Tom Florie

Minn Wikipedija, l-enċiklopedija l-ħielsa
(Rindirizzat minn Thomas Florie)
Tom Florie
Informazzjoni personali
Isem sħiħThomas Florie
Twelid6 ta' Settembru 1897(1897-09-06)
Harrison, Stati Uniti tal-Amerika
Mewt26 ta' April 1966 (68 sena)
North Providence
RwolAttakkant
Karriera professjonali
SninKlabb
1921–1922Harrison
1922–1924American
1924–1928Providence
1928–1931New Bedford Whalers II
1931→ Fall River (self)
1931–1932→ New Bedford Whalers III (self)
1932–1934Pawtucket Rangers
1934–??Pawtucket
Tim nazzjonali
1925–1934Stati Uniti

Thomas Florie (twieled fis-6 ta' Settembru 1897 – miet fis-26 ta' April 1966) kien plejer tal-futbol Amerikan.

Bijografija[immodifika | immodifika s-sors]

Imwieled fi New Jersey minn ġenituri immigranti Taljani, Florie beda jilgħab il-futbol ta' età żgħira. Madanakollu, is-servizz mal-forzi armati matul l-Ewwel Gwerra Dinjija mblukkat il-bidu tal-karriera tiegħu. Fl-1922, Florie ingħaqad ma' Harrison tal-American Soccer League, però lagħab biss tliet partiti qabel ma lagħab ma' American AA fil-West Hudson Amateur League.[1]

Fl-1924, Florie irritorna lura fl-ASL meta issieħeb ma' Providence. Hemmhekk stabilixxa ruħu bħala wieħed mill-aqwa attakkanti fil-kampjonat. Fl-1928, hu beda l-istaġun ma' Providence, li issa kien jissejjaħ Gold Bugs, qabel ma mar ma' New Bedford Whalers II. Aktar tard ingħaqad ma' Fall River, però t-tim dam biss sal-istaġun tar-rebbiegħa qabel ma twaħħad man-New York Yankees biex sar New Bedford Whalers III. Fl-1932, il-Whalers għelbu lil Stix, Baer and Fuller FC 8–5 fil-finali tan-National Challenge Cup ibbażata fuq żewġ logħbiet. Florie skorja gowl f'kull logħba. Florie imbagħad ingħaqad ma' Pawtucket Rangers. Fl-1941, Florie rebaħ it-tieni National Cup tiegħu meta Pawtucket ittrijonfaw fuq Detrot Chrysler, 8–5 totali, bi Florie iħalli l-marka b'gowl.[2]

Mat-tim nazzjonali Amerikan, Florie lagħab tmien logħbiet u skorja darbtejn bejn l-1925 u l-1934. L-ewwel logħba kienet it-telfa ta' 1–0 kontra l-Kanada fis-27 ta' Ġunju 1925. L-ewwel gowl tiegħu wasal fit-tieni logħba kontra l-istess Kanada li ntlagħbet is-sena ta' wara, b'din id-darba l-Istati Uniti joħorġu rebbieħa 6–2. Florie ma ġiex imsejjaħ fl-iskwadra għall-Olimpjadi 1928, però kien fit-tim għat-Tazza tad-Dinja 1930. Hu kien maħtur bħala l-kaptan tat-tim hekk kif l-Istati Uniti nqalgħu fis-semifinali kontra l-Arġentina. L-aħħar logħba internazzjonali kienet fit-telfa fl-ewwel rawnd kontra l-Italja fit-Tazza tad-Dinja 1934.

Fl-1986, Florie ġie imdaħħal fin-National Soccer Hall of Fame.

Referenzi[immodifika | immodifika s-sors]

  1. ^ "The Year in American Soccer - 1925". Arkivjat minn l-oriġinal fl-2015-11-02. Miġbur 2012-09-28.
  2. ^ List of US Open Cup Finals, RSSSF