqwa gowlkiper fid-dinja".[3] Ferguson, il-kowċ ta' Manchester United, kompla jistqarr li Foster se jkun is-sostitut għall-post ta' Edwin van der Sar bejn il-lasti ta' United u eventwalment jieħu post Paul Robinson bħala l-"gowlkiper li jmiss tal-Ingilterra".
Foster kellu staġun tajjeb ma' Watford, fejn irċieva tifħir kbir mill-opinjonisti tat-timijiet opposti u kummentaturi. L-istatura u l-kunfidenza tiegħu, kif ukoll l-interventi li għamel fuq ix-xuttijiet kienu mpressjonanti fl-ewwel staġun sħiħ professjonali. Foster għen lil Watford biex jilħqu l-Premier League billi rebħu lil Leeds United fil-finali tal-play-off.
Fl-10 ta' Awissu 2006, Foster reġa' ffirma staġun ieħor ta' self ma' Watford wara li Manchester United assiguraw is-servizzi tal-Pollakk Tomasz Kuszczak taħt self. Foster baqa' f'Vicarage Road għall-istaġun sħiħ 2006-07 hekk kif United ma kellhomx bżonn isejħulu lura.
F'Ġunju 2007, kien imħabbar li Foster kien se jiġi operat minħabba li kien weġġa' fil-ligament tal-irkoppa l-leminija.[4] Ir-ritorn tiegħu wasal f'logħba tar-riservi kontra Middlesbrough fis-6 ta' Marzu 2008. Foster iddebutta ma' Manchester United fil-15 ta' Marzu 2008 kontra Derby County, hekk kif Van der Sar kien imweġġa waqt li Kuszczak kien sospiż. United rebħu 1–0, b'Foster jagħmel żewġ interventi importanti biex żamm l-iskor favur United.
Però, minkejja din il-prestazzjoni, Ferugson ma bediex lil Foster għall-partita kontra Bolton Wanderers, u għażel lil Kuszczak li kien għadu kif serva s-sospensjoni. Ir-raġuni kienet li Foster ma kienx reġistrat, u b'hekk kien ineliġibbli biex jilgħab fil-kompetizzjoni Ewropea, b'hekk Kuszczak kien ikun l-uniku gowlkiper eleġibbli u disponibbli jekk Van der Sar ma jkunx irkupra mill-uġigħ.
Wara li sofra minn waqfa ta' tmien ġimgħat f'Settembru tal-2008 wara li kien għamel waqgħa ħażina fuq l-irkoppa f'logħba mat-tim tar-riservi ta' Manchester United, Foster għamel ir-ritorn tiegħu f'logħba miċ-Champions League kontra Celtic nhar il-5 ta' Novembru 2008. Nhar l-1 ta' Marzu 2009, Alex Ferguson għażel lil Foster bejn il-lasti għall-finali tal-League Cup 2009 ġewwa Wembley Stadium. Wara li l-partita spiċċat mingħajr gowls anke wara l-ħin barrani, waqt l-għoti tal-penalties Foster salva l-penalty mogħti mill-plejer ta' Tottenham Jamie O'Hara. Din, flimkien mal-iżball ta' David Bentley, taw lil United rebħa ta' 4–1 bil-penalties u t-titlu tal-League Cup. Għall-prestazzjoni tiegħu, hu ġie mogħti l-unur tal-plejer tal-partita.
[editja] Internazzjonali
Fis-26 ta' Mejju 2006, Foster kien imsejjaħ fil-lista temporanja tal-Ingilterra għat-Tazza tad-Dinja 2006, minħabba li Robert Green kien weġġa' f'partita internazzjonali "B" kontra l-Belarus.
Wara li Foster reġa' ffirma self ieħor ma' Watford, hu kien imsejjaħ fl-ewwel tim ta' Steve McClaren bħala wieħed mit-tliet gowlkipers tal-partita ta' ħbiberija kontra l-Greċja. Hu ddebutta mal-Ingilterra fit-telfa tal-Ingilterra 1–0 kontra Spanja fis-7 ta' Frar 2007. Wara li kien ilu madwar sentejn nieqes mill-kamp internazzjonali, il-prestazzjoni tajba li wettaq fil-finali tal-Carling Cup wasslet lil Fabio Capello biex jagħżlu fost l-iskwadra Ingliża u deher bħala sostitut fit-tieni taqsima fir-rebħa ta' 4–0 fuq l-iSlovakkja.
[editja] Referenzi
- ^ Foster out for six months (Ingliż). Sky Sports (24-06-2003). Aċċessata nhar il-19-08-2007.
- ^ Kliem tradotti minn: "He's better than current Manchester United goalkeeper Edwin van der Sar."
- ^ Kliem tradotti minn: "He is going to be the best goalkeeper in the world."
- ^ Knee surgery for Man Utd's Foster (Ingliż). BBC Sport (06-06-2007). Aċċessata nhar il-06-06-2007.
[editja] Ħoloq esterni
- Statistika fuq Soccerbase.com
- Profil fuq ManUtd.com
|
|||||
